انتقل إلى المحتوى

جتياح روسي د ؤكرانيا د 2022

بدل ليانات
من ويكيپيديا
جتياح روسي د ؤكرانيا د 2022
معلومات أساسية
نوع د لمطايفةحرب، عملية عسكرية، هجوم عسكري، غزو، حرب ماتعلناتش، نزاع دولي، حرب عدوانية، حرب شاملة و violation of international law
طرف مننزاعات ما بعد تفكك الاتحاد السوفيتي و لحرب رّوسو-ؤكرانية
لبلدان لمعنيةؤكرانيا، جمهورية لوڭانسك شّعبية، جمهورية دونيطسك شّعبية، روسيا، بيلاروسيا، Kherson Oblast و Zaporozhye Oblast
لموضعأوروبا الشرقية، ؤكرانيا، روسيا و قريميا
سبب موباشيرcollective self-defence
تاريخ د لبدية24 فبراير 2022
لمشاركينروسيا، بيلاروسيا، جمهورية دونيطسك شّعبية، جمهورية لوڭانسك شّعبية، ؤكرانيا، القوات المسلحة الأوكرانية، القوات المسلحة الروسية، الفيلق الدولي للدفاع الإقليمي عن أوكرانيا، الفيلق الجورجي (أوكرانيا) و Russian irregular forces during the Russian invasion of Ukraine
ساحات ؤ معاركهجوم شرق أوكرانيا، هجوم جنوب أوكرانيا، هجوم شمال شرق أوكرانيا، الهجوم الأوكراني المضاد في خاركيف 2022، الضم الروسي لجنوب أوكرانيا وشرقها، الهجمات الروسية على البنية التحتية الأوكرانية (2022–الحاضر)، جرائم الحرب خلال الغزو الروسي لأوكرانيا 2022، attacks in Russia during the Russo-Ukrainian war، هجوم خيرسون المضاد 2022، Belarusian and Russian partisan movement، هجوم كييف 2022، Q117531310، الهجوم الأوكراني المضاد 2023 و Battle of Nowohrodiwka
عاداد ضّحايا42,295
معلومات إضافية
أهم لأحداتحصار ماريوبول، مذبحة بوتشا، أزمة محطة زاباروجيا للطاقة النووية، معركة تشيرنوبل، تفجير جسر القرم 2022، التعبئة الروسية 2022، تدمير سد كاخوفكا و الضم الروسي لجنوب أوكرانيا وشرقها
نتائجردود الفعل الدولية على الغزو الروسي لأوكرانيا 2022، أزمة اللاجئين الأوكرانيين، التأثير الاقتصادي للغزو الروسي لأوكرانيا 2022، solidarity concerts for Ukraine، التعبئة الروسية 2022، Call Russia، الاستفتاءات في أوكرانيا المحتلة 2022، التهديدات النووية خلال الغزو الروسي لأوكرانيا 2022، علاقات فنلندا وحلف شمال الأطلسي، Q117749106، attacks in Russia during the Russo-Ukrainian war، العقوبات الدولية خلال الغزو الروسي لأوكرانيا 2022، تمرد مجموعة فاغنر، صراع مجموعة فاغنر ووزارة الدفاع الروسية و accession of Finland and Sweden to NATO
ف لويبhttps://wikispooks.com/wiki/2022_Russian_invasion_of_Ukraine
←


ف 24 فبراير 2022، دارت روسيا هجمة شاملة على ؤكرانيا، لي كاتحدّها من جّيهة لجنوب غربية، شّي لي كيتّعتابر تصعيد كبير ل لحرب رّوسو-ؤكرانية لي بدات من 2014. هاد لهجمة كاتّعتابر أكبر هجمة عسكارية تقليدية و أميت حرب ف ؤروپا من لحرب لعالمية جّاوجة.[1][2][3][4] هاد لحرب تسببات ف مئات لألاف ديال لقتلى من لعساكريا، و عشرات لألاف من لمدنيين لؤكرانيين. تال دابا (2025)، روسيا محتلة 20% ديال ؤكرانيا. من بين 41 مليون ؤكراني، 3,7 د لمليون هاجرو وسط لبلاد، و 6,9 مليون هربو على برا تال حدود أبريل 2023 شي لي خلق أكبر أزمة ديال اللاجئين ف ؤروپا من لحرب لعالمية الجاوجة.[5][6][7]

لهجمة كان سبقها تعزيز د لقوات رّوسية على لحدود بيناتهوم من لبدية د 2021.[8] على حساب رّايس د روسيا ڤلاديمير پوتين، هاد لهجوم جا كا رد على تحركات د نّاطو لي "باغي يتوسع جيهت شّرق ؤ يحاصر روسيا". لوزير لمنتدب د وزارة لخارجية رّوسي سيرݣي ريابكوڤ ݣال بلي روسيا خاصها تمنع ب أي شكل باش ؤكرانيا تدخل ف تّحالف د نّاطو.[9] شي يامات قبل جّتياح، روسيا عتارفات ب جوج جمهوريات ف لأراضي د ؤكرانيا، لي هوما جمهورية دونيطسك شّعبية، ؤ جمهورية لوݣانسك شّعبية، لي بجوجهوم جاو ف مناطق د ؤكرانيا ب أغلبية روسية. ؤ لجيش رّوسي كان ديجا دخل ل منطقة ضونباس ف شّرق د ؤكرانيا من 21 فبراير.

معا 5 د صّباح ف تّوقيت لمحلي (6 د صّباح ف موسكو) رّايس د روسيا ڤلاديمير پوتين عطا أوامر باش تبدا عمليات عسكارية لي تجلّات ف صوارخ تسيفطو على مناطق ؤكرانية، منهوم لعاصيمة كييڤ. سّربيس د لحدود لؤكراني علن بلي لمكاتب ديالو على لحدود معا روسيا ؤ بيلاروسيا تم لهجوم عليهوم. ساعتاين موراها، لقوات لبرية رّوسية بدات جتياح. رّايس د ؤكرانيا ڤولوديمير زيلينسكي علن على حالة د لحرب، ؤ قطع لعلاقات معا روسيا بشكل رسمي. ف نفس لوقت، سّلطات رّوسية عتاقلات مئات د نّاس ف لحتيجاجات ضد لحرب لي طراو ف بزاف د لمدون ف روسيا مورما بدات لهجمة.[10] بعض لبلدان لأعضاء د نّاطو بداو كيعطيو سّلاح ؤ لماطيرييل ل ؤكرانيا، مي لمونضامة براسها ماعاوناتش ؤكرانيا بشكل رسمي، من غير تقوية دّفاع د لبلدان لي حداها.

جّتياح رّوسي تلقّا ردود فيعل و إدانة قوية من بزاف د دّوال، منها إدانة كبيرة ؤ عقوبات قتيصادية على روسيا. الجمعية لعامة د لأمم لمتحدة دوّزات قرار كايدين الجتياح، و كايطالب روسيا ب لإنسحاب لفوري. لمحكامة د لعدل الدولية عطات أمر ل روسيا باش تحبس لعمليات لعسكارية، و لمجلس ديال ؤروپا طرد روسيا من لعضوية ديالو. بزاف د لبلدان فرضو عقوبات على روسيا و لحليفة ديالها بيلاروسيا، و عطاو مساعدات إنسانية و عسكارية ل ؤكرانيا. الدول د لبلطيق و پولونيا ولاو حاسبين روسيا "دولة إرهابية". لمحكامة الجنائية الدولية حلّات تحقيق ف جرائم ضد لإنسانية، جرائم حرب، خطيف الدراري لؤكرانيين، و لإبادة د لؤكرانيين؛ و صدرات مدكرة توقيف ضد ڤلاديمير پوتين و 5 د لمسؤولين الروسيين.

لخلفية

[بدل | بدل لكود]

تاريخ

[بدل | بدل لكود]

لمنطقة لي دابا كاينة ف ؤكرانيا كانت، ف بزاف د لفترات تّاريخية، تابعة ل لإمبراطورية رّوسية، ؤ أول دولة د رّواسا كانت تأسسات تماك ؤ لعاصيمة ديالها كانت ف كييڤ، لي دابا عاصيمة د ؤكرانيا. عبر قرون د زّمان ستاقلات ؤكرانيا ل مدة شحال من مرة (متلاً فاش طاحت ف يد لمنݣول ف لقرن 13)، ؤ عاود رجعات. ف لقرن 20، لينين كان تخلّا على ؤكرانيا ؤ مناطق خرين ل صالح ألمانيا ف لوقت د لحرب لعالمية لّولة، باش يركّز على لوضعية ف دّاخل لي كانت متأزّمة، ؤ عاود رجعات كا وحدة من 11 دولة تابعة ل ليتيحاد سّوڤياتي، حتال 1991 فاش ستاقلات بشكل كامل مرة خرة. ب سباب لقرب لجغرافي ديالها من غرب ؤروپا، ؤكرانيا عندها تأتير غربي تقافي ؤ فيكري كبر، ؤ هيّا عكس روسيا دولة ديموقراطية بحال بزاف د لبلدان د لغرب. تاريخياً، كان تّأتير لغربي، سوا ف لفيكر ؤلا تّقافة ؤلا طّيكنولوجيا كيجي ل روسيا ديما من ؤكرانيا.[11]

مورما طاح ليتيحاد سّوڤياتي، لعلاقات بين روسيا ؤ ؤكرانيا بقات مستامرة. ف 5 دجنبر 1994، ؤكرانيا قبلات باش تّخلا على سّلاح نّووي ديالها، موقابيل باش روسيا، بريطانيا ؤ لميريكان يضمنوها ضد تهديدات ل سّتيقلالية سّياسية ؤ سّيادة ديالها.[12] فاش روسيا ضمّات قريميا ف 2014، تّعتابر هادشي خرق ل لموعاهدة د بوداپيست ؤ تعدي على سّيادة د ؤكرانيا.

تّورة لّيمونية ف ؤكرانيا

[بدل | بدل لكود]

ف 2004، ڤيكطور يانوكوڤيتش، لي كان لوزير لّول د ؤكرانيا، ربح نّتيخابات رّئاسية. من بعد لمحكمة لعالية د ؤكرانيا خرّجات حكم قضائي بلي نّتيخابات كانت مزوّرة، ؤ تّلغاو نّتايج. لؤكرانيين خرجو ف موضاهرات لي حتجو فيها على تّزوير ؤ دعمو لمنافس ديالو ڤيكطور يوشتشينكو. هاد لّخر ف لوقت ديال لأحدات لي تسمّات "تّورة لّيمونية"، بدا كيمرض، ؤ تبيّن من بعد بلي تعرّض ل تسمم ب ديوكسين.[13] يوشتشينكو تّاهم روسيا ب تّسميم ديالو. ف 2010، يانوكوڤيتش ربح نّتيخابات رّئاسية[14] ؤ بقا رايس د ؤكرانيا حتا تحيّد من لمنصب ديالو ف 2014 ب سباب حتيجاجات شعبية.

لحرب رّوسوؤكرانية (2014)

[بدل | بدل لكود]

مور تورة لكرامة لؤكرانية ف فبراير 2014، حتلّات روسيا قريميا لي كانت تابعة ل ؤكرانيا، و دعمات لإنفصاليين الداعمين ل روسيا باش يحاربو ضد ؤكرانيا ف حرب ضونباس. هاد 8 سنين اللولة ديال لحرب عرفات مناوشات بحرية و حتى حرب سيبيرانية. لإجتياح الروسي د فبراير 2022 ما هوّ غير تصعيد ديال حرب لي كانت ديجا شاعلة بين هاد الجوج بلدان.

قبل جّتياح

[بدل | بدل لكود]

شهورا قبل جّتياح رّوسي، كانت روسيا كاتبلاصي لعساكريا ديالها على لحدود معا ؤكرانيا، ؤ بزاف د لبلدان كانو متخوّفين بلي پوتين باغي يبدا حرب.[15]

كرونولوجيا

[بدل | بدل لكود]
تسلسل د لأحدات ديال لحرب د روسيا على ؤكرانيا

ف 24 فبراير، شوية قبل من 6 د صّباح ف موسكو، پوتين علن على "عملية عسكارية خاصة" ف شّرق د ؤكرانيا.[16] ف لإعلان ديالو، پوتين ݣال بلي ماعندوش نية باش يحتل ؤكرانيا، ؤ بلي كيحتارم لحق د لؤكرانيين باش يحكمو راسهوم ب راسهوم.[17][18] ؤ زاد بلي هاد "لعملية" لهدف ديالها هوّا باش "تحمي نّاس" ف لمنطقة د ضونباص لي فيها أغلبية ناطقة ب رّوسية. لي، على حساب پوتين "عاناو ف 8 سنين لّخرة من لحݣرة ؤ لإبادة من طاراف لحوكومة د كييڤ".[19] بعد دقايق من لإعلان ديال پوتين، خرج لخبار على نفيجارات ف كييڤ، خاركيڤ، ؤديسا، ؤ ضونباص.[20]

نيشان مورا لهجوم رّوسي، رّايس د ؤكرانيا ڤولوديمير زيلينسكي، علن على لحالة د لحرب ف ؤكرانيا.[21] ف نفس نّهار ف لعشية، ديكلارا بلي جميع رّجال لي عمرهوم ما بين 18 ؤ 60 عام خاص يتم تّجنيد ديالهوم باش يدافعو على لبلاد.[22]

لعساكريا رّوس دخلو من 4 د جّوايه: شّمال من بيلاروسيا ف تّيجاه كييڤ، شّمال شّرقي من روسيا ف تّيجاه خاركيڤ، شّرق من دونيتسك ؤ لوݣانسك، ؤ من لجنوب من قريميا لي كانت روسيا ضمّاتها قبل.[23]

لجيش رّوسي رسم رّمز Z (حرف لاتيني) على دّوزان ؤ لمركوب لعسكاري ديالو، غالبان باش مايتيريوش لعكساريا رّواسا على بعضياتهوم.[24]

ردود لفعل الدولية

[بدل | بدل لكود]

لمؤسسات الدولية

[بدل | بدل لكود]
  • ناطو: ندد لأمين لعام د حيلف نّاطو، ينس سطولطنبيرݣ، ب لعدوان رّوسي ف 24 فبراير، و وصفو بلي هجوم خايب كايهدد لحياة ديال بزاف د لمدنيين. و زاد قال بلي لأعضاء ديال نّاطو هايتلاقاو "باش إتعاملو معا تداعيات لإجراءَات لعدوانية د روسيا".[25]
  • لمونضامة د دّوال لأمريكية: خرجات لمونضامة د دّوال لأمريكية واحد لبيان بينات فيه بلي مامتافقاش معا لغزو رّوسي و قالت عليه بلي "جريمة دولية كبيرة" حيت عتابراتو "عتداء على لأمن ديال لبشرية و سّلامة ديالها، و حتا على لعلاقات لحضارية بين لبلدان".[26]
  • لمجلس ديال ؤروپا: تمنعات روسيا من لمشاركة ف هاد لمونضامة من 25 فبراير.[27]
  • لمونضامة د تّعاون لقتيصادي ؤ تّنمية: علنات لمونضامة د تّعاون لقتيصادي ؤ تّنمية ف 25 فبراير 2022 بلي تحبسات لعملية ديال لينضمام د روسيا، و سدات لبيرو ديالها ف موسكو.[28]

ميريكان

[بدل | بدل لكود]
  • كاناضا: ف 24 فبراير سّفير ديال لأمم لمتحدة بوب راي قال بلي كان "هجوم ماعندوش تبرير و مخفي" من طرف عضو ف مجلس لأمن التابع ل لأمم المتحدة. رئيس لووزارا لكانادي دجاستن طرودو قال نيابة على بلادو بلي ماعجبوش لهجوم الروسي، و ݣال بلي راه نتهاك د لحقوق سّيادية ديال ؤكرانيا و لأراضي ديالها.[25]
  • لميريكان: ف 24 فبراير الرئيس لميريكاني جو بايدن قال بلي "لهجوم ماعندو حتا مبرر و موسكو بوحدها لي كاتحمّل مسؤولية ديالو"[29]

تصاور

[بدل | بدل لكود]

مصادر

[بدل | بدل لكود]
  1. ↑ "Russia presses invasion to outskirts of Ukrainian capital" (ب الإنجليزية). 25 فبراير 2022. Archived from the original on 2022-09-22. Retrieved 2022-03-10.
  2. ↑ McFaul, Michael; Person, Robert (2 April 2024). Brands, Hal (ed.). War in Ukraine: Conflict, Strategy, and the Return of a Fractured World (ب الإنجليزية). Johns Hopkins University Press. p. 34. ISBN 978-1-4214-4985-2. On February 24, 2022, Russian president Vladimir Putin launched a full-scale invasion of Ukraine, expanding dramatically the war against Ukraine he began in 2014 and starting the largest war in Europe since World War II.
  3. ↑ Ramani 2023, p. 74.
  4. ↑ D'Anieri 2023, p. i; 98.
  5. ↑ "UNHCR, UKRAINE EMERGENCY". Retrieved 2025-10-09.
  6. ↑ "NATO to deploy thousands of commandos to nations near Ukraine" (ب الإنجليزية). 25 فبراير 2022. Archived from the original on 2023-07-29. Retrieved 2022-02-27.
  7. ↑ "لّاجئين لؤكرانيين لي هربو من ؤكرانيا من 24 فبراير 2022" (ب الإنجليزية). Archived from the original on 2023-10-12. Retrieved 2022-05-16.
  8. ↑ "February 24, 2022 Russia-Ukraine news". سي إن إن (ب الإنجليزية). 24 فبراير 2022. Archived from the original on September 18, 2023. Retrieved February 25, 2022.
  9. ↑ "Why is Russia invading Ukraine and what does Putin want?" [علاش روسيا جتاحت ؤكرانيا، ؤ شنو بغا پوتين؟] (ب الإنجليزية). 24 فبراير 2022. Archived from the original on 2023-10-06. Retrieved 2022-02-25.
  10. ↑ "Ukraine attack: Hundreds arrested in anti-war protests in Russia" (ب الإنجليزية). 24 فبراير 2022. Archived from the original on 2023-06-04. Retrieved 2022-02-25.
  11. ↑ ݣلين كورتيس (1996). Russia: A Country Study, Muscovy [تاريخ د روسيا، شاپيطر 3: موسكوڤيا] (ب الإنجليزية). Archived from the original on 2023-06-06. Retrieved 2022-02-27.
  12. ↑ "General Assembly Security Council, Letter dated 7 December 1994 from the Permanent Representatives of the Russian Federation, Ukraine, the United Kingdom of Great Britain and Northern Ireland and the United States of America to the United Nations addressed to the Secretary-General" (PDF) (ب الإنجليزية). 7 دجنبر 1994. Archived from the original (PDF) on 19 أكتوبر 2017.
  13. ↑ "Independent Ukraine". Archived from the original on 15 يناير 2008.
  14. ↑ "Yanukovych set to become president as observers say Ukraine election was fair". 8 فبراير 2010. Archived from the original on 2023-09-20. Retrieved 2022-02-27.
  15. ↑ "The Historical Dispute Behind Russia's Threat to Invade Ukraine" (ب الإنجليزية). 25 يناير 2022. Archived from the original on 2023-06-23. Retrieved 2022-02-27.
  16. ↑ "Russian President Vladimir Putin announces military assault against Ukraine in surprise speech". MSN. Archived from the original on 24 فبراير 2022. Retrieved 6 مارس 2022.
  17. ↑ "Full text: Putin's declaration of war on Ukraine". The Spectator. 24 فبراير 2022. Archived from the original on 25 غشت 2023.
  18. ↑ "Путин принял решение о проведении операции по денацификации и демилитаризации Украины" [پوتين قرر باش يشن حملة باش يقضي على نّازية ف ؤكرانيا ؤ يحد من لقوة لعسكارية ديالها] (ب الروسية). 24 فبراير 2022. Archived from the original on 24 فبراير 2022. Retrieved 24 فبراير 2022.
  19. ↑ "Putin's claims that Ukraine is committing genocide are baseless, but not unprecedented". The Conversation. 25 فبراير 2022. Archived from the original on 8 أكتوبر 2023.
  20. ↑ "Putin announces 'special military operation' in Ukraine". Politico. 24 فبراير 2022. Archived from the original on 24 فبراير 2022. Retrieved 24 فبراير 2022.
  21. ↑ "Russia-Ukraine crisis live news: Putin has launched 'full-scale invasion', says Ukrainian foreign minister – latest updates". The Guardian. 24 فبراير 2022. Archived from the original on 24 فبراير 2022. Retrieved 24 فبراير 2022.
  22. ↑ "Zelensky signs decree declaring general mobilization". Interfax-Ukraine. 25 فبراير 2022. Archived from the original on 25 فبراير 2022. Retrieved 25 فبراير 2022.
  23. ↑ "'It's too late': Russian move roils UN meeting on Ukraine". 23 فبراير 2022. Archived from the original on 2023-03-07. Retrieved 3 مارس 2022.
  24. ↑ Schogol, Jeff (22 فبراير 2022). "Here's what those mysterious white 'Z' markings on Russian military equipment may mean". Task & Purpose. North Equity. Archived from the original on 27 فبراير 2022. Retrieved 27 فبراير 2022. Bottom line is the 'Z' markings (and others like it) are a deconfliction measure to help prevent fratricide, or friendly fire incidents.
  25. 1 2 "World leaders react to Russia's attack on Ukraine: 'A dark day for Europe". The Washington Post. 24 فبراير 2022. Archived from the original on 2022-02-26. Retrieved 2022-02-25.
  26. ↑ « Comunicado de la Secretaría General de la OEA sobre ataque ruso a Ucrania »
  27. ↑ "Guerre en Ukraine. Le Conseil de l'Europe « suspend » la Russie de l'organisation". Archived from the original on 2023-02-03. Retrieved 2022-02-25.
  28. ↑ "Agence France-Presse". تويتر (ب الإنجليزية). Archived from the original on 2022-02-25. Retrieved 25 فبراير 2022.
  29. ↑ "Guerre en Ukraine : Joe Biden dénonce une attaque injustifiée, dont seule Moscou est responsable". Europe 1 (ب الفرنسية). Archived from the original on 2023-10-13. Retrieved 2022-02-25.

شوف تا

[بدل | بدل لكود]
مرجّعة من "https://ary.wikipedia.org/w/index.php?title=جتياح_روسي_د_ؤكرانيا_د_2022&oldid=453549"