اليوسفية

ميّز على ليوسوفية.

اليوسفية
‫اليوسفية‬ (ar) ⵍⵉⵡⵙⵓⴼⵉⵢⴰ (tzm)
لبلاصة
لبلاد	لمغريب
لإقليم	إقليم ليوسفية
السكان
شحال دالسكان	65,669 (2024)
شحال دلفاميلات	16,415 (2024)
لجغرافيا
لعلو	298 م
معلومات خرين
الرمز لجغرافي	2526488

اليوسفية، لي كان سميتها لويجانطي (ب لفرانساوية: Louis-Gentil)، هي مدينة مغريبية و جماعة ترابية حضرية كاينة ف إقليم اليوسفية، جهة مراكش آسفي، ساكنين فيها 65,669 واحد، على حسب لإحصاء لعام 2024.

خريطة دكالة وعبدة، ليوسفية.

سينما حاليا قاعة أفراح، يوسوفية.

بلاكا يوسوفية.

يوسوفية.

ليوسوفية

تعليم

• نسبة لأمية (نّاس لّي ما كايعرفوش يقراو ولا يكتبو) : 23,7%.
• نسبة سّكان لّي قاريين فوق ليسي (ليسي و جامعة): 21,8%.

قتيصاد

• نسبة نّاس نّشيطين (لّي يقدرو يخدمو): 43,7%.
• نسبة لبطالة (نّاس لّي ما خدامينش و تايقلبو على خدمة): 32,2%.
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 19,6%.
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):39,2%.

تاريخ

قبل اكتشاف لفوسفاط، ما كانتش اليوسفية جزء من لكنتور وسط منطقة حمر. نشأة ديالها ارتابطات باكتشاف لفوسفاط سنة 1929 على يد جيولوجي لفرنسي لويس جونتيل. ومن بعد هاد لاكتشاف، تسمات لمدينة لمدة سنوات باسم لويس جونتيل، ومازال حتى ليوم كاين لي كيسميها بهاد لإسم ف لسان شعبي.

لمجتمع وتقافة

شيوخ قبايل حمر معروفين ب لفروسية، أو ورماية، أوتربية صقور، أوكلاب سلوقي، وصيد تقليدي.

وكانت لمدينة معروفة فواحد لفترة بأسماء بحال "مدينة لفرنك" و"باريس لمغربية"، خصوصاً فزمن لحماية لفرنسية، حيت كانت كتعيش ازدهار اقتصادي وفكري مهم.

لحركة لعمالية

من بعد لاستقلال، بقات يوسوفية معروفة ب نّضال لعمالي، بسبب مناجم لفوسفاط لّي خرجات طبقة عاملة منظمة تحت نقابات قوية، كانت كتدافع على لحقوق لاجتماعية ولمهنية ديال لعمال.

كتشافات

فعام 2017، تكتاشفات فجبل إيغود بمدينة ليوسفية أقدم جمجمة ديال لإنسان لعاقل (Homo sapiens) معروفة ف لعالم، وكيرجع عمرها لأكثر من 300 ألف عام. هاد لاكتشاف جا بفضل مجهودات لمعهد لوطني لعلوم لآثار وتراث، لّي بدا لأبحاث ف لمنطقة من ستينيات لقرن لعشرين.

فداك لوقت، فريق ديال لباحثين لقا بقايا ديال إنسان ومجموعة متحجرة كترجع للعصر لحجري لوسيط، ولكن ما قدروش يحددو تّاريخ ديالها بدقّة. من بعد، فريق آخر رجع كمّل لأبحاث ابتداءً من عام 2004، وبقا خدام حتى لعام 2016، ف لبلاصة لي لقاو فيها بقايا جديدة ديال هاد لإنسان.

هاد لاكتشاف جا من بعد سنوات طويلة ديال لخدمة ولصبر، وعلى جوج مراحل من لبحث. وتلقاو حتى أدوات ديال صيد، حيت كان هاد لإنسان كيعتمد على صيد لغزلان، وزيد عليهم جمجمة ديال واحد لمراهق، أو طفل، أو بقايا ديال إنسان آخر كيرجحو ب لي كانت أنثى.

مصادر

ويكيميديا كومنز عندا تصاور و معلومات على اليوسفية.

هادي زريعة ديال مقالة خاصها تّوسع. تقدر تشارك ف لكتبة ديالها.