الحل تاع دولة وحدة
| الحل تاع دولة وحدة | |
|---|---|
| سياسة، solution، أيديولوجيا سياسية | |
| وجه من وجوه | عملية السلام الإسرائيلية الفلسطينية  |
| بلاد | إسرائيل، دولة فلسطين |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الحل تاع دولة وحدة (النڭليزية: One-State solution؛ العربية: حل الدولة الواحدة؛ العبرية: פתרון המדינה האחת) للي بعض المرات كايتسمى دولة بجوج أوطان (النڭليزية: bi-national state)، هو واحد الحل مقتاراح للصراع لإسرائيلي الفلسطيني للي كايقتارح التصاويب ديال دولة وحدة ل لفلسطينيين ؤ لإسرائيليين، شادّة من الواد تاع لأردن (الحدود مع لأردن) حتال الميديطيراني ؤ تكون كا تضم إسرائيل، الضفة الغربية ؤ قطاع غزة.[1][2] مسطلح الواقع تاع دولة وحدة كايوصف المعتقد ؤلا الشوعور د أن لأمر الواقع ف إسرائيل/فلسطين كايفرض بأنهم عمليا ديجا دولة وحدة.[3]
بزاف د الموضيلات تعطاو كا مقترح يتأمپليمونطا بيه الحل تاع دولة وحدة.[4] الموضيل اللول هو الدولة المركزية للي كاتكون فيه حكومة وحدة كاتحكم الطيريطوار د فلسطين/إسرائيل كامل ؤ للي ڭاع السكان ديالها كايتمتعو فيه بالجنسية ؤ كاتعطاهم نفس الحقوق ب غض النضر على ليتنية ؤلا الديانة متاعهم. شي إسرائيليين كايطالبو ب ڤيرصيو ديال الموضيل للي فات للي إسرائيل كاتأنيكسي فيه غير الضفة الغربية ؤ ماشي قطاع غزة ؤ كاتحافض فيه على الطابع ليهودي ؤ الديموقراطي متاع الدولة مع أقلية عربية كبر من للي عليه دابا.[5] الموضيل التاني كايدعي لأن إسرائيل تأنيكسي الضفة الغربية ؤ تصاوب ل لفلسطينيين للي فيها إقليم كايتمتع ب لوطونومي.[5] الموضيل التالت كايتلخص فالتصاويب ديال دولة فيدرالية عندها حكومة مركزية ؤ مديريات فيدرالية، شي وحدين فيهم فلسطينيين ؤ لوخرين يهوديين.[5][6] الموضيل الرابع عبارة على كونفيدرالية بينات الدول الراهنة د الحل تاع جوج دولات فين الدول بجوج غايكونو مستاقلين على بعضياتهم ولكن كايتشاركو السلطة ف شي مجالات ؤ فين الإسرائيليين ؤ الفلسطينيين بجوج عندهم الحق ديال الإقامة فالدولات بجوج.[7][8]
واخا الحل تاع دولة وحدة كايتناقش كتر فالأوساط لأكاديمية، غير هو باقي ما خداش حقو فالجهود الرسمية ديال الحل د النزاع حيت كايغمق عليه الحل تاع جوج دولات. حسب واحد الستيطلاع تدار ف 2017، الحل تاع دولة وحدة كايحضى ب تاييد عند 36% ديال الفلسطينيين، 19% ديال ليهود د إسرائيل، ؤ 56% ديال عرب 48.[9] ولكن واخا هاكداك الهتيمام بالحل تاع دولة وحدة غادي ؤ كايكبر حيت الحل تاع جوج دولات ما وصّل لحتى مخرج.[10][10][11]
- ↑ Qadaffi, Muammar (21 يناير 2009). "The One-State Solution". The New York Times. p. A33. Archived from the original on 27 يوليوز 2023. Retrieved 22 يناير 2009.
- ↑ Felice Friedson, "One-state or two-state solution", The Jerusalem Post, 07/21/2010
- ↑ "The One-State Reality". The New Yorker. 2014-11-10. Archived from the original on 15 أكتوبر 2023. Retrieved 2022-06-06.
- ↑ Sharvit Baruch, Pnina (2021). "Resolving the Israeli–Palestinian Conflict: The Viability of One-State Models". www.inss.org.il (Memorandum No. 217 ed.). INSS. Archived from the original on 2023-03-10. Retrieved 2022-06-06.
- 1 2 3 "Caroline Glick's one-state solution for Israel-Palestine asks all the wrong questions". The National. 3 أبريل 2014. Archived from the original on 25 نونبر 2022. Retrieved 25 نونبر 2022.
- ↑ "The Federation Plan: The Founding Document". www.federation.org.il. Archived from the original on 2023-06-10. Retrieved 2022-06-06.
- ↑ "A Land For All | ארץ לכולם". 19 أبريل 2019. Archived from the original on 3 يوليوز 2019. Retrieved 25 نونبر 2022.
- ↑ Scheindlin, Dahlia (2018). "An Israeli-Palestinian Confederation Can Work". Foreign Policy (ب American English). Archived from the original on 2023-06-09. Retrieved 2022-06-06.
- ↑ azza (2017-02-14). "Palestinian-Israeli Pulse". www.pcpsr.org (ب الإنجليزية). Archived from the original on 2023-08-24. Retrieved 2022-06-06.
- 1 2 "Rachel Shabi, "The death of the Israel-Palestine two-state solution brings fresh hope," The Guardian (23 October 2012). Retrieved 2013-12-17".
- ↑ Eid, Haidar (19 شتنبر 2021). "It is time Israel, the West admit the two-state solution is dead". Al Jazeera. Archived from the original on 2023-10-15. Retrieved 2021-10-11.
 هادي زريعة ديال مقالة خاصها تّوسع. تقدر تشارك ف لكتبة ديالها. |