بن روشد
بن روشد
| ||
 | ||
| معلومات عامة | ||
| زيادة | 14 أبريل 1126 قرطبة، الدولة لمرابطية | |
| لموت | 11 دجنبر 1198 مراكش، الدولة لموحدية | |
| لجنسية | موحدي | |
| لحرفة | فيلسوف، طبيب، فلكي، قاضي، معلّيم و كاتب | |
| لّوغات لي كيعرف | عربية | |
| لفاميلة | ||
| لمحيط | ابن رشد الجد (جد) | |
| معلومات خرى | ||
| دين | إسلام | |
| لأعمال |
| |
| تأتر ب | أرسطو، محمد، أفلاطون، أفلوطين، مالك بن أنس، أبو حامد لغزالي، بن باجة، بن زهر، ابن طفيل، الفارابي و بن سينا | |
بن روشد (مزيود ف 14 أبريل 1126 ف قرطبة، توفّى ف 10 دجنبر 1198 ف مراكش) هو واحد لعالم مسلم أصلو أندلسي، و تميز ف بزاف د لمجالات منهم لفلسفة، الطب، لفقه، لفيزيا و لماط.[1] و تقلد لمناصب ديال طبيب و قاضي تحت سلطة دولة لموحدية ف قرطبة و ف مراكش. لأعمال ديال بن روشد بقات خالدة حتى عند لغرب (لي كيعرفوه ب سمية Averroes أڤيرويس) و كيقولو عليه هو لأب ديال لفلسفة لعقلانية.
تولد بن روشد ف قرطبة عام 1126 ميلادي (520 هجري) ف عائلة من أهم لعائلات ف الأندلس، و لي كانت معروفة ب المذهب المالكي.[2] جدو أبو لوليد محمد و باه أبو لقاسم كانوا كيخدمو ف لقانون ف زمن حكم المرابطين. [3]
حفظ بن روشد موطأ مالك و ديوان المتنبي من صغرو.[4] قرا الفقه على المذهب المالكي و لعقيدة على المذهب الأشعري. كان ذكي بزاف و معجب ب أرسطو بزاف. [5]
بدا بن روشد حياتو لمهنية ف بلاط أبو يعقوب يوسف من لموحدين، و لي كان كيحب لعلوم و الفلسفة. [6] كان بن زهر، الطبيب المشهور، طبيب لعائلة لملكية ف ذاك لوقت. قدمو بن طفيل ل أبو يعقوب خليفة لموحدين. [7]
كتب بن روشد أول مؤلفاتو ف شرح أفكار الفيلسوف الإغريقي أرسطو و هو ف قصر أبو يعقوب.[8] تأثرت فلسفتو و أفكارو الدينية ب فلسفة بن باجة.
كايتعتابر بن روشد من أهم فلاسفة الإسلام.[9] دافع على الفلسفة و صحح علماء و فلاسفة قبل منو كيما بن سينا و الفارابي ف فهم بعض نظريات أفلاطون و أرسطو.
من أهم لكتوبا ديالو "تهافت التهافت"، و لي كيتعتابر رد على الغزالي ف كتابو "تهافت الفلاسفة"، فين دافع بن روشد على الفلسفة و ضرورة تخدام لعقل. [10] كما كتب "فصل المقال" و "مناهج الأدلة".
ف الطب، كتب "كتاب الكليات" لي كملو ف 1169 (565 هجري). راجع بن روشد هاد الكتاب عدة مرات، و ف نسخة غرناطة صادق بعض آراء ڭالينوس، بينما ف نسخة مدريد نقدو و صححو ف نفس لمواضع. [مصدر؟]
حاول ف هاد الكتاب يثبت مبادئ الطب لعلمية و يتجنب صياغة كتوب أخرين لي كانت عامرة بملاحظات و نصائح تطبيقية بلا نظام أولا رتباط ب مبادئ طبيعية. [مصدر؟]
كتب "بداية المجتهد ونهاية المقتصد" ف الفقه، و لي كيتعتابر من أهم مؤلفاتو ف هاد المجال.[11]
من ملاحظات من تشريح الدماغ، عطا بن روشد مهمة ل كل طرف من الدماغ. عتابر بلي الروح كاينة ف الأعضاء المجوفة ديال الدماغ، و بلي الخيال كاين ف البطين لقدّامي ديال الدماغ، و بلي التأمل (الفكر) كاين ف البطين لوسطاني ديال الدماغ، و كاينة كليات الذاكرة و الإحتفاظ ف الجزء اللوراني ديال الدماغ. هاد الخاصيات موجودة ب النسبة ليه غير عند الإنسان.
تعرف بنو رشد ف الغرب ب تعليقاتو و شروحاتو ل فلسفة و كتابات أرسطو لي مكانتش متاحة ف أوروپا اللاتينية ف العصور الوسطى، حيت قبل عام 1100 ميلادية كان عدد قليل ديال لكتوبا د أرسطو ف المنطق تترجمتو للغة اللاتينية على يد الفيلسوف المسيحي بويتيوس Boethius، وخا أعمال أرسطو الكاملة كانت معروفة ف بيزنطة. و من بعدما نتاشرو الترجمات اللاتينية ديال لأعمال الأرسطية الأخرى من اليونانية و العربية ف القرون 12 و 13 ولا أرسطو مأتّر كتر على الفلسفة الأوروپية ف العصور الوسطى. و ساهمات شروح بن روشد ف زيادة تأثير أرسطو ف الغرب القروسطي. ف ؤروپا القروسطية أثرت مدرسة بن روشد المعروفة ب "الرشدية" ف الفلسفة على الفلاسفة المسيحيين بحال طوما لأكويني، و اليهود بحال موسى بن ميمون و ڭيرصونيديص. و وخا كانو ردود فعل سلبية من رجال الدين اليهود و المسيحيين، كانت كتابات بنو روشد كتدرس ف جامعة باريس و جامعات العصور الوسطى الأخرى، و بقات المدرسة الرشدية الفكر مهيمنة ف ؤروپا الغربية حتى للقرن 16.[12]
وخا بن روشد كان محبوب من عند لخلفا لموحدين اللوالا، ف اللخر تعرض للمشاكل. بحيث أمر يعقوب لمنصور باش يتنفى و يتحرقو لكتوبا ديالو و يتنفى عام 1195 (591 هـ).[13] ويرجع اكبر اسباب لنفي ديالو اشتغالو بالفلسفة ولضغوط سياسية على السلطان فديك الفترة. [14] هاد الفترة تسمات ف حياتو ب نكبة ولكين عاود عفى عليه سلطان يعقوب منصور و رجع للمغرب.
بعد فترة قليلة من رجوعو، مات بن روشد ف مراكش ف 10 دجنبر 1198 ميلادي (595 هجرية).
كان بن روشد واحد من أكثر الشخصيات الإسلامية لي ثارت الجدل ف عصرو، و حتى ل دابا.[15] شافوه البعض مرتد على دينو و كافر بسبب أفكارو الفلسفية، فيما عتابروه وحدين خرين مفكر كبير و عالم فقيه عندو نظرتو الخاصة للحياة و الدين.
ف الوقت لي حتافو بيه الغرب و شافو بلي مؤلفاتو كانت واحد من روافد نهضتو العقلية، أدات معاركو الفكرية و خلافاتو مع فلاسفة المسلمين ل حرق كتوبو و نفيو.[16]
كيتعتابر بن روشد واحد من أعظم العقول لي نجبتها الحضارة الإسلامية من خلال فلسفتو ف التوفيق بين الدين و الفلسفة، و إسهاماتو ف الطب و الفكر.[17]
- ↑ "Britannica, Averroes". Archived from the original on 2023-10-12. Retrieved 2023-03-24.
- ↑ "تحميل كتب ومؤلفات ابن رشد pdf". فولا بوك. Retrieved 2025-01-09.
- ↑ "ابن رشد: طبيبٌ وفقيه وقاضٍ وفيلسوف وفيزيائي وفلكي". موسوعة المعارف العربية. 2025-01-14. Retrieved 2025-01-09.
- ↑ "تحميل كتب ومؤلفات ابن رشد pdf". فولا بوك. Retrieved 2025-01-09.
- ↑ "وفاة ابن رشد الحفيد الفيلسوف الأندلسي". الدرر السنية. Retrieved 2025-01-09.
- ↑ "ابن رشد: طبيبٌ وفقيه وقاضٍ وفيلسوف وفيزيائي وفلكي". موسوعة المعارف العربية. 2025-01-14. Retrieved 2025-01-09.
- ↑ "تحميل كتب ومؤلفات ابن رشد pdf". فولا بوك. Retrieved 2025-01-09.
- ↑ "ابن رشد: طبيبٌ وفقيه وقاضٍ وفيلسوف وفيزيائي وفلكي". موسوعة المعارف العربية. 2025-01-14. Retrieved 2025-01-09.
- ↑ "تحميل كتب ومؤلفات ابن رشد pdf". فولا بوك. Retrieved 2025-01-09.
- ↑ "أهم مؤلفات ابن رشد وأفكاره الفلسفية". الموسوعة. 2024-10-05. Retrieved 2025-01-09.
- ↑ "أهم مؤلفات ابن رشد". موضوع. Retrieved 2025-01-09.
- ↑ Ahmad, Jamil (September 1994), "Averroes", Monthly Renaissance 4 (9), https://www.monthly-renaissance.com/issue/content.aspx?id=744 مؤرشف 2017-10-20 فموقع وايباك ماشين, retrieved 2008-10-14
- ↑ "في الذاكرة: ابن رشد.. الفيلسوف الذي أمر يعقوب المنصور بنفيه وإحراق كتبه". يابلادي. 2019-05-22. Retrieved 2025-01-09.
- ↑ "وفاة ابن رشد الحفيد الفيلسوف الأندلسي". الدرر السنية. Retrieved 2025-01-09.
- ↑ "ابن رشد.. الفيلسوف الأندلسي الذي جمع بين الفقه والطب ونبغ في الفلسفة". عربي بوست. 2023-04-05. Retrieved 2025-01-09.
- ↑ "ابن رشد.. الفيلسوف المفكر الذي احتفى به الغرب وأحرقت سلطات المسلمين كتبه". الجزيرة نت. 2023-07-11. Retrieved 2025-01-09.
- ↑ "ابن رشد: الفيلسوف، والطبيب الأندلسي الذي كفره الفقهاء". مساحة. 2024-09-05. Retrieved 2025-01-09.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |