بنݣرير
بنݣرير
| ||||
|
ابن جرير (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم الرحامنة | |||
| السكان | ||||
| شحال دالسكان | 114,872 (2024) | |||
| شحال دلفاميلات | 27,167 (2024) | |||
| لجغرافيا | ||||
| لعلو | 449 م | |||
| خط الطول بـ ° | -7.94998169 | |||
| خط لعرض بـ ° | 32.23603622 | |||
| معلومات خرين | ||||
| نمرة التيليفون لمحلية | (+212) | |||
| كود د لبوصطة | 43150 | |||
| الرمز لجغرافي | 6545468 | |||
| لخريطة | ||||
 | ||||
بنݣرير مدينة مغريبية و جماعة ترابية حضرية كاينة ف إقليم الرحامنة، جهة مراكش آسفي، ساكنين فيها 88538 واحد، على حسب لإحصاء لعام 2014.[1]
بن بنݣرير هي لمقر ديال جامعة محمد السادس متعددة التخصصات التقنية (UM6P)، وهي مؤسسة كبيرة كتركز على لبحj لعلمي، ولإبتكار، والتنمية لمستدامة. لعبات لجامعة دور كبير فالتحول ديال لمدينة لقطب ديال لمعرفة والتكنولوجيا.[2]
بلإضافة لهادشي، لمدينة فيها ثانوية محمد السادس للتميز، وهي ثانوية كتعزل التلامذ لمتفوقين وكتقدم حتى أقسام تحضيرية للمدارس لعليا باش يوجدو لمباريات ديال لمدارس لكبيرة، مع تركيز قوي على لعلوم ولهندسة.[3]
فدجنبر عام 2024، تعرفات بنݣرير بشكل رسمي كمدينة لتعلم تابعة لليونسكو (UNESCO).[4]
- نسبة لأمية (نّاس لّي ما كايعرفوش يقراو ولا يكتبو) : 27,6%
- نسبة سّكان لّي قاريين فوق الليسي (ليسي و جامعة): 18,6%
كتعتبر السياحة وحدة من لمقومات لمهمة لي كتعمد عليها لمدينة، حيت كتعرف إقبال من الزوار ففصل الصيف وخا لحرارة ديال لمدينة كاتطلع بزاف فلنهار وتقدر توصل ل 50 درجة مئوية.
لأجزاء الجنوبية منها هي عبارة على واحة خضرة كيقصدوها بزاف ديال الناس باش يتمتعو بلمنظر الطبيعي ديالها، وخا ما فيهاش بزاف ديال لبلايص ديال لترفيه؛ حيت لقضية محصورة غير فمشاريع مخصصة للدراري الصغار ولعيالات.
لمدينة مأترة بمناخ لفيافي (السهوب) لمحلية طول لعام؛ حيت قليل فين كاتطيح الشتا، ولمعدل ديالها فلعام كيوصل ل 261 ملم، وأغلبها كيكون فشهر دجنبر، فلوقت لي لمدينة كتميز بحرارة عالية ففصل الصيف؛ وكيتعتبر شهر غشت هو أكتر شهر ناشف فيها.
هاد لأهمية جات من لبنيات لعلمية لي فيها، حيت فيها جامعة محمد السادس لمتعددة التخصصات لي كتشكل ركيزة أساسية للثقافة ولفكر فهاد لمدينة.
لمدينة كتعبر مركز رئيسي لإخراج ولمعالجة ديال لفوسفاط، ولي كيسيرها بلأساس مجموعة OCP، لي هي وحدة من أكبر لمصدرين ديال لفوسفاط فلعالم. فالسنوات للخرة، قادت مجموعة OCP مجهودات باش تطور بن بنݣرير وتخليها نموذج ديال مدينة خضرة، لي كتجمع بين التخطيط لحضري لمستدام ولممارسات لبيئية.[5]
- نسبة نّاس نّشيطين (لّي يقدرو يخدمو): 47,4%
- نسبة لبطالة (نّاس لّي ما خدامينش و تايقلبو على خدمة): 18%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 20,3%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):40,8%
- ↑ "RGPH 2014 - Site HCP". Archived from the original on 2023-07-02. Retrieved 2020-01-27.
- ↑ "Mohammed VI Polytechnic University". Times Higher Education (THE) (ب الإنجليزية). 2024-02-29. Retrieved 2025-05-14.
- ↑ "Maroc : voyage au cœur du lycée d'excellence de Benguérir". JeuneAfrique.com (ب الفرنسية). Retrieved 2025-05-14.
- ↑ "From literacy to digital libraries: How Benguerir is empowering its citizens through lifelong learning". UNESCO Institute for Lifelong Learning. 2024-12-01. Retrieved 2025-05-14.
- ↑ Sylla, Adama (2024-09-29). "Ville Verte de Benguérir. Un modèle marocain de durabilité". Challenge.ma (ب الفرنسية). Retrieved 2025-05-14.
 |
ويكيميديا كومنز عندا تصاور و معلومات على بنݣرير. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
