بجعد

بجعد
‫بجعد‬ (ar) ⴱⵊⵊⵄⴷ (tzm)
تاريخ التأسيس	1008
لبلاصة
لبلاد	لمغريب
لإقليم	إقليم خريبݣة
السكان
شحال دالسكان	33,321 (1994)
شحال دلفاميلات	11,091 (2014)
لجغرافيا
لعلو	642 م
معلومات خرين
كود د لبوصطة	25060
الرمز لجغرافي	2554567

بجّعد مدينة مغريبية و جماعة ترابية حضرية كاينة ف إقليم خريبݣة، جهة بني ملال خنيفرة، ساكنين فيها 93.776 واحد، على حسب لإحصاء لعام 2024.

موسم بجعد لتبوريدة.

بجعد شهر ماي 1913.

بجعد ماي 1913.

بجعد لمدينة.

تعليم

• نسبة لأمية (نّاس لّي ما كايعرفوش يقراو ولا يكتبو) : 31,2%.
• نسبة سّكان لّي قاريين فوق الليسي (ليسي و جامعة): 21,1%.

قتيصاد

• نسبة نّاس نّشيطين (لّي يقدرو يخدمو): 39,7%.
• نسبة لبطالة (نّاس لّي ما خدامينش و تايقلبو على خدمة): 26,4%.
• نسبة نّاس لي خدامين ف دّولة : 18,6%.
• نسبة نّاس لي خدامين ف لپريڤي:34,4%.

التاريخ

أبي لجعد (ب دارجة لمغربية: بْجَعْدْ، ب لأمازيغية: ⴱⵊⴰⵄⴷ) مدينة مغربية بإقليم خريبكة، جهة بني ملال خنيفرة  تأسسات سنة 1008 هـ على يد سيدي بوعبيد شرقي،أحد أقطاب صّوفية، ومؤسس زّاوية شّرقاوية لي كانت مركز إشعاع ديني وعلمي ونقطة تجارية مهمة. كاينة مدينة أبي لجعد في لمنطقة لوسطى لمغريب. واصل  عدد سكان ديالها تقريبا 50 ألف نسمة. تاريخ تأسسات مدينة بجعد خلال لقرن لخامس عشر على يد لوالي صّوفي بوعبيد شرقي (أبو محمد عبيد الله شّرقي)، لّي كيتعتبر من حفاد عمر بن لخطاب. 

وكانت لمدينة في لبداية مركز روحي كيستقطب طّلبة ولمريدين لباحثين عن تّعليم دّيني وتّربية صّوفية. بعد وفاة لمؤسس ديالها، كملو أبناؤه وأتباعه بناء زّاوية شرقاوية وكبروها، هادشي عاون ف توسّع لمدينة وتعزيز مكانتها كمركز ديني مهم. وشتهرات بجعد بلقب "فاس صغيرة" حيت كان فيها نشاط علمي وروحي كثير. مدة قرون، ظل موسم بوعبيد الشرقي من أهم لمحطات دينية في لمغرب، حيت كيجيو ليه زوار ولمريدين من مختلف أنحاء لبلاد لمشاركة ف طقوس سّنوية، وتكريم مؤسس لمدينة. ولعبات زّاوية شرقاوية، مع زوايا لوخرى، دور مهم ف تسخان سكان لمواجهة لبرتغاليين، وساهمات بقوة في صراعات سّياسا لّي عرفها لمغريب، خصوصا بين دّولة لوطّاسية في فاس ودّولة سعدية في مرّاكش. وشاركو أعضاء طّريقة شرقاوية في تّنمية لاقتيصادية ولاجتيماعية لمنطقة ملي بناو طاحونات ولبيار، وطورو شبكات سقى، وضبطو طرق لرّعي وتنقّل في كاع جناب لمدينة.

أصل سمية بجعد

لأصل ديال سميّة هاد لبلاد، لي كاينة بين واد زم وقصبة تادلة، مازال ما متأكدين منه. ف لمعجم شّهير لسان لعرب ديال بن منظور، جا ب لّي كلمة «بجعد» كتعتبر من لكلمات لّي كتدل على جوج ديال لمعانى متعاكسين، حيت كتقدر تعني لبخيل وكتعني حتى لكريم.

كاينين بعض سكان بجعد لّي كيشوفو ب لّي لمدينة خذات سميتها من كثرة نوع من بنات آوى كان معروف باسم «أبو جعدة»، لّي كان منتشر قديم ف لمنطقة. وكاينين آخرين كيربطو لأصل ديال لإسم بنبتة محلية سميتها «جّعدة»، وهي شجيرة كتخرج لغلّة مارّا، وكانت كتغطي تّلال لّي دايرة ب لمدينة زمان. ودابا، من بعدما ولّى وجود حيوان بنات آوى قليل، واختفات تّلال تحت لبني ديال لمدينة جديدة؛ لّي بناوها لمستعمرين لفرنسيين ف بداية لقرن لعشرين، بقا من هاد لماضي لغريب غير زّوايا ولأضرحة ديال بزاف ديال لأوليا، لّي مازالين منتشرين ف لمدينة لقديمة ديال بجعد.

لحتفالات

لاحتفالات (خاصها تحديث) مدينة بجعد كتحتافل بموسم سيدي بوعبيد شّرقي لعماري، وهو فضاء كيتميز ب لإشعاع دّيني ولعلمي وثّقافي ورّياضي. وبلموازاة مع هادشي، كيتدارو معارض مختلفة ديال لمنتوجات لمحلية وصّناعة تّقليدية لّي كتعكس خصوصيات لمنطقة. وكيتسلّمو حتى جوائز لفائزين فعدة منافسات رياضية، بحال تبوريدة، بمشاركة حوالي 1500 فارس.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.

ويكيميديا كومنز عندا تصاور و معلومات على بجعد.