السنافر
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
السنافر (بالفرنساوية: Les Schtroumpfs، بالنݣليزية: The Smurfs) هُوما شعب خيالي د لكائنات الزرقين الصغار، صاوبهم الرسام د لكوميكس البلجيكي بيير كوليفورد اللي معروف بـ بييو. السنافر هُوما الشخوص د بزاف د لقصص لمصورة (كوميكس)، الأفلام، و الرسوم لمتحركة. ملي مات بييو ف عام 1992، كملو ولدو تيري كوليفورد و كُتاب و رسامين أخرين الإنتاج د لقصص المصورة.
بييو كان هو المبدع د السلسلة د لقصص المصورة جوهان و بيرلويت، اللي كانت كاتنشر ف المجلة البلجيكية Le Journal de Spirou. الأحداث د هاد السلسلة كانت كاتوقع ف العصور الوسطى ف أوروبا.
ف 23 أكتوبر 1958، دخل بييو هاد الكائنات الزرقين لأول مرة ف القصة د "الفلوت السحري" باش يعاونو بطل القصة. و من تم تزادو "السنافر".
السمية الأصلية بالفرنساوية Schtroumpf تخترعات ف واحد العشا ملي بييو نسى السمية د الملح و طلب من صاحبو يمد ليه "الـ Schtroumpf". هاد الكلمة تترجمات لـ كثر من 30 لغة و حققات نجاح تجاري كبير ف العالم كامل.
| الرقم | العنوان بالفرنساوية | التاريخ د الإنتاج الأول | السيناريو | الرسم |
|---|---|---|---|---|
| 1 | Les Schtroumpfs noirs | 1963 | بيو | بيو |
| 2 | Le Schtroumpfissime | 1965 | إيفان ديلبورت، بيو | |
| 3 | La Schtroumpfette | 1967 | إيفان ديلبورت، بيو | |
| 4 | L'Œuf et les Schtroumpfs | 1968 | إيفان ديلبورت، بيو | |
| 5 | Les Schtroumpfs et le Cracoucass | 1969 | رولان غوسينز، بيو | |
| 6 | Le Cosmoschtroumpf | 1970 | إيفان ديلبورت، رولان غوسينز | |
| 7 | L’Apprenti Schtroumpf | 1971 | بيو | |
| 8 | Histoires de Schtroumpfs | 1972 | إيفان ديلبورت | |
| 9 | Schtroumpf Vert et Vert Schtroumpf | 1973 | إيفان ديلبورت | |
| 10 | La Soupe aux Schtroumpfs | 1976 | إيفان ديلبورت | |
| 11 | Les Schtroumpfs Olympiques | 1983 | بيو | |
| 12 | Le Bébé Schtroumpf | 1984 | بيو | |
| 13 | Les P’tits Schtroumpfs | 1988 | بيو | |
| 14 | L’Aéroschtroumpf | 1990 | بيو | |
| 15 | L’Étrange Réveil du Schtroumpf Paresseux | 1991 | بيو | |
| 16 | Le Schtroumpf Financier | 1992 | بيو، تييري كوليفورد | ألان موري |
| 17 | Le Schtroumpfeur de Bijoux | 1994 | تييري كوليفورد، لوك بارثوان | ألان موري |
| 18 | Docteur Schtroumpf | 1996 | تييري كوليفورد | ألان موري |
من 1981 ل 1990، أنتجات الشركة الميركانية هانا-باربيرا مسلسل د الرسوم المتحركة د السنافر لـ قناة إن بي سي. فيها 256 حلقة و دازت ف كثر من 30 دولة ف العالم.[1] الموسيقى د السلسلة كانت كاتعتمد ف بزاف د المرات على مقاطع د الموسيقى الكلاسيكية د موتسارت، شوبرت، و ليستر.[1]
قبل المسلسل التلفزيوني، خرجات السنافر ف فيلم سينمائي بعنوان الفلوت د السنافر (La Flûte à six schtroumpfs).
شركة كولومبيا بيكتشرز خذات حقوق الشخوص و أنتجات فيلم سينمائي بثلاثي الأبعاد (3D) خرجاتو ف يوليوز 2011.[2] من بعد خرجات أجزاء أخرين: السنافر 2 (2013) و السنافر: القرية المفقودة (2017).[2]
- 1 2 "The Smurfs (TV Series 1981–1989)". IMDb (ب الإنجليزية). Retrieved 2026-08-19.
- 1 2 "The Smurfs (2011)". IMDb (ب الإنجليزية). Retrieved 2026-08-19.
 |
ويكيميديا كومنز عندا تصاور و معلومات على السنافر. |