التار (آلة موسيقية أذربيجانية)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
التار الأذربيجاني هو وتار طويل الرقبة، مقطوع، كيتصنع تقليديا، و كيتستعمل ف جميع البلايص ف جمهورية أذربيجان. هاد لوتار كيتستعمل إما بوحدو أولا مع آلات خرة ف بزاف ديال النواع الموسيقية التقليدية. بزاف ديال الناس تيعتابروه أداة موسيقية رائدة ف لبلاد. هاد لوتار و المهارات المتعلقة بيه و تقاليد لعبو دور كبير ف تشكيل الهوية الثقافية ديال الأذربيجانيين.[1]
ف عام 2012، تزادت الحرفة ديال الصنعة ديال هاد لوطار و العزف عليه لليستة ديال التراث الثقافي اللامادي عند اليونسكو.[2]
تيشد الفنان لوتار أفقيا على الصدر ديالو، و كيضرب على لكوارد ديال لوتار ب واحد الريشة، و تيبقى يخدم بزاف ديال تقنيات و زواقات الموسيقية و مجموعة متنوعة ديال التقنيات و ضرابي باش يعطي ألوان موسيقية مختالفة. هاد لوتار هادا عندو قيمة كبيرة ف العراسات و الإجتماعات المختالفة، و القصاير. الملاعبيا تينقلو المهارات ديالهم للشباب إما ب الكلام ب الفم، ولا ب العروض الموسقية، و حتى ف المؤسسات الموسيقية التعليمية.
"لوتار ديال أزربيجان" ولا "لوتار مول 11 كورد" هو أداة كتختالف شوية على لوتار ديال الفرس، و هو وتار أصلو من لوتار الفارسي اللي طورو واحد سميتو ساديجان ف جوايه عام 1870، و هو مختالف شوية حيت عندو لكوارد كتر. لوتار القوقازي تيكون عندو كورد عالي شوية ف واحد جنب، و عادة ما تيكون فيه جوج كوارد تيدوزو فوق واحد الصفيحة الصغيرة ديال المعدن ف النص ديال الرقبة ديال لوتار. كولشي ݣاع هاد الكوارد ملصقة بواحد الحامل تيهزها.
ف النص الثاني ديال القرن تسعطاش، تطور هاد لوتار هادا. و بان واحد من أعظم الموسيقيين ديال هاد الآلة هو ميرزا صادق الأسد (1846-1902)، اللي دخل تغييرات ف الكادر و الشكل التقليدي الإيراني، و زاد عدد الكوارد و رفعها ل 11. و زايدون، بدل الطريقة د اللعب، و ولى تيهزو ب ركبتو جيهت صدرو.[3]
بدا ليزيدهار ديال اللعب على الآلات الموسيقية ف القرن العشرين. و ف المثال، كان لوتار هو الرائد ف أول أوركيسترا ديال لأدوات الموسيقية الشعبية، لي تدار عام 1931 ب مبادرة من أزير حاجيبيوڤ مسلم ماݣومايڤ أكبر لكتاتبيا الأزربيجانيين ف النص لول ديال القرن العشرين. و من بعد وسعات مدرسة العزف على الآلات الموسيقية، اللي أسسها أزير حاجيبيوڤ، الإماكنيات الفنية و التقنية ديال الآلات الموسيقية.[3]
ف الموسيقى الأذربيجانية، كان لوتار كيتخدم ب الدرجة لولى كأداة رئيسية ف ما كيتسمى ثلاثي المقام من المغنيين، و اللي تيدخل فيه حتى الكمنجة و البندير. لوتار سوا كجزء من ثلاثي المقام ولا بوحدو، مازال تال ليوم، كيلعب دور كبير ف فن المقام، التقليدي و الشعبي ديال أزربيجان.[3]
- ↑ "Tar - Azerbaïdjan". www.azerbaijans.com. Retrieved 2025-04-08.
- ↑ "UNESCO - Browse the Lists of Intangible Cultural Heritage and the Register of good safeguarding practices". ich.unesco.org (ب الإنجليزية). Retrieved 2025-04-08.
- 1 2 3 "Atlas of traditional music of Azerbaijan". atlas.musigi-dunya.az.