انتقل إلى المحتوى

بخوش

بدل ليانات
من ويكيپيديا
بخوش
بخوش
معلومات عامة
سمية لعيلمية Insecta
(كارولوس لينيوس، 1758)
لخاصية د ترتاب كلاص
تابع ل سداسيات الأرجل
لعيشة
عايش فلفترة 400 مليون عام قبل لميلاد
لخواص طبيعية
معلومات خرين
لكائن مصدر ديال الحشرات كغذاء
ستيعمالات أكل الحشرات
*insect trade
*تربية الحشرات


لبخوش ولا لبخاخش (ب النّݣليزية: Insects، ب لعربية: الحشرات‎) هوما لاسلسوليات ستّاويين الرجلين د كلاص بخوشيات (Insecta). هوما لݣروپ لكبير ݣاع وسط لفيلوم مفصليات الرجلين. لبخوش عندو سكوليط برّاني مصاوب ب لكيتين، كسدة مشكلة من تلاتة د الطراف (الراس، الصدر، و لكرش)، تلاتة د لفردات من الرجلين لمفصليين، عينين مركبين، و فردة د لانطيرات. لبخوش هوما أكتر ݣروپ منوع ديال لحيوانات، ب كتر من مليون نوع موصوف؛ كايمتلو كتر من النص د ݣاع النواع لحيوانيين.

السيسطيم لعصبي ديال لبخوش مشكل من دماغ و حبل عصبي كرشي. جل لبخاخش كايتكاترو ب حطان لبيض. لبخوش كايتنفس لهوا من واحد السيسطيم د تفويهات مدوبلين على طول جنابهم، لي مكونيكطي معا مجاري صغار لي كايدّيو لهوا نيشان ل لأنسيجة. عليها الدم عندهم ماكايهزش لأوكسيجين؛ هو كاين ب شكل جزئي ف لوعية، و شوية منّو كايدور ف واحد الجوف دمّي (hemocoel). الشوف د لبخوش كايجي ف الساس من عينيهم لمركبين، ب عينين بساط (ocelli) صغار زايدين. شلا بخوشات يمكن ليهم يسمعو، ب تخدام لعضو الطبلي، لي واقيلا كاين عندهم ف الرجلين ولا شي موضع خر ف لكسدة. لحاسة د الشمان نتاعهم كاتجي من واحد الريسيپطورات، لي كايكونو ف لعادة ف لانطيرات و طراف لفم.

لبخوش كايعيشو ف عالم د لحركة، هاد لبقة مورقة الرجل كاتشعبط سبولا سايط فيها الريح، و من بعد كاتطير.

على بونت ݣاع لبخاخش كايفقسو من لبيض. النمو د لبخوشة مكبل ب سكوليط برّاني ماشي إيلاستيك، عليها الديڤلوپمو ديالهم كاتكون فيه سيريات د النسيلاخات. لمرحالة اللاناضجة دايماً كاتكون مبدلة على لبالغين ف لقلدة، لعادة و لموؤل. لݣروپات لي كايدوزو من ميطامورفوز (ستيحالة) د ربعة لمراحل غالباً كايكونو ف مرحالة لعدرا/لپوپا (pupa) و بلا تحراك تقريباً، لبخوش لي كايدوز من ميطامورفوز د تلاتة لمراحل كاينقصوهم لعدرات، حيت كايديڤلوپاو من واحد السيريات د مراحل بزقوليين (حورياتيين-Nymphal) لي ماحدهم دايزين فيهم كايزيدو يديو ل لبالغين. النيڤو لعالي ݣاع د لعلاقات بينات لبخوش باقي ماواضحش. لبخوش لفوصيلي لي قدّو كبير تصاب من لحقبة لپاليوزويكية، بحال لبخوش لعملاق لي كايشبه ل طيّار لما (ليعسوب) ب تجباد د الجناوح ديال 55 ل 70 سم. أكتر ݣروپ منوع د لبخوش كايبان بلي تطور ب شكل مرافق معا النبات لمزوهر.

لبخوش لبالغ كايتحرك ف لعادة ب لمشي و الطيران؛ شي وحدين كايقدرو يعومو. لبخوش هوما اللاسلسوليات لفراديين[ماواضحش] لي كايقدرو يوصلو ل طيران مداوم؛ طيران لبخوش تطور غير خطرة وحدة. شلا بخوش كايكونو مائيين ب شكل جزئي علاقل، و عندهم لارڤات (يرقات-Larvae) ب خياشم؛ ف شي نواع، حتى لبالغين كايكونو مائيين. شي نواع، بحال بق لما الزلاق، يمكن ليهم يسيرو ف السورفاص د لما. لبخوش كايكونو خلويين ف لغالب، بلحق شي وحدين، بحال النحل، النمل، الطيرميطات، كايكونو جتيماعيين و كايعيشو ف مستعمارات لي كبار و منضمين مزيان. وحدين خرين، كيف بومقص، كايوريو التهلية د لوالدين، كايعسو على بيضهم و صغارهم. لبخوش يقدر يتواصل معا بعضياتو ب بزاف د الطرقان لمبدلين. دكور لعت يمكن ليهم يحسو ب فيرومونات النتوات من مسافات كبار. نواع خرين كايتواصلو ب الصوت: صرارات الليل كايصرصرو، ولا كايفركو جناوحهم على بعضياتهم، باش يجدبو لملاقيين و باش يطاكيو دكور خرين. لخنافس الضاويين كايتواصلو ب الضو.

لبشر كايشوفو شلا بخوشات كا آفات، خصوصاً هادوك لي كايهلكو لغلّة، و كايجرّبو يكونطروليوهم ب تخدام مبيدات لبخوش و تقنيات خرين. وحدين خرين كايكونو پارازيطيين، و يقدرو يخدْمو ب صيفتهم حمّالا د لمرضات. لبخوش اللقّاح كايكونو طرف لابدّا منو ف لمكاترة ديال بزاف د النبتات لمزوهرين و عليها السيسطيمات لإيكولوجيين دياولهم. شلا بخوش كايكونو نافعين ب شكل إيكولوجي كيف ما لمفتارسين د لبخوشات لآفات، ف لوقيتة لي شوية منهم كايمدّو فايدة قتيصادية ديريكت. جوج نواع ب الضبط مهمين قتيصادياً و تضوميستيكاو هادي قرون دازو: دود لقز على قبل لحرير و نحل لعسل على ود لعسل. لبخوش كايتكونصوما ب صيفتو ماكلة ف 80٪ من الشعوب د الدنيا، و على بونت 3.000 ݣروپ عرقي د الناس. لأنشيطة د لبشر عندهم تأتيرات خطيرين على التنواع لبيولوجي د لبخوش.

لبخوش و مفصليات الرجلين لخرين

[بدل | بدل لكود]

خصايل التفراز

[بدل | بدل لكود]

ف لهدرة لعاميّة، لبخوش/لحشرات و مفصليات الرجلين (arthropods) لأرضيين ف لغالب كايعيّطو عليهم لبخوش ولا لبق. عولاما د لبخوش ل شي حد خلاّو السمية "بق" ل واحد لكاطيݣوري ضيّقة ديال "لبق لحقيقي"، لبخوش من التنضيمة نصيات الجناوح (Hemiptera)، كيف الزيزيات و بق الجنان.[1] مفصليات الرجلين لأرضيين لخرين، بحال مّو ربعة و ربعين (مياويات الرجلين)، ألفاويات الرجلين، حميّرات جدّة، الرتيلات (لعنكبوتات)، السوس و لعݣارب، شي مرّات كايتغالطو معا لبخوش، مادام عندهم سكوليط برّاني مفصلي.[2] لبخوشات لبالغات هوما بوحدهم ف مفصليات الرجلين لي عندهم الجناوح، و يقدر يكون عندهم حتى ل جوج فردات منهم ف الصدر. يا مجنّحين ولا لا، لبخوش لبالغ يمكن ليهم يتفرّزو ب بلان كسدي د تلاتة الطراف، لي فيه الراس، الصدر (thorax)، و لكرش (abdomen)؛ عندهم ف الصدر تلاتة د لفردات من الرجلين.[3]

لبخوش و مفصليات د الرجلين خرين لي يقدرو يتغالطو معاهم

لبخوش: ستة د لكراوع، كسدة ب تلاتة د التقسامات (راس، صدر، و كرش)، و حتى ل جوج فردات من الجناوح
الرتيلة: تمنية د لكراوع، كسدة ب جوج تقسامات
حميّر جدة: سبعة لفردات د لكراوع، سبعة د التقسامات كسديين (زيد الراس و لقزيبة)
مياوية الرجلين: شلا كراوع، فردة ف كل تقسام
ألفاوية الرجلين: شلا كراوع، جوج فردات ف كل تقسام

التنواع

[بدل | بدل لكود]
جوايه النص من ݣاع لحقيقوعلايفيات كايتعتابرو بخوش (الجنب ليسر ف هاد الدياݣرام)

التقديرات ديال لعدد الطوطال د نواع لبخوش كايتبدلو ب شكل مهم، هادشي لي كايلمّح بلي واقيلا كاين شي 5.5 مليون نوع موجود، لي شي مليون منهم تقريباً توصفو و تسماو.[4] هادشي كايشكل تقريباً النص ديال نواع د حقيقيات النوى كلهم، لي منهم لحيوانات، النبات، و لفݣيع.[5] أكتر تنضيمات منوعين ديال لبخوش هوما نصيات الجناوح (لبق لحقيقي)، حرشفيات الجناوح (لفراشات و لعت)، جاوجيات الجناوح (الدبان لحقيقي)، غشاويات الجناوح (الرزوزي، النمل، و النحل)، و جواويات الجناوح/غمديات الجناوح (لخنفوس)، كل وحدة فيهم ب كتر من 100.000 نوع موصوف.[4]

لبخاخش منوعين ب شكل شديد، خمسة ديال لݣروپات كل واحد فيهم عندو كتر من 100,000 نوع موصوف.

لبق لحقيقي (نصيات الجناوح)
لفراشات و فرطاطوات (حرشفيات الجناوح)
الدبان (جاوجيات الجناوح)
الرزوزي (غشاويات الجناوح)
لخنفوس (جواويات الجناوح)

التوزيع و لموايل

[بدل | بدل لكود]

لبخوش موجود ف موايل منوعين كيف ما التلج، لما لحلو، لبلايص الستيوائيين، الصحرا، و حتى لبحر

دبانة لعݣرب التلجية (Boreus hyemalis) فوق التلج
اللارڤا (الطور ليرقي) د خنفوسة لغطاس لكبيرة (Dytiscus marginalis) ف واحد لݣلتة
نحلة السحلبية لخضرا (Euglossa dilemma) ديال أمريكا لوسطانية
جرادة الصحرا (Schistocerca gregaria) كاتحط لبيض ف الرملة
زلّاق لبحر (Halobates) ف واحد لپلاج ف هاواي

لبخوش مفرق ف كل قارة و تقريباً ݣاع لموايل لرضيين. كاينين نواع كتر ف لبلايص الستيوائيين، خصوصاً لغابات الشتويين، على النواع لي ف الزونات لمعتادلين.[6] لمناطق د لعالم خداو ب شكل عريض كميات متفاوتين من لهتيمام د عولاما د لبخوش. لݣزاير لبريطانيين تدار فيهم ستيطلاع شامل، باش ݣولان و كرانستن ف 2014 دكرو بلي الطوطال د جوايه 22.500 نوع ف لغالب غير 5٪ من لعدد لكلي تماكين؛ و علّقو بلي الليستة لكاناضية ديال 30.000 نوع موصوف ب شكل موكد كتر من النص د لعدد لكلي. و زادو بلي ال3.000 نوع د لقطب الشمالي لأميريكي خصو يكون عدد دقيق ب شكل عريض. على لعكس، لاغلابية لكبيرة ديال نواع لبخوش لي ف لبلايص الستيوائيين و ف النص الجنوبي ف لغالب ماموصوفينش.[6] شي 30–40.000 نوع كايسكنو ف لما لحلو؛ شي بخوشات قلال، واقيلا مية نوع، كايكونو بحريين.[7] لبخوش بحال دبان لعݣرب التلجي كايتزوهرو ف لموايل لباردين بحال لقطب الشمالي و لعلو الزايد.[8] لبخوش كيف جراد الصحرا، النمل، لخنفوس، الطيرميطات (النمل لبيض) مآضاپطيين معا شي بيئات من أسخن و أنشف بيئات ف لرض، بحال صحرا د سونورا.[9]

لفيلوجينيا و التطور

[بدل | بدل لكود]

لفيلوجينيا لبرّانية

[بدل | بدل لكود]

لبخوش كايشكلو تقسيمة، لي هي واحد لݣروپ طبيعي ب واحد الجد مشروك، بينات مفصليات الرجلين.[10] واحد التحليل فيلوجيني من كيير و معاونينو (2016) بلاصا لبخوش بينات ستاويات الرجلين (Hexapoda)، لي هوما حيوانات ب ستة د الرجلين ب كسدات مجزئين؛ لقراب لقرابين ليهم هوما جاوجيات لقزيبة (Diplura).[11]


ستاويات الرجلين


ملصقات لقراصة (نقازات الزنطيط)



لولانيات لقزيبة (عصويات الراس)





جاوجيات لقزيبة (مشعرات الزنطيط ب جوج تعريشات)



لبخوشيات (=براويات لفك)




لفيلوجينيا الدخلانية

[بدل | بدل لكود]

لفيلوجينيا الدخلانية مبازية على لأعمال د ويپفلير و معاونينو. 2019 على قبل معددات الجناوح جداد (Polyneoptera)،[12] دجونسن و معاونينو، 2018 على قبل قريبات جديدات الجناوح (Paraneoptera)،[13] و كيير و معاونينو، 2016 على قبل دخلانيات الجناوح (كامليات التبدال-Holometabola).[11] لعدد ديال النواع لموصوفين لباقيين (سطر غليض ل لݣروپات ب كتر من 100.000 نوع) ديال سطورك 2018.[4]

بخوشيات
وحدانيات لبرݣمة

قديمات لفك (نقازات الزنطيط و حدبات الضهر، 513 نوع)


جاوجيات لبرݣمة

مقطعات لقنطرة ( لحوت لفضي و النواع لقراب، 560 نوع)


مجنحات
قديمات الجناوح

سنيات (طيارات لما و طيارات دوموازيل، 5.899 نوع )



زايلات الجناوح (طيارات ماي، 3.240 نوع)



جديدات الجناوح
معددات الجناوح جداد


صافيات الجناوح (بخوش لملاك 37 نوع)



جلديات الجناوح (بومقص 1.978 نوع)





مضفورات الجناوح (دبان لحجر 3.743 نوع)




مسݣمات الجناوح (الجنادب، الصرّارات و النواع لقراب 23.855 نوع)




لورانيات الجناوح

شباه ݣريلوسراقزيتيات (زحافات لݣلاص، 34 نوع)



شباه لبوعوعميات (بخوش لݣلادياطور، 15 نوع)





شباه لبوعويات (بخوش لعود، 3.014 نوع)



رشيقات الجناوح (غزالات النسيج، 463 نوع)




مشبكات الجناوح

شباه عمي لحاج (عمي لحاج، 2.400 نوع)



شباه السراقزيتات ( سراق الزيت و الطرميط 7.314 نوع)







حقيقيات التبدال
قريبات جديدات الجناوح

شباه لمحكات (ݣمل لكتوب، ݣمل اللحا و لݣمل لمصاص، 11.000 نوع)




نصيات الجناوح (لبق لحقيقي103.590 نوع)



هدبيات الجناوح (دود الشجر، 5.864 نوع)




كامليات التبدال

غشاويات الجناوح (النحل، النمل، الرزوزي و دبان لمنشار116.861 نوع)



شباه معرقات الجناوح
قريبات جواويات الجناوح

[ملويات الجناوح(الدبان ملوي الجناوح، 609 نوع)



جواويات الجناوح (لخنفوس، 386.500 نوع)



قريبات معرقات الجناوح

بريات الجناوح (دبان اللفعة، 254 نوع)




معرقات الجناوح (سبع لمن، 5.868 spp)



كبيرات الجناوح (دبان آلدر، دبان ضوبسن، 354 نوع)





قريبات الشواليات
مكسيات الجناوح

حرشفيات الجناوح ( لفراشات و لفرطاطوات، 157.338 نوع)



زغبيات الجناوح (دبان كاديس، 14.391 نوع)



حمالات لمصاصة

جاوجيات الجناوح (الدبان لحقيقي، 155.477 نوع)




طويلات الجناوح (دبان لعݣرب، 757 نوع)



نبوبيات الجناوح (لبرغوت، 2.075 نوع)






اللارڤات و لپوپات

الجناوح كايتتناو فوق من لكرش
جناوح لبخوشة


الطاكسونوميا

[بدل | بدل لكود]

بكري

[بدل | بدل لكود]
دياݣرام ساروت ديال تضيمات لبخوش السبعة د لينيوس، 1758[14]

لاجنحيات

بلا جناوح

جاوجيات الجناوح

ب جنحين


جواويات الجناوح

جناوح قداميين مصلبين ب لكامل
نصيات الجناوح

الجناوح لقداميين مصلبين ب شكل جزئي
فردات مامشابهينش

حرشفيات الجناوح

جناوح محرشفين

معرقات الجناوح

ماكايتكوش
غشاويات الجناوح

كايتكو
جناوح غشاويين
فردات مشابهين
ب ربعة د الجناوح
ب جناوح
لبخوشيات

أرسطو كان أول واحد وصف لبخاخش ب صيفتهم ݣروپ مفرّز. بلاصاهم كا تاني أقل نيڤو د لحيوانات ف لعمل ديالو سلوم الطبيعة (scala naturae)، فوق من السفنج و الدود لي كايتولّدو ب شكل عفوي (spontaneously generating)، و لايني تحت من لغلال لبحري قاصح لكوكياجة. لكلاصاج ديالو بقى كايتخدّم ل شلا قرون.[15]

ف 1758، ف لعمل ديالو نضام الطبيعة،[16] كارل لينيوس قسّم مملاكة لحيوان ل ستة لكلاصات منهم لبخوش. هو صايب سبعة ديال التنضيمات د لبخوش على حساب لقلدة د الجناوح دياولهم. لي كانو عديمات الجناوح (Aptera) لي بلا جناوح، جاوجيات الجناوح لي عندهم جنحين، التنضيمات لي ب خمسة و ربعة د الجناوح: جواويات الجناوح ب جناوح قداميين صليبين ب لكامل؛ نصيات الجناوح ب جناوح قداميين صليبين جزئياً؛ حرشفيات الجناوح ب جناوح محرشفين؛ معرّقات الجناوح (Neuroptera) ب جناوح فيهم لغشا و لكن ماكايتکّوش؛ و غشاويات الجناوح، جناوح فيهم لغشا و كايتكّو.[17]

جون باپتيسط دو لاماغك، ف لعمل ديالو د 1809 لفلسافة الزولوجية، تعامل معا لبخوش ب صيفتهم فيلوم من التسعود د لفيلومات ديال اللاسلسوليات.[18] ف لعمل ديالو د 1817، مملاكة لحيوان، جوغج كوِڤييه جمع ݣاع لحيوانات ف ربعة د التعريشات ("عروشا" ب بلانات كسديين مبدلين)، واحد منهم كان لحيوانات لمفصليين، لي فيه مفصليات الرجلين و لخاتميات.[19] هاد الترتاب كان متبوع من عالم لأجينة كاغل إيغنست ڤون باييه ف 1828، عالم د لحيوان لوي آݣاسي ف 1857، و لاناطوميست لمقارن ريتشرد أووين ف 1860.[20] ف 1874، إيغنست هيكل قسّم مملاكة لحيوان ل جوج مملاكات تحتانيات، وحدة منهم كانت مبدلات لحياة/لحيوانات ب النسبة ل لحيوانات معددين لخلية. لي كان فيها خمسة د لفيلومات، لي منهم لمفصليات.[20][21]

ف الزمان لعصري

[بدل | بدل لكود]

السيسطيماتيكات التقليديين لمبازيين على لمورفولوجيا عطاو ل ستاويات الرجلين ب شكل نوعي الرتبة د كلاص فوقانية،[22] و عرفو جوج ݣروپات وسطها: لبخوشيات (دخلانيات لفك)، كولاويات لقرّاصة، لولانيات لقزيبة، و جاوجيات لقزيبة، التلاتة اللخرين تݣروپاو معا بعضياتهم ب صيفتهم دخلانيات لفك على حساب طراف فمهم لي داخلين.[23]

التخدام ديال الضونيات لفيلوجينيين جاب شلا تبدالات ف لعلاقات فوق النيڤو د التنضيمات.[23] لبخوش يمكن ليه يتقسّم ل جوج ݣروپات لي تعاملو معاهم ب شكل تاريخي ب صيفتهم كلاصات فوقانيين: لبخوش بلا جناوح ولا اللاجنحيات (Apterygota)، و لبخوش ب الجناوح ولا الجنحيات (Pterygota). اللاجنحيات تشكلو ب شكل تقليدي من التنضيمات لبيدائيين لي بلا جناوح قديمات لفك (Archaeognatha) و قنطريات التقطاع (Zygentoma). ساعة، اللاجنحيات صدقو وحدانيين لعرش، مادام قديمات لفك تقسيمة خت ل ݣاع لبخوشات لخرين، هادشي مبازي على التستاف ديال فكاكهم لفوقانيين، ف لوقيتة لي الجنحيات، كاينين وسط جاوجيات لبرݣمة (Dicondylia)، هوما و قنطريات التقطاع.[24]

الجنحيات (قديمات الجناوح-Palaeoptera، و جديدات الجناوح-Neoptera) كايكونو مجنحين و عندهم صفايح مصلبين برّا لݣزوات د كسدتهم؛ جديدات الجناوح عندهم عضلات لي كايخلّيو جناوحهم يتطواو فطحين فوق من كرشهم. جديدات الجناوح يمكن ليهم يتقسمو ل ݣروپات، لي ب ميطامورفوز ماكاملاش (معددات الجناوح جداد و قريبات جديدات الجناوح) و دوك لي ب ميطامورفوز كاملة (كامليات التبدال). لحاصول لموليكي لقى بلي التنضيمات التقليديين د لݣمل، وكالات الصوف (Mallophaga) و عديمات لقزيبة (Anoplura) وسط فرّاكيات الجناوح (Psocoptera) هادشي ودى ل طاكسون جديد شباه لفراكيات (Psocodea).[25] شباه لبوعويات (Phasmatodea) و رشيقات الجناوح (Embiidina) تقتارحو باش يشكلو يوكينيات الشلقومة (Eukinolabia).[26] قريبات عمي لحاج (Mantodea)، شباه السراق-زيتيات (Blattodea)، و مساويات الجناوح (Isoptera) كايصاوبو لݣروپ وحداني لعرش، شبكيات الجناوح (Dictyoptera).[27] لبرغوت تشافو دابايا بلي قرابين ب شكل قريب ل طويلات الجناوح الشماليين.[28]

التاريخ التطوري

[بدل | بدل لكود]

أقدم فوصيل لي يقدر يكون ديال بخوشة بيدائية بلا جناوح هي ليڤيرهولميا (Leverhulmia) من الصوانة وينديفيلد من لفترة الديڤونية.[29] أقدم بخوش طاير معروف من لفترة لكاربونية لوسطانية جوايه 328–324 مليون عام هادي. لݣروپ ف اللخر داز ب الزربة من واحد التنواع مفرݣع. الديعاءات لي مبازيين على تقديرات لماݣانة لموليكية، و لي كايقولو بلي هوما ف الساس تأصلو قبل، ف وقيت لعصر السيلوري ولا الديڤوني (شي 400 مليون عام هادي)، ف لغالب ماشي صحاح، يلا خدينا ف لبال التسجال د لفوصيل.[30]

فايتين وقعو ربعة ديال التعراشات واسعين النطاق د لبخوش: لخنفوس (شي 300 مليون عام هادي)، الدبان (شي 250 مليون عام هادي)، لعت و الرزوزي (شي 150 مليون عام هادي).[31]

غشاويات الجناوح لفالحين ب شكل كاياخد لبال (الرزوزي، النحل، و النمل) بانو هادي 200 مليون عام هادي تقريباً ف لعصر التلاتي (الطرياسي)، و لايني وصلو ل التنواع ديالهم لكبير غير ف اللواخر ف لحقبة السينوزوية، لي بدات 66 مليون عام هادي. شي ݣروپات د لبخوش لي فالحين ب زايد تطوورو ب شكل مقرون معا النبات لمزوهر، هادا تصوار مجهد ديال التطوور لمرافق. لبخوش كان من أبكر لحيوانات لعشاشبيين لرضيين و خدْم كا عامل كبير د لعزيلة عل النبات.[32] النبات طور ديفاعات كيماويين ضد هاد السلوك لعشاشبي و لبخوش، ب لمقابل، لبخوش طوور ميكانيزمات باش يتعاملو معا طوكسينات النبات. بزاف د لبخوشات كايخدّمو هاد الطوكسينات باش يحاميو على ريوسهم من لمفتارسين دياولهم. بحال هاد لبخوش ديما كايروجو ل السمّية نتاعهم ب تخدام لوان التحدير.[33]

لبخوشة لعملاقة لي كاتشبه ل طيار لما (Meganeura monyi) كبّرات تيساع جناوح ديال 75 سم ف اللخر د لفترة لفاخرية، جوايه 300 مليون عام هادي
لفوصيل و معاودة تشكال لخنفوسة (Moravocoleus permianus)، من أبدية د لفترة لپيرمية
غشاويات الجناوح كيف ما هاد الرزوزية (Iberomaimetsha) من لبدية د لفترة الطاباشيرية 100 مليون عام هادي

لمورفولوجيا و لفيزيولوجيا

[بدل | بدل لكود]

لأعضاء لبرانيين

[بدل | بدل لكود]
لمورفولوجيا ديال لبخوشة

كسدة ب تلاتة ديال الطراف

[بدل | بدل لكود]

لبخوش عندهم واحد لكسدة مجزئة مدعومة ب واحد السكوليط براني، لغطا لبراني لقاصح مصاوب تقريباً كلو من لكيتين. لكسدة مرتبة ل تلاتة ديال لوحدات لملاقيين بيناتهم: الراس، الصدر، و لكرش. الراس كايدعم واحد لفردة من لانطيرات لحسيين، واحد لفردة من لعينين لمركبين، صفر حتى ل تلاتة د لعينين لبسيطين (ولا عويينات) و تلاتة د التستيفات د الجلفيطات لمعدلين ب شكل منوع لي كايشكلو طراف لفم. الصدر كايهز التلاتة د لفردات د الرجلين و حتى ل جوج فردات د الجناوح. لكرش فيها لغالبية د لقلدات ديال لهضيم، التنفاس، لخرا و لمكاترة.[34]

التجزاء

[بدل | بدل لكود]

الراس مسدود ب واحد لكبسولة راسية مامجزئاش، سكيلوريتينية ب زايد و قاصحة، لي فيها جل لأعضاء د لحسان، لي منهم لانطيرات، لعينين لمركبين، لعويينات، و طراف لفم.[35] الصدر مشكل من تلاتة د لأقسام لي سمياتهم (من لقدام ل اللور) بدية الصدر، الصدر لوسطاني، و لبرݣمة. بدية الصدر كاتهز لفردة اللولى من الرجلين. الصدر لوسطاني كايهز لفردة الجاوجة من الرجلين و الجناوح لقداميين. لبرݣمة كاتهز لفردة التالتة من الرجلين و الجناوح اللورانيين.[34][35] لكرش هي أكبر طرف عند لبخوش، عادةً ب 11 - 12 تجزاء، و سكيلوريتيني ب شكل قل ب زايد على الراس ولا الصدر. كل تجزاء ديال لكرش فيه صفايح فوقانيين سكيلوريتينيين و صفايح سفليين (الطرݣة و عضم لݣص)، لي مربوطين ب طراف سكيلوريتينيين محاديين ب لغشاوات. كل تجزاء كايهز فردة من التنفيسات.[35]

السكوليط لبراني

[بدل | بدل لكود]

السكوليط لبراني، الجليّدة ولا لكوتيكول (cuticle)، مصاوبة من جوج طباقي: الجليّدة لفوقانية (Epicuticle)، لي هي واحد الطبقة برانية رقيقة و مشمعة كاتقاوم لما لي بلا كيتين، و واحد الطبقة سفلية، لي هي الجليّدة لقبلية (procuticle) لي غليضة و مصاوبة من لكيتين. الجليّدة لقبلية فيها جوج طبقات: واحد الجليّدة براوية (exocuticle) و واحد الجليّدة دخلانية (endocuticle). الجليّدة الدخلانية قاصحة و فليكسيبل مبنية من شلا طبقات د لكيتين الليفي و لپروتينات، لي كايتقاطعو معا بعضياتهم ف واحد النمط كيف السوندويتش، أما الجليّدة لبراوية صليبة و سكليروتينية.[36][37] ب صيفتها واحد لاضاپطاسيو ديال لحياة عل لوطا د لرض، لبخوش عندهم أونزيم لي كايخدّم لهوا د لاطموسفير باش يقصّح الجليّدة نتاعهم، على عكس لقشريات لي كايخدّمو لمركبات التقال د لكالسيوم على قبل نفس لغرض. هادشي لي كايخلّي السكوليط لبراوي د لبخوش واحد لمادة تقلها خفيف.[38]

السيسطيمات الدخلانيين

[بدل | بدل لكود]

د لعصب

[بدل | بدل لكود]

السيسطيم لعصبي ديال لبخوش مشكل من واحد الدماغ و واحد لحبل عصبي كرشي. لكبسولة د الراس مصاوبة من حتى ل ستة د التجزائات لمدموجين، كل تجزاء فيهم ب فردة د لعݣدات لعصبيين (ganglia)، ولا تجماع ديال لخلايا لعصبيين برا الدماغ. لفردات التلاتة اللوالا ديال لعݣدات كايتدمجو ف الدماغ، أما التلاتة د لفردات التاليين كايتدمجو ف واحد لقلدة د تلاتة لفردات د لعݣدات تحت من لمريء د لبخوشة، لي كايعيطو ليه لعݣدة لفوق مريئية.[39] التجزائات الصدريين فيهم عݣدة وحدة ف كل جنب، مربوطين ف فردة ف كل تجزاء. هاد التستاف عاوتاني كايتشاف ف التجزائات التمنية اللوالا ديال لكرش. شلا بخوشات عندهم عݣدات قل على هادشي.[40] لبخوش قادر باش يتعلم.[41]

د لهضيم

[بدل | بدل لكود]

لبخوشة كاتخدّم السيسطيم لهضمي ديالها باش تخرّج التقاوت و مواد خرين من لماكلة لي كاتكونصوميها.[42] كاين تنويعات كتار بينات التنضيمات، مراحل لحياة، و حتى الطبقات ف السيسطيم لهضمي عند لبخوش.[43] لمصران دايز ب شكل طولي ف لكسدة، و فيه تلاتة د لقسام، ب غدد دفاليين و خزاين دفاليين مفاردين.[44] ب تحراك طراف فمهم لبخوش كايخلط ماكلتو ب الدفال.[45][46] شي بخوشات، بحال الدبان، كايسيفطو لوزيمات لهضميين ل ماكلتهم باش يهدموها، بلحق جل لبخوشات كايهضمو ماكلتهم ف لمصران.[47] لمصران لقدامي غادي ف خط واحد معا الجليّدة كا حماية ضد لماكلة لقاصحة، كايشمل لفم، لبلعوم، و لحوصلة لي كاتخزّن لماكلة.[48] لهضيم كايبدا ف لفم ب أونزيمات لي كاينين ف الدفال. لعضلات لمجهدين ف لبلعوم كايضخو السوايل ف لفم، باش تزعلك لماكلة، هادشي لي كايخلّي شي بخوش فلاني ياكل من الدم ولا لوعية الطرونسپور د النسيج لوعائي لخشبي (xylem) و النسيج لوعائي اللحاوي (phloem) ديال النبات.[49] غير كاتمشي لماكلة من لحوصلة، كاتدوز من لمصران لوسطاني، فين لغالبية د لهضيم كاتاخد بلاصة. التقمقيمات لميكروسكوپيين، لميكرو زغيّبات (microvilli)، كايزيدو مساحة السورفاص ديال لحيط باش يمص التقاوت.[50] ف لمصران اللوراني، جزيئات لماكلة لي ماتهضموش كايتزاد ليهم آسيد لبول باش يصايبو حبيّبات خراويين؛ لغالبية د لما كايتمص، هادشي لي كايخلّي واحد لحبيّبة ناشفة لي كاتسيفط. لبخوش يقدر يكون عندو وحدة حتى لمياوات د النبيّبات لملپيغيين (Malpighian tubules). هاد النبيبات كايخيّدو الشياطا النيطروجينية من اللمف الدمّي د لبخوشة و كايريݣلو التوازن لمناضحي. الشياطا و لمواد لمحللين كايتخواو نيشان من لمجرى لهضمي، ف نقطة لملاقية بين لمصران لوسطاني و لمصران اللوراني.[51]

د لمكاترة

[بدل | بدل لكود]

السيسطيم لمكاتري د لبخوشات النتوات كايتكوّن من فردة د لمبيّضات (ovaries)، غدد أكسيسواريين، جويّب د لماني (spermathecae) واحد ولا كتر باش يخزنو لماني، و مجاري لي كايربطوهم. لمبيّضات مصاوبين من واحد لعدد كايتبدل ديال النبوبات د لبيض، لي كايسميوه النبوب لمبيضي (ovarioles). نتوات لبخوش كتيصاوبو لبيض، كاياخدو لماني و كايخزْنوه، و من بعد كايحطو لبيض. لغدد لأكسيسواريين كايطلقو لمواد لي كايحافضو عل لماني و لي كايحفضو لبيض. كايمكن ليهم يطلقو لصاق و مواد كاتحامي على قبل تغلاف عل لبيض، ولا غطاوات صليبين لي كايسميوهم جويبات لبيض (oothecae) على ود شي حفنة د لبيض.[52]

عند الدكور، السيسطيم د لمكاترة كايتشكل من فوييلة ولا جوج، معلّقين ف تجواف لكسدة ب لقصبة د لهوا. لفوييلات فيهم نبوبات لماني ولا كويّسات ف واحد لكيس غشاوي. هادشي كايتربط معا واحد لمجرى لي كايدّي ل برّا. الطرف اللخراني ديال لمجرى يقدر يصلاب باش يصايب لعضو الدخّال (intromittent organ)، لإيديݣة (aedeagus).[53]

د التنفوس

[بدل | بدل لكود]
لقلب لي بحال النبوب (خضر) ديال الناموسة (Anopheles gambiae) كايتجبّد ب شكل أفقي على طول لكسدة، و كايتّربط معا عضلات الجناح لي شكلهم بحال لماسة (حتى هوما ب لخضر) و مطوّق ب لخلايا التامورية (ل/حمر). أما الزرق كايصوّر النواة د لخلية

التنفوس د لبخوش كايكمْل بلا ريّة. ف عاوض هادشي، لبخوش عندو واحد السيسطيم د النبوبات و لكياس الدخلانيين لي لݣازات منهم يا كايديعو ولا كايتضّخو ب شكل آكتيڤ، باش يوصّلو لأوكسيجين نيشان ل لأنسيجة لي محتاجينو على طريق لقصبة د لهوا و لقصيّبات دياولهم. عند لغالبية د لبخوشات، لهوا كايتخاد من واحد التنفيسات مفاردين، لي هوما فتحات ف الجناب د لكرش و الصدر. السيسطيم التنفوسي كايحد لقد د لبخوش. مادام لبخوشة و هي كاتكبر، تباديل لݣازات على طريق التنفيسات كايولي قل ف لمفعولية، و عليها أتقل حشرة دابايا ماكاتفوتش كتر من 100 ݣرام. وخا هاكداك، معا الزيادة ف نيڤوات لأوكسيجين لاطموسفيري، كيف كان حاضر ف لعصر لپاليوزوي اللخراني، لبخوش لي كبر ف لقد كان ممكن يكونو، بحال طيّارا د لما (ليعسوبات) ب تجباد د الجناوح كتر من 60 سم.[54] نماط تباديل لݣازات عند لبخوش كايتفاوتو من التهوية الدّايعة و لمكملة ل التهوية لمامكملاش.[55][56][57][58]

د الدوران

[بدل | بدل لكود]

حيتاش لأوكسيجين كايتسيفط نيشان ل لأنسيجة على طريق قصيّبات لهوا، السيسطيم د دوران الدم مامولفش ب هزان لأوكسيجين، و عليها تنقّص ب شكل كبير. السيسطيم الدوراني د لبخوشة كايكون محلول؛ مافيهش لعروق ولا الشراين، و ف بلاصة هادشي كايتشكل من واحد النبوب ضهري متقّب فرّادي لي كاينبض ب حركة دودية. هاد لوعا الضهري د الدم مقسّم ل جوج قسام: لقلب و لبهر. لوعا الضهري د الدم كايضوّر اللمف الدمّي، لي هو السايل لي كايشبه ل الدم عند مفصليات الرجلين، من اللور د التجواف لكسدي ل لقدّام.[59][60] اللمف الدمّي مركب من لپلازما فين كايتعلّقو لخلايا الدمّيين. التقاوت، لهورمونات، الشياطات، و لمواد لخرين كايمشيو من كسدة لبخوشة ل اللمف الدمّي. لخلايا الدمّيين كايجمعو بزاف ديال النواع د لخلايا لي موهيمين ل الستيجابات لمناعة، بريان د الجرحة، و وضايف خرين. الصغط ديال اللمف الدمّي يقدر يتزاد ب التكامش د لعضلات ولا ب بليع لهوا ل جيهة سيسطيم لهضيم باش يعاون ف النسيلاخ.[61]

د لحسان

[بدل | بدل لكود]
جل لبخوشات عندهم فردة د عينين مركبين و أعضاء حسيين خرين كيف بحال لانطيرات لي قادرين باش يضبطو لحركات و لمحفزات لكيماويين على ريوسهم

شلا بخوشات كايملكو بزاف د لأعضاء لحسيين لمختصين لي قادرين باش يقلّعو لمحفز بحال وضعية الطرف (حاسة دريان لحركة-proprioception) ب الريسيپطورات لحسيين سرساريين الشكل (campaniform sensilla)، الضو، لما، لمواد لكيماويين (لحواس د الدوق و الشمان)، الصوت، و السخونية.[62] شي بخوش بحال النحل يمكن لو يحس ب طولة لمّواج لفوق بنفساجيين، ولا يقلّع الضو لمستقطب، ف لوقيتة لي لانطيرات د دكور لعت يمكن ليهم يقلّعو لفيرومونات د نتاوي لعت من كتر من کيلوميطر د لبعد.[63] كاينة واحد لمقايضة بينات لمضا الشوفي و لمواد لكيماويين ولا لمضا لمسّي، لاحقاش جل لبخوشات ب عينين مديڤلوپيين مزيان عندهم أنطيرات منقوصين ولا بسيطين، و بحال هاكدا. لبخوش كايحس ب الصوت من ميكانيزمات مبدلين، بحال لغشاوات الرقاق لي كايڤيبريو (الطبل).[64] لبخوش كانو من لأورݣانيزمات اللولانيين لي طلقو و حسو ب الصوات. السميع تطوور ب شكل مستاقل عند لبخوش 19 لخطرة علاقل ف ݣروپات مبدلين.[65]

جل لبخوشات، من غير صرّارات لغار، قادرين باش يحسو ب الضو و الضلام. بزاف عندهم شوف ماضي قادر باش يقلّع التحراكات الصغار و لمزروبين. لعينين يقدرو يشملو عينين بسيطين ولا عويّنات و حتى لعينين لمركبين. شلا نواع يمكن ليهم يديطيكطيو الطول لموجي ديال الضو التحت لحمر، لفوق بنفساجي، ب الشوفان د اللوان. التحليل لفيلوجيني كايلمّح بلي الشوف تلاتي اللون لفوق بنفساجي-خضر-زرق كان موجود من لعصر الديڤوني علاقل، شي 400 مليون عام هادي.[66]

لعدسات لفرديين ف لعينين لمركبين ݣاعما كايتحركو، و لكن دبان لفروي عندو خلايا ريسيپطورات د الضو تحت كل عدسة لي كايتحرّكو دغيا لداخل و برّا لفوكوس (التركيز الشوفي)، ف واحد السيرية ديال التحراكات كايعيّطو ليهم ريسيپطورات الضو لميكرو ساكاديين (photoreceptor microsaccades). هادشي كايعطيهم، و واقيلا بزاف د لبخوشات خرين، تصويرة على لعالم وضح كتر ب زايد على كيف ما تفتارض ف السابق.[67]

حاسة الشمان د شي بخوشة كاتكون على طريق ريسيپطورات كيماويين، كايكونو ف لعادة عل لانطيرات و طراف لفم. هاد الريسپطورات كايقلّعو لمركبات لعضويين الطايرين و الروايح عل السورفاصات، لي بحال لفيرومونات د لبخوشات لخرين و لمركبات لمطلوقين من النبات لموكول. لبخوش كايخدّمو الشمان باش يعرفو بلاصة الشريك د لملاقية، لماكلة، و لبلايص فين يحطو لبيض، و باش يتجنبو لمفتارسين. عليها هادي حاسة موهيمة ب شكل شديد، لي كاتخلّي لبخوش يفرّزو بينات لولوفات ديال لمركبات لعضويين الطايرين.[68]

شي بخوشات كايقدرو على لمغنيطوريسيپسيو ولا الستيقبال لمغناطيسي (magnetoreception)؛ النمل و النحل كايتسركلو ب تخدام هاد لمزيّة ب شكل لوكال (حدا عشاشهم) و منين كايرحلو.[69] النحل لبرازيلي اللاقرّاص كايقلّع لمجال لمغناطيسي ب تخدام الريسيپطورات لحسيين لي بحال الزغب ف لانطيرات دياولهم.[70][71]

لمكاترة و الديڤلوپمو

[بدل | بدل لكود]

دورات لحياة

[بدل | بدل لكود]
فراشات كايتجاوجو

لاغلابية ديال لبخوشات كايفقسو من لبيض. التخصاب و الديڤلوپمو كاياخدو بلاصة لداخل د لبيضة، لي مسدودة ب قشرة (كوريون-chorion) لي مشكل من نسيج أمومي. عكس بيضات مفصليات الرجلين لخرين، جل بيضات لبخوش كايقاومو النشوفية. هادشي لاحقاش وسط لكوريون كاينين جوج غشاوات زايدين كايديڤلوپاو من نسيج جنيني، لأمنيون و لغشا السيرومي (serosa). هاد لغشا السيرومي كايفرْز واحد الجليّدة عامرة ب لكيتين لي كاتحامي على الجنين ضد التنشاف.[72] شي نواع من لبخوش، بحال ݣمليات النبات (aphids) و دبانات التسيتسي، كايكونو بيايضوولايديين (Ovoviviparous): بيضاتهم كايديڤلوپاو ب لكامل وسط النتوا، و من بعد كايفقسو ف لبلاصة من مورا ماكايتحطو.[73] شي نواع خرين، كيف ما عند لݣنس د سراق الزيت مدوبلات الجناوح (Diploptera)، كايكونو ولايديين (viviparous)، ب كايدوزو من لحبيل وسط لم و كايتولدو حيين.[74] شي بخوش، بحال الرزوزيات شباه لپارازيطات، كايكونو معددين لأجينة (polyembryonic)، هادشي كايعني بلي بيضة وحدة مخصبة كاتقسّم ل بزاف د لأجينة لمفارقين.[75] لبخوش يقدر يكون فرّادي التعشيشة (تاعشاشت-Voltinism)، جاوجي التعشيشة ولا معدد التعشيشة، ب مليك عش، جوج عشاش ولا شلا عشاش ف لعام.[76]

واحد لبقة د لمن (Aphid) كاتولد نتوا حية على طريق لموالدة لعزرية من بيض مامخصبش
بقة مورقة الرجل نتوا كاتحط واحد لبيضة قبل ما تطير

تنواعات خرين ديال الديڤلوپمو و لمكاترة كايجمعو لهاپلوديپلويدية (haplodiploidy)، تعداد نماط الشكل، لپيدومورفوز (paedomorphosis) ولا لپيرامورفوز (peramorphosis)، الديمورفية الجنسية، و لموالدة لعزرية، و ب شكل نادر ب زايد التخنات (hermaphroditism).[77][78] ف لهاپلوديپلويدية، لي هي نوع ديال سيسطيم تحديد الجنس، الجنس ديال التفريخة كايتحدد ب عدد تستيفات د لكروموزومات لي كاياخدهم لفرد. هاد السيسطيم نوعي عند النحل و الرزوزي.[79]

شي بخوشات كايتوالدو ب شكل عزري، يعني النتوا يمكن ليها تكاتر و تولد بلا مايكون عندها بيض مخصب من شي دكر. بزاف من ݣمليات النبات كايدوزو من واحد الشكل دوري ديال لموالدة لعزرية فين كايتناوبو بينات جيل ولا بزاف د الجيال ديال لمكاترة الجنسية و اللاجنسية.[80][81] ف الصيف، ݣمليات النبات كايكونو ب شكل عام نتاوي و كايتوالدو ب شكل عزري؛ ف لخريف، الدكور يقدرو يتنتجو على ود لمكاترة الجنسية. بخوشات خرين لي كايتنتجو من لموالدة لعزرية بحال النحل، الرزوزي و النمل؛ ف السيسطيم ديالهم لهاپلوديپلويدي، النتوات الديپلويديين كايفرّخو شلا نتوات و غير شوية د الدكور لهاپلويديين.[73]

لميطامورفوز/الستيحالة

[بدل | بدل لكود]

لميطامورفوز عند لبخوش هي لعملية ديال الديڤلوپمو لي كاترد الصغار بالغين. كاينين جوج شكال ديال لميطامورفوز: لكامل و لماكاملش.

لماكاملاش

[بدل | بدل لكود]
ميطامورفوز ماكاملاش عند واحد الجرادة ب بزاف ديال لإنسطارات (تشابيهات شكليين). لبيض مامورّيش. لعينة لي كبر ݣاع جرادة بالغة

لحشرات لي عندهم الستيقلاب الجزئي (Hemimetabolous)، هادوك لي عندهم ميطامورفوز ماكاملاش، كايتبدلو ب شكل تدريجي من مورا لفقيس من لبيضة ب الدّوزان من واحد السيرية ديال النسيلاخات من مراحل ديال الديڤلوپمو كايعيّطو ليهم لمشابهات الشكليين (إنسطارات-instars)، لي كايتسالاو ف لمرحالة لبالغة. لبخوشة كاتنسالخ منين السكوليط لبراوي ديالها كايفوت لقياس ف لكبورية، لي ماكايتجبّدش و لي غايكبّل النمو ديال لبخوشة. لعملية د النسيلاخ كاتبدا منين لبشرة ديال لبخوشة كاتفرْز واحد الجليّدة فوقانية جديدة وسط من الجليّدة لفوقانية لقديمة. من بعد ما كاتفرْز هاد الجليّدة لفوقانية الجديدة، لبشرة كاطلق واحد التخليطة ديال لونزيمات لي كايهضمو الجليّدة الدخلانية و هاكدا كاتحيّد الجليدة لقديمة. منين كاتكمْل هاد لمرحالة، لبخوشة كاترد كسدتها منفوخة ب خودان كمية كبيرة من لما ولا لهوا؛ هادشي كايخلّي الجليدة لقديمة تفرْق على طول نقطات الضعف لي كانو محددين ب شكل قبلي فين كانو رق.[82][83]

لكاملة

[بدل | بدل لكود]
دورة لحياة د فراشة، دايزة من ميطامورفوز كاملة من لبيضة ل اللارڤا ليرقية ل لپوپا الشرنقية ل لحالة لبالغة

الستيقلاب لكامل (Holometabolism)، ولا لميطامورفوز لكاملة، هو فين لبخوشة كاتبدّل على ربعة د لمراحل، بيضة ولا جنين، لارڤا (يرقة-larva)، پوپا (عدرا/pupa) و لبالغ ولا لإيماݣو (التصويرة-imago). ف هاد النواع، لبيضة كاتفقس باش تنتج واحد اللارڤا، لي كاتكون ب شكل عام كاتشبه ل الدودة. هادو يمكن ليهم يكونو يرقيات الشكل (eruciform)، جعرانيات الشكل (scarabaeiform-لي كايشبهو ل خنفوسات بو جعران)، كامپوديات الشكل (campodeiform-لارڤات مطوّلين، فطحين و نشيطين)، طقطاقيات الشكل (elateriform-لي كايشبهو ل الدود السلكي) ولا دوديات الشكل (vermiform-لي كايشبهو ل اللارڤات د الدبان). اللارڤا كاتكبر باش كاتولي ف اللخر پوپا، لي هي مرحالة معلومة ب حركة قليلة. كاينين تلاتة د النواع من لپوپات: لپوپات للي ب زوايد ملاصقين (obtect)، لي ب زوايد مطلوقين (exarate) ولا لي ب زوايد مطوقين (coarctate). لپوپات ب زوايد ملاصقين كايكونو مدكسين، ب رجلين و الزوايد لخرين ديالهم مسدود عليهم. لپوپات ب زوايد مطلوقين كايكونو رجليهم و الزوايد لخرين دياولهم مطلوقين و مجبدين. لپوپات ب زوايد مطوقين كايديڤلوپاو وسط جلدة لارڤية.[84] لبخوش كايدوزو من تبدال موهيم ف الشكل ف وقيت لمرحالة لپوپية، باش ف اللخر يبانو ب صيفتهم بالغين. لفراشات معروفين مزيان بلي كايدوزو من ميطامورفوز كاملة؛ جل لبخوشات كايخدّمو هاد الدورة د لحياة. شي بخوشات طوورو هاد السيسطيم ل ميطامورفوز لفوقانية (hypermetamorphosis). لميطامورفوز لكاملة واحد لمزيّة ديال أكتر ݣروپ ديال لبخاخش ف التنواع، دخلانيات الجناوح (Endopterygota).[85]

التواصول

[بدل | بدل لكود]

لبخوش لي كايطلقو الصوت يمكن ليهم ب شكل عام يسمعو. أغلابية د لبخوشات يمكن ليهم يسمعو غير واحد لمادى ضيّق د التردودات لي عندهم علاقة معا التردود ديال الصوات لي كايقدرو يطلقوهم. الناموس يقدرو يسمعو حتى ل 2 كيلوهيرتز.[86] شي بخوشات فرايسيين و پارازيطيين يقدرو يديطيكطيو الصوات لمخصلين لي تدارو من فرايسهم ولا مضيّفينهم، ب شكل مرادف. و بحال هادشي، شي عتات ليليين يمكن ليهم يحسو الطلقات لفوق الصوتيين ديال سحات الليل، لي كايعاونوهم ف جتيناب لفريس.[87]

الطليق د الضو

[بدل | بدل لكود]

شي شوية د لبخوشات، كيف ما الدبانيات لفݣيعيين (Mycetophilidae-جاوجيات الجناوح) و فاميلات د لخنافس، عافياويات لخت (Lampyridae)، الضاويات (Phengodidae)، الطقطاقيات (Elateridae) و لعنݣوديات (Staphylinidae) كايكونو بيوضاويين (bioluminescent). أكتر ݣروپ معروف هوما دبان لعافية ولا لبق الضاوي (fireflies)، لي هوما خنافس ف فاميلة عافياويات لخت. شي نواع قادرين يكونطروليو هاد التولاد د الضو باش يطلقو فلاشات. لوضيفة كاتنوع ب شي نواع كايخدموهم باش يجدبو لملاقيين، ف لوقيتة لي شي وحدين خرين كايخدّموهم باش يغويو لفرايس. اللارڤات لي كايعيشو ف لغار ديال ݣنس دوديات رتيليين (Arachnocampa، الدبانيات لفݣيعيين) كايلمعو باش يغويو لبخوشات الصغار الطايرين ل واحد لخيوط معلكين ديال لحرير.[88] شي دبان د لعافية من ݣنس فوتوريس (Photuris) كايميميكيو لفلاش د الضو ديال النتاوي د نوع اللماعيات (Photinus) باش يجدبو الدكور ديال هاد النوع، لي من بعد غالباً كايقبطوهم و كايفرسوهم.[89] كايتنوعو اللوان د الضو لمطلوق من الزرق باعت (أورفيليا فولطوني، الدبانيات لفݣيعيين) ل طبقات د لخضر عادي و طبقات د لحمر النادر (فريكسوثريكس طيماني، الضاويات).[90]

الطليق د الصوت

[بدل | بدل لكود]

لبخوش كايطلقو ف لغالب صوات ب فعلة ميكانيكية من الزوايد (الطراف). عند الجنادب و الصرّارات، هادشي كايوصلو ليه ب لفريك د الجناوح ولا الصرير (stridulation). الزيز كايطلق أجهد صوت بينات لبخوش ب طليق و تضخام الصوات ب تعدالات سپيسيال ف كسداتهم باش يصايبو واحد الزمّارة/صناجة (tymbals) و شكال عضليين مرافقين. الزيز لإفريقي بريڤيسانا بريڤيس تعبر صوتو ب 106.7 ديسيبيل من واحد لبعد د 50 سم.[91] شي بخوشات، كيف عت هيليكوڤيرپا زيا، عت لباز و لفراشات د فاميلة لهيدليات (Hedylidae)، يمكن ليه يسمعو لموجات فوق صوتيين و كايديرو حتياطاتهم منين كايحسو ب ريوسهم تديطيكطاو من سحات الليل.[92][93] شي عتات كايطلقو كليكات فوق صوتيين لي كايوعّيو سحات الليل لمفتارسين بلي هوما ماصالحينش ل لماكلة(سينيال نفّار صوتي-acoustic aposematism)،[94] أما شي عتات صالحين ل لماكلة تطوورو باش يميميكو هاد لعيطات (لميميك لباطيسي الصوتي-acoustic Batesian mimicry).[95] الدّيعاء بلي شي عتات يمكن ليهم يشوشو السونار ديال سحت الليل تعاود تراجع فيه. التسجال فوق صوتي و لڤيديوݣرافيا تحت صوتية لمزروبة ب زايد ديال التفاعولات بين سحت الليل و لعت كايلمّحو بلي عت لببر الصالح ل لماكلة كايدافع بصح على راسو من سحات الليل لكبار لقهويين ب تخدام لكليكات لفوق صوتيين لي كايشوشو على السونار د سحت الليل.[96]

بزاف د الجنادب لمامعروفينش كايصرصرو

الصوات النازلين ب زايد كايطلقو من شلا نواع ديال جواويات الجناوح، غشاويات الجناوح، حرشفيات الجناوح، شباه عمي لحاج و معرقات الجناوح. هاد الصوات النازلين كايطلقو من التحراكات د لبخوشة، و كايضّخمو ب لقلدات الصريريين ف لعضلات و لمفاصل د لبخوشة؛ هاد الصوات يقدرو يتخدّمو باش يوعّيو ولا باش يتواصلو معا لبخوشات لخرين. جل لبخوشات لي كايطلقو الصوت عندهم حتى لأعضاء الطبليين لي يقدرو يحسو الصوات الدايزين ف لهوا. شي نواع من نصيات الجناوح، كيف لبق لفلايكي، كايتواصلو على طريق صوات تحت لما.[97]

صرار الليل ف ݣراج ب نفس لعيطة

التواصول ب تخدام السينيالات د لڤيبراسيوات الدايزين السورفاص منتاشر كتر بينات لبخوش ب سباب التكبالات د لقد ف طليق الصوات الدايزين ف لهوا.[98] لبخوش ݣاعما يمكن ليه ب شكل فعّال يطلق صوات ب تردود نازل، و الصوات ب تردود طالع كايميلو باش يتفرّقو كتر ف شي بيئة كتيفة (بحال وراق الشجر)، عليها لبخوش لعايش ف بحال هاد لبيئات كايتواصلو ب شكل لولاني ب تخدام لڤيبراسيوات الدايزين ب ركيزة.[99]

شي نواع كايخدّمو لڤيبراسيوات على قبل التواصول، باش يجدبو لملاقيين كيف ما لغنايات ديال لبق لخضر (Nezara viridula).[100] لڤيبراسيوات يمكن ليهم عاوتاني يتخدّمو ف التواصول بينات النواع؛ ليرقات الديبيين (lycaenid)، لي شكلو واحد الشراكة فيها لمقايضة معا النمل ب التواصول معا النمل ب هاد الشكل.[101] سراق الزيت لهسهاس لملغاشي عندو لقدرة باش يضغط لهوا من التنفيسات دياولو باش يصاوب واحد الصداع فيه التهسهيس (لفحيح) كا يمارة على لعنف؛[102] عتة لباز د راس لموت كاتصاوب واحد الصداع فيه الزويان ب دفيع لهوا برا لبلعوم منين كايهيجو، هادشي لي عاوتاني يقدر يقلل من السلوك لعدواني د نحل لعسل لخدّام منين الجوج كايكونو قراب.[103]

التواصول لكيماوي

[بدل | بدل لكود]
لبخوش الجتيماعي كيف ما النمل عندهم نواع معددين من لغدد لفيرومونيين، لي كاينتجو سينيالات كيماويين مبدلين على قبل التواصل معا لبخوشات اخرين

شلا بخوشات طوورو وسايط كيماويين على قبل التواصول. هاد لمواد لوصالين ل لميساجات لكيماويين (semiochemicals) دايماً كايتشتقو من مستقلبات النبات بحال هادوك لي على قبل الجديب، الطريد و عطيان شكال خرين من لمعلومة. لفيرومونات كايتخدّمو على ود جديب لملاقيين ديال الجنس لاخر، على ود جميع لفراد من نفس النوع ديال الجوج جناس، على ود رديع لفراد لخرين من التقراب، باش يرشمو شي طريق، و باش يزنّدو لعنف ف لفراد لي قرابين. لآلومونات (Allomones) كاينفعو لي طلقهوم ب التأتير لي كايديروه ف لمستقبيل. لكايرومونات (Kairomones) كايفيدو لمستقبيل ديالهم ف عاوض لي طلقهوم. السينومونات (Synomones) كاينفعو الطالق و لمستقبيل. ف لوقيتة لي شي مواد كيماويين مڤيزيين فراد ديال نفس النوع، شي مواد خرين كايتخدّمو ف التواصول بينات النواع. التخدام د الروايح ب الضبط مديڤلوپي مزيان عند لبخوش الجتيماعي.[104] لهيدروكاربونات د الجليّدة هوما ماطيريالات لاقلديين كايتطلقو و كايتفرْزو ل السورفاص د الجليّدة باش يتحاربو معا التنشاف و لممريضات. هوما موهيمين عاوتاني ب صيفتهم فيرومونات، ب الضبط عند لبخوش الجتيماعي.[105]

السلوك الجتيماعي

[بدل | بدل لكود]
تلة كاتيدراوية صاوبوها الطرميتات لي كايتعتابرو من لبخوشات الجتيماعيين لفوقانيين.
نحلة لعسل كاتدير شطحة لهزان على شكل تمنية. واحد التيجاه د 45° عل ليمن 'لفوق' د الشهد كايلمح بلي لماكلة 45° عل ليمن د الشمش. لهزان الزربان ديال النحلة الشاطحة كايخلي لكرش ديالها تبان فلو

لبخوش الجتيماعي، كيف ما الطيرميطات، النمل و شلا نحلات و رزوزيات، كايكونو فوق جتيماعيين (eusocial).[106] كايعيشو معا بعضياتهم ف مستعمارات كبار و منضمين مزيان معا فراد گايتشابهو جينياً لي شي خطرات كايعتابروهم سوپرؤرݣانيزمات Superorganisms. ب لخصوص، لمكاترة محصورة ب شكل كبير ل لمقام د لملكة؛ النتوات لخرين كايكونو خدّامات، و كايتحرمو من لمكاترة من لخدّاما لبوليس. نحل لعسل طوورو واحد السيسطيم ديال التواصول الرمزي التجريدي فين شي سلوك كايتخدّم باش يمتل و يوصّل معلومة مضبوطة على لبيئة. ف هاد السيسطيم د التواصول، لي كايتسمى لوغة الشطيح، الزاوية فين كاتشطح شي نحلة كاتمتل واحد التيجاه نسبي ل الشمش، و طولة الشطحة كاتمتل لمسافة لي خصها تطيرها.[107] النحل الطنان حتى هوما عندهم شي سلوكات جتيماعيين ديال التواصول. النحلة الطنانة بومبوس طيريستريس (Bombus terrestris i) كا إيكزومپل، كاتعلّم ب الزربة كيفاش تزور النوار لي ماموالفاش بيه، و لكن كايجازي، منين كايقدرو يشوفو نفس النواع كايعلفو من نفس النوار.[108]

غير لبخوشات لعايشين ف عشاش ولا مستعمارات لي كايملكو واحد التوجيه موضعي ناضي. شي وحدين يمكن يجولو بلا حتى غلطة ل شي حفرة فرّادية لي ف ݣطرها شوية د لميليميطرات بينات لولوفات ديال لحفاري لمشابهين، من مورا تسافيرة ديال بزاف د لكيلوميطرات. ف لپاطروفيليا (philopatry)، لبخوش لي كايديرو السبات كايقدرو يعقلو شي موضع فلاني ب الضبط وخا يفوت عام على لمرّة لخرة لي شافوه.[109] شوية د النواع ب شكل موسمي كايرحلو مسافات كبار بينات مناطق جغرافيين مبدلين، كيف ما ف الرحلات ديال لفراشة لملكية لي عندها مادى قارّي مفرّق.[110]

التهلية ف الصغار

[بدل | بدل لكود]

لبخوش لفوق جتيماعي كايبنيو لعشاش، كايعسّو على لبيض، و كايمدّو لماكلة ل لخلفة/التفريخة لوقت كامل. جل لبخوشات، وخا هاكداك، كايعيشو حياة قصيرة ب صيفتهم بالغين، و قليل ب زايد فاش كايتفاعلو معا بعضياتهم من غير يلا كانو غايتلاقاو ولا غايتنافسو على قبل لملاقيين. واحد لعدد صغير كايديرو التهلية د لوالدين، فين علاقل كايعسّو على بيضاتهم، و ف شي خطرات كايعسّو على تفريخاتهم حتى كايوليو بالغين، واقيلا كايوكلوهم ݣاع. شلا رزوزيات و نحلات كايبنيو شي عش ولا وكر، و كايخزّنو لمؤونات فيه، و كايحطو بيضة على هاد لمؤونات، باش يهنّيو بالهم و يمشيو ف خطرة ف حالهم.[111]

لحركة

[بدل | بدل لكود]

الطيران

[بدل | بدل لكود]
لبخوشات بحال الدبان لحوام قادرين باش يديرو طيران زربان و خفيف

لبخوش هوما لݣروب د اللاسلسوليات لي بوحدو ديڤلوپا الطيران. لݣروپات لقدام ديال لبخوش ف قديمات الجناوح، ليعسوبات، نيريات الجناوح و زايلات الجناوح، كايݣيديو جناوحهم ب شكل ديريكت ب عضلات مفاردين مربوطين ب نقاطي ف كل ساس د الجناح لي كايهزوهوم و كايهبطوهم. هادشي يقدر يتدار غير ب واحد لوتيرة تقيلة. ݣاع لبخوشات لخرين، جديدات الجناوح، عندهم طيران ماشي ديريكت، فين عضلات الطيران كايسببو ب واحد التطياش مزروب ديال الصدر: يقدرو يكونو دقّات د الجناح كتر من النبضات د لعرق لي كايكونطروليو لعضلات. فردة وحدة من عضلات الطيران كاتكون مسطرة ف خط واحد ب شكل عمودي، كاتنقابط باش تجرّ لفوق د الصدر ل لتحت، و الجناوح ل لفوق. لفردة لخرة دايزة ب شكل طولي، كاتنقابط باش تخلّي لفوق د الصدر ل لفوق و الجناوح ل لتحت.[112][113] لغالبية د لبخوش كايوصلو ل لهزّان لإيرودينامي (aerodynamic lift) ب خليق واحد الدوامة لولبية ف لحافة لقدّامية ديال الجناوح.[114] لبخوش الصغير بحال هدبيات الجناوح ب جناوح صغار و ريشيين كايوصلو ل لهزان ب تخدام ميكانيزم صفّق و تسيّب (clap and fling)؛ الجناوح كايصفقو بيناتهم و كايجروهم بعيد، هادشي لي كايسيّب الدوامات ل لهوا ف لحافات لقدّاميين و ف قمقومات الجناوح.[115][116]

التطوور ديال جناوح لبخوش كان و مازال موضوع د لمجادلة؛ تقتارح بلي جاو من خياشم معدلين، و جلافط على التنفيسات دياولهم، ولا جاو من واحد الزايدة (طرف)، لورك لفوقاني (epicoxa) ف الساس د الرجلين.[117] مؤخراً، لعولاما د لبخوش خيّرو بلي التطوور د الجناوح جا من لفصوص ديال النوتوم (Notum-فوق الصدر)، ولا من لپلورون (جناب الصدر)، ولا ف لغالب منهم ب جوج.[118] ف لعصر لفاخري، ميݣانيورا (Meganeura) لي كاتشبه ل طيّار لما كان عندها تيساع جناوح حتى ل 50 سم. الضهور ديال لبخوش لعملاق كايتوافق معا الزيادة ف لأوكسيجين لأطموسفيري لي كان زايد ف ديك لوقيتة، حيتاش السيسطيم التنفوسي د لبخوش كايكبّل لقد ديالهم.[119] أكبر لبخوشات ليوم صغر ب زايد، معا أكبر تيساع د الجناوح عند لعتة لمشعويدة لبيضة (Thysania agrippina)، ب 28 سم تقريباً.[120]

عكس الطيور، لبخوش الصغير كايتجر معا الريح الطاغي (prevailing winds)[121] وخا شلا بخوشات كبر كايرحلو. ݣمليات النبات كايرحلو مسافات كبار ب لكورانات النفاتين (jet streams) لي النيڤو ديالهم نازل.[122]

لمشي

[بدل | بدل لكود]
نمط الزطمة الزماني و لمكاني ديال مشية نملات الصحرا لي كايأديو واحد لمشيان تلاتي مناوب. معدل التسجيل: 500 زطمة ف التانية، معدل معاودة التخدام: 10 زطمات ف التانية

شلا بخوشات بالغين كايخدّمو ستة د الرجلين على ود لمشي، ب مشيان تلاتي الرجلين مناوب. هادشي كايسمح ب مشي مزروب ب وقفة تابتة؛ تدرس ف سراق الزيتات و النمل ب شكل شديد. ف لخطوة اللولانية، الرجل لوسطانية ليمنية و الرجلين لقدّاميين و اللورانيين ليسريين كايكونو ف كونطاكط معا الضس و كايحرّكو لبخوشة ل لقدّام، أما الرجلين لقدّاميين و اللورانيين ليمنيين و الرجل لوسطانية ليسرية كايتهزو و كايتحرّكو ل لقدّام ل شي موضع جديد. منين هاد الرجلين كايقيصو الضس باش يصاوبو واحد لمتلت تابت و جديد، الرجلين لخرين حتى هوما ب دورهم يمكن يتهزو و يتجرّو ل لقدّام.[123] أنقى شكل من لمشيان تلاتي الرجلين (tripod gait) كايتشاف ف لبخوش لي كايتحرّك ب زربة كبيرة. غير هو، هاد النوع د لحركة ماصليبش و لبخوش يقدر يتأضاپطا معا تنويعة د لمشيات. متلاً، منين كايكونو محركين ب شكل تقيل، ضايرين، و هوما كايتفاداو لأوبسطاكلات، مشعبطين ولا ف شي سورفاص كاتزلّق، ربعة (مشيان رباعي الرجلين-Tetrapodal gait) د الرجلين ولا كتر (مشيان مموّج-wave-gait) هوما لي يقدرو يقيصو الضس.[124] سراق الزيتات من بينات أزرب لبخوشات لي كايجريو، و منين كايكونو ف الزربة لكاملة، كايتبناو واحد الجرية جاوجية الرجلين. حركات كتر ف الرزانة كايتشافو ف بخوشات لعود (لبوعويات-Phasmatodea) لي كايتكاموفلاو مزيان. واحد لعدد صغير ديال النواع كيف زلّاقات لما (Water striders) يمكن ليهم يتحرّكو على السورفاص د لما؛ مخالبهم منحيين ف واحد لخدود سپيسيال، هادشي لي كايخلّي لمخالب مايتقبوش الشريط ديال السورفاص د لما.[57] سكايطيات لبحر (ocean-skaters) من ݣنس هالوباليس (Halobates) كايعيشو ݣاع ف السورفاص ديال لمحيطات لمحلولين، لي هوما موايل فيهم نواع قلال د لبخوش.[125]

لعومان

[بدل | بدل لكود]
ضهري لعومة (Notonecta glauca) تحت لما، كايوري لأضاپطاسيو ديال كراوعو اللورانيين لي بحال لمجادف

واحد لعدد كبير د لبخوش كايعيشو يا طرف من حياتهم يا حياتهم كلها تحت لما. ف بزاف ديال التنضيمات لبيدائيين د لبخوش، لمراحل لبزقوليين عندهم كايكونو بحريين. ف شي ݣروپات، بحال خنافس لما، لبالغين حتى هوما كايكونو بحريين.[57]

بزاف من هاد النواع مأضاپطيين على قبل التحراك تحت لما. خنافس لما و بق لما عندهم رجلين تأضاپطاو ل قلدات كايشبهو ل مجادف. النيمفات ديال طيّار لما (ليعسوب) كايخدّمو الدفيع النفات، ب تخراج لما بزز من من لبيت الشرجي ديالهم.[126] بخوشات خرين بحال لخنافس لعنݣوديين (rove beetle) من ݣنس الضيّقات (Stenus) كايطلقو إفرازات ب تأتير سطحي من لغدة لپيجيدية (pygidial gland) نتاعتهم باش يقللو الطونسو د السورفاص؛ هادشي كايخلّيهم قادرين يتحرّكو على السورفاص د لما ب دفيع مارانݣوني (Marangoni propulsion).[127][128]

إيكولوجيا

[بدل | بدل لكود]

لبخوش كايلعبو شلا دوار حاسمين ف السيسطيمات لإيكولوجيين، بحال قليب و تهوية التراب، حفير لخرا، لكونطرول على لأفات، التلقاح و تقوات لحياة لبرية.[129] متلاّ، الطيرميطات كايموديفييو لبيئة لي حدا عشهم، هادشي لي كايزعّم النمو د الربيع؛[130] بزاف د لخنفوسات كايكونو قمايميين؛ خنفوسات لخرا كايروسيكليو لمواد لبيولوجيين ل شكال كايوليو نافعين ل أورݣانيزمات لخرين.[131][132] لبخوش مسؤول على لغالبية د لخدمة كيفاش التراب السطحي كايتشكل.[133]

الدفاع

[بدل | بدل لكود]
بقة الصياد لمقنع (Reduvius personatus) ف الطور لبزقولي مكاموفلية راسها ب لحبات د الرملة باش تتفادى لمفتارسين.

جل لبخوش كايكونو صغار ف لقد، ب كسدات رهاف، و ضعاف ب لمقارنة معا شكالات لحياة لي كبر ف لقد. لبخوش ف لمرحالات لبزقوليين كايكون صغار، و تقال ف لحركة ولا ماكايتحرّكوش أصلاً، و عليها ݣاع لمراحل كايكونو معرّضين ل لفريس و التبرزيط. و على حساب هادشي، لبخاخش كايوضفو سطراتيجيات دفاعيين معددين، بحال لكاموفلاج، لميميك، السمّيّة و الدفاع لأكتيڤ.[134] شلا بخوشات كايعولو على لكاموفلاج باش يتفاداو لا يقشعهم شي مفتارس ولا فريسة.[135] هادشي شايع بينات خنافس لورݣ و السوس لي كاياكلو خشب الشجر ولا النبات.[134] بخوشات لعود كايميميكيو الشكالات د لعواد و لوراق باش يقولبو و يخلّيو لمفتارسين يجتانبوهم.[136] ف لميميك لباطيسي (Batesian mimicry)، النواع الصالحين ل لماكلة، كيف ما الدبان لحوام (لميميكات-Mimics)، كايكسبو واحد لاڤونطاج د النجو ب لمشابهة معا النواع لماصالحينش ل لماكلة (لموضيلات-Models).[134][137] ف لميميك لموليري (Müllerian mimicry)، النواع لماصالحينش ل لماكلة، بحال الرزوزي و النحل، كايشبهو ل بعضياتهم على قبل باش يقللو من موعدال خودان لعيينات من لمفتارسين لي كايخصهم يتعلمو بلي هاد لبخوشات ماصالحينش ل لماكلة.[138] لفراشات من ݣنس هيليكونيوس، لي بزاف منهم مسمومين، من الشوفة ديال التعقادات لموليريين، هوما كايروّجو بلي ماصالحينش ل لماكلة. الدفاع لكيماوي كايكون شايع بينات جواويات الجناوح و حرشفيات الجناوح، هادشي ف لعادة كايتروّج ليه ب لوان د التحدير ضاويين (السينيال النفّار)، كيف ما عند لفراشة لملكية. ب صيفتهم لارڤات، لبخوش كايملكو السمّيّة نتاعتهم ب عزلان لمواد لكيماويين من النبات لي كاياكلوه ل لأنسيجة دياولهم. شي وحدين كايصنعو الطوكسينات دياولهم. لمفتارسين لي كاياكلو لفراشات و لعتات لمسمومين يقدرو يتقياو ب شكل عنيف، هادشي لي كايعلمهم ماياكلوش لبخوش ب علْمات مشابهين؛ هادا هو الساس ديال لميميك لموليري.[139] شي خنفوسات لرض من فاميلة لفلوكيات (Carabidae) كايدافعو على ريوسهم ب شكل أكتيڤ، ب بخان لمواد لكيماويين من كروشهم ب دقة زايدة، باش يجرّيو على لمفتارسين.[134]

التلقاح

[بدل | بدل لكود]
نحلة لعسل لأوروپية هازة معاها حبوب اللقاح ف سلة ديال حبوب اللقاح ل لخلية.

التلقاح هو واحد لعملية فين حبوب اللقاح كايدوزو و كايتطرونسفيراو ل لمكاترة د النبات، و هاكدا كايخلّيوهم قادرين على التخصاب و لمكاترة الجنسية.[140] جل النبتات لمزوهرين كايحتاجو ل شي حيوان لي غايتكلف ب الطرونسپور. لغالبية ديال التلقاح كايكون من لبخوش.[141] حيتاش لبخوش ف لعادة كاياخد فايدة على قبل التلقاح ف صيفة نيكطار عامر ب لينيرجي، هادشي كايتعتابر مقايضة. لمزيّات لمنوعين د النوارة، بحال اللوان لفاتحين و لفيرومونات لي تطوورو ب شكل مرافق معا اللقّاحين دياولهم، تعيّط عليهم ب ملازمات التلقاح (pollination syndromes)، وخا جوايه التلت د النوار مايمكنليهش يكون مكلف ب شي ملازمة فرّادية.[142]

التبرزيط

[بدل | بدل لكود]

بزاف د لبخوشات كايكونو پارازيطيين. أكبر ݣروپ فيهم، ب كتر من 100.000 نوع[143] و واقيلا كتر من مليون،[144] مشكلين من واحد التقسيمة فرّادية ديال الرزوزيات شباه لپارازيطات بينات غشاويات الجناوح،[145] لي ف اللخر كايقتلو مضيّفينهم.[143] شي وحدين فيهم كايكونو پارازيطات فوقانيين، ماحد مضيّفينهم رزوزيات شباه پارازيطات خرين.[143][146] شلا ݣروپات د لبخوش يمكن ليهم يتعتابرو يامّا ميكرو مفتارسين ولا پارازيطات برانيين.[147][148] متلاً، بزاف من لبقات د نصيات الجناوح عندهم طراف د لفم كايتقبو و كايمصو، لي مأضاپطيين على قبل ماكلة النسغ د النبتة،[149][150] أما النواع لي ف لݣروپات بحال لبرغوت، لݣمل، و الناموس كايتعتابرو وكّالا/مصاصا د الدم، ب التقوات على الدم د لحيوانات.[148]

واحد الرزوزية شبه پارازيط كاتحط لبيض ب الطراح د لبيض ديالها ف واحد لبقة ديال لمن
لبق مورق الرجلين، واحد پارازيط د النبات ولا ميكرو مفتارس كايمص اللحا من النبات
قملة راس بنادم، واحد لپارازيط براوي ملزوم كايدوز نيشان

لعلاقة معا بنادم

[بدل | بدل لكود]

ب صيفتهم آفة

[بدل | بدل لكود]
ناموسة السخانة الصفرا (Aedes aegypti)، هي حمالة د شلا مرضات

بزاف د لبخوشات كايتعتابرو آفات من عند بنادم. هاد لبخوشات منهم لپارازيطات د الناس و لكسيبة، بحال لݣمل و بق لفراش؛ الناموس كايخدْمو ب صيفتهم حمّالا د شلا مرضات. آفات خرين منهم لبخوش بحال الطرميطات لي كايهلكو لقلدات د لخشب؛ لبخوشات لعشاشبيين كيف الجراد، ݣمل النبات، و النواع د هدبيات الجناوح لي كايخرّبو لغلّات لفلاحيين، ولا كيف ما سوس لݣمح لي كايهلك لمنتوجات لفلاحيين لمخزّنين. لفلاحا من ديما كايجرّبو يكونطروليو لبخوش ب مبيدات حشريين كيماويين، ساعة كايعولو ب شكل كايتزاد على لكونطرول لبيولوجي د لآفات. هاد لكونطرول كايخدّم شي أورݣانيزم واحد باش يقلل كتافة النسمة ديال شي أورݣانيزم آفة؛ هادشي عنصر ساروتي ديال تدبير لآفات لمكمول.[151][152] لكونطرول لبيولوجي مخيّر لاحقاش لمبيدات لحشريين يمكن ليهم يسببو الضر ل السيسطيمات لإيكولوجيين كتر ب زايد من لفايدة ديالهم ضد لآفات.[153][154]

لادوار النافعين

[بدل | بدل لكود]
دود لقز تضوميستيكاو على قبل لحرير كتر من 5,000 عام هادي. ف التصويرة، لحرير كايتزول من الشرانق

التلقاح ديال النبات لمزوهر من لبخوش بحال النحل، لفراشات، الدبان، و لخنفوس، موهيم قتيصادياً.[155] تقدّرات لقيمة د تلقاح لبخوش على لغلّة و الشجر د لفروي ف جوايه 34$ مليار غير ف ميريكان بوحدها ف 2021.[156]

لبخوش كايخرّج مواد نافعين كيف ما لعسل،[157] الشمع،[158][159] اللّك،[160] و لحرير.[161] نحل لعسل ربّاوه لبشر هادي أولوفات د لعوام على ود لعسل.[162] تربية النحل وسط ݣلّات د لفخار بدات شي 9.000 عام هادي ف شمال إفريقيا.[163] دود لقز أتر ب شكل كبير على التاريخ لبنادمي، حيت التجارة د طريق لحرير دارت الساس ل لعلاقات بين الشينوا و لعالم كامل.[164][165]

لبخوش لي كاياكل ولا كايبرزط لبخوشات لخرين كايكونو نافعين ل بنادم يلا نقصو الضر على لفلاحة و لبنيات د لبشر. متلاً، ݣمليات النبات كاياكلو لغلّة، هادشي لي كايدير خسران قتيصادي، بلحق لمسعودات (ladybugs) كاياكلو ݣمل النبات، و يقدرو يتخدّمو باش يكونطروليوهم. لبخوش هو لمسؤول على لاغلابية لعضمى د لكونصوماسيو د لبخوش.[166][167][168]

لارڤات الدبان (النغف) كانو كايتخدّمو ف السابق على قبل مداوية الجرحات باش يتجنبو ولا باش يحبسو لݣنݣرين (gangrene)، مادام هوما كايقصيو غير اللحم لميّت. هاد لمداوية ولات كاتصيب تخدام عصري ف شي سبيطارات. لبخوش خدا لاطونسيو ب صيفتو مصدر ديال الضروݣات و لمواد الطبيين لخرين.[169] لبخوش لبالغ، بحال الصرّارات و لارڤات لبخوش د بزاف د النواع، كايتخدّمو ب شكل شايع كا طعمة د الصيادة.[170]

نقصان د النسمة

[بدل | بدل لكود]

فايت تشجل علاقل 66 نقيراض د نواع لبخوش من 1500، بزاف منهم كانو ف لݣزاير لأوقيانوسيين.[171] النقصان ف لكترة د لبخوش تقرن ب لاكتيڤيطي د بنادم ف شكل الضو الصطيناعي،[172] التبدالات ف تخدام لرض بحال التبلاد (التحضر) ولا لفلاحة،[173][174] تخدام لمبيدات،[175] و النواع لغازيين.[176][177] واحد الديراسة ريڤيو د عام 2019 قتارحات بلي واحد الطرف كبير من نواع لبخوش مهدد ب النقيراض ف لقرن 21،[178] وخا التفاصيل وقع فيهم نيقاش.[179] واحد الديراسة شاملة كبر، لي كاتحلل الضونيات من 166 ستيطلاع طويل لمدى، قتارحات بلي النسمات د لبخوش لرضي بصح كايقلالو ب شكل مزروب، ب جوايه 9٪ ف لعقد.[180][181]

ف لبحت

[بدل | بدل لكود]
دبانة لفاكهة (Drosophila melanogaster) كاتخدّم ب شكل عريض ب صيفتها كائن حي موضيل.

لبخوش كايلعبو دور موهيم ف لبحت لبيولوجي. متلاً، ب سباب لقدّ الصغير، الزمان الجيلي لقصير و لخصوبة الطالعة دياولها، دبانة لفروي الشايعة (Drosophila melanogaster) هي واحد لأورݣانيزم موضيل على قبل الديراسات ف الجينات د حقيقيات النوى، بحال الربيط الجيني، التفاعولات بينات الجينات، علم الجينات لكروموزومي، الديڤلوپمو، السلوك و التطوور. حيتاش السيسطيمات الجينيين بينات حقيقيات النوى محافضين عليهم مزيان، فهيم لعمليات لخلويين الساسيين بحال معاودة د لاديئين ولا النسيخ عند دبان لفروي يقدر يعاون ف فهيم هاد لعمليات ف حقيقيات النوى لخرين، لي منهم لبشر.[182] الجينوم ديال دبانة لفروي تسلسل ف عام 2000، و لي عكس الدور لموهيم د لأورݣانيزم ف لبحت لبيولوجي. تصاب بلي 70٪ من جينوم الدبانة كايشبه ل الجينوم لبنادمي، هادشي لي كايدعم النضرية د التطوور.[183]

ب صيفتهم ماكلة

[بدل | بدل لكود]
يرقات لويتشيتي ولا اللارڤات د فرطاطوات كايتعتابرو ماكلة ساوية عامرة ب لپروتين عند لأوصطراليين لأصليين.

لبخوش كايتكونصوماو ب صيفتهم ماكلة ف 80٪ د شعوب الدنيا، من الناس من 3000 ݣروپ إتني تقريباً.[184][185] ف إفريقيا، النواع د الجراد و الطرميطات لموجودين ب كترة هوما واحد السورس تقليدي موهيم ديال لماكلة د بنادم.[186] شي نواع، خصوصاً الزياز لمقليين مزيان، كايتعتابرو ماكلة لوكس. لبخوش عندو واحد لمضمون پروتيني طالع ب لمقارنة معا لماص ديالتهم، و شي كتاتبيا كايقتارحو لحتيمال ديالهم كا سورس كبيرة ديال لپروتين ف التقوات د لبشر.[187] وخا هاكداك، عند جل بلدان لعالم اللول، ماكلة لبخوش، كاتعتابر طابو.[188] هوما عاوتاني كايتوصى بيهم من لعسكر ب صيفتهم ماكلة د النجو ل الجيوش ف لمحنة.[186] ب سباب كترة لبخوش و واحد التقلاق عالمي ديال لقلة د لماكلة، منضمة لماكلة و الزراعة ديال لأمم لمتحدة كاتعتابر بلي الناس ف لعالم كامل يقدرو شي نهار ب السيف عليهم يبداو ياكلو لبخوش كا ماكلة ساسية. لبخوش كايتميّزو ب التقاوت دياولهم، ب مليك واحد لمضمون طالع د لپروتين، لمعادن و الشحوم و هوما ديجا كايتكالو ب شكل منتاضم من التلت د النسمة لعالمية.[189]

ف پرودويات خرين

[بدل | بدل لكود]

اللارڤات ديال دبانة لعسكري لكحل يمكن ليهم يمدّو لپروتين و الشحمة على قبل التخدام ف لكوزميتيكس.[190] زيت الطياب د لبخوش، زبدة لبخوش و لالكول الشحمي يقدرو يتصايبو من بخوشات بحال دودة الشعير (Zophobas morio).[191] نواع لبخوش بحال دبانة لعسكري لكحل ولا دبانة الدار ف الشكل ديالهم النغفي، و لارڤات لخنفوس بحال دود الروپا، يمكن ليهم يتحفضو و يتخدّمو كا طعام ل لحيوانات لي كايترباو ف فيرمات بحال الدجاج، لحوت، و لحلالف.[192] شلا نواع من لبخوش كايتباعو و كايتربّاو ب صيفتهم حيوانات د الدار.[193]

ف الديانات و لفولكلور

[بدل | بدل لكود]
جعران من مصر لقديمة ب جوانح مفصولين، 712-342 ق.م.

خنفوسات بو جعران عندهم واحد الرمزية دينية و تقافية ف مصر لقديمة، ليونان و شي تقافات شامانيين د لعالم لقديم. الشينويين لقدام شافو الزياز كا رموز ديال معاودة لخليق و لخلود. ف لأدب الرافدي (بلاد الرافدين)، لقصيدة لملحمية د ݣيلݣاميش فيها تلماحات على السنيات (ليعسوبيات) لي كايعنيو الستيحالة د لخلود. بينات السكان للأصليين د ؤصطراليا من لݣروپات د لوغة آريرنطي، نحل لعسل و دودات ويتشيطي كايخدْمو ب صيفتهم طوطيمات شخصيين د لقبيلة. ف لحالة د شعب سان د صحرا ديال كالاهاري، عمي لحاج عندو واحد لاهمية تقافية بحال لخليق و الصبر لي كايشبه ل زين (Zen) ف لمساينة.[194]

مصادر

[بدل | بدل لكود]
  1. ^ Waldbauer, Gilbert (1998). The Handy Bug Answer Book. Visible Ink. pp. 1, 5–26.
  2. ^ Chinery, Michael (1993). "Introduction". Insects of Britain & Northern Europe (3rd ed.). London: HarperCollins. pp. 11–13.
  3. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. p.22–48
  4. ^ a b c Stork, Nigel E. (7 January 2018). "How Many Species of Insects and Other Terrestrial Arthropods Are There on Earth?". Annual Review of Entomology. 63 (1): 31–45.
  5. ^ Erwin, Terry L. (1982). "Tropical forests: their richness in Coleoptera and other arthropod species" (PDF). The Coleopterists Bulletin. 36: 74–75.
  6. ^ a b Gullan, P. J.; Cranston, P. S. (2014). The Insects: An Outline of Entomology (5th ed.). Oxford: Wiley Blackwell. P.8
  7. ^ Crook, Glynis. "Marine insects: small but significant". Deutsche Welle.
  8. ^ Hågvar, Sigmund (2010). "A review of Fennoscandian arthropods living on and in snow" (PDF). European Journal of Entomology. 107 (3): 281–298.
  9. ^ "Invertebrates: A Vertebrate Looks at Arthropods". Arizona-Sonora Desert Museum.
  10. ^ Misof, Bernhard; et al. (7 November 2014). "Phylogenomics resolves the timing and pattern of insect evolution". Science. 346 (6210): 763–767.
  11. ^ a b Kjer, Karl M.; Simon, Chris; Yavorskaya, Margarita; Beutel, Rolf G. (2016). "Progress, pitfalls and parallel universes: a history of insect phylogenetics". Journal of the Royal Society Interface. 13 (121): 121.
  12. ^ Wipfler, Benjamin; Letsch, Harald; Frandsen, Paul B.; Kapli, Paschalia; Mayer, Christoph; et al. (February 2019). "Evolutionary history of Polyneoptera and its implications for our understanding of early winged insects". Proceedings of the National Academy of Sciences. 116 (8): 3024–3029.
  13. ^ Johnson, Kevin P.; Dietrich, Christopher H.; Friedrich, Frank; Beutel, Rolf G.; Wipfler, Benjamin; et al. (26 November 2018). "Phylogenomics and the evolution of hemipteroid insects". Proceedings of the National Academy of Sciences. 115 (50): 12775–12780.
  14. ^ Winsor، Mary P. (1976). "The development of Linnaean insect classification". Taxon. 25 (1): 57–67. Bibcode:1976Taxon..25...57W. doi:10.2307/1220406. JSTOR 1220406.
  15. ^ Leroi, Armand Marie (2014). The Lagoon: How Aristotle Invented Science. Bloomsbury. pp. 111–119.
  16. ^ Linnaeus, Carl (1758). Systema naturae per regna tria naturae :secundum classes, ordines, genera, species, cum characteribus, differentiis, synonymis, locis (in Latin) (10th ed.). Holmiae (Laurentii Salvii).
  17. ^ Winsor, Mary P. (1976). "The development of Linnaean insect classification". Taxon. 25 (1): 57–67
  18. ^ Gould, Stephen Jay (2011). The Lying Stones of Marrakech. Harvard University Press. pp. 130–134.
  19. ^ De Wit, Hendrik C. D. (1994). Histoire du Développement de la Biologie, Volume III. Presses Polytechniques et Universitaires Romandes. pp. 94–96.
  20. ^ a b Valentine, James W. (2004). On the Origin of Phyla. University of Chicago Press. pp. 7–8.
  21. ^ Haeckel, Ernst (1874). Anthropogenie oder Entwickelungsgeschichte des menschen (in German). W. Engelmann. p. 202.
  22. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P 108
  23. ^ a b Kendall, David A. (2009). "Classification of Bugs".
  24. ^ Blanke, Alexander; Machida, Ryuichiro; Szucsich, Nikolaus Urban; Wilde, Fabian; Misoe, Bernhard (15 October 2014). "Mandibles with two joints evolved much earlier in the history of insects: dicondyly is a synapomorphy of bristletails, silverfish and winged insects". Systematic Entomology. 40 (2). Wiley: 357–364.
  25. ^ Johnson, K. P.; Yoshizawa, K.; Smith, V. S. (2004). "Multiple origins of parasitism in lice". Proceedings of the Royal Society of London. 271 (1550): 1771–1776.
  26. ^ Terry, M. D.; Whiting, M. F. (2005). "Mantophasmatodea and phylogeny of the lower neopterous insects". Cladistics. 21 (3): 240–257
  27. ^ Lo, Nathan; Tokuda, Gaku; Watanabe, Hirofumi; Rose, Harley; Slaytor, Michael; et al. (2000). "Evidence from multiple gene sequences indicates that termites evolved from wood-feeding cockroaches". Current Biology. 10 (13): 801–804.
  28. ^ Whiting, M. F. (2002). "Mecoptera is paraphyletic: multiple genes and phylogeny of Mecoptera and Siphonaptera". Zoologica Scripta. 31 (1): 93–104.
  29. ^ Ross, Andrew (August 2022). "Evolution: The origin of insect wings revisited". Current Biology. 32 (15): R851 – R853.
  30. ^ Schachat, Sandra R.; Goldstein, Paul Z.; Desalle, Rob; Bobo, Dean M.; Boyce, C. Kevin; Payne, Jonathan L.; Labandeira, Conrad C. (2 February 2023). "Illusion of flight? Absence, evidence and the age of winged insects". Biological Journal of the Linnean Society. 138 (2): 143–168.
  31. ^ Wiegmann, Brian M.; Trautwein, Michelle D.; Winkler, Isaac S.; Barr, Norman B.; Kim, Jung-Wook; et al. (14 March 2011). "Episodic radiations in the fly tree of life". Proceedings of the National Academy of Sciences. 108 (14): 5690–5695.
  32. ^ Carter, J. Stein (29 March 2005). "Coevolution and Pollination". University of Cincinnati.
  33. ^ "Coevolution and Pollination". University of Cincinnati.
  34. ^ a b Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 22–48
  35. ^ a b c Resh, Vincent H.; Carde, Ring T. (2009). Encyclopedia of Insects (2 ed.). Academic Press. P. 13
  36. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 22–24
  37. ^ Belles, Xavier (14 October 2019). "The innovation of the final moult and the origin of insect metamorphosis". Philosophical Transactions of the Royal Society B: Biological Sciences. 374 (1783): 20180415.
  38. ^ Asano, Tsunaki; Hashimoto, Kosei; Everroad, R. Craig (2023). "Eco-evolutionary implications for a possible contribution of cuticle hardening system in insect evolution and terrestrialisation". Physiological Entomology. 48 (2–3): 55–60.
  39. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 57
  40. ^ Schneiderman, Howard A. (1960). "Discontinuous respiration in insects: role of the spiracles". The Biological Bulletin. 119 (3): 494–528.
  41. ^ Dukas, Reuven (1 January 2008). "Evolutionary Biology of Insect Learning". Annual Review of Entomology. 53 (1): 145–160.
  42. ^ "General Entomology – Digestive and Excritory system". NC state University
  43. ^ Bueno, Odair Correa; Tanaka, Francisco André Ossamu; de Lima Nogueira, Neusa; Fox, Eduardo Gonçalves Paterson; Rossi, Mônica Lanzoni; Solis, Daniel Russ (1 January 2013). "On the morphology of the digestive system of two Monomorium ant species". Journal of Insect Science. 13 (1): 70.
  44. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P.70–77
  45. ^ "General Entomology – Digestive and Excretory system". North Carolina State University
  46. ^ Duncan, Carl D. (1939). A Contribution to The Biology of North American Vespine Wasps (1st ed.). Stanford: Stanford University Press. pp. 24–29.
  47. ^ Nation, James L. (2001). Insect Physiology and Biochemistry (1st ed.). CRC Press. P. 13
  48. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 70
  49. ^ Nation, James L. (2001). Insect Physiology and Biochemistry (1st ed.). CRC Press. P. 30–31
  50. ^ Nation, James L. (2001). Insect Physiology and Biochemistry (1st ed.). CRC Press. P. 32
  51. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 71–72, 78–80
  52. ^ Resh, Vincent H.; Carde, Ring T. (2009). Encyclopedia of Insects (2 ed.). Academic Press. P. 880
  53. ^ Resh, Vincent H.; Carde, Ring T. (2009). Encyclopedia of Insects (2 ed.). Academic Press.
  54. ^ "What Keeps Bugs from Being Bigger?". Argonne National Laboratory. 8 August 2007.
  55. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 65–68
  56. ^ Chown, S. L.; Nicholson, S. W. (2004). Insect Physiological Ecology. New York: Oxford University Press.
  57. ^ a b c Richard W. Merritt; Kenneth W. Cummins; Martin B. Berg, eds. (2007). An Introduction to the Aquatic Insects of North America (4th ed.). Kendall Hunt Publishers.
  58. ^ Merritt, R. W.; Cummins, K. W.; Berg, M. B. (2007). An Introduction To The Aquatic Insects Of North America. Kendall Hunt Publishing.
  59. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 61–65
  60. ^ Meyer, John R. (17 February 2006). "Circulatory System". NC State University: Department of Entomology, NC State University. p. 1
  61. ^ Triplehorn, Charles (2005). Borror and DeLong's introduction to the study of insects. Johnson, Norman F., Borror, Donald J. (7th ed.). Belmont, California: Thompson Brooks/Cole. pp. 27–28.
  62. ^ Gullan, P. J.; Cranston, P. S. (2014). The Insects: An Outline of Entomology (5th ed.). Oxford: Wiley Blackwell. P. 95–124
  63. ^ "Insects" (PDF). Alien Life Forms. p. 4.
  64. ^ Gullan, P. J.; Cranston, P. S. (2014). The Insects: An Outline of Entomology (5th ed.). Oxford: Wiley Blackwell. P. 97–103
  65. ^ Warren, Ben; Nowotny, Manuela (11 April 2021). "Bridging the Gap Between Mammal and Insect Ears – A Comparative and Evolutionary View of Sound-Reception". Frontiers in Ecology and Evolution. 9.
  66. ^ Briscoe, A. D.; Chittka, L. (2001). "The evolution of color vision in insects". Annual Review of Entomology. 46: 471–510.
  67. ^ Kemppainen, Joni; Scales, Ben; Razban Haghighi, Keivan; Takalo, Jouni; Mansour, Neveen; et al. (22 March 2022). "Binocular mirror–symmetric microsaccadic sampling enables Drosophila hyperacute 3D vision". Proceedings of the National Academy of Sciences. 119 (12): e2109717119.
  68. ^ Carraher, Colm; Dalziel, Julie; Jordan, Melissa D.; Christie, David L.; Newcomb, Richard D.; Kralicek, Andrew V. (2015). "Towards an understanding of the structural basis for insect olfaction by odorant receptors". Insect Biochemistry and Molecular Biology. 66: 31–41.
  69. ^ Wajnberg, E.; Acosta-Avalos, D.; Alves, O.C.; de Oliveira, J.F.; Srygley, R.B.; Esquivel, D.M. (2010). "Magnetoreception in eusocial insects: An update". Journal of the Royal Society Interface. 7 (Suppl 2): S207 – S225.
  70. ^ Esquivel, Darci M.S.; Wajnberg, E.; do Nascimento, F.S.; Pinho, M.B.; Lins de Barros, H.G.P.; Eizemberg, R. (2005). "Do Magnetic Storms Change Behavior of the Stingless Bee Guiriçu (Schwarziana quadripunctata)?". Naturwissenschaften. 94 (2): 139–142.
  71. ^ Lucano, M.J.; Cernicchiaro, G.; Wajnberg, E.; Esquivel, D.M.S. (2005). "Stingless Bee Antennae: A Magnetic Sensory Organ?". BioMetals. 19 (3): 295–300.
  72. ^ Jacobs, C. G.; Rezende, G. L.; Lamers, G. E.; van der Zee, M. (2013). "The extraembryonic serosa protects the insect egg against desiccation". Proceedings of the Royal Society of London B. 280 (1764): 20131082.
  73. ^ a b "insect physiology" McGraw-Hill Encyclopedia of Science and Technology, Ch. 9, p. 233, 2007
  74. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 129, 131, 134–135
  75. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 136–137
  76. ^ "Glossary of Lepidopteran and Odonate anatomy". Rare species atlas. Virginia Department of Conservation and Recreation. 2013.
  77. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 144
  78. ^ Judson, Olivia (14 August 2002). Dr. Tatiana's Sex Advice to All Creation: The Definitive Guide to the Evolutionary Biology of Sex. Macmillan. p. 198.
  79. ^ Hughes, William O. H.; Oldroyd, Benjamin P.; Beekman, Madeleine; Ratnieks, Francis L. W. (2008). "Ancestral Monogamy Shows Kin Selection Is Key to the Evolution of Eusociality". Science. 320 (5880): 1213–1216.
  80. ^ Nevo, E.; Coll, M. (2001). "Effect of nitrogen fertilization on Aphis gossypii (Homoptera: Aphididae): variation in size, color, and reproduction". Journal of Economic Entomology. 94 (1): 27–32.
  81. ^ Jahn, G. C.; Almazan, L .P.; Pacia, J. (2005). "Effect of nitrogen fertilizer on the intrinsic rate of increase of the rusty plum aphid, Hysteroneura setariae (Thomas) (Homoptera: Aphididae) on rice (Oryza sativa L.)" (PDF). Environmental Entomology. 34 (4): 938–943.
  82. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 142
  83. ^ Ruppert, E. E.; Fox, R. S.; Barnes, R. D. (2004). Invertebrate Zoology (7th ed.). Brooks / Cole. pp. 523–524
  84. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 151
  85. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 143
  86. ^ Cator, L.J.; Arthur, B.J.; Harrington, L.C.; Hoy, R.R. (2009). "Harmonic convergence in the love songs of the dengue vector mosquito". Science. 323 (5917): 1077–1079.
  87. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 87–94
  88. ^ Pugsley, Chris W. (1983). "Literature review of the New Zealand glowworm Arachnocampa luminosa (Diptera: Keroplatidae) and related cave-dwelling Diptera" (PDF). New Zealand Entomologist. 7 (4): 419–424.
  89. ^ Lloyd, James E. (1984). "Occurrence of Aggressive Mimicry in Fireflies". The Florida Entomologist. 67 (3): 368–376.
  90. ^ Lloyd, James E.; Gentry, Erin C. (2003). The Encyclopedia of Insects. Academic Press. pp. 115–120.
  91. ^ "The University of Florida Book of Insect Records". entnemdept.ufl.edu. Department of Entomology & Nematology, UF/IFAS
  92. ^ Kay, Robert E. (1969). "Acoustic signalling and its possible relationship to assembling and navigation in the moth, Heliothis zea". Journal of Insect Physiology. 15 (6): 989–1001.
  93. ^ Spangler, Hayward G. (1988). "Moth hearing, defense, and communication". Annual Review of Entomology. 33 (1): 59–81.
  94. ^ Hristov, N. I.; Conner, William E. (2005). "Sound strategy: acoustic aposematism in the bat–tiger moth arms race". Naturwissenschaften. 92 (4): 164–169.
  95. ^ Barber, J. R.; Conner, W. E. (2007). "Acoustic mimicry in a predator–prey interaction". Proceedings of the National Academy of Sciences. 104 (22): 9331–9334.
  96. ^ Corcoran, Aaron J.; Barber, Jesse R.; Conner, William E. (2009). "Tiger Moth Jams Bat Sonar". Science. 325 (5938): 325–327.
  97. ^ Theiss, Joachim (1982). "Generation and radiation of sound by stridulating water insects as exemplified by the corixids". Behavioral Ecology and Sociobiology. 10 (3): 225–235.
  98. ^ Virant-Doberlet, M.; Čokl, Andrej (2004). "Vibrational communication in insects". Neotropical Entomology. 33 (2): 121–134.
  99. ^ Bennet-Clark, H. C. (1998). "Size and scale effects as constraints in insect sound communication". Philosophical Transactions of the Royal Society of London. Series B, Biological Sciences. 353 (1367): 407–419.
  100. ^ Miklas, Nadège; Stritih, Nataša; Čokl, Andrej; Virant-Doberlet, Meta; Renou, Michel (2001). "The Influence of Substrate on Male Responsiveness to the Female Calling Song in Nezara viridula". Journal of Insect Behavior. 14 (3): 313–332.
  101. ^ DeVries, P. J. (1990). "Enhancement of symbiosis between butterfly caterpillars and ants by vibrational communication". Science. 248 (4959): 1104–1106.
  102. ^ Nelson, Margaret C.; Fraser, Jean (1980). "Sound production in the cockroach, Gromphadorhina portentosa: evidence for communication by hissing". Behavioral Ecology and Sociobiology. 6 (4): 305–314.
  103. ^ Moritz, R. F. A.; Kirchner, W. H.; Crewe, R. M. (1991). "Chemical camouflage of the death's head hawkmoth (Acherontia atropos L.) in honeybee colonies". Naturwissenschaften. 78 (4): 179–182.
  104. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 96–105
  105. ^ Yan, Hua; Liebig, Jürgen (1 April 2021). "Genetic basis of chemical communication in eusocial insects". Genes & Development. 35 (7–8). Cold Spring Harbor Laboratory Press & The Genetics Society: 470–482.
  106. ^ Brewer, Gary. "Social insects". North Dakota State University.
  107. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. p. 309–311
  108. ^ Leadbeater, E.; Chittka, L. (2007). "The dynamics of social learning in an insect model, the bumblebee (Bombus terrestris)". Behavioral Ecology and Sociobiology. 61 (11): 1789–1796.
  109. ^ Salt, R. W. (1961). "Principles of Insect Cold-Hardiness". Annual Review of Entomology. 6: 55–74.
  110. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. p. 14
  111. ^ "Social Insects". North Dakota State University.
  112. ^ Chapman, A. D. (2006). Numbers of living species in Australia and the World. Canberra: Australian Biological Resources Study.
  113. ^ Smith, D. S. (1965). "Flight muscles of insects". Scientific American. 212 (6): 76–88.
  114. ^ Sane, Sanjay P. (2003). "The aerodynamics of insect flight" (PDF). Journal of Experimental Biology. 206 (23): 4191–4208.
  115. ^ Weis-Fogh, Torkel (1973). "Quick estimates of flight fitness in hovering animals, including novel mechanisms of lift production". Journal of Experimental Biology. 59 (1): 169–230.
  116. ^ Bennett, L. (1977). "Clap and fling aerodynamics- an experimental evaluation". Journal of Experimental Biology. 69 (1): 261–272.
  117. ^ Jockusch, E. L.; Ober, K. A. (September 2004). "Hypothesis testing in evolutionary developmental biology: a case study from insect wings". Journal of Heredity. 95 (5): 382–396.
  118. ^ Grimaldi, David A. (2023). The Complete Insect: Anatomy, Physiology, Evolution, and Ecology. Princeton University Press. p. 135.
  119. ^ Dudley, R. (1998). "Atmospheric oxygen, giant Paleozoic insects and the evolution of aerial locomotor performance" (PDF). Journal of Experimental Biology. 201 (8): 1043–1050.
  120. ^ "Chapter 32: Largest Lepidopteran Wing Span | The University of Florida Book of Insect Records | Department of Entomology & Nematology | UF/IFAS". entnemdept.ufl.edu
  121. ^ Yates, Diana. "Birds migrate together at night in dispersed flocks, new study indicates". news.illinois.edu.
  122. ^ Drake, V. A.; Farrow, R. A. (1988). "The Influence of Atmospheric Structure and Motions on Insect Migration". Annual Review of Entomology. 33: 183–210.
  123. ^ Biewener, Andrew A. (2003). Animal Locomotion. Oxford University Press.
  124. ^ Grabowska, Martyna; Godlewska, Elzbieta; Schmidt, Joachim; Daun-Gruhn, Silvia (2012). "Quadrupedal gaits in hexapod animals – inter-leg coordination in free-walking adult stick insects". Journal of Experimental Biology. 215 (24): 4255–4266
  125. ^ Ikawa, Terumi; Okabe, Hidehiko; Hoshizaki, Sugihiko; Kamikado, Takahiro; Cheng, Lanna (2004). "Distribution of the oceanic insects Halobates (Hemiptera: Gerridae) off the south coast of Japan". Entomological Science. 7 (4): 351–357.
  126. ^ Mill, P. J.; Pickard, R. S. (1975). "Jet-propulsion in anisopteran dragonfly larvae". Journal of Comparative Physiology A. 97 (4): 329–338.
  127. ^ Linsenmair, K.; Jander, R. (1976). "Das "entspannungsschwimmen" von Velia and Stenus". Naturwissenschaften. 50 (6): 231.
  128. ^ Bush, J. W. M.; Hu, David L. Hu (2006). "Walking on Water: Biolocomotion at the Interface" (PDF). Annual Review of Fluid Mechanics. 38 (1): 339–369.
  129. ^ Schowalter, Timothy Duane (2006). Insect Ecology: An Ecosystem Epproach (2nd (illustrated) ed.). Academic Press. p.3, 572
  130. ^ Gullan, P. J.; Cranston, P. S. (2014). The Insects: An Outline of Entomology (5th ed.). Oxford: Wiley Blackwell. p. 257
  131. ^ Gullan, P. J.; Cranston, P. S. (2014). The Insects: An Outline of Entomology (5th ed.). Oxford: Wiley Blackwell. 261–264
  132. ^ Losey, John E.; Vaughan, Mace (2006). "The Economic Value of Ecological Services Provided by Insects". BioScience. 56 (4): 311–323(13).
  133. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. p. 3, 218–228
  134. ^ a b c d Evans, Arthur V.; Bellamy, Charles (2000). An Inordinate Fondness for Beetles. University of California Press. p. 31
  135. ^ "Photos: Masters of Disguise – Amazing Insect Camouflage". 24 March 2014
  136. ^ Bedford, Geoffrey O. (1978). "Biology and Ecology of the Phasmatodea". Annual Review of Entomology. 23: 125–149.
  137. ^ Ritland, D. B.; Brower, Lincoln P. (1991). "The viceroy butterfly is not a Batesian mimic". Nature. 350 (6318): 497–498.
  138. ^ Meyer, A. (2006). "Repeating Patterns of Mimicry". PLOS Biology. 4 (10): e341.
  139. ^ Kricher, John (1999). "6". A Neotropical Companion. Princeton University Press. pp. 157–158.
  140. ^ Wigglesworth, Vincent Brian. "Insect". Encyclopædia Britannica online
  141. ^ "Pollinator Factsheet" (PDF). United States Forest Service.
  142. ^ Ollerton, Jeff; Alarcón, Ruben; Waser, Nickolas M.; Price, Mary V.; et al. (14 February 2009). "A global test of the pollination syndrome hypothesis". Annals of Botany. 103 (9). Oxford University Press: 1471–1480.
  143. ^ a b c Polaszek, Andrew; Vilhemsen, Lars (2023). "Biodiversity of hymenopteran parasitoids". Current Opinion in Insect Science. 56: 101026.
  144. ^ Forbes, Andrew A.; Bagley, Robin K.; Beer, Marc A.; et al. (12 July 2018). "Quantifying the unquantifiable: why Hymenoptera, not Coleoptera, is the most speciose animal order". BMC Ecology. 18 (1): 21.
  145. ^ Zhang, Qi; Kopylov, Dmitry S.; Rasnitsyn, Alexandr P.; Zheng, Yan; Zhang, Haichun (November 2020). Smith, Andrew (ed.). "Burmorussidae, a new family of parasitic wasps (Insecta, Hymenoptera) from mid-Cretaceous Burmese amber". Papers in Palaeontology. 6 (4): 593–603.
  146. ^ Tanaka, S.; Ohsaki, N. (2006). "Behavioral manipulation of host caterpillars by the primary parasitoid wasp Cotesia glomerata (L.) to construct defensive webs against hyperparasitism". Ecological Research. 21 (4): 570.
  147. ^ Poulin, Robert (2011). Rollinson, D.; Hay, S. I. (eds.). "The Many Roads to Parasitism: A Tale of Convergence". Advances in Parasitology. 74. Academic Press: 27–28.
  148. ^ a b Poulin, Robert; Randhawa, Haseeb S. (February 2015). "Evolution of parasitism along convergent lines: from ecology to genomics". Parasitology. 142 (Suppl 1): S6 – S15.
  149. ^ Gullan, P.J.; Cranston, P.S. (2014). The Insects: An Outline of Entomology, 5th Edition. Wiley. pp. 80–81, 790–.
  150. ^ Labandeira, Conrad C. (May 1998). "Early History of Arthropod and Vascular Plant Associations". Annual Review of Earth and Planetary Sciences. 26: 329–377.
  151. ^ Bale, J. S.; van Lenteren, J. C.; Bigler, F. (27 February 2008). "Biological control and sustainable food production". Philosophical Transactions of the Royal Society of London. Series B, Biological Sciences. 363 (1492): 761–776.
  152. ^ Davidson, E. (2006). Big Fleas Have Little Fleas: How Discoveries of Invertebrate Diseases Are Advancing Modern Science. Tucson, Arizona: University of Arizona Press
  153. ^ Colborn, T.; vom Saal, F. S.; Soto, A. M. (October 1993). "Developmental effects of endocrine-disrupting chemicals in wildlife and humans". Environmental Health Perspectives. 101 (5): 378–384
  154. ^ Nakamaru, M.; Iwasab, Y.; Nakanishic, J. (October 2003). "Extinction risk to bird populations caused by DDT exposure". Chemosphere. 53 (4): 377–387.
  155. ^ Holldobler, Wilson (1994). Journey to the ants: a story of scientific exploration. Cambridge, Massachusetts: Belknap Press. pp. 196–199.
  156. ^ Jordan, Alex; Patch, Harland M.; Grozinger, Christina M.; Khanna, Vikas (26 January 2021). "Economic Dependence and Vulnerability of United States Agricultural Sector on Insect-Mediated Pollination Service". Environmental Science & Technology. 55 (4): 2243–2253.
  157. ^ Crane, E. (1990). "Honey from honeybees and other insects". Ethology Ecology & Evolution. 3 (sup1): 100–105.
  158. ^ Sanford, M.T.; Dietz, A. (1976). "The fine structure of the wax gland of the honey bee (Apis mellifera L.)". Apidologie. 7 (3): 197–207.
  159. ^ "Wax Rendering". Bee Culture. 23 March 2016
  160. ^ "How Shellac Is Manufactured". The Mail (Adelaide, SA : 1912 – 1954). 18 December 1937
  161. ^ Bezzina, Neville. "Silk Production Process". Sense of Nature Research.
  162. ^ Dams, M.; Dams, L. (21 July 1977). "Spanish Rock Art Depicting Honey Gathering During the Mesolithic". Nature. 268 (5617): 228–230.
  163. ^ Roffet-Salque, Mélanie; et al. (14 June 2016). "Widespread exploitation of the honeybee by early Neolithic farmers". Nature. 534 (7607): 226–227.
  164. ^ Vainker, Shelagh (2004). Chinese Silk: A Cultural History. Rutgers University Press. p. 20.
  165. ^ Christian, David (2000). "Silk Roads or Steppe Roads? The Silk Roads in World History". Journal of World History. 2 (1): 1.
  166. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. p. 328–248, 400
  167. ^ "Biocontrol Network – Beneficial Insects". Biocontrol Network
  168. ^ Davidson, R. H.; Lyon, William F. (1979). Insect Pests of Farm, Garden, and Orchard. John Wiley & Sons. p. 38.
  169. ^ Dossey, Aaron T. (December 2010). "Insects and their chemical weaponry: New potential for drug discovery". Natural Product Reports. 27 (12): 1737–1757.
  170. ^ Sherman, Ronald A.; Pechter, Edward A. (1987). "Maggot therapy: a review of the therapeutic applications of fly larvae in human medicine, especially for treating osteomyelitis". Medical and Veterinary Entomology. 2 (3): 225–230.
  171. ^ Briggs, John C (October 2017). "Emergence of a sixth mass extinction?". Biological Journal of the Linnean Society. 122 (2): 243–248.
  172. ^ Owens, Avalon C. S.; Lewis, Sara M. (November 2018). "The impact of artificial light at night on nocturnal insects: A review and synthesis". Ecology and Evolution. 8 (22): 11337–11358.
  173. ^ Tscharntke, Teja; Klein, Alexandra M.; Kruess, Andreas; Steffan-Dewenter, Ingolf; Thies, Carsten (August 2005). "Landscape perspectives on agricultural intensification and biodiversity and ecosystem service management". Ecology Letters. 8 (8): 857–874.
  174. ^ Insect-plant interactions in a crop protection perspective. Academic Press. 19 January 2017. pp. 313–320.
  175. ^ Braak, Nora; Neve, Rebecca; Jones, Andrew K.; Gibbs, Melanie; Breuker, Casper J. (November 2018). "The effects of insecticides on butterflies – A review". Environmental Pollution. 242 (Pt A): 507–518.
  176. ^ Wagner, David L.; Van Driesche, Roy G. (January 2010). "Threats Posed to Rare or Endangered Insects by Invasions of Nonnative Species". Annual Review of Entomology. 55 (1): 547–568.
  177. ^ Wilson, E. O. "Threats to Global Diversity".
  178. ^ Sánchez-Bayo, Francisco; Wyckhuys, Kris A.G. (April 2019). "Worldwide decline of the entomofauna: A review of its drivers". Biological Conservation. 232: 8–27.
  179. ^ Saunders, Manu (16 February 2019). "Insectageddon is a great story. But what are the facts?". Ecology is not a dirty word.
  180. ^ van Klink, Roel (24 April 2020), "Meta-analysis reveals declines in terrestrial but increases in freshwater insect abundances", Science, 368 (6489): 417–420,
  181. ^ McGrath, Matt (23 April 2020). "'Insect apocalypse' more complex than thought". BBC News.
  182. ^ Pierce, B. A. (2006). Genetics: A Conceptual Approach (2nd ed.). New York: W.H. Freeman and Company. p. 87
  183. ^ Adams, M. D.; Celniker, S. E.; Holt, R. A.; Evans, C. A.; Gocayne, J. D.; et al. (24 March 2000). "The genome sequence of Drosophila melanogaster". Science. 287 (5461): 2185–2195.
  184. ^ "Insects could be the key to meeting food needs of growing global population". The Guardian.
  185. ^ Ramos-Elorduy, Julieta; Menzel, Peter (1998). Creepy crawly cuisine: the gourmet guide to edible insects. Inner Traditions / Bear & Company. p. 44.
  186. ^ a b "Insects as Food for Humans". Smithsonian
  187. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P.. 10–15
  188. ^ Michels, John (1880). John Michels (ed.). Science. Vol. 1. New York: American Association for the Advance of Science. p. 69.
  189. ^ Maierbrugger, Arno (14 May 2013). "UN: Insects are 'food of the future' (video)". Inside Investor
  190. ^ Verheyen, Geert; Ooms, Tom; Vogels, Liesbeth; Vreysen, Steven; Bovy, Ann; Van Miert, Sabine; Meersman, Filip (1 May 2018). "Insects as an Alternative Source for the Production of Fats for Cosmetics". Journal of Cosmetic Science. 69 (3): 187–202.
  191. ^ "From Pest to Pot: Can Insects Feed the World?". National Geographic Culture. 15 August 2016
  192. ^ "How AgriProtein makes chicken food from maggots". Wired UK
  193. ^ Bugs. "Bugs – das Wirbellosenmagazin". NTV Verlag.
  194. ^ Gullan, P. J.; Cranston, P. S. (2005). The Insects: An Outline of Entomology (3rd ed.). Oxford: Blackwell Publishing. P. 9
مرجّعة من "https://ary.wikipedia.org/w/index.php?title=بخوش&oldid=430366"