انتقل إلى المحتوى

الكوزينة ديال البلقان

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
فطور عيد القيامة (Easter) كيتاكل فـ صربيا بمناسبة عيد القيامة عند الأرثوذوكس، و كيتعتابر وجبة تقليدية و مهمة. نفس هاد الفطور مشهور حتى فـ مقدونيا الشمالية، مونطينيݣرو، و البوسنة و الهرسك. و فـ صلوڤينيا كيتاكل فطور مشابه، ولكن الفرق هو بلي الناس تماك كيعوضو الكيك التقليدي بـ پوتيتسا (potica)، اللي هي حلوى صلوڤينية مشهورة و معروفة فـ المناسبات.

الكوزينة ديال البلقان كاتشمل مجموعة ديال لكوزينات الوطنية، اللي كتخلط ما بين خصائص من الكوزينة الأوروپية و بعض العناصر من الكوزينة الآسيوية الغربية. هاد الكوزينة كاتواجد فـ منطقة البلقان، اللي ما عندهاش حدود واضحة، ولكن فـ معناها الواسع كتضم بلدان أوروپية بحال: ألبانيا، البوسنة و الهرسك، بلغاريا، كرواتيا، اليونان، هنݣاريا، مولدوڤا، مونطينيݣرو، مقدونيا الشمالية، رومانيا، صربيا و صلوڤينيا.[1]

لكوزينات المحلية ف هاد المنطقة، من غير الكوزينة الصلوڤينية، فيها تأثير تركي كبير، و هادشي راجع ل سنين ديال الإحتلال العثماني.[2][3][4] و من غير الكوزينة لهنݣارية، المولدوڤية و الرومانية، بزاف ديال لكوزينات البلقانية عندها تأثير متوسطي واضح، خصوصاً فـ الكوزينة اليونانية و الألبانية.[2][5][6]

و فـ عام 2014، تحل فـ صلوڤينيا أول ريسطو ديال الكوزينة الغجرية (Romani cuisine)، اللي كيعتامد على أطباق تقليدية جاية من الكوزينة ديال البلقان.[7]

الكوزينة البلقانية كاينة حتى فـ ڤيينا، النمسا، و هادشي راجع لـ الهجرة اللي وقعات من بعد الحرب العالمية الثانية ل هاد المدينة.[8] حتى فـ ألمانيا كاينين ريسطوات كاتقدم المأكولات البلقانية، و كانو معروفين من قبل بـ "الريسطوات اليوݣوسلاڤية"، حتى بداو حروب يوݣوسلاڤيا و تبدلات التسمية.

من الستينات، كانو ريسطوات سميتهم "Balkan Grill" فـ ألمانيا الغربية، و ساهمو بزاف فـ شهرة طبسيل تشيڤاپشيشي ćevapčići فـ البلاد.[9] ولكن من تواخر الثمانينات، ولاو هاد الريسطوات نادرين، و اللي بقاو منهم بدلو السمية ديالهم و ولاو كيستعملو غالباً تسميات بحال "ريسطوات كرواتية".[10]

تاريخ

[بدل | بدل لكود]

البلقان عندها تاريخ ديال حكم برّاني و صراعات على السلطة من الداخل، و هاذ الشي خلا الماكلة ديالها متنوعة بزاف حيث تأثيرات مختالفة تلاقاو بسباب التبادل الثقافي.[11] الأساس التاريخي ديال الماكلة البلقانية العصرية هو الماكلة العثمانية، اللي كانت متأثرة بزاف ب الكوزينة العربية الشامية و ب الكوزينة البيزنطية ف لقرون لوسطانية.[12] الإمبراطورية العثمانية هي اللي دخلات لفلفلة ل هاد المنطقة و جابت معاها حتى البوريك börek، اللي هو نوع ديال العجينة الرقيقة اللي يقدر يكون أصلها كايرجع للكوزينة الرومانية القديمة. خلال الفترة ديال الحكم العثماني، تزادو أطباق بحال الشّڤاپي (ćevapi) و الپليسكاڤيكا (pljeskavica) مع القهوة التركية.[13] و في نفس الوقت، لحم لحلوف ولا مشهور ف شمال صربيا حيث لحلالف ماكانوش كيتخلصو عليهم الضرائب على حساب القانون الإسلامي العثماني.[11]

المكونات ديال الكوزينة البلقانية غالبًا كتاخد من الكوزينة التقليدية ديال اليونان، بلاد فارس، الدول العربية و تركيا، زيادة على المنطقة ديال البلقان براسها،[14] و زيد عليهم تأثيرات جابوها من الكوزينة المتوسطية، الكوزينة الأرمينية، و الكوزينة ديال شمال غرب إفريقيا و أوروپا الوسطى.[15] كاينين تشابهات حتى مع الكوزينة الألمانية و الكوزينة السلاڤية.[16] المشاركة ديال النمسا و الطاليان ف البلقان جابت معاها أطباق ديال اللحم المحمّر ب الخبز، و زادت من التركيز على الماكلة د لبحر.[13] التأثير ديال الكوزينة الفارسية كيبان ف تخدام اليوݣورت مع أطباق اللحم.[17] و حتى الكوزينة اليهودية عطاو مساهمات بحال "پاتيشپانيا"، اللي هي كيك مسنفج كايتلقا ف البوسنة و الهرسك.[18]

المميزات

[بدل | بدل لكود]

الكوزينة ديال البلقان كتتميز ب تنوع كبير، و نكهات قوية، و شي مرات كتكون حارة.[19][20] الخضرة المخللة من بين لمكوّنات لمنتاشرة.[21] الفلفلة كاتخدّم ف الصوص ديال أيڤار، و التخدام ديال الفلفلات الصغار الحارين تا هوّ منتاشر شوية. فرماج الفيطا مشهور بزاف ف لمناطق الجنوبية. الأطباق ديال البلقان كتستعمل بزاف الخوضار لمعمّرة بحال "صارما" اللي كتكون معمرة ب وراق العنب. حتى "الموساكا" معروفة، و هي طبسيل كيتحضر ب الدنجال و البطاطا.[1][22] بزاف ديال الأطباق كتقدم مع كريمة غليضة كيسميوها "كايماك"، و الصوص ديال البيض و الحامض "أڤݣوليمونو" تا هي كاتتخدّم بزاف.[23] "المزة" كتقدم غالباً كـ مقبلات، كيفما كاين ف الكوزينة الشامية و لقوقازية.[24] الحلويات المشهورة فيها البقلاوة و الحلوى المعروفة ب "هالڤا" ولّا "حلوى"،[1] و كاين حتى الشراب ديال الفواكه اللي هو "راكيا" اللي كيشربوه بزاف. طريقة الطياب كتكون غالباً ب ستعمال "صاتش"، اللي هو غطا د الطياب كيتدهن ب الفاخر ولا الرماد السخون،[13] و هي تقنية قديمة كاترجع للكوزينة اليونانية القديمة.[25]

التنوع

[بدل | بدل لكود]

التشابهات اللي كاينة ف الكوزينة ديال البلقان جاية جزئياً من البيئة الطبيعية المشتاركة ف المنطقة اللي كتوفّر مكونات غذائية متشابهة.[26] بزاف ديال الأطباق و الوصفات ف جهة البلقان كيتسمّاو ب نفس السميات، ولكن كاينين ختلافات وطنية ف طريقة التحضير.[27] المميزات المشتاركة ديال الكوزينة البلقانية كيبانو بوضوح ف الريسطوات الفاخرة، أما ف الديور، الوجبات كتعكس التنوع الجغرافي ديال الماكلة،[1][28] اللي كتجمع بين أطباق متوسطة بين أوروپا الشمالية و المتوسطية و حتى الشرق الأوسط.[29] الجنسيات المختالفة ف البلقان كيديرو نسخ خاصة بيهم من نفس الطبسيل،[28] بحيث نفس السمية ديال طبسيل يقدر يكونو عندها مكونات و طريقة تحضير مختالفة ف بلدان مختالفة.[13] ف البلقان الشمالي كايعجبهم الشكلاط، الكيك و الحلويات، ولكن ف الجنوب كيبان تأثير البحر البيض المتوسط ب وضوح مع لماكلة د لبحر، الحلويات ب العسل و لماقارونية.[28]

مصادر

[بدل | بدل لكود]
  1. 1 2 3 4 Bradatan, Cristina E (يناير 2003). "Cuisine and Cultural Identity in Balkans". Anthropology of East Europe Review. 21 (1): 43–47.
  2. 1 2 Enard-Hauger, Amandine (2025-03-14). "The 5 best culinary specialities to try on a trip to Albania". EN-VOLS (ب American English). Retrieved 2025-03-22.
  3. ↑ Koç, Adem (2016-01-01). "Food, Culture and Identity On Turkish and Hungarian Cuisine". World of Smilar Tastes: Comparison of the Turkish and Hungarian Culinary Culture.
  4. ↑ Erizanu, Paula (2023-12-25). "From birch-tree juice to Christmas bread, our food tells the story of who we are". The Guardian (ب British English). ISSN 0261-3077. Retrieved 2025-03-15.
  5. ↑ "Greek cuisine". World Food and Wine. Retrieved 2025-03-22.
  6. ↑ STO. "The flavours of Slovenia – highlights of Slovenian national cuisine". I feel Slovenia (ب الإنجليزية). Retrieved 2025-03-15.
  7. ↑ Sullivan, Meghan Collins (16 ماي 2014). "Introducing Roma Cuisine, The Little-Known 'Soul Food' Of Europe". NPR.
  8. ↑ Brook, Stephen (2012). DK Eyewitness Travel Guide: Vienna. Dorling Kindersley Ltd. p. 200. ISBN 9781409384397.
  9. ↑ Heinzelmann, Ursula (2008). Food Culture in Germany. ABC-CLIO. p. 124. ISBN 9780313344947.
  10. ↑ Stefanov, Nenad; Radović, Srdjan (2021). Boundaries and Borders in the Post-Yugoslav Space: A European Experience. Walter de Gruyter. pp. 265–7. ISBN 9783110712766.
  11. 1 2 Garcevic, Srdjan (31 دجنبر 2018). "Delicious Histories of Favourite Balkan Foods". Balkan Insight.
  12. ↑ Gostin, Alina-Ioana; Bogueva, Diana; Kakurinov, Vladimir, eds. (2021). Nutritional and Health Aspects of Food in the Balkans. Academic Press. pp. 21–22. ISBN 9780128207864.
  13. 1 2 3 4 Bills, John William (29 August 2018). "7 Things You Didn't Know About Balkan Cuisine". The Culture Trip. Archived from the original on 22 شتنبر 2022. Retrieved 7 يونيو 2025.
  14. ↑ Miljkovic, Ema (2020). The Balkans: Everyday Life and Culture. Livre de Lyon. p. 3. ISBN 9782490773459.
  15. ↑ Gostin, Bogueva & Kakurinov (2021), p. 10.
  16. ↑ Byrd, Melanie; Dunn, John P. (2020). Cooking through History: A Worldwide Encyclopedia of Food with Menus and Recipes. ABC-CLIO. p. 302. ISBN 9781610694568.
  17. ↑ Roufs, Timothy G.; Roufs, Kathleen Smyth (2014). Sweet Treats around the World: An Encyclopedia of Food and Culture. ABC-CLIO. p. 24. ISBN 9781610692212.
  18. ↑ Goldstein, Darra; et al. (2005). Culinary Cultures of Europe: Identity, Diversity and Dialogue. Council of Europe. p. 384. ISBN 9789287157447.
  19. ↑ Gostin, Bogueva & Kakurinov (2021), p. 11.
  20. ↑ Gostin, Alina-Ioana; Bogueva, Diana (2021). Gostin, Alina-Ioana; et al. (eds.). Nutritional and Health Aspects of Food in the Balkans (ب الإنجليزية) (1st ed.). LIT Verlag. pp. 9–20. ISBN 9780128207826.
  21. ↑ Dalby, Andrew; Dalby, Rachel (2017). Gifts of the Gods: A History of Food in Greece. Reaktion Books. pp. 155, 184. ISBN 9781780238630.
  22. ↑ Carman, Tim (22 January 2013). "Prepping Balkan cuisine for its Capitol Hill debut". Washington Post.
  23. ↑ Kaneva-Johnson, Maria (1995). Balkan Food and Cookery. p. 349. ISBN 0-907325-57-2.
  24. ↑ Coxall, Malcolm (2014). "1.1 History of the tapa". Traditional Vegetarian Tapas Recipes of Spain. Malcolm Coxall. ISBN 9788494178337.
  25. ↑ Sparkes, B. A. (1962). "The Greek Kitchen". The Journal of Hellenic Studies. 82: 121–137. doi:10.2307/628548. JSTOR 628548. S2CID 162981087.
  26. ↑ Gostin, Bogueva & Kakurinov (2021), p. 21.
  27. ↑ Jianu, Angela; Barbu, Violeta, eds. (2018). Earthly Delights: Economies and Cultures of Food in Ottoman and Danubian Europe, c. 1500–1900. Brill. p. 4. ISBN 9789004367548.
  28. 1 2 3 Roufs & Roufs (2014), p. 24.
  29. ↑ Anderson, E. N. (2005). Everyone Eats: Understanding Food and Culture. NYU Press. p. 193. ISBN 9780814707401.
مرجّعة من "https://ary.wikipedia.org/w/index.php?title=الكوزينة_ديال_البلقان&oldid=447927"