بلاد بابل
| بلاد بابل | |
|---|---|
 | |
| بلد سابق، حضارة قديمة | |
| بدية | لقرن 19 قبل لميلاد  |
| السمية لأصلية | 𒆳𒆍𒀭𒊏𒆠 |
| النسبة | Babylonian |
| لقارة | آسيا |
| بلاد | لعيراق، إيران |
| لعاصمة | بابل |
| الإحداثيات | 32°30′0″N 44°30′0″E |
| اللُّغة المُستخدَمة | لأكادية، السومرية، الآرامية |
| تاريخ التحياد | 539 قبل لميلاد |
| الدين الرسمي | أساطير بابلية |
| تصنيف للخرائط | Category:Maps of Babylonia |
 | |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
بلاد بابل (ب لأكادية 𒆳𒆍𒀭𒊏𒆠، مات أكّادي) هي دولة قديمة و منطقة تقافية ناطقة ب لأكادية، لي لمركز ديالها كان ف مدينة بابل ف وسط الجنوب ديال منطقة بلاد بين لويدان ولّا ميزوپوطاميا (دابا لعراق، و شوية من لكويت، سوريا، و إيران). هاد الدولة كان الشعب ديالها أكادي، ولايني كانو حاكمينها لأموريين، و بانت ف جوايه 1894 قبل لميلاد. من عهد لماليك حامورابي و من بعد، بلاد بابل ولّات معروفة ب "بلاد أكّاد" (مات أكادي ب لأكادية)، لي كاتحيل ل لمجد لقديم ديال لإمبراطورية لأكادية.[2][3] هاد الدولة كانت ف صراع معا دولات قريبة تقافياً، إتنياً و جغرافياً، هوما أشور ف الشمال، و إيلام ف الشرق (ف إيران ديال دابا). بلاد بابل ولّات أكبر قوة ف لمنطقة ف لفترة د لحكم د حامورابي، و خلقات إمبراطورية لي بقات مدة قصيرة، و خدات لبلاصة ديال لإمبراطورية لأكادية، السلالة التالتة ديال ؤر، و لإمبراطورية لأشورية لقديمة. لإمبراطورية لبابلية طاحت بزّربة بعدما مات حامورابي، و رجعات مملكة صغيرة مركّزة حول مدينة بابل.
كيما ف أشور، حافظات الدولة لبابلية على اللوغة لأكادية (اللوغة د الشعب) كا لوغة مكتوبة، وخا لحكّام لأموريين، كانو كيهضرو ب لوغة سامية و من بعد لكيشيين، لي ماكانش أصلهم من ميزوپوطاميا، و لي لوغتهم معزولة ماعندها رتيباط لا ب لأكادية لا ب السامية. السومارية ب لموقابيل بقات لوغة ديال الطقوس الدينية (كيما ف أشور لي كانت كاتبع نفس الديانة)، ولايني هاد اللوغة مابقاتش مهضورة ديجا من فاش تأسسات مملكة بابل. التقاليد السومارية و لأكادية بقاو كيلعبو دور كبير ف التقافات ديال بابل و أشور ل بزاف د لأجيال، و لمنطقة بقات مركز تقافي مهم، وخا ف فترات ديال لحكم لبراني.
- ↑ [Roux, Georges (27 August 1992), "The Time of Confusion", Ancient Iraq, Penguin Books, p. 266, ISBN 9780141938257 [[Georges Roux|Roux, Georges]] (27 August 1992), [https://books.google.com/books?id=klZX8B_RzzYC&pg=PA266 "The Time of Confusion"], Ancient Iraq, [[Penguin Books]], p. 266, [[ISBN (identifier)|ISBN]] [[Special:BookSources/9780141938257|9780141938257]]].
{{cite web}}: Check|url=value (معاونة); Missing or empty|title=(معاونة); URL–wikilink conflict (معاونة); templatestyles stripmarker in|url=at position 1 (معاونة) - ↑ "Aliraqi – Babylonian Empire". Archived from the original on 2015-02-21. Retrieved 2015-02-21.
- ↑ "Babylonian Empire – Livius".