باب:تيكنولوجيا

من ويكيپيديا
اذهب إلى التنقل اذهب إلى البحث
المرمّى د الدراز تاع يوسف ماري جاكار.

مرحبا بيك ف لقيسارية د تيكنولوجيا...

التيكنولوجيا هي التّخمام فالدّوزان و الحيلات لي تايسهلو على بنادم الخدمة، فيها الفن التقليدي و العلوم و شلاّ صنايع و معارف.


الميكانيك[بدل | بدل لكود]

كلمة الميكانيك جايّة من الإغريقية القديمة (Μηχανική) لي تاتعني فن البني ديال المّاكن [1] والغرض من الميكانيك هو التّخمام فالتحراك تالحوايج والمساوية تاع الثقل. و تايضهر بلّي تاميكانيكت [2] بدات تاتبان فيّامات الإغريق فالبداية د القرن الخامس، و دازت هاد تاميكانيكت من الشرق الوسطاني لعند الإغريق.

السّاس ديال تاميكانيكت هو الحيلات، و من الحيلات اللولانيين [3] لي صاوبهوم بنادم كاين الدردوبة، العكّاز، اللوّاية و الرويضة، ومن أقدم الماكن لي صاوبهوم بنادم هوما المّينيكات لّي تايتحركو. هادي تقريبا ألف عام قبل الزيادة ديال عيسى، صاوبو الفراعنة الماسك تاع الله د الموت أنوبيس لي تايتحرّك فيه الطرف التحتاني ديال الفم [4].

الضّو ولّ التريسينتي[بدل | بدل لكود]

التّستيفة ولّ الحجرة تاع ڤولطة.

الضّو ولّ التريسينتي هو التّخمام فالدّوزان و الحيلات لي بيهوم تيتبدّل التحراك تاع الفرتيت المعمّر[5] لي تايكون فالسلك, هاد الفرتيت تايكون خلوق فالحوايج. وخّا يكونو هاد الحوايج حيّين، جامدين، سايلين ولّ هواويّين، نفس الفرتيت د الضّو غادي يتساقل فيهوم.

فيّامات مابين 1791 و 1800 ڤولطة و غالڤاني تخاصمو [6] على واش كاين ضو واحد ولّ كاين جوج نواع د الضّو، غالڤاني تايقول كاين الضّو د البهايم و الضّو د المعدن، و ڤولطة تايقول كاين نوع واحد د الضّو. بسباب هاد المخاصمة صاوب ڤولطة التستيفة ولّ الحجرة د الضّو و لّي بيّن بيها أنه كاين ضو واحد، نفس الضّو كاين فالبهايم، المعدن وشلاّ حوايج.

بعض المرات العاقبة د الضّو [7] هي التّحراك بحال الموتور د الضّو، ولّ العاقبة د الضّو هي المسقية (المغناطيس) بحال الساقتة د الضّو، ولّ العاقبة د الضّو هي المّاج بحال لانطير لي تيشد المّاج د الراديو، ولّ العاقبة د الضّو هي السخونية بحال الرادياتور و الفران والثلاجة ، ولّ العاقبة د الضّو هي الشيمي بحال المطلي بالذهب (الپلاكي أور).


الأنفورماتيك[بدل | بدل لكود]

الحسّاب الشينوي، فهاد الحسّاب مكتوب 37,925

الأنفورماتيك هو التّخمام فالدّوزان و الحيلات لي تاتضرب بيهوم الحساب، سميّت هاد الحيلات الخوارزميات، فاللوّل كان بنادم هو لي تايضرب الحساب، من بعد المّاكن هما لي كانو تايضربو الحساب بحال ماكينة جاكار، ودابا الحساسبية ولّ التيليفونات ولّ التّركيبات تاع الإلكترونيك هما لي تايضربو الحساب.

محمد الخُوارزمي جاب من عند الهنود الحروف تاع الحساب[8] ولي كانت سميتهوم حروف الغبار، و لي بيهوم أي حد يقدر يحسب الجمع، النقصان، الضرب والقسمة. الخُوارزمية د الجمع هي لي تايتعلموها الصغار فالإبتدائي، دخّلها فيبوناتشي الطاليان يامات 1170 من تمّا بدات أوروپا كاملة تتضرب الحساب بهاد الحروف و بالخوارزميات ديال الخُوارزمي.

من الماكينات ديال الحساب كاين ماكينة الأڤيكيثيرا، الأسطرلاب، الحسّاب الشينوي، الپاسكالية و دابا الكالكيلاتريس.


المزاوْد ولّ المصادر[بدل | بدل لكود]

  1. "أصل كلمة ميكانيك" (بالفرانساوية).CS1 maint: unrecognized language (link)
  2. "البداية ديال تاميكانيكت" (بالفرانساوية).CS1 maint: unrecognized language (link)
  3. "الحيلات اللولانيين د الميكانيك" (بنڭليزية).CS1 maint: unrecognized language (link)
  4. "البداية ديال المّينيكات" (بالفرانساوية).CS1 maint: unrecognized language (link)
  5. "الفرتيت د الضّو" (بالدارجة المغربية).CS1 maint: unrecognized language (link)
  6. "الضّو د البهايم و الضّو د المعدن" (بالفرانساوية).CS1 maint: unrecognized language (link)
  7. "العاقبة د الضّو" (بالفرانساوية).CS1 maint: unrecognized language (link)
  8. "الحروف تاع الحساب" (بالفرانساوية).CS1 maint: unrecognized language (link)