باكالوريا
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
كلمة د لباكالوريا أصلها جاي من اللاتينية لّي تعطّلات (bachalariatus)، و ف لول كانت كتقال على لمبتدئ ف لفروسية. هي شهادة علمية، كتختالف على حساب كل بلاد. و ب شكل عام، هي لشهادة لي كايسالي بيها التلميذ التعليم الثانوي ف بلدان شمال إفريقيا: تونس، لجزائر، لمغريب، موريطانيا، و مؤخراً ف مصر، بحال سوريا و لبنان و لعراق، و هي لي كاتحل ل لّي خداوها لباب د التعليم العالي.
تأسسات هاد لشهادة ف شمال إفريقيا ملي كانت تحت الاستعمار لفرنساوي، و كانت لإمتحانات ديالها كاتدوز ف عامين، بحيث كايأخد التلميذ لڭزو لّول وموراه لڭزو التاني. لعدد د لمغاربة و لتوانسة لي كانوا كايأخدوها كان قليل بزاف: ف تونس مثلاً، ما فاتش عدد الناجحين ف عام 1891 ستّة د لتلامذ لمسلمين، و وصل لمجموع ديالهم تال عام 1918 لـ 123 تلميذ فقط. وف عام 1927 ما نجحوا غير 27 تلميذ مسلم، وف عام 1938، وصل لعدد لـ 58 ناجح.
مورا الاستقلال، ولات لإمتحانات كاتدوز ف دورة وحدة، ولّي نجح ف لكتابي كايـدوز إمتحان شفوي، و بقى هاد لحال تال لوسط د التبعينات ف لقرن لماضي. الباكالوريا ليوم ف تونس ولات إمتحان وطني كايتدار مرّة ف لعام و كايتقسم لـ جوج دورات: دورة رئيسية لـكاع لتلامذ لي جابوا معدّل فوق 10، و دورة د لمراقبة لـ لتلامذ لي ما وصلوش لـ هاد لمعدّل ف لّول.[1]
لباكالوريا (ب لفرنسية: baccalauréat) و معروفة شعبياً ف فرانسا ب سمية "باك"، هي تقييد دراسي كايـدوزوه لتلامذ ف لمدارس لفرنسية مورا ما يكملوا لقراية ف الثانوي.[2] قدّمها نابوليون لّول ف عام 1808، و هي لمؤهل الأساسي لّي ضروري باش التلميذ يكمل لقراية ف لمستوى لجامعي. لمسالك الرئيسية هي لعلوم، لإقتصاد، لعلوم لإجتماعية، و لأدب.
- ↑ إمتحان لباكالوريا التونسية. وزارة التربية.
- ↑ "Baccalauréat". britannica.com (ب الإنجليزية).
