بودا

بودا
معلومات عامة
زيادة	لقرن 7 قبل لميلاد ↔ لقرن 5 قبل لميلاد لومبيني
لموت	لقرن 6 قبل لميلاد ↔ لقرن 4 قبل لميلاد كوشينجار (Malla)
طريقة دلموت	موتة طبيعية
لحرفة	راهب بوذي، فيلسوف، مؤسسة أديان، زعيم روحي، كاتب، social reformer، معلم روحي، طبيب نفسي، پسيكولوڭ و داعية
لّوغات لي كيعرف	Magadhi Prakrit، بالي و سنسكريتية
لفاميلة
لواليد	Śuddhodana
لواليدة	Mahāmāyā
خوت	Sundarānanda و Sundari Nanda
شريك	Yaśodharā
لولاد	راهولا
معلومات خرى
دين	بودية
تأتر ب	Dīpankara Buddha

رسما د لبودا ف ميانمار، ملّي كان يالله بدا السفرا ديالو و زيّر راسو بزاف حتا كان أيموت بالجوع

سيدارتا ݣاوتاما (بالسانسكريت: सिद्धार्थ गौतम)، لمعروف ب سميت بودا (اللي كاتعني لمنوّر) كان راجل ديال الدين و فيلسوف من لجنوب د آسيا. كيتعتابر هو اللي أسس لبودية.

حياتو

التاريخ اللي تولد فيه لبودا ما معروفش، ولكن جا إما ف لقرن السابع و لا السادس قبل لميلاد. لبلاصة اللي تولد فيها معروفة، هي لمدينة د لومبيني، اللي جات ف لجنوب د نيپال د دابا، و ولاّت من لمواضع لمقدسة ف لبودية، تيحجّو ليها الناس (و تقيدات ف 1997 ف اللائحة د الترات لعالمي د ليونيسكو على هاد لحساب).

لعائلة ديال بودا كانو ملوك عندهم لفلوس، و كانو عايشين مزيان. ملّي كبر شويا، بدا تيخرج من لقصر و شاف باللي ماشي كلشي عايش بحالو، و باللي كاين ناس مراض و دراوش ماعندهمش. من مورا داكشي، قرر يبدل حياتو كاملا. خرج من لقصر ف مرا، خلا مراتو و ڭاع حوايجو، و بدا تيدور ف الجبال د لهيمالايا.

هاد الطريقة الجديدا د لعيشا د بودا كان كيدير فيها بزاف ديال التأمل، و كان لهدف ديالها هو يدوّز حياتو تيخدم فيها على لحقيقة د لوجود. تزادو معاه ناس آخرين تا هوما بغاو يعيشو بديك الشكل، و بدا تيعّلمهم، و كانو هوما أول وحدين ولاّو بوديين.

بودا هو الوحيد ما بين لمؤسسين د لأديان لكبار ف لعالم اللي ما جاهش لوحي ولا لغيب، وكانت ڭاع التعليمات ديالو جايّا منو هو نيت و من التجرية ديالو.

ويكيميديا كومنز عندا تصاور و معلومات على بودا.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.