بندر سيري بيݣاوان

بندر سيري بيݣاوان
لبلاصة
لبلاد	بروناي
لإقليم	مديرية بروناي - موارا
السكان
شحال دالسكان	50,000 (2015)
لجغرافيا
لميساحة	100,360,000 م²
لعلو	14 م
معلومات خرين
السيت الرسمي	municipal-bsb.gov.bn
الرمز لجغرافي	1820906

بندر سيري بيݣاوان (ب لجاوية: بندر سري بڬاوان، بلماليزية: Bandar Seri Begawan) هي لعاصيما د بروناي دار السلام و أكبر مدينا فيها. جات ف الشمال الشرقي د لبلاد، على لجزيرة د بورنيو، تقريبا شي 20 كم من لبحر د الشينوا. تيدوز منها لواد د بروناي.

بندر سيري بيݣاوان عندها تاريخ قديم، و كانت عاصيما ديال السلطنة د بروناي ف لقرن 16. بقات عاصيما تا ف وقت ستيعمار لبريطاني، و تا ملّي ستاقلات لبلادف 1984. قبل من 1970، كانت سميتها بروناي تاون (لمدينا د بروناي)، حيت كانت غي بوحدها اللي مدينا ف لبلاد.

بندر سيري بيݣاوان فيها أكبر قصر مسكون ف لعالم (إستان نور لإيمان، و هو لقصر اللي ساكن فيه السلطان د لبلاد و فيه تا لمقر د لحكومة)، و مقيّد ف لكتاب د ڭينيس دالروكورات.

ويكيميديا كومنز عندا تصاور و معلومات على بندر سيري بيݣاوان.