المملكة ديال كرواتيا (925-1102)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
المملكة ديال كرواتيا
| ||||
| ||||
| نشيد | -----
[[فيشي:|100px]] | |||
| لعاصيمة | نين، Biograd na Moru و شيبينيك | |||
| الساكينة | ||||
| اللوغات الرسمية | اللاتينية | |||
| لجغرافيا | ||||
| لميساحة | 110,000 كم² | |||
| لإدارة | ||||
| نضام الدولة | ملكية مطلقة و ملكية | |||
مملكة كرواتيا أولا المملكة الكرواتية (ب لكرواتية: Kraljevina Hrvatska) كترجع لممالك لقرون لوسطانية فؤروبا الوسطانية. ضمت المملكة ݣاع الأراضي ديال كرواتيا الحالية (من غير إستريا الغربية و شي مدون ساحلية دالماسية) ، و كانو تابعين ليها بزاف ديال الأراضي اللي كتسمى اليوم البوسنة و الهرسك.
حكمو المملكة الكرواتية شي فاميلات، و بقات البلاد دولة عندها سيادة شي جوج قرون. كانت المملكة ف ديك الوقيتة كتعيش ديما ف صراعات و مدابزات، و كانو عندها حتى تحالفات مع البلغار و البيزنطيين، و الهنݣاريين. و كانت ف منافسة قوية مع جمهورية البندقية (ڤينيسيا) على شكون اللي غادي يتحكم ف ساحل البحر الأدرياتيكي الشرقي.
كان واحد راجل دين سميتو ݣريݣوري منين بغا يفرض اللغة الكرواتية ف الطقوس الدينية ف القرن عشرة، داكشي اللي نوض الروينة بينو و بين البابا. قبل ما تطفى هاد الروينة بوحدها.[1] نجحات كرواتيا باش تسيطر و تأمن ݣاع المدون الساحلية ف دالماسيا مع سقوط الهيمنة البيزنطية عليها ف النص التاني من القرن حضاش. وصلت المملكة للطوپ ديالها ف الوقيتة اللي كانو حاكمينها الملوك پيتر كريشمير الرابع (1058- 1074) و ديمتريوس زڤونيمير (1075-1089).
حكمات الفاميلة ديال ترپيميروڤيتش المملكة بزاف ديال الوقت حتى ل عام 1091. طرات أزمة ديال لخلافة، و من بعد حكمات عائلة أرپاد بعد عشر سنين من المدابزة على العرش و بعد معركة جبل ݣڤوزد. جا هادشي مع تتويج الملك كولومان من هنݣاريا ملك على كرواتيا و دالماسيا ف بيوݣراد نا مورو ف عام 1102، و هكا توحدات لممالك الهنݣارية والكرواتية تحت تاج واحد.[2][3][4] العلاقة و الشروط اللي كانت بينات بين لممالك ولات مسألة خلاف ف القرن 19.[5][6][7] و مع مرور الوقت زادت تعقدات العلاقة، و هكا حتافظات كرواتيا ب درجة كبيرة من الإستقلال ديالها، و بقات القوة الحقيقية بين يدين النوبالا المحليين.[5][8] غالبا ما تيشوفو عولاما التاريخ الكرواتيين و الهنݣاريين الجداد للعلاقات بين المملكة الكرواتية و المملكة الهنݣارية ف عام 1102 بلي ماكانتش متكافئة و بلي حتى حاجة ما كانت كتجمعهوم من غير ملك مشتارك.
وصلو السلاڤ ل جنوب شرق ؤوروبا ف البدية ديال القرن سبعة و خلقو تما بزاف ديال الولايات، بما في دلك دوقية كرواتيا. بداو تينشرو المسيحية بين الكروات بعد وقت قصير من الوصول ديالهم، و كملات عملية التنصير مع القرن تسعة. الحكم الدوقي بقا بين فاميلات ضوماݣويڤيتش و ترپيميروڤيتش المتنافسين. نافسات مملكة كرواتيا جارتهم جمهورية البندقية، و تقاتلت و تحالفت مع الإمبراطورية البلغارية اللولة و دازت عليها فترات من التبعية للإمبراطورية الكارولينجية و الإمبراطورية البيزنطية. عتارف البابا يوحنا التامن ب الدوق برينيمير كملك مستقل ديال كرواتيا ف عام 879 ميلادية.
كرواتيا تطورات ل درجة مملكة ف جوايه عام 925. طوميسلاڤ كان أول حاكم كرواتي اللي عطاتو المستشارية ديال البابا لقب "الملك".[9] و كيتݣال بلي طوميسلاڤ ولى ملك ف عام 925, ولايني هاد الإدعاء ما يمكنش نتأكدو منو. حيت حتى واحد ما عارفش فوقاش و شكون اللي ردو ملك، و ماكاين حتى تأكيد بلي كان ملك أصلا. طوميسلاڤ تدكر كـ ملك ف وثائق محفوظين تنشرو ف هيسطوريا سالونيتانا. و تدكر لمرة اللولة ف ملاحظة مسبقة ل توصيات مجلس الإنقسام د عام 925، حيت تكتب بلي طوميسلاڤ هو الملك الحاكم ف مقاطعة الكروات و ف المناطق الدالماسية،[10][11] ف الوقت اللي تطلق على الحاكم الكرواتي لقب الملك على حساب للقانون طناش من توصيات المجلس. تسمى طوميسلاڤ بـ"ملك الكرواتيين" ف واحد البرية صيفطها البابا يوحنا العاشر.[10] واحد الكاهن سميتو ديكليا وضح تاريخ تعيين طوميسلاڤ ملك و حدد الفترة ديال الحكم ديالو ف 13 عام.[10] التسجيلات و الوثائق اللي جات من بعد باللي الخلفاء ديال طوميسلاڤ سماو روسهوم ب سمية "الملك" ف القرن العاشر، واخا ما كايناش تسجيلات اللي كتبت ملكية طوميسلاڤ.[11] ولايني كرواتيا ولات تحت الحكم ديالو وحدة من أقوى الممالك البلقانية.[12]
طوميسلاڤ كيتعتابر من فاميلة تريپيمير اللول، و واحد من أبرز الأفراد من فاميلة ترپيميروڤيتش. طوميسلاڤ نجح ف توحيد كروات پانونيا و دالماسيا ما بين عوام 923 و 928، مع وجود دوق مستاقل لكل واحد منهم. تقدر تكون لأراضي ديال المملكة كانت شادة ݣاع تال دالماسيا، پانونيا، الشمال، و الغرب ديال البوسنة. واخا ما معروفش المجال الجغرافي الدقيق للمملكة ديال طوميسلاڤ. كانت كرواتيا ف داك الوقت كتكون من 11 مقاطعة و باناط وحيد. كل منطقة من هذه المناطق (المقاطعات و الباناطات) كانت عندها بلدة ملكية محصنة خاصة بها.
دغيا دخلات كرواتيا ف صراع مع الإمبراطورية البلغارية ف عهد سميون اللول (اللي كيتسمى حتى سيميون العظيم ف بلغاريا) ، اللِّي كان بالفعل ف حرب مع البيزنطيين. طوميسلاڤ سنى إتفاقية مع الإمبراطورية البيزنطية و هاد الإتفاقية خلات الإمبراطور البيزنطي رومانوس اللول يعطي مكافأة ل طوميسلاڤ اللي هي يخليه يسيطر على المدون الساحلية ف ثيمة دالماسيا البيزنطية،[11] زايدون عطاه حصة من الضرائب اللي كتجمع من هاد المدون الساحلية. كرواتيا ستقبلات الصرب المطردوين و حماتهم مع زعيمهم زاهاريا، بعد غزو سيميون ل إمارة صربيا ف عام 924. حاول سيميون يهرس الإتفاق الكرواتي-البيزنطي فعام 926، و فرع الدفاعات الضعيفة ديال الدالماسيا البيزنطية،[13] فاش صيفط دوق ألوݣوبوتور مع جيش كبير لمحاربة طوميسلاڤ، لكن جيش سيميون نهازم ف معركة مرتفعات البوسنة. الجوج مندوبين ديال البابا يوحنا العاشر رجعو السلام بين كرواتيا و بلغاريا من بعد الوفاة ديال سيميون ف عام 927.[14] يقدرو يكونو الجيش و البحرية الكرواتية كانو ف ديك الوقيتة كايتكونو من شي 100 ألف وحدة ديال المشاة و 60 ألف فارس و 80 ساݣينا (باطو د لحرب كبير) و 100 كوندورا (باطو د لحرب صغير) ولايني هاد لأرقام كيتّعتابرو مبالغ فيهم.
- ↑ (ب لكرواتية) Hrvatski glagoljizam i stradanje dalmatinskih gradova مؤرشف 2022-02-08 فموقع وايباك ماشين
- ↑ Larousse online encyclopedia, Histoire de la Croatie: "Liée désormais à la Hongrie par une union personnelle, la Croatie, pendant huit siècles, formera sous la couronne de saint Étienne un royaume particulier ayant son ban et sa diète." (ب لفرانساوية) مؤرشف 2020-06-27 فموقع وايباك ماشين
- ↑ Clifford J. Rogers: The Oxford Encyclopedia of Medieval Warfare and Military Technology, Volume 1, Oxford University Press, 2010, p. 293 مؤرشف 2020-06-27 فموقع وايباك ماشين
- ↑ Luscombe and Riley-Smith, David and Jonathan (2004). New Cambridge Medieval History: C.1024-c.1198, Volume 4. Cambridge University Press. pp. 273–274. ISBN 0-521-41411-3.
- 1 2 Bellamy, Alex J. (2003). The Formation of Croatian National Identity. Manchester University Press. pp. 36–39. Archived from the original on 21 يناير 2020. Retrieved 16 January 2014.
- ↑ Jeffries, Ian (1998). A History of Eastern Europe. Psychology Press. p. 195. ISBN 0415161126. Archived from the original on 7 يونيو 2020. Retrieved 16 January 2014.
- ↑ Sedlar, Jean W. (2011). East Central Europe in the Middle Ages. University of Washington Press. p. 280. ISBN 029580064X. Archived from the original on 30 أبريل 2016. Retrieved 16 January 2014.
- ↑ Singleton, Frederick Bernard (1985). A Short History of the Yugoslav Peoples. Cambridge University Press. p. 29. ISBN 978-0-521-27485-2. Archived from the original on 2021-03-08.
- ↑ Neven Budak - Prva stoljeća Hrvatske, Zagreb, 1994., p. 22 مؤرشف 2020-06-27 فموقع وايباك ماشين
- 1 2 3 Ivo Goldstein: Hrvatski rani srednji vijek, Zagreb, 1995, p. 274-275 مؤرشف 2017-02-03 فموقع وايباك ماشين
- 1 2 3 Florin Curta: Southeastern Europe in the Middle Ages, 500-1250, Cambridge University Press. 2006, p. 196 مؤرشف 2020-06-28 فموقع وايباك ماشين
- ↑ General Encyclopedia of the Yugoslavian Lexicographical Institute. Zagreb. 1982.
{{cite book}}:|work=ignored (معاونة)CS1 maint: location missing publisher (link) - ↑ Ivo Goldstein: Hrvatski rani srednji vijek, Zagreb, 1995, p. 289-291 مؤرشف 2017-02-03 فموقع وايباك ماشين
- ↑ Clifford J. Rogers: The Oxford Encyclopedia of Medieval Warfare and Military Technology, p. 162 مؤرشف 2020-06-27 فموقع وايباك ماشين
