الصبيطار الجاميعي ابن رشد
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
صبيطار لجاميعي ابن رشد (اللي كيتختصر بـ CHUIR أولا CHU ابن رشد) هو مركز جامعي طبي كاين فمدينة الدار البيضا فلمغريب، وتأسس بشكل رسمي فـ 1983. هاد سبيطار تابع لـكلية الطب والصيدلة بالدار البيضا، وكيتعتبر أكبر مؤسسة سبيطارية فلمغريب، لا من ناحية لمساحة ولا من ناحية طاقة ليستيعابية، حيت فيه 1685 سرير.[1][2]
تأسس لمركز الاستشفائي الجامعي ابن رشد من بعد ما تجمعات بزاف ديال سبيطارات اللي كانت معروفة (موريس غو، جول كولومباني، وسبيطار 20 غشت 1953). سبيطار 20 غشت فالحقيقة كان هو سبيطار "جان فيال" العسكري اللي تبنى فثلاثينات وتبدل سميتو فـ 1956.[2]
- فـ 1975: تأسسات كلية الطب فدار لبيضا وتجمعات مع لمركز.
- فـ 1979: تزاد وساع لمركز بتبني سبيطار لدراري صغار، ومختبرات لتحاليل طبية وبيولوجية.
- فـ 1981: تلحق بيه مركز لاستشارات وعلاجات ضراس، فاش تفتحات كلية طب الأسنان بالدار البيضاء.
- فـ 1983: ولالمركز مؤسسة عمومية عندها استقلال مالي وإداري.
- فـ 2011: تبدلات سميت سبيطار ديال دراري صغار لـ "سبيطار الأطفال عبد الرحيم الهاروشي"، تكريماً لهاد الجراح اللي كان مدير ديالو فثمانينات.
- فـ 2016: تنقل قسم لولادة لبناية جديدة وسط سبيطار لأطفال باش يتصاوب قطب "الأم والطفل" اللي دشنو لملك محمد سادس.
المركز فيه ربعة ديال لمؤسسات طبية أساسية:
- سبيطار ابن رشد: (1020 سرير).
- سبيطار 20 غشت 1953: (291 سرير).
- سبيطار الأم والطفل عبد الرحيم الهاروشي: (374 سرير).
- مركز الفحص وعلاج سنان: (فيه 106 د الكراسي د العلاج).
كيوصل عدد الناس اللي كيقصده هاد المركز كل عام لـ 1,030,000 مريض تقريباً، وكيدير كتر من 594,435 استشارة طبية و7,000 ولادة فالعام. المركز شاد مساحة ديال 45 هكتار وجاي فوسط المدينة، قريب من بزاف د وسائل النقل العمومي.[3]
على حساب القانون رقم 37.80 لمتعلق بلمراكز لاستشفائية، لمهام ديال هاد لمركز هي:[4]
- يقدم كاع أنواع لعلاجات طبية.
- يدير أبحاث طبية مع احترام كرامة لمرضى وحقوقهم.
- يساهم فالتعليم التطبيقي والجامعي فمجال الطب والصيدلة وتكوين المساعدين الطبيين.
- يشارك فالأهداف اللي حاطاها الدولة فمجال الصحة العمومية.
سبيطار معروف فالمغرب بوجود أطباء متخصصين فامراض معقدة، بحال:
- أمراض الدم والسرطان.
- جراحة القلب والشرايين.
- جراحة الدماغ والأعصاب.
- علاج الحروق والجراحة التجميلية.
- جراحة الصدر والوجه والفكين.
- ↑ «معلومات عن المركز الإستشفائي ابن رشد»
- 1 2 Présentation du CHUIR
- ↑ «المركز الإستشفائي ابن رشد بالدار البيضاء المعلمة الطبية الكبرى بالمغرب»
- ↑ وزارة العدل - البوابة القانونية لوزارة العدل المغربية