الطائفة (تنظيم)
 | هاد لمقال مامراجعش. |
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل:
|
الطايفة أولا الطائفة بمعناها الحرفي "الحزب"، كانت خلايا وطنية سرية مغربية تأسّسات فالبدايات ديال الحركة الوطنية، وكان الهدف ديالها هو محاربة الاستعمار والمطالبة باستقلال المغرب.
كانت كتضم فصفوفها بزاف ديال السياسيين والمناضلين والمثقفين المغاربة، ومنهم اللي غادي يوقّع من بعد على وثيقة الاستقلال.
ويحتمل أنها تأسّسات عام 1934، وكان كاينين خلايا أخرى بحالها، كيتقاسمو نفس الفكر والنضال، بحال كتلة العمل الوطني.
كيحكي عبد الرؤوف الحاجي، اللي هو كاتب السيرة ديال الوطني والمقاوم سعيد الحاجي، على طريقة الخدمة ديال هاد الخلية، وكيقول باللي كانت الطائفة خدامة فشكل منظَّم وسري بزاف، وكانت كتعتمد على الثقة والانضباط بين الأعضاء، وكل واحد فيهم كان عندو دور محدد ما كيعرفوش حتى الآخرون، باش يبقاو بعيدين على الشبهات.
وكانت الاجتماعات كتدار فالخفاء، وغالبا فـ بيوت آمنة أو محلات تجارية باش ما يثيروش الانتباه ديال السلطات الفرنسية.
فـ سنة 1934، وفعزّ العطلة الصيفية، كان سعيد الحاجي وعبد الكريم من الأوائل اللي تم قبولهم كأعضاء فـ الخلية السرّية اللي كانت معروفة باسم "الطائفة"، واللي كانت مهمّتها تسيير الحركة الوطنية ومن بعد اللجنة ديال العمل الوطني.
وكان اللي كينخرط فيها خاصو يحلف قدّام الله والوطن باش يبقى السر محفوظ وما يفشي حتى قرار من اللي كيتّخذو داخلها.
كانت الطائفة كتضم حوالي ستّين عضو، من ضمنهم عشرة من فرع سلا، وكان فيها قادة كبار إلى جانب مجموعة من الشباب الوطني النشيط، بحال عبد الرحيم بوعبيد، المهدي بن بركة، قاسم الزهيري، عبد الله إبراهيم، عبد الكبير الفاسي، الطاهر الزنبر، الصديق بن العربي وغيرهم.
وما كانش ممكن لأي واحد يدخل لصفوف "الطائفة" إلا إلى قدّم خدمات كبيرة للوطن وللعمل السياسي اللي منتمي ليه.
منين خرجات سلطات الحماية الفرنسية الظهير البربري نهار 16 ماي 1930، و اللي كان كيشكل خطر كبير على وحدة البلاد فكل المستويات، ناضو احتجاجات فكل مناطق المغرب، وجات هاد الاحتجاجات كـ رد فعل فـ قراءة اللطيف. وفهمات النخبة السياسية المغربية بلي خاص يكون تنظيم سياسي آخر، ولكن حيث قانون الحماية ما كانش كيسمح بهاد الشي، لجأو هاد الناس لـ تنظيم حزبي سري. دّارو هاد التنظيم عام 1930 كل من علال الفاسي، ومحمد بن الحسن الوزاني، وأحمد مكوار و ناس وطنيين آخرين.[1]
وكان التنظيم مبني على شكل هرم، فالقمة كاينة الزاوية، و هي اللي كتقرر فكل ما يتعلق بسير التنظيم و أنشطتو، وكان فيها تقريباً 20 عضو. وتحت منها كاينة الطائفة، اللي كانت كتضم حوالي 60 عضو، و كانت كتعرض عليها المقررات ديال الزاوية.[1]
كانت هاد الخلية كتتكوّن من حوالي ستّين عضو، وكان فيها القياديين الكبار، ومعاهم عدد من الوطنيين من بين الشباب النشيط والمناضلين بحال[2]
- مالكة بلْمْهْدي الفاسي، التحقات بخلية الطائفة سنة 1937. شاركات فـ إعداد وثيقة الاستقلال مع رفاقها من الحركة الوطنية، ووقعاتها نهار 11 يناير 1944، وكانت المرأة الوحيدة من بين 66 موقّع على الوثيقة.[2]
وكان من بين أعضاء الخلية:
- الطاهر الزنيبر، ولد المفتي أبو بكر الزنيبر
- عبد الرحيم بوعبيد
- المهدي بن بركة
- قاسم زهيري
- عبد الله إبراهيم
- عبد الكبير الفاسي
- الصديق بن العربي
- بُوبكر الكديري
- سعيد الحاجي (منذ 1934)
- عبد الكريم الحاجي، خُو سعيد.
دّارت كتلة العمل الوطني واحد البرنامج ديال الإصلاحات المغربية، اللي كان معتدل فطابعو، وقدماتو فـ دجنبر 1934 للسلطان، والإقامة العامة، ووزارة الخارجية الفرنسية.
ومن بين المطالب ديالو:[3]
– يتراجعو على السياسة البربرية.
– يطبّقو البنود اللي جاو فـ معاهدة الحماية.
– يلغيو وسائل التعذيب.
– يحيدو الإدارة الاستعمارية المباشرة.
– يوقفو الاستيطان الرسمي.
– يحميو الصناعة التقليدية من المنافسة الأجنبية.
– يساويو بين المغاربة والأجانب فـ الضرائب.
– يلغيو الرسوم بين المناطق اللي تقسّم فيها المغرب.
– يأسسو المدارس الحرة والسبيطارات.
– ويحاربو البطالة.
ولكن، هاد المطالب ما تلقاتش حتى استجابة، وهاد الشي خلا الحركة الوطنية تعاود تصيغ المطالب ديالها بطريقة مختصرة وقدماتها كمطالب مستعجلة فـ 1936، ولكن حتى هاد المرة تجاهلوها، رغم أن الجبهة الشعبية كانت وصلت للحكم فـ فرنسا.[3]
كانت بزاف ديال العوامل اللي خلات الحركة الوطنية فالمغرب تتحول من مجرد المطالبة بالإصلاحات إلى المطالبة بالاستقلال التام، ومن بين هاد العوامل:[4]
- اعتقال ونفي الزعماء الوطنيين، ومنع الأحزاب الوطنية من النشاط، زاد خلا الناس يحسو بالظلم ويطالبو بالحرية.
- تزايد الاستغلال الاستعماري من طرف فرنسا، سواء فالفلاحة ولا فالصناعة ولا فالثروات الطبيعية.
- تأسيس اتحاد النقابات الموحدة، اللي جمع العمال ونظّم صفوفهم باش يدافعو على الحقوق ديالهم.
- تأسيس أحزاب وطنية جديدة اللي واصلَت النضال السياسي بطرق أكثر تنظيم.
- تصريح الولايات المتحدة الأمريكية فـ مؤتمر أنفا سنة 1943 بالاستعداد ديالها تساعد المغرب باش يحقق الاستقلال.
- احتلال فرنسا من طرف ألمانيا النازية فـ الحرب العالمية الثانية، خلا فرنسا تضعف بزاف، وهاد الشي عطى المغاربة فرصة باش يقوّاو النضال ديالهم من أجل الاستقلال.
- مَحْمَدْ أَوَادْ وْمَرْيَا أَوْادْ، التْلَاتَة دْ الْمْجْدَاتْ، وْالْعْقْلْ الْذْهَبْ دْيَالْ الْأُمَّة الْمُرُوكِيَّة: 1925-1955 الشّْهَادَة دَاكْشِّي اللِّي كَيْتّْكَلّْمْ بِيهْ مَهْدِي بَنْ بَرْكَة، رَابَة، لِيل، 2006، 391 ص. (ISBN 9981-110-08-6, قُرْ بْالْإِنْتَانِيَة) "بُسْتْ بْاللُّغَة الْفْرَانْسِيَّة" فْالْمُرُوكْ فْ2006.
- Abderraouf Hajji (2007). Saïd Hajji. Kirkland: Mohammed Hajji. ص. 781. ردمك 978-0-9732236-1-3. hajji2007. مأرشيڤي من لأصل ف 2013-06-11. تطّالع عليه ب تاريخ 2025-10-13.
- 1 2 Yabiladi.com. "يابلادي.كوم ـ المغرب بنقرة زر". ar.yabiladi.com (ب لعربية). تطّالع عليه ب تاريخ 2025-10-13.
- 1 2 Kabine، M.؛ Chraibi-Kaadoud، H.؛ Bassir، A.؛ Jalal، H.؛ Asmouki، H.؛ Aboulfalah، A.؛ Soummani، A. (2022-04-30). "FAUX ANEVRYSME DE L ARTERE UTERINE : ETIOLOGIE INHABITUELLE DES HEMORRAGIES DU POST-PARTUM". International Journal of Advanced Research. 10 (04): 979–984. doi:10.21474/ijar01/14633. ISSN 2320-5407.
- 1 2 "eDorous - Plateforme de cours en ligne en vidéo haute définition". eDorous (ب لفرانساوية). تطّالع عليه ب تاريخ 2025-10-13.
- ↑ AlloSchool. "الإجتماعيات: الثانية باك علوم التدبير المحاسباتي - آلوسكول". www.alloschool.com (ب لفرانساوية). تطّالع عليه ب تاريخ 2025-10-13.