لمنتخب لوطني الجاپوني د لكورة
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. |
لمنتخب لوطني الجاپوني د لكورة
| ||
 | ||
| معلومات عامة | ||
| بلاد | الجاپون | |
| سپور | كورة | |
| كلاص د التنافس | كورة د الرجال | |
| تابع ل | اتحاد اليابان لكرة القدم | |
| كوض د فيفا | JPN | |
| ترتيب د فيفا | 11 | |
| لموقع الرسمي | http://www.jfa.jp/ | |
| معلومات إضافية | ||
| مشاركات | كاس لعالم د 2006، كاس لعالم د 2002، كاس لعالم د 2014، كأس العالم 1998 و كاس لعالم د 2010 | |
| مودريب | هاجيمي موريياسو | |
| كاپيتان | ماكوتو هاسيبه | |
| ممول | أديداس | |
لمنتخب لوطني الجاپوني د لكورة (ب الجاپونية サッカー日本代表، صاكّا نيهون ضايهو) لمعروف ب لقب "الساموراي الزورق" (ب الجاپونية サムライ・ブルー، سامورايْ بورو)[1][2] هوّ لفرقة لي كاتمتل الجاپون ف لكورة د الرجال. كاتسيّرها الجامعة الجاپونية د كورة JPA، لي هيّ لمؤسسة لي كاتحكم لممارسة د كورة ف الجاپون.
قبل التمانينات د لقرن 20، لمنتخب د الجاپون كان مكوّن سيرتو من هواة، حيت هاد الرياضة ماكانتش شعبية بزاف محلياً بحال لبيزبول و السومو.[3][4] من لبدية د التسعينات، بعدما تطورات النزعة لإحترافية، بدات الجاپون كاتبان كـ قوة ف لكورة د أسيا. لمنتخب د الجاپون تأهل ل جميع منافسات كاس لعالم من 1998 (منها مرة فاش نضماتها معا كوريا الجنوبية ف 2002)، و لمنتخب طلع للدور التاني 4 د لمرات ف 2002، 2010، 2018، و 2022. و ربح كاس أسيا 4 د لمرات ف 1992، 2000، 2004، و 2011، لي هوّ الروكور ف لمنتخبات د أسيا. زيادة على هادشي كان لوصيف ف كاس لكونفيديراليات د فيفا 2001 و كاس أسيا 2019. الجاپون هيّ وحدة من 3 د لمنتخبات ف لكونفيديرالية د كورة ف آسيا لي وصلو ل شي فينال ف وحدة من التورنوات د فيفا د الرجال لكبار، و الجوج لخرين هوما ؤسطراليا و السعودية.
التطور السريع ديال الجاپون كان مصدر إلهام و ميتال على كيفاش لبلدان يقدرو يطوّرو كورة عندهم.[5][6] لمنافسين لقاريين ديالهم هوما كوريا الجنوبية، و مؤخرا تا ؤسطراليا؛ و طوّرو تنافسية تا معا إيران و السعودية.
لمنتخب د الجاپون كان أول واحد كيشارك ف كوپا أميريكا من برّا قارة أميريكا، حيت تعرضو باش يشاركو ف 1999، 2011، 2015، و 2019، وخا ماقبلو لمشاركة غير ف النوساخ د 1999 و 2019.[7]
ف يوليوز 2025، كان لمنتخب مكلاصي نمرة 15 ف لكلاصمة ف فيفا، يعني اللول ف لمنتخبات د أسيا.[8]
- ↑ "Samurai Blue". JFA｜公益財団法人日本サッカー協会 (ب اليابانية). Archived from the original on 17 December 2021.
- ↑ "Samuari Blue". Archived from the original on 2020-11-25.
- ↑ Michail-Angelos Grigoropoulos (28 November 2022). "The Rise of Japanese Football: How the Nation Has Not-So-Quietly Become a Dark Horse Contender". Urban Pitch. Archived from the original on 3 December 2022. Retrieved 9 December 2022.
- ↑ Ashfaq-Ul-Alam Nilo (2 December 2022). "Japan's rise and rise in football and the lessons for Bangladesh". Prothom Alo. Archived from the original on 8 December 2022. Retrieved 9 December 2022.
- ↑ Williams, Aidan (4 January 2019). "How the 1992 Asian Cup awoke Japanese football, the continent's sleeping giant". These Football Times. Archived from the original on 4 May 2021. Retrieved 20 April 2021.
- ↑ Anello, Gabriele (19 August 2018). "The model that saved Japanese football and made it an Asian powerhouse within two decades". Football Chronicle. Archived from the original on 5 June 2020. Retrieved 20 April 2021.
- ↑ Japan Invited To Copa America 2011 Along With Mexico مؤرشف 5 يونيو 2009 فموقع وايباك ماشين Goal.com 2 June 2009
- ↑ "FIFA/Coca-Cola Men's World Ranking". inside.fifa.com (ب الإنجليزية). Retrieved 2025-08-31.[ليان مهرس ديما]