براهيم
براهيم
| ||
.jpg) | ||
| معلومات عامة | ||
| زيادة | قيمة مجهولة | |
| لموت | قيمة مجهولة الخليل | |
| طريقة دلموت | موتة طبيعية | |
| لجنسية | لا قيمة | |
| لحرفة | راع، مؤسسة أديان و نبي | |
| لّوغات لي كيعرف | لوغات كنعانية | |
| لفاميلة | ||
| لواليد | تارح | |
| لواليدة | Amasla | |
| خوت | ناحور بن تارح، هاران بن تارح و سارة | |
| شريك | سارة هاجر قطورة | |
| لولاد | Bakol مدين بن إبراهيم شبياق بن إبراهيم شوحا مدان زمران بن إبراهيم يقشان إسماعيل إسحاق | |
| لإتنية | عبرانيين | |
| معلومات خرى | ||
| دين | لا قيمة | |
براهيم (ب لعبرية: אַבְרָהָם - أڤراهام، بلإتيوپية لقديما: አብርሃም - أبراهام، بلعربية: إبراهيم)، هو النبي اللي تسمّات عليه لأديان لإبراهيمية. على حساب هاد لأديان، براهيم كان نبي عبري. ف ليهودية، هو أول واحد اللي قدر يدير علاقة ما بين ليهود و الله.[1] ف لمسيحية، هو لأب ديال لإيمان و ديال ڭاع لمومنين بالله ف ڭاع لوقات.[2] ف لإسلام، هضر لقرآن على النبي براهيم 69 مرة، ف 25 سورة[3]، و هو لقدوة ديال لواحد اللي خاص الناس يكونو بحالو ف كلشي. حتا ف الصلا اللي كادّار خمسا د لمرّات ف النهار، تيصلّيو لمسلمين عليه، و تاتسما الصلا لإبراهيمية.[4]
براهيم كانو عندو بزاف د لولاد و لحفايد اللي تا هوما كانو أنبيا، بحال سماعيل و إسحاق (بجوج ولادو) و يعقوب (لأب ديال بني إسرائيل) و يوسف و موسى و هارون و داوود.[5]
براهيم مدفون ف جامع بسميتو (الجامع لإبراهيمي)، جا ف لمدينا د لخليل (تا هيا بسميتو، حيت كان تيتسمّا براهيم لخليل) ف فلسطين.[6] نفس لبلاصة مدفونين فيها بزاف د لأنبيا لاخرين، و هي مقدسا عند لمسلمين و لمسيحيين و ليهود.
لقصة د براهيم تا تقول باللي تولد ف لمدينا د أور، اللي جات ف لعراق ديال دابا. ديك الساعة كانو ڭاع الناس كيعبدو لأصنام، و كيحكم فيهم ماليك ديكتاتور سميتو نمرود. براهيم حارب هاديك لأصنام و بدا تيهرسها، و هو الشي اللي خلا نمرود يبغي يقتلو ولكن ما قدرش. هاجر من موراها لبزاف د لبلدان، و كان تيقول للناس باللي كاين غي إله واحد اللي خلق لعالم.
من لقصص لمعروفة ديالو هي ملّي حلم باللي الله قاليه يدبح ولدو سماعيل (اللي كانت عندو 13 لعام) باش يبينلو باللي تيآمن بيه. من مورا ما تشاور مع ولدو، اللي تا هو تّافق، مشا باش يدبحو، ولكن الله صيفطلو حولي، و من تما كان لأصل ديال الدبيحة اللي كيديرو لمسلمين كل عام ف لعيد لكبير.
 |
ويكيميديا كومنز عندا تصاور و معلومات على براهيم. |
- ↑ رؤية يهودية للعلاقات بين العائلة الإبراهيمية في روسيا - مركز الدراسات العربية الأوراسية (2023)
- ↑ لأنبياء - الله يدعو إبراهيم - لكتاب لمقدس بلعربية
- ↑ النبي إبراهيم وإسماعيل وإسحاق (ع) - هدى القرآن
- ↑ تعدد صيغ الصلاة الإبراهيمية - إسلام ويب (2020)
- ↑ شجرة النبوة الإبراهيمية - ابتداءً من إبراهيم وانتهاء بمحمد (عليهم الصلاة والسلام) - الجزيرة (2022)
- ↑ من الأنبياء المدفونون في مسجد إبراهيم الخليل في فلسطين؟ - لجزيرة (2022)
 هادي زريعة ديال مقالة خاصها تّوسع. تقدر تشارك ف لكتبة ديالها. |
