انتقل إلى المحتوى

بالينيات

بدل ليانات
من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
بالينيات
بالينيات
معلومات عامة
سمية لعيلميةCetacea
(ماثورن بريسون، 1762)
لخاصية د ترتابرتبة سفلى
تابع لCetaceamorpha
لعيشة
عايش فلفترة50 مليون عام قبل لميلاد
كايعيش فمسطح مائي
خصايصو
كاياكلعوالق حيوانية
كاين منوحوت
لخواص طبيعية
معلومات خرين
لكائن مصدر ديالزيت الحوت


بالينيات (سمية علمية: Cetacea) هوما بزوليات مائيين كاينتاميو ل التنضيمة السفلية بالينيات، وسط التنضيمة مساويات الصبعان. لبالينيات كايجمعو لبالينات، الدنافل و حلالف لبحر. لخصايل الساروتيين هوما ستيل عيشتهم لمائي ب لكامل، شكل نسيابي د لكسدة، قد لي ديما كايكون كبير و ريجيم لحايمي ب شكل حصري. هوما كايلاوحو ريوسهم وسط لما ب حركات غاديين لفوق و لتحت د قزازبهم، لي كايتختمو ب شعبة كاتشبه ل لپالمات، و كايخدّمو طرافهم لقدّاميين لي على شكل مجادف باش يݣيديو ريوسهم ف لما.

وخا لغالبية نتاع لبالينيات كايعيشو ف لبيئات لبحريين، واحد لعدد صغير كايعيش ب لكامل ف لما لحلو و لمسوس. هوما عندهم واحد التوزيع عالمي، كايمكن ليهم يتلقاو ف شي وديان و ف ݣاع محيطات الدنيا، و بزاف د النواع كايرحلو على طول نطاقات واسعين معا التبدال د لفصول.

لبالينيات مشهورين ب الداكا ديالهم الزايد، سلوكهم الجتيماعي لمعقد، و لقد لهايل عند شي أعضاء ف لݣروپات. متلاً، لبالينة الزرقا كاتوصل ل طول ماكس موكّد ف 29.9 ميطرو و تقل د 173 طن، هادشي لي كايردها أكبر حيوان موجود تعرف.

كاين جوايه 90 نوع عايش مفرقين ل جوج تنضيمات صغيورانيين: لبالينيات لمسننين ولا لبالينات ل ب السنان، لي فيها 75 نوع بحال حلالف لبحر، الدنافل، بالينات فرايسيين بحال بالينة لعمبر و لبيلوݣا، و لبالينات مو منقار و لبالينيات لمشطيين لي كاياكلو ب التصفية ولا لبالينات لحقيقيين، لي فيهم 15 النوع و كايشملو لبالينة الزرقا، لبالينة حدبة الضهر و لبالينة مقوسة الراس، بينات وحدين خرين. وخا عندهم كسدات معدلين ب زايد و ستيل د لعيشة لحايمي، لبراهن الجينيين و لفوصيليين كايحطو لبالينيات بينات لحافريات مساويات الصبعان (مدوبلات الصبعان) قرابين كتر ل فرس النهر.

لبالينيات تصادو ب شكل شديد على قبل لحمهم، الطبقة د الشحمة و الزيت نتاعهم من لعمليات التجاريين. وخا لوكالة الدولية د تصياد لبالين تافقات على توقاف تصياد لبالين التجاري، صيادة لبالينات مازالة كمّالة، يا إما تحت لكوطات ديال و.د.ت.ب باش يعاونو ف لمعاش د الشعوب لأصليين د لقطب الشمالي ولا ب سمية لبحت لعلمي، وخا واحد الطيف عريض ديال لميطودات اللاقتالين دابايا موجودين على قبل دراسة لبزوليات لبحريين ف لبرية.

لبالينيات عاوتاني كايواجهو مخاطر بيئيين شداد من التلوت الصداعي تحت لما، لوحيل ف لحبال و الشباكي، الضربات د لباطويات، التݣجݣيج د لپلاستيك و لفلالز التقال، التبدال لمناخي الجاي من بنادم، بلحق شحال هوما مقيوصين كايتنوع ب شكل عريض من نوع ل نوع، من لبالينات نيف لقرعة الجنوبيين لمقيوصين ب شكل مينيموم ل لبايجي (دنفيل لواد الشينوي) لي كايتعتابر منقارض وضيفياً ب سباب النشاط د بنادم.

لبالينات لحقيقيين و لبالينات ب السنان

[بدل | بدل لكود]

لبالينات د بصح (Mysticeti؛ بالينيات مشطيين) و لبالينات ب السنان (Odontoceti؛ بالينيات مسننين) كايتشافو بلي تعرّشو على بعضياتهم جوايه 34 مليون عام هادي.[1] 90 نوع باقي عايش د لبالين مقبولين دابايا، ب 75 بالينة مسننة و 15 لبالينة د بصح.[2]

لبالينات لحقيقيين عندهم زغب مصاوب من لكيراتين ف عاوض السنان. لبالينات الرماديين (إسريكتيات؛ Eschrichtiidae) كايقصيو الرخويات لي كايسكنو ف لقاع. لبالينات لحقيقيين لي كاينتاميو ل لفاميلة لهركوالية (بالينيات لمجداف؛ Balaenopteridae) كايخدّمو طويات حلقهم باش يوسّعو فّامهم باش ياخدو اللاسنسوليات الصغار بحال لباربار (krill) و كايصفّيو لما من فامهم من موراها.[3] لبالينات الصايبات و مقوسات الراس (فاميلة بالينيات حقيقيين) عندهم ريوس هايلين لي يقدرو يصايبو 40٪ من كتلة كسدتهم. جل لبالينيات لمشطيين كايخيّرو لبرد لي كايكون عامر ب لماكلة جوايه لقطبين د النص الشمالي و الجنوبي، كايرحلو ل الستيواء باش يولدو. وقيت هاد لعملية، هوما كايكونو قادرين باش يصومو بزاف د الشهور، ب التعوال على خزاين الشحمة دياولهم.[4]

لبالينات ب السنان كايشملو بالينات لعمبر، بالينات مو منقار، الدنافل و حلالف لبحر. السنان تطورو عند هاد لبالينات على قبل شدان لحوت، لكالامار ولا اللاسنسوليات لبحريين لخرين و على قبل سريط لفرايس پياسا وحدة ف بلاصة مايمدغوها. شكل السنّة يقدر يتبدل بينات لݣروپات، الدنافل و بالينات لعمبر عندهم سنان على شكل مخروط، حلالف لبحر عندهم على شكل بالة، لبيلوݣات عندهم على سطوانة، على شكل نياب عند النارڤالات و بزاف د الشكال لمبدلين د السنان الديكوريين عند الدكور د بالينات مو منقار. السنان د نتوات بالينات مو منقار كايكونو مدرقين ب اللتة و ماكايبانوش، و لغالبية ديال الدكورا د هاد لبالينات عندهم غير جوج نياب قصار. النارڤالات (Narwhals) عندهم سنان أتاريين على جناب نيابهم، لي كايكونو حاضرين عند الدكور و 15٪ د النتوات. بالينات مسننين قلال، بحال شي أوركا، كاياكلو لبزوليات لبحريين كيف ما زعانفيات الرجلين و بالينات خرين.[5][6]

لبالينات ب السنان عندهم حواس محسنين مزيان. النضر و السميع نتاعهم مأضاپطيين على لهوا و لما، و كايمكن ليهم يقلّعو ب لإيكو (echolocate) ب طليق صوات و ب تخدام بتيختهم (melon). شي نواع–مأضاپطيين مزيان على لغطيس ل غرق كبير. نواع معددين د لبالينات لمسننين كايورّيو الديمورفية الجنسية، عادةً على قبل التورية الجنسية ولا لعنف.[7]

لأناطوميا

[بدل | بدل لكود]
أناطوميا ديال الدنفيل

كسدات لبالينات ب شكل عام كايشبهو ل هادوك لي عند لحوت. لي يمكن ليهم يتقرنو ب ستيل عيشتهم و الضروف لموؤليين لمشابهين. كساديهم مأضاپطيين مزيان معا موؤلهم، وخا كايشركو خصايل ساسيين معا لبزوليات لفوقانيين (لوحشيات لحقيقيين؛ Eutheria) لخرين.[8] لبالينات عندهم واحد الشكل نسيابي، و طرافهم لقدّاميين كايكونو مجادف (flippers). علاين كلهم عندهم واحد الزعنفة ضهرية (dorsal fin) ف ضهورهم، و لكن تقدر تاخد شلا فورما، على حساب النوع. نواع قلال، كيف ما بالينة لبيلوݣا، كاينقصوها هاد الزعانف. لمجداف و الزعنفة ب جوج كاينين على ود باش يتوازنو و باش يݣيديو ريوسهم ف لما.[9] لكسدة كاتكون ملمطة ب واحد الطبقة غليضة د الشحمة، الطبقة الشحمية (blubber). هاد الطبقة كاتمد لعزيل لحراري (thermal insulation) و كاتعطيهم شكل كسدي ملس و نسيابي. عند النواع لكبر ف لقد، الطبقة الشحمية تقدر توصل ف لغلض ل 50 سانتيميطر.[10] لكراوع اللورانيين ݣاعما كايكونو حاضرين عند لبالينيات، ولا حتى شي شكل كسدي براني مربوط كيف ما لودن لبرانية (pinna).[11]

لأعضاء د لمكاترة عند الجناس ب جوج و لغدد لبزوليين د النتوات كايكونو غارقين ف لكسدة.[12][13] لأعضاء لمناسليين د الدكر كايكونو مربوطين ب واحد لحوض أتاري.[14][15]

الديمورفية الجنسية كاتكون بارزة عند شلا نواع د لبالينات ب السنان، بحال بالينات لعمبر، النارڤالات، بزاف د لأعضاء من فاميلة لبالينات مو منقار و نواع معددين ديال فاميلات حلوف لبحر و الدنفيل. عند شي شوية من هاد النواع، الدكور ديڤلوپاو خصايل برانيين غايبين عند النتوات لي كاتكون عندهم مزيّة ف لمضاربة ولا التورية. متلاً، شلا دكور د لبالينات مو منقار كايملكو نياب (tusks) لي كايتخدّمو ف لمنافسة و كايكونو غايبين عند النتوات.[16][17]

الراس

[بدل | بدل لكود]
جمجومة ديال واحد لبالينة صايبة شمال أطلسية

لبالينات عندهم واحد الراس مطوّل، خصوصاً عند لبالينات د بصح، هادشي ب سباب فكهم لمدلّي فوق لقياس. فكاكهم فيهم يا إما سنان ولا مشاطات (baleen) ف النواع د لݣروپات. لمشاطة مصايبة من خيوط ليفيين طوال د لكيراتين. محطوطين تابتين ف السنان د لفك لفوقاني، عندهم لمضهر د واحد الصف عملاق د لهدب و كايتخدّمو ف تصفية لما من لفرايس،[18] منين كايكون حاضرين، السنان ولا لمشاطات ف لفك لوقاني محطوطين ب شكل حصري على لماكسيلا (Maxilla).

مناخرهم كايصابو واحد التنفيسة (blowhole)، لي فيها فتحة وحدة عند لبالينات ب السنان و جوج عند لبالينات د بصح.[19] مناخرهم كايكونو محطوطين على ريوسهم فوق من عينيهم باش الشايط ف لكسدة يبقى مغمس تحت لما و ف نفس لوقت كايشمو لهوا. ب تكحاز مناخرهم ل لفوق د الراس، لمجاري النيفيين كايتوسعو ب شكل عمودي على طول الجمجومة.[20] اللور د الجمجومة كايكون مقصّر ب شكل شديد و مديفورمي، و صندوق الدماغ كايكون ممركز ل لقدّام على طول لمجرى النيفي و كايكون معلّي، ب عضام جمجوميين فرديين كايدّاخلو معا بعضياتهم. جل لبالينيات عندهم فقرات مدموجين د لعنق و ݣاعما كايكونو قادرين يدوّرو ريوسهم ف خطرة، بلحق دنافل لواد بقات عندهم هاد لقدرة.[21]

بزاف ديال لبالينات لمسننين كايورّيو واحد التجواف ف لقدّام د جماجمهم، لي كايضيّفو واحد لكتلة كبيرة من الشحمة معروفة ب سمية البتيخة (melon) و شلا كياس د لهوا ماماتلينش.[22] هاد لأنسيجية الرهيفين (soft tissues) كايعاونو ف لبيوصونار و الطفو، ب شكل مرادف. بالينة لعمبر عندها ب الضبط واحد لبتيخة بارزة و الشكل د ريوسهم كايتبدّل كتر ب لحضور د لعضو لعمبري (spermaceti organ)، لي فيه لعمبرية (spermaceti؛ مادة شمعية شبه سايلة)، لي ب سبابها تسماو هاد لبالينات "لعمبر".

السكوليط

[بدل | بدل لكود]
دياݣرام كايبيّن السكوليط النوعي د واحد لبالينة ب السنان (فوق) و بالينة حقيقية (تحت)

سكوليط لبالينيات كايكون مصايب ب شكل كبير من واحد لعضم قشري (cortical bone) كتيف، لي كايوازن لحيوان ف لما. على قبل هادشي، لعضام لأرضيين لمضغطين لموالف بيهم، لي مشكلين من عضم سفنجي (cancellous bone) مشابك ب شكل دقيق، كاياخدو بلاصتو واحد لمواد لاستيكيين كتر. ف شلا مواضع، لعناصر لعضميين كايتبدلو ب لغضروف ولا حتى الشحمة، و عليها كايحسنو لكاليطيات لهيدروسطاتيين دياولهم. لودن و شي پارتيات من لمنخار فيهم واحد لقلدة عضمية كتيفة ب زايد لي كاتكون حصرية عند لبالينيات و كاتشبه ل لپورسولان (porcelain؛ لخزف الشينوي). هاد لقلدة كاتسيّر الصوت حسن من لعضام لخرين، عليها كاتعاون ف لبيوصونار (biosonar).

لعدد ديال السنسولات لي كايصايبو لعمود السنسولي كايتبدلو على حساب النوع، و كايتفاوتو من 40 حتى ل 93 سنسولة. لعنق مشكل من سبعة د السنسولات لي منقّصين ولا مدموجين، لي كايمدّو لموازنة وقيت لعومان بلحق كايزوّلو لمدى لحركي.[23] الزعانف كايكونو مرفودين ب السنسولات الصدريين، لي كايتفاوتو من تسعود ل سبعطاش سنسولة. عضم لݣص (sternum) كايكون غضروفي. لفردات الجوج ولا التلاتة اللخرين د الضلوع مكايكونوش مربوطين و كايتدلّاو ب حرية وسط لكسدة. اللومبير (lumbar) و الزنطيط التابتين كايجمعو السنسولات لي بقاو. السنسولات الزنطيطيين (caudal vertebrae) يقدر يتعرفو ب لعضم الشيڤروني (chevron bone) لي مدلّي تحت منهم.

الطراف لقدّاميين كايكونو على شكل مجداف ب درعان مقصّرين و عضام د الصبع مطوّلين، باش يعاونو ف التحراك. هومايا مربوطين ب لغضروف. الصبع الجاوج و التالت كايورّيو واحد لمضاعفة ف لأعضاء د الصباع، لي كايعيّطو ليها فرط لفالونجات (hyperphalangy). لمفصل ديال لكتف هو لمفصل لي بوحدو وضيفي عند لبالينيات كاملين من غير دنفيل واد لأمازون. عضم لكول (collarbone؛ الترقوة) كايكون غايب ف خطرة.

لبالة

[بدل | بدل لكود]

لبالينيات عندهم واحد لبالة (Fluke) غضروفية ف اللخر د قزازبهم لي كاتخدّم ف التسياب. لبالة كاتكون محطوطة ب شكل أفقي عل لكسدة و كاتخدّم ف التحراك لعمودي، عكس لحوتات، لي عندهم بالات عموديين د لقزيبة لي كايتحرّكو ب شكل أفقي.[24]

لفيزيولوجيا

[بدل | بدل لكود]

لمخ

[بدل | بدل لكود]
مخ بالينة لعمبر، كايتعتابر أكبر مخ ف الدنيا

عند لبالينيات، التطور ف لما سبب تبدالات ف الراس لي موديفياو الشكل د لمخ على قبل باش يتطوى لمخ على لقشرة لمخية لݣزيرية (insula) و يتوسع كتر ل الجناب على لبزوليات لأرضيين. لحاصول، لقشرة لمخية لماقبل قدّامية (Prefrontal cortex) (ب لمقارنة معا هاديك لي عند بنادم) كاتموضع ب شكل جنبي ف عاوض لقشرة لمخية لقدّامية.[25] لقشرة لمخية الجديدة (neocortex) عند شلا بالينيات كاتضيّف عصيبات مغزليين (spindle neurons) مطوّلين لي، قبل من 2019، كانو كايتعرفو غير عند لبشرانيات (hominids).[26] عند لبشر، هاد لخلايا كايتشافو بلي داخلين ف السلوك الجتيماعي، لعواطف، و لحكيم (judgment) و نضرية لعقل.[27] لعصيبات لمغزليين د لبالينيات كايتصابو ف نفس لمواضع لي تصابو ف مخ بنادم، هادشي لي كايقتارح بلي كايديرو نفس لوضيفة.[28]


معدال لمخ معا لكسدة (brain to body mass ratio) عند شي بالينيات مسننين، كيف ما لبيلوݣات و النارڤالات، كايتكلاصا الجاوج مور هاداك لي تشاف عند بنادم.[29] غير هو، عند شي بالينات، كايكون قل من النص د هاداك د بنادم: 0.9٪ ضد 2.1٪. بالينات لعمبر عندهم أكبر كتلة مخية وسط أي حيوان ف الدنيا، ب متوسط د 8,000 سم3 و 7.8 كݣ عند الدكور لبالغين.[30] لقد د لمخ كان كايتعتابر ف لفايت واحد لمؤشر كبير على الداكا. مادام لغالبية نتاع لمخ كاتخدّم ف لمحافضة على لوضايف لكسديين، معدالات كبر ديال كتلة لمخ معا لكسدة (التقل) يقدر يزيدو كمية كتلة لمخ لواجدة على ود لمهام لمعرفيين. التحليل لآلوميطري (Allometric) على لعلاقات بينات لمخ د لبزوليات و كتلة لكسدة ل نواع مبدلين د لبزوليات ورى بلي النواع لكبر ف لقد عندهم ب شكل عام مخاخ كبر. وخا هاكداك، هاد الزيادة ماكاتواتاش مية ف لمية. عادةّ كتلة لمخ كاتزاد ب شكل جزئي ل بينات التلتين د لقوة و التلت رباع د لقوة من كتلة لكسدة. mمخ ∝ (mكسدة)k فين k كاتكون بنات التلتين و التلت رباع. عليها يلا النوع B كايدير جوج د لمرّات من لقد د النوع A، لقد د مخو غايكون عادةً بينات 60٪ و 70٪ كبر.[31] لمقارنة ديال لقد لمخي د شي حيوان فلاني معا لقد لمخي لمتوقع على حساب بحال هاد التحليل كايعطي واحد لحاصول تدماغي (encephalization quotient) لي يقدر يتخدّم ب صيفتو مؤشر على الداكا د لحيوان.[32]

لحواس

[بدل | بدل لكود]

الشوف

[بدل | بدل لكود]

عينين لبالينيات كايكونو محطوطين ف الحناب بلاصة لقدّام د الراس. معنيتها غير النواع ب 'مناقر' مقمقمين (كيف ما الدنافل) لي عندهم شوف جاوجي (binocular vision) مزيان لقدّام و اللور. لغدد الدمعيين كايفرْزو دموع ميْدّمين، لي كايحاميو عل لعينين من لملحة د لما. لعدسات كايكونو علاين مكوّرين، لي فعّالين كتر ف تركيز الضو لمينيموم لي كايوصل ل لما لغارق.

لحواس لكيماويين

[بدل | بدل لكود]

لبالينيات لمسننين ݣاعما كايقدرو ولا عندهم قدرة قليل على الدوق و الشمان، ف لوقيتة لي لبالينيات لمشطيين كايتشافو بلي قادرين شي شوية على الشمان ب سباب السيستيم الشمي ديالهم لمنقوص بلحق وضيفي.[33]

الستيقبال لكهرباوي

[بدل | بدل لكود]

علاقل نوع واحد، التوكوكسي (tucuxi) ولا دنفيل ݣويانا، قادر باش يخدّم الستيقبال لكهرباوي (electroreception) باش يحس ب لفريسة.[34]

التقلاع ب لإيكو

[بدل | بدل لكود]
بيوصونار

لبالينات ب السنان كايكونو ب شكل عام قادرين على الاقلاع ب لإيكو (echolocation).[35] يمكن ليهم يفرّزو لقد، الشكل، لخصايل د السورفاص، لمسافة و لحركة د شي أوبجي. ب سباب هادشي كايقدرو يقلّبو، يتبعو و يقبطو لفرايس لعايمين ب الزربة وسط الضلام لمعتم. لكليكات (clicks) ديال التقلاع ب لإيكو عاوتاني فيهم خصايل فرّاديين عند كل حيوان، هادشي لي يقدر يقتارح بلي لبالينات ب السنان كايقدرو يفرّزو لكليكات نتاوعهم من لكليكات ديال لخرين.[36]

وخا التبدالات ف قلدة لودن لي مرافقين معا لقدرات د التقلاع ب لإيكو تصابو ف لبالينيات، اللامماتلة لمخية حتى هي تصابت ب صيفتها واحد لعامل ف لقدرة على طليق صوات كايتخدّمو ف التقلاع ب لإيكو. لبالينيات لمشطيين، لي ماعندهمش لقدرة باش يقلعو ب لإيكو، كايملكو مماتلة عامة ديال الجمجومة و لموضع د لوجه، ف لوقيتة لي لبالينيات لمسننين كايورّيو واحد اللامماتلة نيفوجهية لي مربوطة ب قدراتهم د التقلاع ب لإيكو.[37] التبدالات ف النيڤو ديال لمماتلة حتى هوما كايبانو بلي كايتقرنو ب التبدالات ف النواع د الصوات لمطلوقين.

لودنين

[بدل | بدل لكود]

لبالينيات معروفين بلي عندهم سميع مخيّر.[38]

لودن لبرانية ترزات ليها الصيوانة (pinna؛ لودن لباينة)، بلحق شاطت ليها واحد لقناة ودنية ضيّقة. التلاتة د لعضام الصغار ولا لعضيّمات (ossicles) لي كايدوّزو الصوت وسط كل ودن كايكون كتيفين و مضغطين، و عندهم شكل مبدل على هادوك لي عند لبزوليات د لوطا. لقنوات النص دايريين كايكونو صغر ب لمقارنة معا لقد د لكسدة على لي عند لبزوليات لخرين.[39]

واحد لقلدة معضمة ديال لودن لوسطانية و الدخلانية، لبواقة السمعية (auditory bulla)، كاتكون مشكلة من جوج عضام كتيفين و مضغطين (لعضم السمعي الطواق و لعضم الطبلي). كاتكون ساكنة ف واحد التجواف ف لودن لوسطانية؛ عند ݣاع لبالينات ب السنان، من غير بالينات لعمبر، هاد التجواف كايكون عامر ب الرغوة كتيفة و كايطوّق لبواقة ب لكامل، لي كاتكون مربوطة معا الجمجومة غير ب الرباطات. هادشي يقدر يعزل لودن على الصوات الدايزين على طريق لعضام، نفس لحاجة لي كاتطرى عاوتاني عند سحات الليل.[40] لبالينات لحقيقيين عندهم غشاوات قاعديين عراض و رقاق ب شكل ستيتنائي ف لكوكليات دياولهم بلا ما يجمدو لعومالا، هادشي لي كايرد ودنيهم مأضاپطيين على التعامل معا الترددات التحت صوتيين لهابطين.[41]

لبالينيات كايخدّمو الصوات ف التواصل، ب تخدام التوحويح، النين، التصفار، لكليكات ولا 'لغنا' عند لبالينة حدبة الضهر.[42]

الدورة الدمية

[بدل | بدل لكود]

لبالينيات عندهم قلوب مجهدين. لأوكسيجين د الدم كايتوزع ب شكل فعال ف لكسدة كلها. هومايا حيوانات سخان الدم، معنيتها بلي كايشدّو واحد لحرارة كسدية على بونت منتاضمة.[43]

التنفس

[بدل | بدل لكود]

لبالينيات عندهم الريات، معنيتها بلي هوما كايتنفسو لهوا. شي فرد يمكن ليه يبقى بلا نفس من دقايق قلال ل كتر من ساعتاين على حساب النوع. لبالينات كايتنفسو ب شكل إيرادي: كايخصهم يكونو فايقين باش يستنشقو و يزفرو. منين لهوا لقديم، لي سخن وسط الرية كايتزفر، كايبدا يتكتف و هو كايتلاقى معا لهوا لبراني لي برد. كيف ما هو لحال معا شي بزولي أرضي كايتنفس ف شي نهار بارد، واحد السحابة صغيورة ديال 'لبخار' كاتبان. هادشي كايعيّطو ليه 'السوطة؛ spout' و كاتبدل بينات النواع ف الشكل، الزاوية، و لعلو. النواع يقدرو يتعرفو من شي بلاصة بعيدة ب تخدام هاد لخصلة.

لقلدة ديال السيستيمات د التنفس و الدوران كاتكون عندها ب الضبط واحد لاهمية على ود لحياة ديال لبزوليات لبحريين. لموازنة د لأوكسيجين كاتكون فعالة. كل نفس يقدر يعمّر حتى ل 90٪ من لحجم الطوطال د الرية. مقارنة معا لبزوليات لأرضيين، هاد لقيمة كاتكون ف لعادة جوايه 15٪. وقيت الستينشاق، جوايه جوج د لخطرات من لأوكسيجين كايتمصو من النسيج د الرية كيف بحال لبزوليات د لوطا. كيف ما هو لحال معا ݣاع لبزوليات لأرضيين، لأوكسيجين كايتخزن ف الدم و الرية، و لكن عند لبالينيات، كايتخزن حتى ف شلا أنسجة، ب شكل ساسي ف لعضلات. هنايا، هادشي كايطرا ب سباب الصبغي لعضلي، لميوݣلوبين (myoglobin)، لي كايمد واحد الرابطة فعالة. هاد لخزنة لمزيودة ديال لأوكسيجين كاتكون حيوية على قبل لغطيس لغارق، ماحد منين كايفوت لغرق 100 م تقريباً، النسيج د الرية كايولي على بونت مضغط ف خطرة ب سباب الضغط د لما.

لأعضاء د لكرش

[بدل | بدل لكود]

لمعدة مصايبة من تلاتة تلاتة د لبيوت. لبلاصة اللولى كاتشكل ب واحد لغدة مرخية و واحد لمعدة قبلية عضلية (مرزية عند لبالينات مو منقار)؛ هادشي متبوع ب لمعدة الساسية و لبواب (pylorus). ب جوج بيهم مسلحين ب غدد باش يعاونو ف لهضيم. لمصران كايكون محادي لمعدة، لي لأقسام لفرديين نتاوعها يمكن ليهم يتفرّزو غير ب شكل هيسطولوجي (histologically؛ ب شكل نسيجي). لكبدة كاتكون كبيرة و مفروقة على لمرّارة.[44] لكلاوي كايكونو طوال و مسطحين. لكونسونطراسيو د لملحة ف دم لبالينيات كاتكون نازلة على هاديك لي ف لما د لبحر، هادشي لي كايشرط على لكلوات يفرْزو لملحة. هادشي كايرد لحيوانات قادرين يشربو لما د لبحر.[45] لمتانة لبولية كاتكون صغر نسبياً ب لمقارنة معا قد لكسدة عند لبالينيات على هاديك لي عند لبزوليات د لوطا.[46] للفوييلات كايكونو مبلاصيين ب شكل دخلاني، بلا حتى شي كيس صفني (scrotum) براني.[47][48][49][50] لولّادة كاتكون جاوجية لݣرون (bicornuate).[51]

لكروموزومات

[بدل | بدل لكود]

لكاريوتيپات (karyotype؛ النوى لخلويين) لبديانيين كايشملو واحد التستيفة د لكروموزومان من 2n = 44. هوما عندهم ربعة ديال لفردات من لكروموزومات لمركزوختميين (telocentric) (لي الطراف لمركزيين؛ centromeres دياولهم كايݣلسو على وحدة من الطراف لخاتميين؛ telomeres)، جوج حتى ل ربعة ديال لفردات من لكروموزومات التحت مركزوخاتميين (subtelocentric) و فردة ولا جوج د لفردات لكبار من لكروموزومات التحت مابعد مركزيين (submetacentric). لكروموزومات لباقيين كايكونو مابعد مركزيين (metacentric)–الطرف لمركزي كايكون تقريباً ف لوسط–و كايكونو صغار. ݣاع لبالينيات عندهم كروموزومات 2n = 44. من غير بالينات لعمبر و بالينات لعمبر لقزم، لي عندهم 2n = 42.[52]

لإيكولوجيا

[بدل | بدل لكود]

لمادى و لموايل

[بدل | بدل لكود]

لبالينيات كايتصابو ف بزاف ديال لموايل لمائيين. ف لوقيتة لي شلا نواع بحريين، كيف ما لبالينة الزرقا، لبالينة حدبة الضهر و لأوركا عندهم توزيع كايجمع علاين لموحيط كلو، شي نواع كايكونو غير ب شكل لوكال ولا ف نسمات مهرسين. هاد النواع كايشملو لڤاكويطا (vaquita)، لي كايسكن ف واحد الطرف صغير ف خليج كاليفورنيا و دنفيل هيكطور، لي كايعيش ف شي بلايص كوشطيين ف نيوزيلاندا. جل النواع د دنفيل لواد كايعيشو ب شكل حصري ف لما لحلو.[53]


شلا نواع كايسكنو خطوط د لعرض مضبوطين، دايماً ف لما لمداري و الشبه مداري، بحال دنفيل برود (Bryde's whale) ولا دنفيل ريسو (Risso's dolphin). وحدين خرين كايتلقاو غير ف شي كسادي مائيين مضبوطين. دنفيل لبالين لحقاني الجنوبي (southern right whale dolphin) و دنفيل لمݣانة الرملية (hourglass dolphin) كايعيشو غير ف لمحيط الجنوبي. النارڤال و لبيلوݣا كايعيشو غير ف لمحيط الشمالي. لبالينة مو منقار د ساورباي (Sowerby's beaked whale) و دنفيل كلايمين (Clymene dolphin) كايكونو غير ف لمحيط لأطلاسي و الدنفيل بيض الجناب د لهادي (Pacific white-sided dolphin) و الدنفيل لحقاني الشمالي (northern straight dolphin) كايعيشو غير ف شمال لمحيط لهادي.

النواع لي عندهم توزيع عالمي يقدرو يتصابو ف لمحيط لهادي، لأطلاسي و لهندي. غير هو، النسمات الشماليين و الجنوبيين كايولّيو مفارقين جينياً معا لوقت. عند شي نواع، هاد التفراق كاتودّي ف اللخر ل واحد التعراش د النوع، بحال هادشي نتج لبالينة لحقانية الجنوبية، لبالينة لحقانية د شمال لهادي و لبالينة لحقانية د شمال لأطلاسي.[54] مواضع د لمكاترة عند النواع الرحايليين دايماً كايكونو ف لبلايص لمداريين و مواضع د لماكلة كايكونو ف لبلايص لقطبيين.

تناين و تلاتين نوع كايتلقى ف لما لأوروپي، منهم خمسة و عشرين بالينة مسننة و سبعة د لبالينات لحقيقيين.

لهجرة د لبالينات

[بدل | بدل لكود]

بزاف ديال النواع من لبالينات كايهاجرو على ساس خط عرضي باش يتحركو بينات لموايل لموسميين. متلاً، لبالينة الرمادية كاتهاجر 16,000 كم مشية و مجية. التسافيرة كاتبدا ف لبلايص د لولادة الشتويين ف لݣليتات لكوشطيين (lagoons) الدافيين على طول باخا كاليفورنيا، و كايقطعو 8,000–11,300 كم على طول لكوشطات ل لبلايص د لماكلة ف لبحور د بيرينݣ، تشوكتشي و بوفورت ف لكوشطا د ألاسكا.[55]

السلوك

[بدل | بدل لكود]

النعاس

[بدل | بدل لكود]

لبالينيات لي كايتنفسو ب شكل إيرادي كاينعسو و لكن ماكايقدروش يبقاو بلا وعي ل وقت طويل، لاحقاش يقدرو يغرقو. وخا لمعرفة د النعاس عند لبالينيات لبريين محدودة، لبالينيات ب السنان ف لحبس فايتين تشجلو كايورّيو النعاس النص مخي لأحادي تقيل لموجة (USWS)، معنيتها غير جنب واحد مخهم لي كاينعس ف شي وقت، باش يقدرو يعومو، يتنفسو إيرادياً و يتجنبو لمفتارسين و لكونطاك الجتيماعي وقيت لوقيتة د الراحة ديالهم.[56]

واحد الدراسة د 2008 صابت بلي بالينات لعمبر كاينعسو ف وضعيات عموديين د لكسدة تحت السورفاص ب شوية ب واحد لغطسات 'نجيرافيين' سطحيين، ب شكل عام وقيت النهار، فين لبالينات ماكايسوّقوش ل لباطوات الدايزين من غير يلا وقع شي كونطاكط، هادشي لي ودّى ل لقتيراح بلي لبالينات يمكن كاينعسو ف لوقيتة د هاد لغطسات.[57]

لغطيس

[بدل | بدل لكود]

ف لوقيتة د لغطيس، لحيوانات كاينقصو من لكونصوماسيو د لأوكسيجين ب تهباط النشاط د لقلب و الدورة د الدم؛ لأعضاء لفرديين ماكاياخدوش لأوكسيجين ف هاد لوقيتة. شي هركوالات (rorquals) يمكن ليهم يغطسو حتى ل 40 دقيقة، بالينات لعمبر بينات 60 و 90 دقيقة و بالينات نيف لقرعة ل ساعتاين. متوسط لغرق د غطيس جوايه 100 م. النواع بحال بالينات لعمبر يمكن ليهم يغطسو حتى ل 3,000 م، وخا كايغطسو متر ب شكل شايع ل 1,200 م.[58][59]

لعلاقات الجتيماعيين

[بدل | بدل لكود]

لغالبية د لبالينيات كايكونو حيوانات جتيماعيين، وخا شي نواع قلال كايعيشو ف كوپلات ولا بوحديتهم. واحد لݣروپ، معروف ب سمية كليكة (Pod)، مشكل ف لعادة بينات عشرة حتى ل خمسين فرد، بلحق ف شي مناسبات، بحال وقت لوفرة لهايلة د لماكلة وقيت موسم لملاقية، لݣروپات يقدرو يفوتو ألف فرد. التجماعات بينات النواع يمكن ليهم يطراو.[60]

لكليكات فيهم واحد لهرمية متبتة، و لمقامات اللولانيين كايتحددو ب لعضان، لمدافعة ولا لمناطحة. هاد السلوك ف لݣروپ كايكون عدواني غير ف لحالات ديال السطريس بحال نقصان لماكلة و لايني عادةً كايكون سلمي. لمقايصة ف لعومان، لمداعبة لمشروكة و لمدافعة لخفيفة كايكونو شايعين. السلوك د التفلية عند هاد لحيوانات، لي كايبان ف التنقيزات ل لهوا، التشقليبات، السورفينݣ، ولا خبيط الزعنفة، كايوقعو غالباً عند لبالينيات الصغار ف لقد، كيف ما الدنافل و حلالف لما.[61]

لغناية د لبالين

[بدل | بدل لكود]

الدكور د شي نواع ف لبالينات د بصح كايتواصلو على طريق غناية د لبالين، لي هي تسنسيلات ديال صوات ب درجة طالعة. هاد "لغنايات" يمكن ليهم يتسمعو على بعد مياوات ديال لكيلوميطرات. كل نسمة كايشركو ب شكل عام غناية مفرّزة، لي كاطّوّر معا لوقت. شي خطرات، لفرد يقدر يتعرف من الصوات دياولو لمفرزين، كيف ما لبالينة ديال 52 هيرتز لي كاتغنّي ب تردد علا من لبالينات لخرين. شي أفراد كايكونو قادرين باش يولّدو كتر من 600 صوت مفرّز.[62] عند النواع د لبالينات د بصح كيف ما لبالينات حدبات الضهر، الزرقات و الزعنفيين، لغناية ديال الدكر كاتشاف بلي كاتخدّم باش تجدب و تورّي الصلاحية ل النتوات.[63]

التصياد

[بدل | بدل لكود]

لݣروپات ولا لكليكات حتى هوما كايصيّدو، دايماً معا نواع خرين. شلا نواع من الدنفيل كايترافقو معا الطونات لكبارين ف لخرجات د الصيادة، و هوما تابعين تݣجݣيجات كبار د لحوت. لأوركا كاتصيّد ف كليكات و كاتستهدف لبيلوݣات و حتى لبالينات لكبر. لبالينة حدبة الضهر، من بينات بالينات خرين، كاتصايب ب تعاون زربيات د لبواقات (bubble carpets) باش يعزلو لباربار (krill) و لعوالق (plankton) ف واحد لمصيدات كواري قبل مايتزاوطو عليهم.[64]

الداكا

[بدل | بدل لكود]
لماكلة ب الشبكة لبواقات

لبالينيات معروف عليهم كايعلّمو، كايتعلّمو، كايتعاونو، كايخططو و كايحزنو.[65]

لبالينيات الصغار، كيف ما الدنفيلات و حلالف لبحر، كايدخلو ف سلوك د اللعب معقد، لي كايشمل شي حوايج بحال الطليق ديال خواتم دواميين تابتين تحت لما ب ركيزة هوائية (ڤورطيكس؛ Vortex) طاراوية (Toroidal) ولا "بواقة د لخواتم". لميطودات الجوج الساسيين ديال طليق لخواتم هوما السوطان لمزروب ديال لهوا وسط لما و السماح ليه باش يطلع ل السورفاص، هادشي لي كايشكل واحد لحلقة، ولا لعومان لمعاود ف واحد الدوارة و من بعد كايحݣنو لهوا وسط لكورانات د لڤورطيكس اللولبي (Helical) و بحال هاكدا كايتشكلو. هومايا عاوتاني كايبانو بلي كايتمتعو ب عضّان لحلاقي لڤورطيكسيين، باش يطرطقو ل شلا بواقات مفارقين باش هاد لبواقات يطلعو دغيا ل السورفاص. لبالينات كايطلقو شباكي د لبواقات باش يعاونو ف تسيار لفرايس.[66]

بالينة قتالية كاتجري (porpoising)

لبالينات لكبر حتى هوما كايتشافو بلي كايلعبو. لبالينة الصايبة الجنوبية كاتهز لبالة د قزيبتها فوق لما، و كاتبقى ف نفس لوضعية ل شي وقت مهم. هادشي معروف ب "التبحار؛ Sailing". هادشي كايبان بلي هو واحد الشكل د اللعب و كايتشاف ب شكل كتر ف الشيعان ف لكوشطات د لارجونتين و جنوب إفريقيا.[67] لبالينات حدبات الضهر حتى هوما كايورّيو هاد السلوك.[68]

لعياقة ب الدات (Self-awareness) كاتبان بلي هي سينيال ديال التخمام لمجرّد. لعياقة ب الدات، وخا ما محدداش مزيان، كاتشاف بلي هي واحد السلف ل واحد لعمليات محسنين كتر بحال لعياقة ب لعياقة (Metacognition، إدراك لإدراك؛ التخمام ف التخمام) لي كايخدّمها بنادم. الدنافل كايبانو بلي عندهم لعياقة ب الدات.[69] أكتر طيسط مخدّم ب شكل عريض على قبل لعياقة ب الدات عند لحيوانات هو الطيسط د لمراية، فين كاتحط شي صباغة موقعة على كسدة لحيوان و من موراها كاتمد ليه واحد لمراية. لباحتين من بعد كايقلّبو واش لحيوان كايورّي يمارات على معرفة الدات.[70]

لكريتيك كايدّاعي بلي لحاصول ديال هاد الطيسطات كايكونو محسوسين ل تأتير كليڤر هانس (Clever Hans effect). هاد الطيسط كايكون قل ف الضبيط على منين كايتخدّم ل اللولانيات (primates). اللولانيات كايمكن ليهم يقيصو الرشمة ولا لمراية، ف لوقيتة لي الدنفيلات ماكايقدروش، هادشي لي كايرد السلوك د معرفة الدات ديالتهم لمزعومة قل ف التوكاد. الشاكّين كايتجادلو بلي السلوكات لي تقالو بلي كايعرّفو لعياقة ب الدات كايشبهو ل سلوكات جتيماعيين موجودين ، عليها لباحتين يقدرو يغلطو ف تأويل لعياقة ب الدات ف بلاصة الستيجابات الجتيماعيين. لمناصرين كايكونطريو بلي السلوكات كايكونو مبدلين على الستيجابات لعاديين ل شي فرد آخر. الدنافل كايورّيو سلوك مضبوط ب شكل قل ديال لعياقة ب الدات، لاحقاش ماكايقدروش ينعّتو.[71]

ف 1995، مارطن و پساراكوص خدّمو ڤيديو باش يطيسطيو لعياقة ب الدات د الدنفيل.[72] ورّاو الدنافل مقطع حي (لايڤ) و مقطع مشجل ل ريوسهم، و مقطع ديال دنفيل خر. ستنتجو بلي الدليل ديالهم قتارح لعياقة ب الدات ف عاوض السلوك الجتيماعي. وخا هاد الدراسة لفلانية ماتعاوداتش، الدنافل ف اللاحق "دازو" الطيسط د لمراية.[73]

خودان لقرار

[بدل | بدل لكود]

لقرارات الجماعيين كايكونو واحد الطرف مهم ف لحياة د شي بالينة ل شلا نواع لي كايدوّزو لوقت ف ݣروپات (يا كانو موقتين بحال الديناميات تقسام–تجماع؛ fission-fusion، عند شلا نواع صغر د الدنافل ولا لمصاحبات طوال لأمد كيف ما كايتشاف ف النسب لأمومي عند لبالينة لقتّالة و بالينة لعمبر). مامعروفش ب زايد على كيفاش كايخدمو هاد لقرارات، وخا الدراسات صابو فوضى ف خودان د لقرارات ف ݣروپات د بالينات لعمبر و الزعامة (leadership) عند نواع خرين كيف ما دنافل نيف لقرعة و لبالينات لقتالات.[74]

تاريخ لحياة

[بدل | بدل لكود]

لمكاترة و لحضانة

[بدل | بدل لكود]

لغالبية د لبالينيات كايبلغو جنسياً من سبع سنين ل 10 سنين. كاين ستيتناء لي هو دنفيل لاپلاطا، لي كايبلغ على عاماين، و لكن كايعيش غير جوايه 20 عام. بالينات لعمبر كايقفلو بلوغهم الجنسي على 20 عام تقريباً و عندهم تيساع د لعمر بينات 50 و 100 عام.[75]

عند جل النواع، لمكاترة كاتكون موسمية. لمباضة (Ovulation) كاتصادف معا لخصوبة د الدكور. هاد الدورة ف لعادة كاترافق معا تحراكات موسميين لي يمكن ليهم يتقشعو عند بزاف ديال النواع. لغالبية د لبالينات ب السنان ماعندهمش حتى مرابطات تابتين. عند شلا نواع، النتوات كايختارو شركا معددين ف موسم واحد. وخا ب شكل تقليدي تشافو بلي هوما وحدانيين التجويجة (monogamous)، لبحوت وراو بلي لبالينات د بصح كايكونو مخلطين التجويجة (promiscuous)، و حتى حد فيهم ماورّى لمرابطات لكوپليين.[76]

لحبالة (Gestation) كاتفاوت من 9 حتى ل 16 شهر. مدة لحبالة ماشي ضروري تكون وضيفة ديال لقد. حلالف لبحر و لبالينات الزرقات كايحبلو ل جوايه 11 شهر. كيف ما هو لحال عند ݣاع لبزوليات من غير الجواربيات (marsupials) و وحدانيات التقبة (monotremes). الجنين لبدياني (embryo) كايتوكل من لمشيمة، لي هو واحد لعضو كايمد التقاوت من الدم د لم. لبزوليات بلا مشيمة يا إما كايحطو بيضات صغيورين (وحدانيات التقبة) ولا كايرفدو التفريخات الصغيورين ديالهم (الجواربيات).

لبالينيات كايحملو ف لعادة صغير واحد. ف لحالة ديال التوام، عادةً واحد كايموت، حيت لم ماكاتقدرش تنتج حليب كافي ليهم ب جوج. عند لبالينيات لعصريين، الجنين اللخراني (fetus) كايخرج من كرش مو ف لعادة ب قزيبتو هي اللولى. عكس الشوفة الشعبية، هادشي ماكايقللش من الريسك د لغريق وقيت حطان الجنين. ف لغالب هادشي عندو علاقة ب لميكانيكيات ديال الزيادة و الشكل د الجنين.[77] مورا الزيادة، لم كاتهز التريبية ل السورفاص باش ياخد النفس اللول ديالو. منين كايتزادو، كايكونو جوايه التلت ديال طولة لبالغين و كايميلو باش يكونو نشيطين ب شكل مستاقل، ب لمقارنة معا لبزوليات د لوطا.

الرضاعة

[بدل | بدل لكود]

كيف ما لبزوليات لمشيميين لخرين، لبالينيات كايولدو بّيلينات مديڤلوپيين مزيان و كايرضعوهم لحليب من لغدد لبزوليين دياولهم. منين كايكونو يرضعو، لم كاتبدا ب شكل أكتيڤ تطوّش لحليب ف فم لبّيلينة، ب تخدام لعضلات د لغدد لبزوليين دياولها، مادام لبّيلينة ماعندهاش الشنايف. هاد لحليب عادةً فيه مضمون عامر ب الشحمة، لي كاتفاوت من 16 ل 46٪، هادشي لي كايرد لبّيلينة دغيا تكبر ف لقد و التقل.[78]

عند بزاف ديال لبالينيات الصغار ف لقد، الرضاعة كاتبقى ل جوايه ربع شهور. عند النواع لكبار، كاتطوّل ل كتر من عام و كاتشمل واحد لمرابطة قوية بينات لم و تفريختها.

عند نواع معددين من لبالينات و الدنفيلات ب جوج، التربية اللاوالدية (alloparenting) فايتة تقشعات.[79][80] هاد السطراتيجية د لمكاترة كاتمد ب تفريخات قلال لي عندهم معدال زايد د النجو.[81]

تيساع د لعمر

[بدل | بدل لكود]

بينات لبالينيات، لبالينات مفرّزين ب واحد الطولة د لعمر ماموالفش بيها ب لمقارنة معا لبزوليات لعلويين لخرين. شي نواع، كيف ما لبالينة مقوسة الراس (balaena mysticetus)، تقدر تقفل كتر من 200 عام. على حساب لخواتم السنويين (annual rings) ديال لكبسولة لودمية لعضمية (otic capsule)، لعمر ديال أكبر بالينة معروفة كان واحد الدكر تحدد بلي ف عمرو 211 لعام ف لوقيتة د موتو.[82]

لموت

[بدل | بدل لكود]

مورا لموت، الجيفات د لبالينات كايطيحو ف لمحيط لغارق و كايمدو واحد لموؤل كبير و مهم ل لحياة لبحرية. الدليل على طيحان لبالينات ف هاد لوقت و ف التسجال لفوصيلي كايورّي بلي الطيحات د لبالينات د لبحر لغارق كايدعم واحد التجماع غني ب لمخلوقات، ب تنواع عالمي ديال 407 النواع، ب لمقارنة معا لبؤرات ديال لبيوتنواع النيريتي (neritic biodiversity)، كيف ما لمسربات لباردين (cold seeps) و التنفيسات لمائوحراريين (hydrothermal vents).[83]

التدهور ديال جيفات لبالين كايطرا على تلاتة د لمراحل. ف لبدو، لكائنات لحيّين بحال لقروص و حوتات لمشعويدة (hagfish) كايقممو لانسيجة اللاينين ب معدال زربان ف وقيتة ديال شهور و تقدر توصل حتى ل عاماين. هادشي متبوع ب الستيعمار ديال لعضام و الرواسب الدايرين بيهم (لي فيهم لمادة لعضوية) من لحيوانات النتيهازيين بحال لقشريات و كتيرات الزغب (polychaetes)، على طول لوقيتة د عوام. ف اللخر، لباكتيرية السولفوفيلية كاتنقّص لعضام ب طليق كبريتيد لهيدروجين هادشي لي كايسمح ب النمو ديال لكائنات لحيّين كيماويين التقوات، لي ب دورهم، كايدعمو لكائنات لحيّين بحال لبوزروݣات، الزلافيات، لپاطيلات و غلال لبحر. هاد لمرحالة تقدر تطوّل ل لعقود و تقدر تدعم واحد التجماع عامر ب النواع، لي لمتوسط ديالهم 185 نوع ف لموضع.[84][85]

لمرض

[بدل | بدل لكود]

مرض لبروسيلات (Brucellosis) علاين كايقيص ݣاع لبزوليات. هاد لمرض موزع ف ݣاع الدنيا، ف لوقيتة لي صيادة لحوت و التلوت سبب ل نسمة حلالف لبحر واحد لكتافة جيبية، لي كاتريسكي كتر ب النتيشار ديال لعدوى و لمرض. بروسيلا سيتي (Brucella ceti) عند الدنافل، بانت بلي كاتسبب لمرض لمزمن، هادشي لي كايزيد ف الشونص ديال لولادة لفاشلة و ليجهاض لعفوي (miscarriages)، لعݣر عند الدكر، مرض لبروسيلات لعصبي، مراض لقلب و لوعية، الليزيوات (lesions) د الجلد و لعضم، التاپلاجيت (Cetacean stranding) و لموت. حتى ل 2008، عمر ما تعلمات شي حالة عند حلالف لبحر، و لايني النسمات لمعزولين دياولهم عندهم ريسك كايتزاد و عليها معدال طالع ديال لفنا.[86]

التطور

[بدل | بدل لكود]

التاريخ لفوصيلي

[بدل | بدل لكود]

لأصل

[بدل | بدل لكود]

الجدود لمباشرين ديال بالينيات ليوم ف لغالب كايتصابو وسط حرباويات السنان (Dorudontidae) لي أشهر عضو فيهم ݣنس حرباوي السنان (Dorudon)، لي عاش ف نفس لوقت معا ݣنس لملكوصور (Basilosaurus). لݣروپات ب جوج كانو ديجا ديڤلوپاو شي خصايل أناطوميين نوعيين د لبالينات د ليوم، بحال بواقات (bulla) مفيكسيين، لي جاو موضع طبلة لودن نتاع لبزوليات، و حتى لعناصر د تݣياد الصوت على قبل السميع التيجاهي تحت لما. الرسوغا نتاوعهم (wrists) صلابو و واقيلا ساهمو ف لقلدة النوعية ديال الزعانف. لكرعين اللورانيين كانو موجودين، غير هو، تنقصو ب شكل كبير ف لقد و ب واحد الرابط حوضي اتاري.[87]

الطرونزيسيو من لوطا ل لما

[بدل | بدل لكود]
فوصيل لبالينة لم (Maiacetus؛ الجمجومة لحمرا و لباج) ب جنين (السنان الزورق و لحومر) ب شوية قبل من لمسالية د لحبالة.[88]

التاريخ لفوصيلي كايطراسي الطرونزيسيو لمدرّجة من لحياة ف لوطا ل لحياة لمائية. التنقاص ديال الطراف اللورانيين سمحو ب واحد لفليكسيبليتي كبر ديال السنسول. هادشي خلّا لبالينات قادرين يتحركو و الزنطيط لعمودي كايخبط ف لما. لكرعين لقداميين تحوّلو ل زعانف، هادشي لي كلّفهم التحراك ف لوطا.[89]


واحد من لأعضاء لقدم ݣاع ف لبالينيات لقدام (Archaeoceti؛ بالينيات قدام) هو ݣنس لبالينة لپاكيستانية (Pakicetus) من لوسط د حقبة لإيوسين د پاكيستان. هذا كان واحد لحيوان قد الديب، لي السكوليط ديالو معروف غير ب شكل جزئي. كانو عندو كراوع خدّامين و عاش قريب ل لكوشطة. هادشي كايقتارح بلي لحيوان كان مازال كايتحرك ف لوطا. لقنوفة الطويلة كانت فيها تسنينة لحايمية.[90]

الطرونزيسيو من لوطا ل لبحر متورخة من جوايه 49 مليون عام هادي، ب ݣنس لبالينة لماشية (Ambulocetus)، لي تكتاشفات عاوتاني ف پاكيستان. كانت كاتوصل حتى ل 3 م ف الطولة. الطراف ديال هاد لبالينة لقديمة كانو بحال لكراع، بلحق كانو أصلاً مائيين ف خطرة، هادشي لي كايلمّح بلي طرات واحد لݣلبة ل واحد الستيل ديال لعيشة مستاقل على لوطا ب شكل زربان ب الجهد.[91] لقنوفة كانت مطولة ب مناخر و عينين فوق الراس. الزنطيط كان قوي و دعم لحركة وسط لما. لبالينة لماشية واقيلا عاشت ف لمانݣروڤات (لغابات الشتوانيين) ف لما لمسوس و كانت كاتاكل ف الزون لوادية (riparian zone) ب صيفتها مفتارس د لحوت و السنسوليات لخرين.[92]

نواع متورخين من جوايه 45 مليون عام هادي بحال ݣنوس لبالينة لهندية (Indocetus)، بالينة كوتش (Kutchicetus)، بالينة روضو (Rodhocetus)، و بالينة أندرو النبوبية (Andrewsiphius)، لي كاملين بيهم كانو مأضاپطين معا لعيشة ف لما. الطراف اللورانيين د هاد النواع كانو منقّصين و شكال كسدتهم كاين كايشبه ل لبالينات لعصريين. لعضو من فاميلة لبالينيات اللولانيين (Protocetidae) ݣنس بالينة روضو تعتابرات لبالينة اللولى لي كانت مائية ب لكامل. لكسدة كانت نسياببة و رشيقة ب يدين مجبدين و عضام د الرجل. السنسول اللومبيري لحوضي (pelvic lumbar spine) لمدموج كان حاضر، هادشي لي ردو قادر يدعم لحركات د الطفو ديال الزنطيط. هاد لحيوان كان ف لغالب عوام ناضي، و لايني ف لغالب يقدر كان كايتحرك ب شكل مرعود عل لوطا، بحال لفقمة د هاد لوقت.[93]

لحيوانات لبحريين

[بدل | بدل لكود]

من اللخر د حقبة لإيوسين، جوايه 40 مليون عام هادي، لبالينيات عمّرو لمحيطات الشبه مداريين و مابقاوش كايبانو ݣاع ف لوطا. واحد ليكزومپل هو ݣنس لملكوصور (Basilosaurus) لي فيه 18 ميطرو ف الطول، شي خطرات كايعيطو ليه مفرود السنان (Zeuglodon). الطرونزيسيو من لوطا ل لما كملات ف جوايه 10 مليون عام. وادي لحيتان (Wadi Al-Hitan) ف مصر تصاب فيه شلا سكوليطات ديال لملكوصور، و سنسوليات بحريين خرين.[94]

لفيلوجينيا لبرانية

[بدل | بدل لكود]

لبيولوجيا لموليكية، علم لمناعة، و لفوصيلات كايورّيو بلي لبالينيات مرتابطين فيلوجينياً ب شكل قريب ل حافريات مساويين الصباع (جاوجيات الصبعان).[95] النسل لمباشر د لبالينيات بدا ف اللول د فترة لإيوصين، تقريباً 55.8 مليون عام هادي، منين بانو مساويات الصبعان اللولين. لغالبية ديال لبراهن لبولوجيين لموليكيين كايقتارحو بلي فراس النهر هوما لقراب لقرابين ݣاع ليهم. لخصايل لأناطوميين لمشروكين بيناتهم كايجمعو تشابيهات ف مورفولوجية الضراس لبرانيين، و لخاتم لعضمي على لعضم الصدغي (بواقة) و لغلاف لعضمي (involucre)، لي هو واحد لخصلة جمجومية لي كانت ف لفايت مقرونة غير ب لبالينيات.[96] ماحد التسجال لفوصيلي كايقتارح بلي النسل د فرس النهر لمفرّز مورفولوجياً متورخ غير جوايه هادي 15 مليون عام و صافي، كايبان بلي لبالينيات و فراس النهر تعرّشو من واحد الجد مشروك لي كان مفرّز مورفولوجياً عليهم ب زوج.[97][98][99] أكتر خصلة مشروكة كاتاخد لبال هي عضم لݣدم (Talus)، لي هو عضم ف الشوڤية لفوقانية. لبالينيات اللوالا، لبالينيات لقدام، وراو مفاصل دولابيين مدوبلين (double castors)، لي كانو غير عند لحافريات مساويات الصبعان. لملقيات لمتاصلين من الرواسب ف بحر طيثيس (Tethys Sea) ف شمال لهند و پاكيستان. بحر طيثيس كان واحد لبحر حادر بينات لقارة لأسيوية و لحد الشمالي ديال الصفيحة لهندية.

لبالينيات تطورو ب شكل مقارب ب صيفتهم عواما نسيابيين معا لحوت و الزواحف لمائيين

لبراهن لمورفولوجيين و لموليكيين كايقتارحو بلي مساويات الصبعان كيف ما محددين ب شكل تقليدي واحد لݣروپ مشابه التعراش ب النضر ل لبالينيات. لبالينيات معششين غارقين وسط مساويات الصبعان؛ الجوج ݣروپات معا بعضياتهم كايشكلو واحد التقسيمة، لي هو واحد لݣروپ طبيعي ب جد مشروك، لي كايعيطو ليه شي خطرات بالينومساويات الصبعان (Cetartiodactyla). الترتاب لعصري كايقسّم مساويات الصبعان (ولا بالينومساويات الصبعان) ل ربعة د الطاكسونات التابعين: الجمليات (تفنيات الرجلين)، لحلالف و لپيكاريات (حلالفيات)، لمداغات (لمدايغيات)، فراس النهر زيد لبالينات (بالينوفرسنهريات الشكل). لموضع لمفتارض ديال لبالينيات وسط مساويات الصبعان يقدر يبان ف لكلاضوݣرام الجاي.[100][101][102][103][104]

مساويات الصبعان

تفنيات الرجلين (الجمال و اللامات)


مساويات لحجاية

حلالفيات (لحلالف و لپيكورات)


بالينومدايغيات
مدايغيات (لحيوانات لمداغين)

معيّزيات (الأيل لفار)

كسيبيات (حمالات لݣرون)



بالينومقوسات السنان/بالينوفرسنهريات الشكل

فرسنهريات (فراس النهر)

بالينيات (لبالينات و الدنافل)


54 mya



لفيلوجينيا الدخلانية

[بدل | بدل لكود]

وسط التنضيمة السفلية (Infraorder) بالينيات، كاينين جوج تنضيمات صغيورات (parvorders) هوما لبالينات لحقيقيين (بالينيات مشطيين؛ Mysticeti)، لي سميتهم كاتعود ل لمشاطات نتاوعهم، و لبالينات ب السنان (بالينيات مسننين؛ odonticeti)، لي عندهم سنان شكلهم مخروطي، بحال لبالة، ولا النياب (Tusks)، و يمكن ليهم يحسو ب لبيئة ديالتهم على طريق لبيوصونار.

لعلاقات ديال لبالينيات لباقيين و لمنقارضين[105]:

راويليات †


بالينيات

بالينيات پاكيستانيين†

بالينيات مشايات†




بالينيات ريمنينتن†




بالينة روضو †

حرباوي السنان †

ملكوصور †



بالينيات مشطيين

بالينة جان جوك †
بالينيات حقيقيين

لبالينات د بصح
بالينيات حقيقيين جداد

لبالينة الصايبة لقزمة
بالينيات مجدافيين

لهركوالات


إيسغيختيات

لبالينات الرماديين





(لبالينات د بصح, 25 م.ع.ه)
بالينيات مسننين

كوݣيات

بالينات لعمبر لقزميين


سواطيات

بالينات لعمبر




فطحات لقنوفة

دنافل لواد الجنوب أسيويين
سيفيات

بالينات مو منقار
شباه لإينياويات
ليپوتيات

دنافل واد يانتزي

إينياويات



پونطوپوريات



دنافل لواد الجنوب أمريكيين
شباه الدنفيليات
الدنفيليات

الدنافل لمحيطيين

("الدنافل د بصح" )
وحدانيات السنة

لبيلوݣات & النارڤالات


فقماويات

حلالف لبحر







(لبالينات ب السنان)








† Extinct taxa


مصطلحات بالين و دنفيل كايكونو ماشي رسميين:

بالينيات مشطيين (Mysticeti): بالينات: ب ربعة لفاميلات: بالينيات حقيقيين (لبالينات د بصح و مقوسات الراس)، بالينيات وحشيين (لبالينات الصايبات لقزمات)، بالينيات لمجداف (لهركوالات)، إسغيختيات (لبالينيات الرماديين).

بالينيات مسننين (Odontoceti): بالينات: ب ربعة لفاميلات: وحدانيات السنة (لبيلوݣات و النارڤالات)، السواطيات (بالينات لعمبر)، كوݣيات (بالينات لعمبر لقزميين)، و السيفيات (بالينات مو منقار).

الدنافل، ب خمسة د لفاميلات: الدنفيليات (الدنفيلات لمحيطيين)، فطحات لقنوفة (دنفيلات لواد الجنوب أسيوي)، ليپوتيات (دنفيلات وديان لعالم لقديم)، إينياويات (دنفيلات وديان لعالم الجديد)، و پونطوپوريات (دنفيلات لاپلاطا).

حلالف لبحر، ب فاميلة وحدة: فقماويات

مصطلح 'بالينات كبار' كايغطي هادوك لبالينات لمريݣلين من اللجنة الدولية د صيادة لبالينات:[106] لفاميلات د لبالينيات لمسننين، سواطيات (Physeteridae)، سيفيات (Ziphiidae)، و كوݣيات (Kogiidae)؛ و لفاميلات د لبالينيات لمشطيين، بالينيات حقيقيين (Balaenidae؛ لحقيقيين و مقوسات الراس)، بالينيات لوحشيين (Cetotheriidae؛ لبالينات الصايبات لقزمات) إسغيختيات (Eschrichtiidae؛ لبالينات الرماديات)، و حتى شي پارتية من لفاميلة بالينيات لمجداف (بالينات مينكي، برايد، سيي، الزرقات و لمزعنفات؛ بالينات إيدين و أومورا مامشمولاتش).[107]

التهديدات

[بدل | بدل لكود]

التهديدات اللولانيين ضد لبالينيات كايجيو من الناس، ياما ديريكت من تصياد لبالينات (whaling) ولا الصيادة ب التݣياد (drive hunting) و تهديدات ماشي ديريكت من الصيادة لعادية و التلوت.[108]

تصياد لبالينات

[بدل | بدل لكود]
ميطودات تصياد لبالين
Mother and calf minke whales are pulled through the rear of a Japanese research ship.
باطو بحت جاپوني مصيّد بالينة مينك أم و ولدها.
A dolphin caught in a drive hunt is transported away by a forklift.
واحد الدنفيل بيض الجناب أطلاسي تقبط ف واحد الصيادة ب التݣياد ف هڤالبا ف ݣزاير فارو مهزوز ب واحد الشاريو رفّاع.

صيادة لبالينات، ب شكل ساسي لبالينات د بصح و بالينات لعمبر. هاد النشاط كايتدار من لعصر لحجري.[109]

ف لقرون لوسطى، السبّات على قبل صيادة لبالين شملو لحمهم، زيتهم لي صالحين كا وقود و عضم فكهم، لي تخدّم ف لبني د الديور. ف اللخر د لقرون لوسطى، لوسطولات لبكرانيين د تصياد لبالين نيّشو على لبالينات د بصح، كيف ما مقوسات الراس. ف لقرن 16 و 17، لوسطول لهولندي كان مشكل من جوايه 300 باطو د صيادة لبالينات ب 18,000 خدّام.[110]

ف لقرن 18 و 19، بلبالينات الضبط د بصح تصادو على قبل لمشاطات (baleen) دياولهم، لي تخدّمو بلاصة لخشب، ولا ف لمنتوجات قوة و ليونة بحال الصايات ديال لكورصي (corsets) و لكرينولينة (crinoline) زيد على هادشي، لعمبرية (spermaceti) لي كاتلقى ف بالينة لعمبر كانت كاتخدّم ب صيفتها زلّاق د لماكينات و لعمبر (ambergris) ب صيفتو مادة على ود الصناعات د الدوا و الريحة. ف النص الجاوج د لقرن 19، تختارعات لحربة (harpoon) لمفرݣعة، لي ودّات ل زيادة هايلة ف لكميات د لبالينات لمقبوطين.[111]

لباطوات لكبار تخدّمو كا باطوات "أم" على ود لمكلفين ب لبالين. ف النص اللول ديال لقرن 20، لبالينات كانو مهمين بزاف ب صيفتهم دعّام ديال لمواد لخام. لبالينات تصادو ب شكل شديد ف هاد لوقيتة؛ ف عوام 1930، 30,000 بالينة تقتلات. هادشي تزاد ل كتر من 40,000 بالينة ف لعام حتى ل عوام 1960، منين لخزاين ديال لبالينات لحقيقيين لكبار بداو كاينهارو.[112]

لغالبية ديال لبالينات لمصيّدات دابايا كايتعتابرو مهددين، و شي نسمات كبار د لبالينات لي تستغل فيهم حتى وصلو ل لحافة د النقيراض. النسمات لأطلاسيين و لكوريين د لبالينة الرمادية تستأصلو ف خطرة و النسمة د لبالينة الصايبة الشمال أطلاسية طاحت ل شي 300–600 فرد. النسمة د لبالينة الزرقا تقدّرات جوايه 14,000.[113]

لمجهودات اللولين على ود حماية لبالينات بانو ف 1931. شي نواع مهددين ب الضبط، كيف ما لبالينة حدبة الضهر (لي كانت جوايه 100 فرد ديك الساع)،[114] تحطات تحت لحماية الدولية و لبلايص لمحميين اللولين تدشنو. ف 1946، اللجنة الدولية د صيادة لبالينات (IWC) تدشنات، باش تحضي و تأمن لمخزون د لبالين. تصياد لبالين ديال 14 النوع على قبل غراضات تجاريين تمنع ف ݣاع الدنيا من هاد لمنضمة من 1985 ل 2005، وخا شي دول ماحتارموش هاد لمنع.[115]

لبالينات لي تشدو من 2010-2014، على حساب لبلاد

لمخزون د نواع بحال لبالينات الزرقات و حدبات الضهر تنتاعش، وخا مازالين مهددين. لكونݣريس لميريكاني دوّز قانون حماية لبزوليات لبحريين د 1972 باش يديّمو النسمة د لبزوليات لبحريين. هاد لقانون كايمنع خودان هاد لبزوليات لبحريين من غير شي مياوات كايتخادو كل عام ف ألاسكا. لباطوات الجاپونيين د تصياد لبالين كايخلّيوهم يصيّدو نواع مبدلين على قبل لغراضات لعلميين كيف ما كايبان.

صيادة لبالينات من السكان لأصليين (Aboriginal) باقي مسموح بيه. جوايه 1,200 من بالينات لپيلوط تصادو ف ݣزاير لفارو ف 2017،[116] و جوايه 900 نارڤال و 800 بيلوݣة كايتصادو ف لعام ف ألاسكا، كاناضا، ݣرينلاند، و سيبيريا. جوايه 150بالينة مينكي كايتصادو ف ݣرينلاند ف لعام، 120 بالينة رمادية ف سيبيريا و خمسين بالينة مقوسة الراس ف ألاسكا، كا صيادة من الناس لأصليين، من غير 600 مينكي تصادو ل غرض تجاري من النرويج، 300 مينكي و 100 بالينة سيي تصادو من إيسلانضا.[117] إيسلانضا و النرويج ماكايعتارفوش ب لمنع و باقي كايسيّرو الصيادة التجارية د لبالينات. النرويج و الجاپون ملتازمين باش يحيّدو لمنع.


الدنافل و لبالينيات الصغر لخرين شي مرّات كايتصادو ف واحد النشاط سميتو الصيادة د الدنفيل ب التݣياد (drive hunting). هادشي كايوصلو ليه ب تݣياد واحد لكليكة د الدنافل معا بعضياتهم ب لفلايك، عادةً ف جيهة شي كوشطا ولا شي پلاج. لهروب ديالهم كايتحد ب سدّان الطرقان لي كايودّيو ل لمحيط ب لفلايك لخرين ولا الشباكي. الدنافل كايتصادو ب هاد الشكل ف شلا بلايص ف الدنيا، منهم ݣزاير سليمان، ݣزاير لفارو، پيرو و الجاپون (أكتر بلد كايمارس هادشي). الدنافل ف لغالب كايتصادو على ود لحمهم، وخا شي وحدين منهم كايساليو ف شي دنفيلاريوم (dolphinarium). هاد النشاط باقي وخا كاين اللغيط على لولوفات د الدنافل لي كايتقبطو ف الصيادات ب التݣياد كل عام.

الصيادة لعادية

[بدل | بدل لكود]
ضومينو مصاوب من مشاطات لبالين

لكليكات د الدنفيل كايسكنو حدا لفروݣا لكبار ديال الطون. هادشي معروف عند الصيادا. لي كايقلّبو على الدنافل باش يشدو الطون. الدنافل ساهلين باش يتقشعو من شي مسافة على الطونة، حيتاش كايتنفسو ب شكل منتاضم. الصيادا كايفرّشو شباكيهم مياوات د لميطروات ف دوارة على لݣروپات د الدنفيل، و هوما على بالهم غايشدو شي فرݣ د الطون. منين كايتجرّو الشباكي، الدنافل كايوليو مكبلين تحت لما و كايغرقو. لبياعا د لحوت ف لوديان لكبار كايشكلو تهديد كبير على الدنافل.[118]

واحد التهديد كبر ل لبالينيات الصغر من الصيادة لعلّاوية هو الصيادة لمڤيزية. ف جنوب شرق آسيا، هوما كايتباعو بلاصة لحوت ل الناس اللوكال، حيتاش لحوت لموكول ف لمنطاقة كايعود ب الربح من الصادرات. ف لحوض لمتوسط، لبالينيات الصغر كايتستهدفو باش يخففو الضغط على لحوت لموكول.[119]

التاپلاجيت

[بدل | بدل لكود]

التاپلاجيت ولا التپلاج (stranding)، هو منين شي بالينة كاتخلّي لما و كاتخرج ل شي پلاج. ف شي حالات، لݣروپات د لبالين كايتپلجو معا بعضياتهم. أكتر حالات معروفين هوما التپلاجات لكبار ديال بالينات لپيلوط و بالينات لعمبر. لبالينيات لي كايديرو هاد السلوك عادةً كايموتو، لاحقاش حتى ل 90 طن ميطري ديال تقل لكسدة كايورّك على ريّاتهم ولا كايهرّس ليهم الضلوع. لبالينيات الصغر يقدرو يموتو من الصهد ب سباب لعزيل لحراري ديالهم.

بالينة حدبة الضهر مپلجة

لمسببات ديال التاپلاجيت د لݣروپات ݣاعما واضحين. السبّات لي يقدرو يكونو على هوما:[120]

  • لملوّتات السامّين
  • لپارازيطات لي كايهدّو (ف لمجرى التنفسي، لمخ ولا لودن لوسطانية)
  • لعدوات (لباكتيريين ولا لڤيروسيين)
  • لهروب من لمفتارسين (منهم بنادم)
  • الروابط الجتيماعيين وسط شي ݣروپ، باش لكليكة تتبع شي حيوان مشى يتپلج
  • ضطيراب ديال حواسهم لمغناطيسيين ب سباب شدودات طبيعيين ف لمجال لمغناطيسي د لرض
  • لعطبات
  • التلوات الصوتي (noise pollution) من الزحام د لباطوات، لقشاعات د الزنزال و التجارب لعسكريين د الصونار

من عام 2000، التاپلاجيت د لبالينات كاتطرا ب شكل معاود من مورا الطيسطاج د الصونار من لعسكر. ف دجنبر 2001، لبحرية د ميريكان ݣرّات ب واحد لمسؤولية جزئية على قبل التاپلاجيت و لموت د شلا بزوليات بحريين ف مارس 2000. لكتاتبي لمعاون ديال التقرير دكر بلي لحيوانات لي تقتلو من الصونار لأكتيڤ د شي باطوات د لبحرية كانو معطوبين. ب شكل عام، الصداع تحت لما، لي باقي كايتزاد، مقرون ب شكل كايتزاد ب التاپلاجيت؛ حيتاش كايخفّت من التواصل و لحسان ب التيجاه.[121]

التبدال د لمناخ كايأتر على الستيمات لكبار د الريح و لكورانات لمحيطيين، لي حتى هوما كايودّيو ل التاپلاجيت د لبالينات. لباحتين لي كايدرسو التاپلاجيت ف لكوشطا د تاسمانيا من 1920 ل 2002 صابو بلي التپلاجات لكبر وقعو ف فواصل وقتيين فلانيين. لعوام لي فيهم تپلاجات مزايدين تقرنو ب عواصف مجهدين، لي زندو السيول لباردين د لما حدا لكوشطا. ف لما لبارد و لعامر ب التقاوت، لبالينيات كايتوقعو فرايس كبار ف لقد، عليها كايتبعو لكورانات د لما لبارد ل لما لحادر، فين الريسك د التاپلاجيت كايكون زيْد. لبالينات و الدنافل لي كايعيشو ف كليكات يقدرو يمشيو معا لأعضاء لمهدودين ولا لمراض د لكليكة ل لما لحادر، و كايپلجوهم ف لما لهابط (ف حالة جزر).[122]

لمخاطر لبيئيين

[بدل | بدل لكود]

لفلزات التقال، لبقايا د شلا نبتات و سموم لبخوش و لحطام لعايم (flotsam؛ فلوطسام) ديال الشياطا د لپلاستيك ماكايتفسخوش بيولوجياً. شي خطرات، لبالينيات كايكونصوميو هاد لمواد لخطيرين، حيت كايحساب ليهم ماكلة. لحاصول، لحيوانات كايكونو محسوسين كتر ل لمرض و عليها تفريخات قل.[123]

لهليك ف طبقة لأوزون كاينقص ف لمكاترة د لعوالق ب سباب لحاصول ديال ليشعاع. هادشي كايكمّش دعامة لماكلة ل شلا حيوانات بحريين، و لايني لبالينات لحقيقيين لي كاياكلو ب التصفية هوما لي كايتقاصو كتر. زيد على هادشي، حتى النيكطون (Nekton) كايتهلك من ليشعاع.[124]

دعامات لماكلة عاوتاني كاينقصو التحماض د لمحيطات (ocean acidification) طويل لمدى بسباب الزيادة ف مصان ديوكسيد لكاربون لأطموسفيري لمزايد. الCO2 كايتفاعل معا لما باش يشكل حمض لكاربونيك، لي كاينقص لبني د كاربونات لكالسيوم ليوف السكوليطات ديال دعامات لماكلة على قبل لعوالق لحيوانيين لي كايعوّلو عليهم لبالينات لحقيقيين.[125]

الصناعات لعسكريين و ديال تخراج لموارد كايديرو عمليات د الصونار لمجهد و التفرݣيع. الستيطلاعات لبحريين د الزنزال كايخدّمو واحد الصوت كايصدّع، و ب تردد نازل لي كايبيّن شنو كاين تحت من السورفاص د لرض.[126] الزحام د لباطوات حتى هو كايزيد الصداع ف لمحيطات. بحال هاد الصداع يقدر يخلخل سلوك لبالينيات بحال تخدامهم ل لبيوصونار على قبل التيجاه و التواصل. لحالات الشداد يقدرو يپانيكيوهم، و يودّيوهم ل السورفاص. هادشي كايودّي ل بواقات ف لݣازات د الدم و يمكن ليه يسبب ب مرض تخفاف الضغط (decompression sickness).[127] لانطريمات د لبحرية ب الصونار كايسببو ب شكل منتاضم ف التفنية د لبالينيات لي كايهزهم لما ل لفوق ب سباب تخفاف الضغط لقتال. الصوت يقدر يخلخل من مسافات كتر من 100 كيلوميطر. الضر كايتبدل على حساب التردد و النوع د لبالين.[128]

لعلاقة معا بنادم

[بدل | بدل لكود]

التاريخ د لبحت

[بدل | بدل لكود]
واحد لبالينة مصوّرة من كونراد ݣيسنر ف كتابو تاريخ لحيوان (Historiae animalium)، 1587

ف لوقيتة د أرسطو، ف لقرن الرابع ق.م، لبالينات تشافو ب صيفتهم حوت ب سباب لمشابهة ديالتهم السطحية. وخا هاكداك، أرسطو حضا شلا تشابيهات فيزيولوجيين و أناطوميين معا السنسوليات لرضيين، بحال الدم (الدورة)، الريّات، لولّادة و لأناطوميا د الزعانف.[129] لوصاف لمفصلين دياولو خداوهم الروم، و لايني تخلطو ب معرفة دقيقة كتر على الدنفيلات، كيف ما تدكرو من پلينيوس لقديم ف كتابو التاريخ الطبيعي. ف لفنون د هاد لوقيتة و لوقيتات لي بعدهم، الدنافل تصوّرو ب واحد الراس مقوّس ب زايد (كيف ما عند حلالف لبحر) و ب واحد لقنوفة طويلة. حلوف لمرسى لبحري كان واحد من أكتر النواع لمتاحين عند عولاما د لبالين اللولانيين؛ لاحقاش كاين يمكن ليه يتشاف قريب ل لوطا، ب السكنة ف لبلايص لكوشطيين لحادرين د أوروپا. بزاف من لمعطيات لي تطبقو على ݣاع لبالينيات تكتاشفو ف لخطرة اللولانية عند حلالف لبحر.[130] واحد من لوصاف لأناطوميين اللولانيين على مجاري د لهوا د شي حلوف لمرسى بحري متورخين ف 1671 من دجون راي. وخا هاكدا عتابر حلوف لبحر حوتة.[131][132]

ف الطبعة لعاشرة د كتابو، لقانون الطبيعي (1758)، وكّد لبيولوجيست و الطاكسونوميست السويدي كارل لينيوس بلي لبالينيات بزوليات و ماشي حوت. السيستيم التوري ديالو د السميات لعلميين صاوب الساس ديال لكلاصاج لعصري د لبالين.

ف لحبس

[بدل | بدل لكود]

لبالينات و الدنافل كايتخلّاو ف لحبس (Captivity) على قبل التعليم، لبحت، و الترفيه من لقرن 19.[133]

لبيلوݣا

[بدل | بدل لكود]

بالينات لبيلوݣا كانو لبالينات اللولانيين لي خلّاوهم ف لحبس. النواع لخرين كانو نادرين بزاف، حشوميين بزاف ولا كبار بزاف. أول فرد بان ف متحف بارنم ف نيويورك لمدينة ف 1861.[134] ف لغالبية ديال لقرن 20، كاناضا كانت لمصدر الطاغي د لبيلوݣات.[135] كانو كايتخادو من مصب واد سان لورنس حتى ل اللخر د الستينات، لي من موراها بداو كايتخادو ب شكل طاغي من مصب واد تشورتشل حتى تمنع لقبيط ف 1992.[136] روسيا من بعد ولات أكبر مصدّر،[137] لبيلوݣات تقبطو الديلطا (متلت وادي) د واد أمور ضاريا و لكوشطا الشرقية ديالها و تسيفطو ب شكل لوكال ل لأكواريومات و الدنفيلاريومات ف موسكو، سان پيطيرسبورݣ و صوتشي، ولا تصدّرو ل بلدان بحال كاناضا.[138] لبيلوݣات عمرهم ماتضوميستيكاو.[139]

على حساب 2006، 30 بيلوݣا عاشت ف كاناضا و 28 ف لولايات لمتاحدة. 42 موتة فايتين تعلمو ف لحبس.[140] بيلوݣا وحدة يمكن ليها توصل حتى ل 100,000 دولار ميريكاني. شعبية لبيلوݣا سبابها اللون لفرّادي و التعابير لوجهيين دياولها. كايمكن ليهم يديرو هاد التعابير لاحقاش ف لوقيتة لي جل "التبسيمات" د لبالينيات كايكونو تابتين، لحركة لمزيودة لي كايتحمّلوها السنسولات لعنقيين لمامدموجينش د لبيلوݣا كايردّوها قادرة على مادى كبر ديال التعابير لمقشوعين.[141]

لأوركات

[بدل | بدل لكود]
يوليسس لأوركا، 2009

الداكا، لقدرة على الدريساج، السيفة لفتانة، السلوك اللعايبي ديالهم ف لحبس و لقد لهايل د لأوركا خلّاوها تكون شعبية ف لمعارض د لأكواريومات و لپاركات الطيماويين لمائيين. من 1976 ل 1997، خمسة و خمسين بالينة أوركا تخادو من لبريّة ف إيسلانضا، تسعين من الجاپون و تلاتة من لأرجونتين. لأوركات لي ماتو وقيت لقبيط ماتشملوش ف هاد النوامر. الشدّات لحيّين طاحو ب شكل درامي ف التسعينات و ف 1999، جوايه 40٪ من التمنية و ربعين بالينة من لبالينات لي كايتعرضو ف الدنيا تولدو ف لحبس.[142]

لمنضمات كيف ما الجمعية لعالمية د حماية لحيوان (WAP) و جمعية لمحافضة على لبالين و الدنفيل (WDC) كايناضلو ضد التربية ديالهم ف لحبس.[143][144]

ف لحبس، لأوركات دايماً كايديڤلوپيو حالات مرضيين، كيف ما لعووجية ولا لحنيان د الزعنفة الضهرية لي تشافت ف 60–90٪ من الدكور لمحبوسين. لأوركات لمحبوسين عندهم توقع د لعمر نازل، كايوصلو ف لمتوسط حتى ل العشرينات، وخا شي وحدين كايعيشو كتر، منهم شلا وصلو كتر من 30 و جوج، كوركي الجاوج و لوليطا، ل النص د الربعينات ف عمرهم. ف لبريّة، النتوات لي كاينجاو ف طفولتهم كايعيشو 46 عام ف لمتوسط و يقدرو يوصلو حتى ل 70–80 عام. الدكور لبرّيين لي كاينجاو ف طفولتهم كايعيشو 31 عام ف لمتوسط و يمكن ليهم يقفلو حتى 50–60 عام.[145]

لحبس ف لعادة كايشبه غير شوية ل لموؤل الطبيعي و لݣروپات الجتيماعيين د لبالينات لمحبوسات كايكون مامولّفش بيهم عند هادوك لي كايتصابو ف لبريّة. لكريتيك كايقول بلي لحياة ف لحبس كاتكون مسطريسية ب سباب هاد لعوامل و لمتطلب بلي خصهم يديرو قوالب ف السيرك كاشي طرف ف السلوك لبري د لأوركا. شي أوركا برية تقدر تسافر حتى ل 160 كم ف النهار و لكريتيك كايقول بلي لحيوانات كبار و دكيين ب زايد على يكونو لايقين ف لحبس.[146] لأوركات لمحبوسين شي خطرات كايتفاعلو ب عنف معا بعضياتهم، الرفقا لحيوانيين لي معاهم، ولا معا لبشر، هادشي لي لكرتيك كايعتابرو حاصول على السطريس.[147] لأوركات معروفين مزيان ب التأديات دياولهم ف الشووّات، و لايني النوامر د لأروكات لي مخليينهم ف لحبس كايكونو قلال، ب لخصوص يلا تقارنو معا النوامر د الدنفيلات نيف لقرعة، ب ربعة و ربعين أوركا محبوسة ف لأكواريومات و صافي، على حساب 2012.[148]

ضون برانشو كاتدير واحد الشو ربع سنين قبل من لواقعة د پارك سييوورلد ف أورلاندو

لعنف بينات لأوركات لمحبوسين كايكون شايع. هوما كايهجمو على بعضياتهم و حتى على الدريسورات نتاوعهم. ف 2013، لمعاملة ديال لپارك سي وورلد معا لأوركات كانت الساس ديال لفيلم الدوكيمونطير بلاكفيش (Blackfish)، لي كايوتق التاريخ ديال تيليكوم، لي هو أوركا ف لپارك سي وورلد أورلاندو، لي قتل تلاتة د الناس.[149] لفيلم ودّى ل قتيراحات من شي مشرّعين باش يتمنع لحبس د لبالينيات، و ودّى لپارك سي وورلد باش يعلن ف 2016 بلي غاينحّي لپروݣرام د لأوركا.[150]

نواع خرين

[بدل | بدل لكود]
بالينة لپيلوط معا دريسورات ف پارك سييوورلد

الدنفيلات و حلالف لبحر كايخلّيوهم ف لحبس. الدنفيلات نيف لقرعة هوما لي كايكونو شايعين، حيتاش كايكونو ساهلين نسبياً ف الدريساج، عندهم تيساع د لعمر طويل ف لحبس و عندهم سيفة ضريفة. الدنافل نيف لقرعة كايعيشو ف لحبس ف بزاف د لقنات ف الدنيا، وخا لعدد لإيكزاكط صعيب باش يتحدد. نواع خرين لي كايتخلّاو ف لحبس منهم الدنافل لمنقطين، لبالينات لقتالات لمزوّرات و الدنافل الشايعين، دنافل كوميرسن، و حتى الدنافل قاصحين السنان، بلحق كاملين كايشكلو عدد قليل. كاين قل من عشرة د بالينات لپيلوط، دنفيلات واد لأمازون، دنفيلات ريسو، الدنافل الدوّارين، ولا توكوكسي ف لحبس. جوج دنافل مامولّفش بيهم و تهجينات نادرين، معروفين ب لبالفين (wolphins)، محطوطين ف پارك سي لايف ف هاواي، لي هوما تكرويزة بينات واحد الدنفيل دفيل نيف لقرعة و واحد لبالينة قتالة مزورة. عاوتاني، جوج تهجينات من دنفيل نيف لقرعة/دنفيل الشايع كاينين ف لپاركات ديسكوڤري كوڤ و سي وورلد سان دييݣو.

مصادر

[بدل | بدل لكود]
  1. ↑ Cerchio, Salvatore; Tucker, Priscilla (1998-06-01). "Influence of Alignment on the mtDNA Phylogeny of Cetacea: Questionable Support for a Mysticeti/Physeteroidea Clade". Systematic Biology. 47 (2): 336–344.
  2. ↑ Fordyce, E.; Perrin, W.F. (2025). "Cetaceans of the World". World Cetacea Database
  3. ↑ Marshall, Christopher D. (2018-01-01), "Feeding Morphology", in Würsig, Bernd; Thewissen, J. G. M.; Kovacs, Kit M. (eds.), Encyclopedia of Marine Mammals (Third Edition), Academic Press, pp. 349–354,
  4. ↑ Eisenmann, Pascale; Fry, Brian; Holyoake, Carly; Coughran, Douglas; Nicol, Steve; Bengtson Nash, Susan (2016-05-31). Hazen, Elliott Lee (ed.). "Isotopic Evidence of a Wide Spectrum of Feeding Strategies in Southern Hemisphere Humpback Whale Baleen Records". PLOS ONE. 11 (5) e0156698.
  5. ↑ Roth, Annie (2022-01-29). "Orcas Are Able to Kill and Eat Blue Whales, Scientists Confirm". The New York Times.
  6. ↑ "BBC Two - Expedition Killer Whale - Capturing the secret lives of pack ice killer whales". BBC
  7. ↑ Ralls, Katherine; Mesnick, Sarah (2009-01-01), "Sexual Dimorphism", in Perrin, William F.; Würsig, Bernd; Thewissen, J. G. M. (eds.), Encyclopedia of Marine Mammals (Second Edition), London: Academic Press, pp. 1005–1011,
  8. ↑ Groves; Colin; Grubb, Peter (2011). "Ungulate taxonomy". JHU Press
  9. ↑ E. Fish, Frank (2002). "Balancing Requirements for Stability and Maneuverability in Cetaceans". Integrative and Comparative Biology. 42 (1): 85–93.
  10. ↑ Ackman, R. G.; Hingley, J. H.; Eaton, C. A.; Sipos, J. C.; Mitchell, E. D. (1975-09-01). "Blubber fat deposition in mysticeti whales". Canadian Journal of Zoology. 53 (9): 1332–1339
  11. ↑ "How ancient whales lost their legs, got sleek and conquered the oceans". EurekAlert. University of Florida. 2006-05-22.
  12. ↑ Thewissen, J.G.M. (11 November 2013). The Emergence of Whales: Evolutionary Patterns in the Origin of Cetacea. Springer. pp. 383–.
  13. ↑ Miller, Debra Lee (2007). Reproductive Biology and Phylogeny of Cetacea: Whales, Porpoises and Dolphins. CRC Press.
  14. ↑ Tinker, Spencer Wilkie (1988-01-01). Whales of the World. Brill Archive.
  15. ↑ Dixson, Alan F. (2021-06-03). Mammalian Sexuality: The Act of Mating and the Evolution of Reproduction. Cambridge University Press.
  16. ↑ Dines, James; Mesnick, Sarah; Ralls, Katherine; May-Collado, Laura; Agnarsson, Ingi; Dean, Matthew (2015). "A trade-off between precopulatory and postcopulatory trait investment in male cetaceans". Evolution. 69 (6): 1560–1572.
  17. ↑ Dalebout, Merel; Steel, Debbie; Baker, Scott (2008). "Phylogeny of the Beaked Whale Genus Mesoplodon (Ziphiidae: Cetacea) Revealed by Nuclear Introns: Implications for the Evolution of Male Tusks". Systematic Biology. 57 (6): 857–875.
  18. ↑ "What is baleen?". Whale & Dolphin Conservation USA.
  19. ↑ Buono, Mónica R.; Fernández, Marta S.; Fordyce, R. Ewan; Reidenberg, Joy S. (2015). "Anatomy of nasal complex in the southern right whale, Eubalaena australis (Cetacea, Mysticeti)". Journal of Anatomy. 226 (1): 81–92.
  20. ↑ Milan Klima (29 January 1999). Development of the Cetacean Nasal Skull. Springer.
  21. ↑ da Silva, Vera; Brum, Sannie; de Mello, Daniela; Amaral, Rodrigo; Waleska, Gravena; Campbell, Elizabeth; Gonçalves, Rayane; Mintzer, Vanessa (January 2023). "The Amazon River dolphin, Inia geoffrensis: What have we learned in the last two decades of research?". Latin American Journal of Aquatic Mammals. 18 (1): 139–57.
  22. ↑ Cranford, Ted W.; Amundin, Mats; Norris, Kenneth S. (1996). "Functional morphology and homology in the odontocete nasal complex: Implications for sound generation". Journal of Morphology. 228 (3): 223–285.
  23. ↑ Ingle, Danielle N.; Porter, Marianne E. (2021). "Microarchitecture of cetacean vertebral trabecular bone among swimming modes and diving behaviors". Journal of Anatomy. 238 (3): 643–652.
  24. ↑ "Why do whale and dolphin tails go up and down?". Whale & Dolphin Conservation USA.
  25. ↑ Gerussi, Tommaso; Graïc, Jean-Marie; Peruffo, Antonella; Behroozi, Mehdi; Schlaffke, Lara; Huggenberger, Stefan; Güntürkün, Onur; Cozzi, Bruno (2023). "The prefrontal cortex of the bottlenose dolphin (Tursiops truncatus Montagu, 1821): a tractography study and comparison with the human". Brain Structure and Function. 228 (8): 1963–1976.
  26. ↑ Watson, K.K.; Jones, T. K.; Allman, J. M. (2006). "Dendritic architecture of the Von Economo neurons". Neuroscience. 141 (3): 1107–1112.
  27. ↑ Allman, John M.; Watson, Karli K.; Tetreault, Nicole A.; Hakeem, Atiya Y. (2005). "Intuition and autism: a possible role for Von Economo neurons". Trends Cogn Sci. 9 (8): 367–373
  28. ↑ Hof, Patrick R.; Van Der Gucht, Estel (2007). "Structure of the cerebral cortex of the humpback whale, Megaptera novaeangliae (Cetacea, Mysticeti, Balaenopteridae)". The Anatomical Record. 290 (1): 1–31.
  29. ↑ Fields, R. Douglas. "Are whales smarter than we are?". Scientific American.
  30. ↑ "Sperm Whales brain size". NOAA Fisheries – Office of Protected Resources.
  31. ↑ Moore, Jim. "Allometry". University of California San Diego.
  32. ↑ Pontarotti, Pierre (2016). Evolutionary Biology: Convergent Evolution, Evolution of Complex Traits. Springer. p. 74
  33. ↑ Godfrey, Stephen J.; Geisler, Jonathan; Fitzgerald, Erich M. G. (2013). "On the Olfactory Anatomy in an Archaic Whale (Protocetidae, Cetacea) and the Minke Whale Balaenoptera acutorostrata (Balaenopteridae, Cetacea)". The Anatomical Record. 296 (2): 257–272.
  34. ↑ Morell, Virginia (July 2011). "Guiana Dolphins Can Use Electric Signals to Locate Prey". Science. American Association for the Advancement of Science (AAAS).
  35. ↑ Hooker, Sascha K. (2009). Perrin, William F.; Wursig, Bernd; Thewissen, J. G. M. (eds.). Encyclopedia of Marine Mammals (2 ed.). Academic Press. p. 1176
  36. ↑ de Obaldia C, Simkus G, Zölzer U (March 2015). "Estimating the number of sperm whale (Physeter macrocephalus) individuals based on grouping of corresponding clicks". Jahrestagung für Akustik. 41.
  37. ↑ Coombs, Ellen J.; Clavel, Julien; Park, Travis; Churchill, Morgan; Goswami, Anjali (2020-07-10). "Wonky whales: the evolution of cranial asymmetry in cetaceans". BMC Biology. 18 (1): 86.
  38. ↑ Mead, James. "Cetacea". Britannica School High. Encyclopædia Britannica, Inc.
  39. ↑ Thewissen, J. G. M. (2002). "Hearing". In Perrin, William R.; Wiirsig, Bernd; Thewissen, J. G. M. (eds.). Encyclopedia of Marine Mammals. Academic Press. pp. 570–572
  40. ↑ Ketten, Darlene R. (1992). "The Marine Mammal Ear: Specializations for Aquatic Audition and Echolocation". In Webster, Douglas B.; Fay, Richard R.; Popper, Arthur N. (eds.). The Evolutionary Biology of Hearing. Springer. pp. 717–750. Pages 725–727 used here.
  41. ↑ Ketten, Darlene R. (1997). "Structure and function in whale ears" (PDF). The International Journal of Animal Sound and Its Recording. 8 (1–2): 103–135.
  42. ↑ Morell, Virginia (July 2011). "Guiana Dolphins Can Use Electric Signals to Locate Prey". Science. American Association for the Advancement of Science (AAAS)
  43. ↑ "Whales, dolphins and porpoises". Department of Climate Change, Energy, the Environment and Water. Australian Government Department of Climate Change, Energy, the Environment and Water.
  44. ↑ C. Edward Stevens; Ian D. Hume (1995). Comparative Physiology of the Vertebrate Digestive System. University of Cambridge. p. 51.
  45. ↑ Clifford A. Hui (1981). "Seawater Consumption and Water Flux in the Common Dolphin Delphinus delphis". Chicago Journals. 54 (4): 430–440.
  46. ↑ John Hunter (26 March 2015). The Works of John Hunter, F.R.S. Cambridge University. p. 35.
  47. ↑ Bernd Würsig; J.G.M. Thewissen; Kit M. Kovacs (27 November 2017). Encyclopedia of Marine Mammals. Elsevier Science. ISBN 978-0-12-804381-3.
  48. ↑ Rommel, S.A.; Pabst, D.A.; McLellan, W.A. (1998). "Reproductive Thermoregulation in Marine Mammals" (PDF). American Scientist. Vol. 86, no. 5. pp. 440–448.
  49. ↑ Rommel, S.A.; Pabst, D.A.; McLellan, W.A. (2007). "Functional anatomy of the cetacean reproductive system, with comparisons to the domestic dog". In Miller, D.L. (ed.). Reproductive Biology and Phylogeny of Cetacea: Whales, Porpoises and Dolphins. pp. 127–145.
  50. ↑ Pabst, D.A.; Sentiel, A.R; McLellan, W.A. (1998). "Evolution of thermoregulatory function in cetacean reproductive systems". In Thewissen, J.G.M. (ed.). The Emergence of Whales. Advances in Vertebrate Paleobiology. Springer US. pp. 379–397.
  51. ↑ Rommel, S.A.; Pabst, D.A.; McLellan, W.A. (2007). "Functional anatomy of the cetacean reproductive system, with comparisons to the domestic dog". In Miller, D.L. (ed.). Reproductive Biology and Phylogeny of Cetacea: Whales, Porpoises and Dolphins. pp. 127–145.
  52. ↑ Ulfur Anarson (1974). "Comparative chromosome studies in Cetacea". Institute of Genetics. 77 (1): 1–36.
  53. ↑ Cassens, I.; Vicario, S.; Waddell, V.G.; Balchowsky, H.; Van Belle, D.; Ding, W.; Fan, C.; Mohan, R.S.; Simões-Lopes, P.C.; Bastida, R.; Meyer, A.; Stanhope, M.J.; Milinkovitch, M.C. (2000). "Independent adaptation to riverine habitats allowed survival of ancient cetacean lineages". Proceedings of the National Academy of Sciences of the United States of America. 97 (21): 11343–11347.
  54. ↑ AR Hoelzel (1998). "Genetic structure of cetacean populations in sympatry, parapatry, and mixed assemblages: implications for conservation policy". Journal of Heredity. 89 (5): 451–458.
  55. ↑ "Gray Whale Migration". journeynorth.org.
  56. ↑ Sekiguchi Y, Arai K, Kohshima S (June 2006). "Sleep behaviour: sleep in continuously active dolphins". Nature. 441 (7096): E9-10, discussion E11
  57. ↑ Miller PJ, Aoki K, Rendell LE, Amano M (January 2008). "Stereotypical resting behavior of the sperm whale". Current Biology. 18 (1): R21-3.
  58. ↑ Scholander, Per Fredrik (1940). "Experimental investigations on the respiratory function in diving mammals and birds". Hvalraadets Skrifter. 22.
  59. ↑ Bruno Cozzi; Paola Bagnoli; Fabio Acocella; Maria Laura Costantino (2005). "Structure and biomechanical properties of the trachea of the striped dolphin Stenella coeruleoalba: Evidence for evolutionary adaptations to diving". The Anatomical Record. 284 (1): 500–510.
  60. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  61. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  62. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  63. ↑ Janik, Vincent (2014). "Cetacean vocal learning and communication". Current Opinion in Neurobiology. 28: 60–65.
  64. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  65. ↑ Siebert, Charles (8 July 2009). "Watching Whales Watching Us". The New York Times Magazine.
  66. ↑ Wiley, David; et al. (2011). "Underwater components of humpback whale bubble-net feeding behaviour". Behaviour. 148 (5): 575–602.
  67. ↑ Carwardine, M. H.; Hoyt, E. (1998). "Whales, Dolphins and Porpoises". NSW: Reader's Digest.
  68. ↑ A. O. L. Staff (2016-07-15). "Humpback whale 'tail-sails' as she watches her calf off the Maui coast". www.aol.com.
  69. ↑ "Elephant Self-Awareness Mirrors Humans". Live Science. 30 October 2006.
  70. ↑ Derr, Mark (May 2001). "Mirror test". New York Times.
  71. ↑ Derr, Mark (May 2001). "Mirror test". New York Times.
  72. ↑ Marten, Ken; Psarakos, Suchi (June 1995). "Using Self-View Television to Distinguish between Self-Examination and Social Behavior in the Bottlenose Dolphin (Tursiops truncatus)". Consciousness and Cognition. 4 (2): 205–224.
  73. ↑ Derr, Mark (May 2001). "Mirror test". New York Times.
  74. ↑ Zwamborn E, Boon N, Whitehead H (October 2023). "Collective Decision-making in Aquatic Mammals". Mammal Review. 53 (4): 238–253.
  75. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  76. ↑ Berta, Annalisa (2012). Return to the Sea: The Life and Evolutionary Times of Marine Mammals. University of California Press. p. 121
  77. ↑ Miedema, Feiko; Klein, Nicole; Blackburn, Daniel G.; Sander, P. Martin; Maxwell, Erin E.; Griebeler, Eva M.; Scheyer, Torsten M. (2023-04-18). "Heads or tails first? Evolution of fetal orientation in ichthyosaurs, with a scrutiny of the prevailing hypothesis". BMC Ecology and Evolution. 23 (1): 12.
  78. ↑ Janet Mann; Richard C. Connor; Peter L. Tyack; et al. (eds.). Cetacean Societies: Field Study of Dolphins and Whales. University of Chicago.
  79. ↑ Konrad, Christine M; Frasier, Timothy R; Whitehead, Hal; Gero, Shane (2019-03-04). "Kin selection and allocare in sperm whales". Behavioral Ecology. 30 (1): 194–201
  80. ↑ Weston, Phoebe (2023-03-10). "'Extraordinary' sighting of orca with baby pilot whale astounds scientists". The Guardian
  81. ↑ Keith, Edward O. (2008). "Critical Review of the Literature on Marine Mammal Population Modelling". E&P Sound & Marine Life Programme. pp. 1–63.
  82. ↑ John C George; Jeffrey Bada; Judith Zeh; Laura Scott; Stephen E Brown; Todd O'Hara; Robert Suydam (1999). "Age and growth estimates of bowhead whales (Balaena mysticetus) via aspartic acid racemization". Canadian Journal of Zoology. 77 (4): 571–580.
  83. ↑ Smith, Craig R.; Baco, Amy R. (2003). Ecology of Whale Falls at the Deep-Sea Floor (PDF). Oceanography and Marine Biology - an Annual Review. Vol. 41. pp. 311–354.
  84. ↑ Smith, Craig R.; Baco, Amy R. (2003). Ecology of Whale Falls at the Deep-Sea Floor (PDF). Oceanography and Marine Biology - an Annual Review. Vol. 41. pp. 311–354.
  85. ↑ Fujiwara, Yoshihiro; et al. (16 February 2007). "Three-year investigations into sperm whale-fall ecosystems in Japan". Marine Ecology. 28 (1): 219–230.
  86. ↑ Caterina, Guzmán-Verri; González-Barrientos, Rocío; Hernández-Mora, Gabriela; Morales, Juan-Alberto; Baquero-Calvo, Elías; Chaves-Olarte, Esteban; Moreno, Edgardo (2012). "Brucella ceti and Brucellosis in Cetaceans". Frontiers in Cellular and Infection Microbiology. 2: 3.
  87. ↑ Thewissen, J. G. M.; Cooper, Lisa Noelle; Clementz, Mark T.; Bajpai, Sunil; Tiwari, B. N. (2007). "Whales originated from aquatic artiodactyls in the Eocene epoch of India" (PDF). Nature. 450 (7173): 1190–4.
  88. ↑ Gingerich PD; ul-Haq M; von Koenigswald W; WJ Sanders; Smith BH (2009). "New Protocetid Whale from the Middle Eocene of Pakistan: Birth on Land, Precocial Development, and sexual dimorphism". PLOS ONE. 4 (2) e4366. Bibcode:2009PLoSO...4.4366G. doi:10.1371/journal.pone.0004366. PMC 2629576. PMID 19194487.
  89. ↑ "The Evolution of Whales". Understanding Evolution, University of California Museum of Paleontology.
  90. ↑ Thewissen, J. G. M.; Cooper, Lisa Noelle; Clementz, Mark T.; Bajpai, Sunil; Tiwari, B. N. (2007). "Whales originated from aquatic artiodactyls in the Eocene epoch of India" (PDF). Nature. 450 (7173): 1190–4.
  91. ↑ Ando, Konami; Fujiwara, Shin-ichi (2016-07-10). "Farewell to life on land - thoracic strength as a new indicator to determine paleoecology in secondary aquatic mammals". Journal of Anatomy. 229 (6): 768–777
  92. ↑ Thewissen, Hans (1994). "Phylogenetic aspects of Cetacean origins: A morphological perspective". Journal of Mammalian Evolution. 2 (3): 157–184.
  93. ↑ Thewissen, J. G. M.; Cooper, Lisa Noelle; Clementz, Mark T.; Bajpai, Sunil; Tiwari, B. N. (2007). "Whales originated from aquatic artiodactyls in the Eocene epoch of India" (PDF). Nature. 450 (7173): 1190–4.
  94. ↑ "First intact fossil of prehistoric whale discovered in Wadi Al-Hitan". International Union for Conservation of Nature. 9 June 2015
  95. ↑ Thewissen, J. G. M.; Cooper, Lisa Noelle; Clementz, Mark T.; Bajpai, Sunil; Tiwari, B. N. (2007). "Whales originated from aquatic artiodactyls in the Eocene epoch of India" (PDF). Nature. 450 (7173): 1190–4.
  96. ↑ Thewissen, J. G. M.; Cooper, Lisa Noelle; Clementz, Mark T.; Bajpai, Sunil; Tiwari, B. N. (2007). "Whales originated from aquatic artiodactyls in the Eocene epoch of India" (PDF). Nature. 450 (7173): 1190–4.
  97. ↑ Gatesy, J. (1 May 1997). "More DNA support for a Cetacea/Hippopotamidae clade: the blood-clotting protein gene gamma-fibrinogen". Molecular Biology and Evolution. 14 (5): 537–543.
  98. ↑ Boisserie, Jean-Renaud; Lihoreau, Fabrice; Brunet, Michel (2005). "The position of Hippopotamidae within Cetartiodactyla". Proceedings of the National Academy of Sciences. 102 (5): 1537–1541.
  99. ↑ "Scientists find missing link between the dolphin, whale and its closest relative, the hippo". Science News Daily. 2005-01-25.
  100. ↑ Beck, N.R. (2006). "A higher-level MRP supertree of placental mammals". BMC Evol Biol. 6: 93.
  101. ↑ O'Leary, M.A.; Bloch, J.I.; Flynn, J.J.; Gaudin, T.J.; Giallombardo, A.; Giannini, N.P.; et al. (2013). "The placental mammal ancestor and the post-K-Pg radiation of placentals". Science. 339 (6120): 662–667.
  102. ↑ Song, S.; Liu, L.; Edwards, S.V.; Wu, S. (2012). "Resolving conflict in eutherian mammal phylogeny using phylogenomics and the multispecies coalescent model". Proceedings of the National Academy of Sciences. 109 (37): 14942–14947.
  103. ↑ dos Reis, M.; Inoue, J.; Hasegawa, M.; Asher, R.J.; Donoghue, P.C.J.; Yang, Z. (2012). "Phylogenomic datasets provide both precision and accuracy in estimating the timescale of placental mammal phylogeny". Proceedings of the Royal Society B: Biological Sciences. 279 (1742): 3491–3500.
  104. ↑ Upham, N.S.; Esselstyn, J.A.; Jetz, W. (2019). "Inferring the mammal tree: Species-level sets of phylogenies for questions in ecology, evolution, and conservation". PLOS Biology. 17 (12) e3000494.
  105. ↑ Gatesy, John; Geisler, Jonathan H.; Chang, Joseph; Buell, Carl; Berta, Annalisa; Meredith, Robert W.; Springer, Mark S.; McGowen, Michael R. (2012). "A phylogenetic blueprint for a modern whale" (PDF). Molecular Phylogenetics and Evolution. 66 (2): 479–506. doi:10.1016/j.ympev.2012.10.012. PMID 23103570. Archived (PDF) from the original on 2013-02-27. Retrieved 4 September 2015.
  106. ↑ "Small cetaceans". iwc.int. International Whaling Commission
  107. ↑ "Lives of Whales". iwc.int. International Whaling Commission.
  108. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  109. ↑ "Whaling - Commercial, Industrial, Japan | Britannica". Britannica Online Encyclopedia. 2024-10-11.
  110. ↑ Tønnessen, J. N. (Johan Nicolay) (1982). The history of modern whaling. Internet Archive. Berkeley: University of California Press.
  111. ↑ "Whales and Hunting - New Bedford Whaling Museum". www.whalingmuseum.org. 2021-03-01.
  112. ↑ Basberg, Bjorn L. (1998-01-01). "The Floating Factory: Dominant Designs and Technological Development of Twentieth-Century Whaling Factory Ships". The Northern Mariner / Le marin du nord. 8 (1): 21–37
  113. ↑ "Stemonoporus gilimalensis: Sri Lankan Red List Group". IUCN Red List of Threatened Species. 2022-08-17.
  114. ↑ "A History of the International Whaling Commission (IWC)". wwf.panda.org
  115. ↑ "The International Whaling Commission (IWC)", Unveiling the Whale, Berghahn Books, pp. 107–144, 2009-10-01
  116. ↑ "Hagar & seyðamark". heimabeiti.fo. Archived from the original on 2014-09-24.
  117. ↑ "Total Catches". iwc.int
  118. ↑ "Fisheries - River Dolphins". www.riverdolphins.org. 2021-03-03.
  119. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  120. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  121. ↑ Schrope, Mark. (2003). "Whale deaths caused by US Navy's sonar". Nature. 415 (106): 106.
  122. ↑ Evans, K; Thresher, R; Warneke, R.M; Bradshaw, C.J.A; Pook, M; Thiele, D; Hindell, M.A (2005-06-22). "Periodic variability in cetacean strandings: links to large-scale climate events". Biology Letters. 1 (2): 147–150.
  123. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  124. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  125. ↑ Cara E. Miller (2007). Current State of Knowledge of Cetacean Threats, Diversity, and Habitats in the Pacific Islands Region (PDF). Whale and Dolphin Conservation Society.
  126. ↑ Nowacek, Douglas; Donovan, Greg; Gailey, Glenn; Racca, Roberto; Reeves, Randall; Vedenev, Alexander; Weller, David; Southall, Brandon (2013). "Responsible Practices for Minimizing and Monitoring Environmental Impacts of Marine Seismic Surveys with an Emphasis on Marine Mammal". Aquatic Mammals. 39 (4): 356–377.
  127. ↑ M. Andre; T. Johansson; E. Delory; M. van der Schaar (2005). "Cetacean biosonar and noise pollution". Europe Oceans 2005. Vol. 2. Oceans 2005–Europe. pp. 1028–1032 Vol. 2.
  128. ↑ Southall, Brandon L. (2007). "Marine Mammal Noise Exposure Criteria: Initial Scientific Recommendations". Aquatic Mammals. 33 (4): 411–521.
  129. ↑ Aristotle. "Chapter 2". The History of Animals, Book VIII. Translated by Thompson, D'Arcy Wentworth.
  130. ↑ Conrad Gesner (6 September 2008). Historiae animalium.
  131. ↑ J. Ray (1671). "An account of the dissection of a porpess". Philosophical Transactions of the Royal Society of London. 6 (69–80): 2274–2279.
  132. ↑ Susanne Prahl (2007). "Studies for the construction of epicranialen airway when porpoise (Phocoena phocoena Linnaeus, 1758)". Dissertation for the Doctoral Degree of the Department of Biology of the Faculty of Mathematics, Computer Science and Natural Sciences at the University of Hamburg: 6.
  133. ↑ Bosworth, Amanda. "Barnum's Whales: The Showman and the Forging of Modern Animal Captivity". Historians.
  134. ↑ "The Whales, New York Tribune, August 9, 1861". New York Tribune. 9 August 1861
  135. ↑ "Beluga Whales in Captivity: Hunted, Poisoned, Unprotected" (PDF). Special Report on Captivity 2006. Canadian Marine Environment Protection Society. 2006.
  136. ↑ "Beluga Whales in Captivity: Hunted, Poisoned, Unprotected" (PDF). Special Report on Captivity 2006. Canadian Marine Environment Protection Society. 2006.
  137. ↑ "Beluga Whales in Captivity: Hunted, Poisoned, Unprotected" (PDF). Special Report on Captivity 2006. Canadian Marine Environment Protection Society. 2006.
  138. ↑ "Beluga Whales in Captivity: Hunted, Poisoned, Unprotected" (PDF). Special Report on Captivity 2006. Canadian Marine Environment Protection Society. 2006.
  139. ↑ "Beluga (Delphinapterus leucas) Facts – Distribution – In the Zoo". World Association of Zoos and Aquariums.
  140. ↑ "Beluga Whales in Captivity: Hunted, Poisoned, Unprotected" (PDF). Special Report on Captivity 2006. Canadian Marine Environment Protection Society. 2006.
  141. ↑ Bonner, Nigel (1980). Whales. Facts on File. pp. 17, 23–24.
  142. ↑ NMFS (2005). "Conservation Plan for Southern Resident Killer Whales (Orcinus orca)" (PDF). Seattle, U.S.: National Marine Fisheries Service (NMFS) Northwest Regional Office. pp. 43–44.
  143. ↑ "The Case Against Marine Mammals in Captivity". World Animal Protection US.
  144. ↑ "World Orca Day: The cruel reality of marine parks | World Animal Protection UK". World Animal Protection. 2024-07-14.
  145. ↑ Rose, N. A. (2011). "Killer Controversy: Why Orcas Should No Longer Be Kept in Captivity" (PDF). Humane Society International and the Humane Society of the United States.
  146. ↑ "Whale Attack Renews Captive Animal Debate". CBS News. March 1, 2010
  147. ↑ Susan Jean Armstrong (2003). Animal Ethics Reader. Psychology Press.
  148. ↑ "Orcas in Captivity – A look at killer whales in aquariums and parks". 23 November 2009
  149. ↑ Whiting, Candace Calloway. In the Wake of Blackfish – Is it Time to Retire the Last Killer Whale Whose Capture Was Shown in the Film?", HuffPost, October 29, 2013
  150. ↑ Buss, Dale (2016-03-24). "Shamu Goes Out With the Tide: SeaWorld CEO On Its Abrupt Change – And What Comes Next". Forbes
مرجّعة من "https://ary.wikipedia.org/w/index.php?title=بالينيات&oldid=483615"