الإمبراطورية الروسية
الإمبراطورية الروسية
| ||||
|
Россійская Имперія (ru)
| ||||
| نشيد | صلاة الروس (1816-1833)
[[فيشي:|100px]] | |||
| لعاصيمة | سان پيطيرسبورڭ | |||
| الساكينة | ||||
| شحال دالسكان | 181,537,800 (1916) | |||
| اللوغات الرسمية | روسية لپولونية لفينلاندية سويدية | |||
| لجغرافيا | ||||
| لميساحة | 23,700,000 كم² | |||
| تاريخ | ||||
| توارخ مهمة | الغزو الفرنسي لروسيا لحرب لعالمية لّولة ثورة فبراير الثورة الروسية 1905 حرب القرم الحرب الروسية اليابانية ثورة الديسمبريين الحرب الروسية العثمانية صفقة ألاسكا dissolution of the Russian Empire | |||
| لإدارة | ||||
| نضام الدولة | ملكية مزدوجة، ملكية مطلقة و ملكية دستورية | |||
| إمبراطور عموم روسيا | پيوطر لعضيم كاثرين الأولى بيتر الثاني آنا إيفانوفنا إمبراطورة روسيا إيفان السادس إليزابيث إمبراطورة روسيا بيتر الثالث كاترين الثانية بافل الأول ألكسندر الأول نيكولاي الأول ألكسندر الثاني ألكسندر الثالث نيقولا الثاني إمبراطور روسيا | |||
| نيكولاي روميانتسيف و Ivan Shcheglovitov | ||||
| لقتيصاد | ||||
| لفلوس | gold rouble | |||
.svg)
لإمبراطورية الروسية' (بالروسية: Российская империя هو لاسم ديال الدولة لي كانت كاينا من عام 1721 تال لثورة لبلشيڤية ف 1917. هاد لإمبراطورية جات مورا روسيا لقيصرية، وكانت هي لي سبقات لإتحاد السوڤياتي. كاتعتابر هاد لإمبراطورية تاني أكبر إمبراطورية ملاصقة ف تاريخ لعالم من ناحية لمساحة لجغرافية، وما فاتتها غير لإمبراطورية لمغولية. وهي التالتة ف لعالم إيلا حيدنا شرط "لملاصقة" مورا لإمبراطورية لبريطانية و لمغولية. ف عام 1866، كانت لإمبراطورية شادة من أوروپا لشرقية تال آسيا، ووصلات حتى ل أمريكا الشمالية على مساحة ديال 22.8 مليون كيلوميتر مربع.
ف بداية لقرن 19، كانت روسيا أكبر دولة ف لعالم من حيث لمساحة، بحيث وصلات لحدود ديالها من لمحيط لمتجمد الشمالي ف لشمال تال لبحر لكحل ف لجنوب، ومن بحر لبلطيق ف لغرب تال لمحيط لهادئ ف لشرق. كان تقريبا 176.4 مليون واحد من لمواطنين ديال هاد لإمبراطورية متوزعين ف هاد لمساحة لكبيرة، وكانوا كايشكلوا تالت أكبر تجمع بشري ف لعالم ف داك لوقت مورا الشينوا و لإمبراطورية لبريطانية. لإمبراطور كان كايحكم ب نظام ملكية مطلقة، وتعتبرات روسيا وحدة من لقوى لعظمى لخمسة ف أوروپا قبل ما تنوض لحرب لعالمية لّولة ف غشت 1914.
مقالة متعمقة: تاريخ روسيا
لإمبراطورية الروسية هي لوريتة لحقيقية ديال قيصرية موسكو. وخا لإعلان الرسمي على قيام لإمبراطورية دارو لـقيصر پيطير لكبير مورا معاهدة نيستاد ف عام 1721، بـزاف د لـمؤرخين كايقولو بلي لإمبراطورية بدات ف لـحقيقة ملي پيطير لول خدا لعرش ف عام 1682.[1]
قبل لـعهد ديال پيطير، كانت دوقية موسكو متأخرة شوية على لباقي د لبلدان لأوروپية بـسباب لعزلة لي عاشتها لبلاد مورا لـغزو د لمغول، وزيد عليها نّيظام لديني لقاسح ديال لكنيسة لرتودوكسية؛ وكانت لأطماع ديالها ف لـتوسع مـوجهة غـالـباً لـ جـيـهة آسيا.
- مقالة متعمقة: تاريخ روسيا (1682-1796)
حكم پيطير لول، لي معروف بـ پيطير لكبير (1672-1725)، بـ لـمنطق ديال لـحاكم لـوحيد ف روسيا و لعب دور رئيسي باش يدخل بلادو ف نّيظام د لبلدان لأوروپية. ف وقتو، ولات روسيا أكبر دولة ف لـعالم، مورا ما بدات بداية متواضعة ف لقرن 14 كـ "إمارة موسكو". لإمبراطورية كانت مـوزعة ف أوراسيا من بحر لبلطيق تال لـمحيط لـهادئ، وكانت بدات كـتوسع من لـبداية د لقرن 17. وخا هاد لـتوسع كامل، هاد لأراضي الشاسعة ما كانش فايت عدد سكانها 14 مليون نسمة. لإنتناج د لـحبوب و لـقمح كان قليل مقارنة مع لي كاين ف لـفيرمات ديال أوروپا لـغربية، وهادشي خلا كاع السكان تقريبا يـخدمو ف لـفلاحة، من غير فئة قليلة كانت ساكنة ف لـمدون. نّيظام د "لـعـبـيـد د لـأرض" (لقنانة) بقى مؤسسة رئيسية ف روسيا تال عام 1723، ملي پيطير لكبير ردهم "أقنان منزليين" باش يـوليو يـخلصو لـضرايب.[2][3]
پيطير تـبـهـر بـ لـتقنيات لـمطورة، و لـفنون د لـحرب، و لـسياسة لي كانت ف لـغرب. داكشي علاش قرا لـخطط لـعسكرية لـجديدة و بـنى جـيـش قـوي فيه 300 ألف عسكري. ف لـفترة بين 1697 و 1698، دار لإمبراطور الروسي أول زيارة من نوعها ل أوروپا لـغربية، وخلا هو و لـوفد لي معاه أثر كبير تما. پيطير لكبير رد راسو "إمبراطور" رـسـمـياً ف لّخر د عام 1721.
بدا پيطير بـ لـهجوم عـلى لـعثمانيين، ومن بعد دار جـيـهة لـشمال حـيت كان كايقلب على مرسى آمـن فـ لـبحر، حـيت لـمرسى ديال أرخانڭلسك فـ لـبحر لـبيض كايجمد تسع شهور ف لـعام. بـسباب رغبتو فـ واـحد لـمـنـفـذ لـ لـبحر، دار فـ 1699 تـحالف سري مع پولونيا و لـيتوانيا ضد السويد و لـدانـمارك، وهادشي لي شعل حرب الشمال لعظمى. سالات لـحرب فـ 1721 بـ رـباح لـ روسيا، وتما فين بـنى لـعاصمة لـجديدة سانت پيطيرسبورڭ، بـاش تـاـخد لـبـلاصة د موسكو لي كانت هي لـمرـكـز لـثـقافي د لـبلاد.[4]
پيطير عـاود نـضـم لـحـكومة ديـالـو عـلى حساب نّيـظـمة لـغـربية، و رد روسيا دولة استبدادية. دار مـكان مجلس لـعيان لـقديم "مجلس شيوخ" فيه تسعة د لأعضاء، لي كان هو لـمجلس لـأعلى د لـدولة. وقـسم لـعالم لـقروي لـ أقاليم و مـناـطـق جديدة. پيطير خـلا لـمـهـمة د مـجلس لـشيوخ هي يـجمع لـضرايب، و هادشي خـلا لـمداخيل تـدوبـل تـلاتة د لـمرات فـ وقتو. لـكـنـيـسة لـرتودوكسية تـاهي تـدـمـجات فـ لإدارة د لـدولة و ردّ فـ بـلاـصـتـها "لـمـجمع لـمـقدس" لي كايسيرو مسؤول حوكومي.
تـوفـا پيطير لكبير فـ 1725، و خـلا مـوراه صـداع عـلى شـكون غـادي يـحـكـم، و بـلاد مـا مـسـتـقـرّاـش و مـصـالـيـها مـهـلـوـكـة. وخـا هـكـاك، لـمؤرـخـين كـولـهم مـتـفـقـين بـلي هاد لـقـيـصر هو لي حـطّ لـسّاس د لـدولة لـحـديـثة فـ روسيا.
.jpg)
مـورا مـا مـات پيطير لـكبير، بـقـات لـبـلاد شـي 40 عـام بـلا شـي حـاـكم قـوي، تـال لّـي بـانـت لإمـبـراـطـورة كاترين التانية لـكـبـيـرة، لي أـصـلـها أـلـمـانـي، و لي تـزوجـات بـ پـيـطـيـر لـتّـالـت. هي بـدلات لـواـقـع و طـلـعـات مـن لـشـأن د لـعـيـان (لـنـوبالا) و حـيـدات لـيـهـم لـخدـمة لإِـلـزامـية فـ لـدولة، و هـادشي خـلاّها تـكون مـحـبـوـبة عـنـدهـم.[5]
كـاطـرِيـن لـكـبـيـرة وـسّـعـات لـتّـدخل لـرّوـسي فـ لـمشاـكيل د بولونيا و لـيـتـوانـيا، ولـكـن لـمـصارِيـف لـغـالـية و نّـيـظام لـقـمـعي ضـد لـفـلاّـحة خـلّاهـم يـنـوـضـوا فـ تـورة كـبـيرة فـ 1773 بـ قـيـادة إميليان بوڭاتشيڤ. لـمـتـمردِيـن هـدّدوا بـاش يـاـخدوا مـوسـكو و كـانـوا كايـغـوّـتـوا "لـمـوت لـ كاع لـمُـلاّـك!". فـ لّـخر، كـاطـرِيـن قـمـعـاتـهـم و تـقـطـع لـرّاس د بـوـڭـاتـشـيـڤ فـ لـمـيـدان لـحـمـر، ولـكـن لـخـوف مـن الـتّـورة بـقـى تـاـبع لـقـياـصـرة بـزاف د لـعـوام.[6]
فـ نـفـس لـوـقـت لي كـانـت كـاتـقـمـع فـيـه لـفـلاّـحة، كـانـت كـاطـرِيـن كـاتـرـبـح حـروب ضـد لـعـثـمـانـيـيـن و هـادشي خـلّا روسـيا تـوـسّـع فـ لـجـنـوب جـيـهة لبحر لكحل. مـن بـعـد تـفـاـهـمـات مـع لـنـمـسا و پـروـسـيا بـاش يـقـسـمـوا لـأراـضـي د پولونيا، و هـكـا وـصـلات لـحـدود د روسـيا لـ قـلـب أوروـپـا. مـلّي مـاتـت كـاطـرِيـن فـ 1796، وـلّات روسـيا قـوة عـظـمـى فـ أوروـپـا، و هـاد لـمـسـار كـمّـل فـيـه لـقـيـصر ألكسندر لول لي خـدا فنلاندا فـ 1809 و بيسارابيا فـ 1812.[7]
- مقالة متعمقة: تاريخ روسيا (1796-1855)
دار نابليون بونابرت واحد الزلقة كبيرة ملي هجم على روسيا ف عام 1812، مورا واحد لخلاف مع لـقيصر ألكسندر لول. هاد لـحملة كانت كارثة كبيرة على لجيش لفرنسي، وكانت خطوة مـهمة سرعات بـ لإنهيار ديال لإمبراطورية لفرنسية. وخا لجيش د نابليون وصل لـ موسكو، لروس تبعوا ستراتيجية "لأرض لمحروقة"، لي حـرمات لفرنسيين باش يـستافدو من لبلاد. وزيد عليها لبرد لـقاسح، ولـحرب د لعصابات لي داروها لـفلاحة، هادشي كامل قـتل وأـسر آلاف د لـعساكر لفرنسيين. ملي تراجع نابليون، لروس تبعوه تال لـقلب د أوروپا وتال لـبيبان د باريـس بـ ذاتها. مورا هاد لإنتصار، تـسمى لـقيصر ألكسندر بـ "منقذ أوروپا"، وتـرأس مؤتمر فيينا ف 1815 فين تـعادت رـسم لخريطة د أوروپا.[8]
وخا لإمبراطورية الروسية ولات عندها كلمة مـسموعة ف سّياسة د لقرن لي جاي، إلا أن لبقاء على نظام "لعبودية د لأرض" (لقنانة) حـبس أي تـقدم اقتصادي حقيقي. ف لوقت لي كانت فيه بلدان أوروپا لغربية غادية وكـتطور بـسباب لثورة لصناعية، بدات روسيا كـتبان متأخرة كـتر من أي وقت فات، وهادشي خلق ليها مشاكل جديدة وهدد لـمكانة ديالها كـ قوة عظمى.[9] مورا ما مات ألكسندر لول، خدا خوه نيكولا لول لـحكم ف 1826. لـبداية د لـعهد ديالو عرفات ثورة دجنبر (1825)، لي قادوها ضباط ليبراليين بغاو يديرو ملكية دستورية، ولكن لـمتمردين تـسحقوا بـسهولة. هاد لواقعة خلات نيكولا يـحبس لبرنامج د لعصرنة لي بدأ پيطير لكبير، ورجع لـ سّياسة لـقديمة لي كـتقدس لـكنيسة ولـحكم لـمطلق.
مورا ما دخلات لجيوش الروسية لـ جورجيا ف 1802، تـصادمات مع بلاد فارس (إيران) على قبل لـحكم د أذربيجان، ودخلات ف حرب طويـلة ف لـقوقاز ضد لقبايل د لـجبل لي دامت نص قرن. لـقياصرة كان خاصهم يـتعاملوا تـا مع جـوج ثورات ف بولونيا: ثورة نونبر (1830) وثورة يناير (1863).[10]
بـسباب لقمع د ثورة "14 دجنبر"، ولات لـمدارس ولجامعات تحت مراقبة ديما، وتـفرضوا على لـطلبة كتوبا رـسميين باش يـحاربو أي فكر ثوري. تـزرعوا لـجواسيس د لبوليس ف كل بلاصة، وأي واحد تـهموه بـ شي ثورة كايـصيفطوه لـ سيبيريا لـلأعمال لشاقة. ف هاد لـوقت، لـمفكرين الروس تـقسموا لـ جـوج: تيار بـغى يـقلد لـغرب (لغربييين) وتيار بـغى يـرجع لـ تـقاليد لـقديمة د لـسلاڤ وكايـنـتقد لـغرب (السلاڤوفيل).
- مقالة متعمقة: تاريخ روسيا (1855–1892)
مات لـقيصر نيكولا لول ف 2 مارس 1855 وخلا لبلاد ف وسط حرب القرم ضد تـحالف فيه لفرنسيين، لبريطانيين، ولـعثمانيين. هاد لـحرب بـيّـنات بلي لجيش الروسي وخا كبير، راه ضـعيف من نـاحية لـتكنولوجيا و لإدارة.[11] مورا نيكولا، خدا ولدو ألكسندر التاني لـعرش ف 1855، وهاد لـوقت كان لـشعب كـولـو بـاغي لإصلاح. بـسباب لـضغوط، دار ألكسندر التاني أهم قرار ف تاريـخ روسيا ف لـقرن 19، وهو تحرير لأقنان (لعبيد د لأرض) ف عام 1861.
هاد لـقرار كان هو لـبداية د لـنهاية د لـحكم د لـأرستقراطية، و عاون ف لـبدية د لـحركة د لـصناعة ف لـمدون. ولكن، لـحكومة مـا عطاتش لـفلاحة لـأرض فـابور، بل فـرضات عليهم يـخلصوا ضريبة لـدولة مدى لـحياة بـاش تـعوض لـملاكين لـقدام. هادشي خلا لـفلاحة يـبقاو فـقراء وتـزادت لـقوة د لـحركات لثورية.[12]
ف لّخر د لـسبعينات، تـناطحات روسيا مع لـعثمانيين عاود ف لبلقان. لـأزمة بدات ملي ثاروا لـقوميات لـسلاڤية ضد لـحكم لـعثماني، وروسيا دخلات ف لـحرب ف 1877 بـ اـسم لـدفاع على لـمسيحيين لأرثوذكس. رـبـحات روسيا و وـصلات تال لـبيبان د إسطنبول، و بـززات على لـعثمانيين يـسنيو معاهدة سان ستيفانو ف 1878 لي عـترفات بـ استقلال بلغاريا. ولكن بـرِيـطـانيا هددات بـ لـحرب حيت خافت من لـقوة د روسيا، داكشي علاش تـدار مؤتمر برلين لي نـقص من لـحدود د بلغاريا و ضـيّق على لـأطماع د روسيا.
ف عام 1881، تـغـتـال لـقيصر ألكسندر التاني من طرف مـنظمة إرهابية سـمـيـتـها "نارودنايا فوليا" (إرادة لـشعب). مورا هاد لإغتيال، خدا ولدو ألكسندر التالت لـحكم (1881-1894)، لي كان "رجعي" و سـدّ كاع لـبيبان لي حـلها باه. رجع لـقمع بـ قوة و دار سـياسة "الروسنة" (إجبار لـجميع يـتعلم الروسية ويـدخل لـلأرثوذكسية). ف وقتو، دارت روسيا تـحالف مع فـرنسا باش يـواجهوا لـقوة د ألمانيا لي كانت غادية وكـتكبر ف لـقلب د أوروپا.[13]
- مقالة متعمقة: تاريخ روسيا (1892-1917)
خدا لقيصر نيكولا تاني (1894-1917) لحكم مورا باه ألكسندر التالت ف 1 نونبر 1894. ف لبداية د لعهد ديالو، بدات لتأثيرات د لثورة لصناعية كاتبان بوضوح ف لإمبراطورية الروسية. لّيبراليين من لملاكين د لمصانع ولنوبالا بغاو إصلاحات سلمية وملكية دستورية، وأسسوا لحزب الدستوري الديمقراطي.[14] أما لثوار لإجتماعيين، فـ طالبوا بتوزِيـع لأراضي على لفلاحة لي كايـخدموا فيها نـيـشان. وبان تاهو لحزب لإشتراكي الديمقراطي لي كان كايدعو للماركسية ف روسيا وبغاو يكملوا لثورة لإجتماعية ولإقتصادية.[15]
ف عام 1903، تقسم هاد لحزب ف لندن ل جـوج جناحات: "لمنشيڤيك" (لمعتدلين) و "لبلشيڤيك" (لمتطرفين). لمنشيڤيك كانوا كايآمنوا بلي لإشتراكية غادي تجي شويا بشويا وبطريقة سلمية. أما لبلشيڤيك، بقيادة فلاديمير لينين، فـ طالبوا بصناعة نخبة صغيرة د لثوار لمحترفين لي غادي يـاخدوا لسلطة بلقوة.[16]
لخسارة د لجيوش الروسية ف حرب روسيا وليابان (1904-1905) كانت ضربة قاصحة للنظام لقيصري وزادت ف لمشاكيل. ف يناير 1905، وقعات لواقعة د لّحد دامي، ملي قاد لأب "جورجي ڭابون" مسيرة كبيرة ل "قصر لشتا" ف سانت پيطيرسبورڭ باش يوصل عريضة للقيصر.[17] ملي وصل لموكب للقصر، لقوزاق شعلوا لعافية ف لمتظاهرين وماتوا لميات. هاد لمجزرة شعلات لثورة د 1905 وبانوا "لسوڤييتات" (مجالس لعمال) ف لمدون لكبيرة. لبلاد تـشـلّات ولحكومة مابقا عندها جـهد باش تـلقى حل.[18]
ف أكتوبر 1905، سـنى نيكولا تاني "بيان أكتوبر" وهو مـبـزز عـليه، و واـفق فيه يـصاوب "الدوما لوطني" (لبرلمان). هادشي رـضّى لـفئات لمعتدلة، ولكن لإشتراكيين رفضوا هاد لـتـنازلات وقالوا بلي ما كافياش.
دخل لقيصر نيكولا تاني ف لحرب لعالمية لّولة بحماس باش يدافع على خوتو لسلاڤ وضد دول لمحور.[19] ف غشت 1914، دخل لجيش الروسي لألمانيا باش يـعاون لفرنسيين. ولكن لإنهيارات لعسكرية ولـهضرة لي كانت ضد لحرب بـيّـنات بلي لحكومة مـاشي كفء، وهادشي زاد ف لغديد د لـناس.
ف مـنتصف 1915، لمعنويات د لعساكر طاحت بزاف، وبدات لماكلة ولمازوط كايتقاضاو ولغلا طـلع لـ سّما. ف نفس لوقت، لثقة د لـشعب ف لقيصر نقصات بسباب لـفضايح د لـمتصوف غريغوري راسپوتين لي كان كايحكم ف لقصر. وخا قتلوه ف 1916، لهيبة د لـدولة كانت تـهـرسات.
ف 3 مارس 1917، ناض إضراب كبير د لعمال ف سانت پيطيرسبورڭ، وف سيمانة وحدة لـمدينة كـاملة وقـفات ولقرطاس ناض ف لزنقة. هادي كانت هي ثورة فبراير، لي انـفـجـرات ملي لقيصر حل مجلس الدوما وأـمر لـمـضربين يرجعوا للخدمة.[20]
مجلس الدوما رفض يتـحل، ولجيش وقف مع لعمال. مورا يامات قليلة تـأسسات حكومة مؤقتة برئاسة "ڭيورڭي لڤوڤ"، وتـقـبـض على لقيصر لي تـنازل على لحكم.[21] تـقـتـل نيكولا تاني وعائلتو كاملين على يد لبلشيڤيك ف ليلة 17 يوليوز 1918.[22]
وصلات لحدود لإدارية ديال لإمبراطورية الروسية ل لحدود لطبيعية ديال السهول د أوروپا لشرقية، هادشي إيلا حيدنا فنلاندا ولڭزو د پولونيا لي كان تحت السيطرة د روسيا. ف الشمال، وصلات لحدود ديال لإمبراطورية ل لمحيط لمتجمد شمالي؛ فين كانت كاتملك جزر نوفايا زيمليا و كولڭوييف و جزيرة فايڭاش. وف الشرق، كانوا لأراضي لآسيوية لي تابعة ليها، وهي السهوب ديال سيبيريا و قيرڭيزستان، لي كانت كاتفرق بين جبال لأورال ونهر لأورال وبحر قزوين. وصلت لحدود لآسيوية ف لغرب تال جبال لأورال لي كاتفرق بين آسيا وأوروپا. أما ف لجنوب، فوصلات تال لبحر لكحل و لقوقاز، وكانت كاتفرق عليها بنهر مانيش. وف لغرب، كانت لحدود (لي باقة تقريبا هي نيتها ليوما) غادية من شبه جزيرة كولا تال خليج بوثنيا، ومن تما ل بحيرة قورش ف جنوب بحر لبلطيق، وتال لمصب ديال نهر لدانوب، فين كانت كاتدور على پولونيا وتفرق بين روسيا و پيـروسيا و رومانيا.
من لميزات ديال روسيا أنها ما عندهاش بزاف د لمنافذ على لبحر لواسع من غير الشواطئ لي كايجمد فيها لبرد ف لمحيط لمتجمد شمالي، حتا لبحر لبيض كايتعتابر غير خليج من هاد لمحيط. لخليج ديال فنلاندا كان محاط ب لأراضي لفنلندية، داكشي علاش لروس داروا لعاصمة ديالهم ف لمصب ديال نهر نيفا باش يضمنوا بلاصتهم تما. لخليج ديال ريڭا ولبلطيق تاهوما كانوا عامرين ب شعوب ماشي سلاڤية بحال لفنلنديين و لألمان. أما لساحل لشرقي ديال لبحر لكحل فكان تابع ل منطقة جنوب لقوقاز، وكاتفرقو جبال كبيرة على روسيا. حتا هاد لـمسطحات لمائية كانت بحال بحور داخلية، و لمخرج لوحيد منها هو مضيق لبوسفور لي كان تحت السيطرة د لعثمانيين، بينما بحر قزوين كان كايصلح كـ حلقة وصل مع لمستوطنات لآسيوية أكتر ما هو قناة تواصل مع بلدان خـرة.
.jpg)
- مقالة متعمقة: جغرافية روسيا
ف لّخر ديال لقرن 19، وصلات لمساحة ديال لإمبراطورية ل تقريبا 22,400,000 كلم²، لي هي سدس لمساحة ديال لكرّة لأرضية. لمنافس لوحيد ديالها ف داك لوقت كانت لإمبراطورية لبريطانية. أغلبية د السكان كانوا عايشين ف لجزء لأوروپي، وكانت لإمبراطورية جامعة كـتر من 100 مجموعة عرقية، وكانوا لروس كايشكلوا حوالي 45% من مجموع السكان.
من غير لأراضي ديال روسيا د ليوما،[23] كانت لإمبراطورية الروسية قبل 1917 ضامة لأراضي ديال: أوكرانيا (أوكرانيا د دنيبر و شبه جزيرة لقرم)، بيلاروس، مولدوڤا، فنلاندا، أرمينيا، أذربيجان، جورجيا، وبلدان آسيا لوسطى بحال كازاخستان و قيرڭيزستان و طاجيكستان و تركمانستان و أوزباكستان. كانت ضامة تاهي أغلبية ليتوانيا و إستونيا و لاتڤيا، وجزء كبير من پولونيا، و شي أقاليم من تركيا بحال أردهان و أرتڤين و كارس. وف لفترة بين 1742 و 1867، كانت لإمبراطورية كاتعتبر ألايسكا مستعمرة ديالها.
مورا ما خسرات السويد ف لـحرب لفنلندية و سـنياو معاهدة فريدريكشامن ف 1809، دخلات فنلاندا ل لإمبراطورية الروسية كـ "دوقية مستقلة" عندها حكم ذاتي. لـقيصر كان كايحكم فنلاندا كـ ملك دستوري، بـ واسطة واحد الدوق وكبير و مجلس شيوخ كايعينهم هو ب راسو.[24]
.svg)
على حساب لقانون لأساسي، لإمبراطورية الروسية كانت دولة وحدة ما كاتجزأش. و لمادة 26 كانت كاتقول بلي "مملكة پولونيا ودوقية فنلندا ما كايتفارقوش على لعرش ديال روسيا". لمادة تّانية نـظمات لعلاقة مع فنلاندا و قالت بلي هي جزء لا يتجزأ من الدولة الروسية، ولكن عندها أنظمة قانونية خاصة ب شؤونها الداخلية.[25]
بين 1744 و 1867، سيطرات لإمبراطورية تاهي على ما كان كايتسمى "ميريكان الروسية"، لي هي ألايسكا ب لجزر ديالها. من غير هاد لأراضي لبعيدة، كانت لإمبراطورية عبارة على كتلة وحدة شادة من أوروپا تال آسيا. لإمبراطورية الروسية كانت مختالفة على لإمبراطوريات لستعمارية لخرة؛ ف الوقت لي تـقسمات فيه لإمبراطورية لبريطانية و لفرنسية ف لقرن عشرين، حافظات روسيا على جزء كبير من لأراضي ديالها حتا ف وقت لإتحاد السوڤياتي و من بعدو ف روسيا لإتحادية.
زيد على هادشي، سيطرات لإمبراطورية ف شي وقت على أراضي ف الشينوا بحال مرسى كوانتونڭ وسكك لحديد د شرق الشينوا، و تنازلات ليها الشينوا تاهي على مدينة تيانجين. وف 1815، حاول واحد لرجل أعمال روسي يتفاوض باش يدير حماية على جزيرة ف هاواي، ولكن لـقيصر رفض يـسني لمعاهدة.[26]
مجلس ڭوطا لتقويمي (Almanach de Gotha)، لي هو واحد لـمجلس كايجمع لـنوبالا ولـماليك ديال أوروپا، وصف روسيا ف عام 1910 بلي هي دولة ملكية دستورية كايحكمها قيصر أوتوقراطي (حاكم فردي). هاد لـفرق ف لـوصف كايبيّن شحال كان صعيب يـتحط تعريف واحد لـنّيظام لي تـصاوب مورا أكتوبر 1905. قبل هاد لـتاريخ، كانت لقوانين لأساسية الروسية كاتصف لإمبراطور بلي هو "مطلق الصلاحيات". وخا لـقب الرسمي ديالو بقى هو "إمبراطور كاع لروس"، إلا أن عبارة "مطلق الصلاحيات" تـحيدات من لقوانين لي خرجات بين بيان أكتوبر و أول جلسة ديال مجلس الدوما ف 27 أبريل 1906. وخا نّيظام ولى شبه دستوري، بقى لـجدل نايض على واش لإمبراطور باقي عندو لحق يـستعمل سلطتو لـمطلقة فوقاش ما بغى، و كاين لي كايعرف نّيظام بلي هو "ملكية محدودة تحت حكم إمبراطور أوتوقراطي".
- مقالة متعمقة: قيصر
پيطير لكبير بـدّل لـقب ديالو من "قيصر" لـ "إمبراطور كاع لروس" ف عام 1721. وخا كاع لـحكام لي جاو من بعدو حافظوا على هاد لـلقب، إلا أن لـعالم كامل بقى كايعرف حاكم روسيا بـ سميت "لقيصر" تال ملي سقطات لإمبراطورية ف ثورة فبراير 1917.
سلطة لإمبراطور قبل بيان أكتوبر كانت محدودة غير بـ شرط واحد: هو و مرتو خاصهم يـنتميوا لـ لكنيسة لرتودوكسية و يـحترموا قوانين لـخلافة لي حطها لـقيصر بافل لول ف 1797.[27] هاد لـوضعية تـبدلات ف 17 أكتوبر 1905، ملي لإمبراطور نـقص من سلطتو تّشريعية و أعلن بلي حتى شي قانون ما غادي يـتـطبق بلا موافقة مجلس الدوما لإمبراطوري. هكا ولات كاينا قيود قانونية على سلطتو، لي بـانـت كـتر مع صدور لقانون لأساسي ف 28 أبريل 1906.
- مقالة متعمقة: مجلس لإمبراطورية الروسية
مورا لقانون ديال 20 فبراير 1906، تـجمع مجلس لإمبراطورية مع مجلس الدوما، و ولى كايتعبر هو لـمجلس لـأعلى ف لبرلمان (بحال مجلس شيوخ). من تما ولات سلطة تّشريع مقسومة بين لإمبراطور وهاد لـمجلسين، وما بقاش لإمبراطور يقدر يـقرر بوحدو بلا ما يـشاورهم.[28]
مجلس لإمبراطورية كان فيه 196 عضو: 98 كايختارهم لإمبراطور بـ راسو، و 98 كايـتـنـتـخـبوا. لـوزراء لي كايعينهم لإمبراطور تاهوما كانوا أعضاء بـ حكم لـمـنصب ديالهم. لـأعضاء لـمـنتخبين كانوا كايـتـقـسموا هكا: 3 من الرهبان (رجال الدين السود)، 3 من لـقساوسة لـعاديين (رجال الدين البيض)، 18 من لـنوبالا، 6 من لأكاديمية د لـعلوم ولجامعات، 6 من غرف تّجارة، 6 من لـمجالس لـصناعية، 34 من لـمـناـطق لي عندها حكم محلي (زيمتوف)، 16 من لـمـناـطق لي ما عندهاش، و 6 من پولونيا. وخا هاد لـمجلس كان عندو سلطات تشريعية، إلا أنه ف لـواقع كان قليل فين كايـخرج شي قوانين.
- مقالة متعمقة: مجلس الدوما (لإمبراطورية الروسية)
مجلس الدوما لإمبراطوري (بالروسية: Государственная Дуما) كان هو مجلس لـنواب ف لبرلمان الروسي. من 2 يونيو 1907، ولى فيه 442 عضو كايـتـنـتـخـبوا بـ واحد لـعملية مـعـقـدة بزاف. لـعضوية ف هاد لـمجلس كان كايـتـلاعبوا فيها باش يضمنوا بلي لـأغلبية تكون من لـأغنياء، وباش يـبـقاو لـروس مسيطرين على لـمجلس على حساب لـقوميات لـخرة لي تابعة ل لإمبراطورية. كاع لأقاليم (من غير آسيا لوسطى) كان عندها عدد محدد د لـمقاعد.
لـتّـصويت كان كايـدوز على مراحل بـ واسطة "كليات انتخابية" لي كايـصوتوا فيها تلاتة د لـفئات: لـملاكين د لأرض، لـمواطنين د لـمدون، و لـفلاحة. لـملاكين لـكبار كانوا كايـحـضروا لـلجلسات بـ راسهم، بينما لـفلاحة كانوا كايـصيفطوا مندوبين يـمثلوهم. لـعمال تاهوما كانت عندهم طريقة خاصة فين لـباطرون كايعين مندوبين ف لـمجمع لنتخابي.
لـتّـصويت لـدّاخلي ف هاد لـكليات كان سري وكايـربح لي جـاب لـأغلبية. وبـسباب لـسيطرة د لـملاكين ولـمحافظين، لـمعارضة و لـتقدميين كانت عندهم فرص قليلة باش يـوصلوا لـ لـمجلس. سـبـعـة د لـمدون لـكبار (بحال سانت پيطيرسبورڭ، موسكو، كييف، و وارسو) كانوا كايـنـتـخبوا لـمندوبين ديالهم مباشرة، وخا تما كان لـتّـصويت مـقـسوم على حساب لـضرايب باش يـسبقوا لـأغنياء.
- مقالة متعمقة: مجلس الوزراء
تـأسس مجلس لوزراء (بالروسية: Совет министров) بـ موجب قانون 18 أكتوبر 1905، باش يـعاون لإمبراطور فـ لإدارة لـعليا، تحت إشراف رئيس لوزراء، وهادي كانت أول مرة كايـبان فيها هاد لـمـنصب فـ روسيا. هاد لـمجلس كان فيه كاع لـوزراء و لـرؤسا د لإدارات لـكبيرة. و هادو هوما لـوزارات لي كانوا:
وزارة لـحاشية لإمبراطورية.
وزارة شؤون لـبرانية (لـخارجية).
وزارة لـحرب (لدفاع).
وزارة لـبحرية.
وزارة لـمالية.
وزارة لـتجارة و لـصناعة (تـأسسات فـ 1905).
وزارة شؤون لـداخلية (فيها لبوليس، صّحة، لمراقبة د لصحافة و لبووسطا و لإحصاءات).
وزارة لـفلاحة.
وزارة طّروق و لـمواصلات.
وزارة لـعدل.
وزارة لـتعليم لـوطني.
- مقالات متعمقة: لكنيسة لرتودوكسية الروسية• لمجمع لمقدس
تـصاوب لـمجمع لـمقدس فـ عام 1721، و كان هو لـجهاز لـأعلى لي كايـحكم لـكنيسة لأرثوذكسية فـ روسيا. كان لـمدعي لـعام، لي كايـمثل لإمبراطور، هو لي كايـرأس هاد لـمجمع، لي كان كايـتكون من تلاتة د لـمطارنة (من موسكو و سانت پيطيرسبورڭ و كييف)، و رئيس أساقفة جورجيا، و شي أساقفة خرين بـ نّوبة.
تـأسس مجلس شيوخ (بالروسية: Правительствующий сенат) فـ لـوقت د لإصلاحات ديال پيطير لول. لـأعضاء ديالو كايعينهم لإمبراطور نـيـشان. هاد لـمجلس كان هو نـيـت مـحـكـمة لـنـقض لـعليا؛ و كان كايـلعب دور ديال مكتب مراقبة لـحسابات، و مـحـكـمة لـعدل لـعليا لي كاتشوف فـ لـجرائم سّياسية. و كان عندو لـحق يـفصل فـ لـمـنازعات لي بين لإدارة و لـأفراد، ولا بين لإدارات بـ راسهم. مـن نـاحية نّظرية، كان هاد لـمجلس عندو سلطة كـتـشـبه لـ سلطة لـمحكمة لـعليا د ميريكان، حيت كان يقدر يـرفض أي قرار كايـخالف لقوانين لأساسية د لإمبراطورية.
لإمبراطورية الروسية كانت مقسومة إدارياً فـ عام 1914 لـ 81 "غوبرنيه" (محافظة) و 20 "أوبلاست" (إقليم) و "أوكروغ" (منطقة) واحد. تـوابع لإمبراطورية كانت فيها إمارة بخارى و خانية خوارزم و منطقة توڤا. فـ روسيا لآسيوية كان كاينا 11 غوبرنيه و 17 أوبلاست و أوكروغ ساخالين. أما لباقي فـ كان فـ أوروپا (59 غوبرنيه). لـمدون لـكبيرة بحال سانت پيطيرسبورڭ و موسكو و أوديسا و سيفاستوبول كانت عندها إدارة خاصة كايسيرها "قائد لبوليس" لي كايقوم بـ دور لـمحافظ.
| غوبرنيه | السكان (1825) | لمساحة (كلم²) | لعاصمة |
|---|---|---|---|
| لإمبراطورية الروسية | 135,000,000 | 23,850,000 | سانت پيطيرسبورڭ |
| أرخانجيلغورود | 1,051,000 | 5,625 | أرخانغلسك |
| أستراخان | 2,842,000 | 71,546 | أستراخان |
| بيلغورود | 517,000 | 73,943 | بيلغورود |
| قازان | 751,000 | 57,727 | قازان |
| كييف | 4,256,000 | 73,681 | كييف |
| موسكو | 3,238,000 | 247,487 | موسكو |
| نيجني نوفغورود | 2,475,000 | 151,445 | نيجني نوفغورود |
| نوفغورود | 562,000 | 5,627 | فيليكي نوفغورود |
| پولونيا | 1,489,000 | 123,367 | وارسو |
| أورينبورغ | 4,893,000 | 30,621 | أورينبورغ |
| ريفيل | 3,116,000 | 63,618 | تالين |
| ريغا | 2,334,000 | 20,856 | ريغا |
| إنغرمانلاند | 6,652,000 | 78,630 | سانت پيطيرسبورڭ |
| سيبيريا | 14,161,000 | 22,333 | إيركوتسك |
| سمولينسك | 3,988,000 | 58,667 | سمولينسك |
| فورونيز | 1,605,000 | 4,892 | تامبوف |
| فيبرغ | 943,000 | 27,862 | هلسنكي |
| بيسارابيا | 4,164,000 | 64,203 | كيشيناو |
| باكو | 3,522,000 | 93,343 | باكو |
| الشرق الأقصى | 5,391,000 | 34,251 | فلاديفوستوك |
- مقالة متعمقة: نّيظام لقضائي ف لإمبراطورية الروسية
تأسس نّيظام لقضائي ف لإمبراطورية الروسية ف مـنتصف لقرن 19، ملي دار لـقيصر ألكسندر التاني إصلاح كامل ل لقضاء ف بلادو. هاد نّيظام تـبنى شوية على نّيظام نّڭليزي و لفرنسي، و تـحطّ على مبادئ أساسية بحال: لفصل بين لسلطة لقضائية و لإدارية، استقلال لقضاة، لعلانية د لمحاكمات، و لمساواة د كاع نّاس قدام لقانون وخا يـكونوا من طبقات مختالفة. زيد عليها، دخلو لعنصر د دّيموقراطية بـ لخدمة بـ "هيئة لمحلفين" و نّيظام د لنتخاب د لقضاة. هاد لإصلاح بدل النظرة ل لبلاد و رد لقضاء محصن ضد لبيروقراطية لـخايبة. ولكن ف لّخر د عهد ألكسندر التاني و ف وقت ألكسندر التالت، حاولات لحكومة تنقص من هاد لصلحيات و ترجعها ل لـقيصر، تال مورا ثورة 1905 ملي رجع مجلس الدوما التالت هاد لختصاصات ل لمحاكم.[29]
نّيظام د عام 1864 كان مـميز، حيت دار جـوج أنواع د لمحاكم مـفروقين: لـمحكمة لّولة هي "محاكم لصلح" لي خـدات لموديل نّڭليزي و كانت كاتشوف ف لـمشاكل لبسيطة. و لـمحكمة تّانية خـدات لموديل لفرنسي و فيها قضاة مـنـتـخبين كايـشوفوا ف لقضايا لـكبيرة بـ حضور هيئة لمحلفين.
كانوا تلاتة د لـهيئات لمحليّة لي كايـتـنـتـخبوا، و لي كانت عندهم مهام إدارية ف لبلاد:
لجمعيات د لفلاحة ف "لـمـيـر" (Mir).
مجالس "الزيمتوف" ف 34 محافظة.
"دوما د لبلديات".
مورا عام 1870، صاوبوا لبلديات ف لڭزو لأوروپي د روسيا إدارات كـتشبه لـ "الزيمتوف" باش يسهلوا لـخدمة ديالهم. كاع مّالين ديور، و لي كايـخلصوا لـضرايب، و لـحرايفية و لـعمال كانوا كايـتقيدوا ف لّيستات على حساب لـثروة ديالهم.[30] لّيستة كانت كاتـقسم لـ تلاتة د لڭروپات، كل واحد كايـنـتخب عدد متساوي د لـمندوبين ف مجلس لبلدية. السلطة كانت ف يد "رئيس لبلدية" و واحد لـجهاز سميتو "أوـپـراڤـا" كايـنـتـخبوا لـمجلس. ف عهد ألكسندر التالت، خرجوا قوانين ف 1892 و 1894 نـقصوا من لـصلاحيات د لبلديات و ردوهم تحت السلطة د لـمحافظين. وف 1894 و 1895، بدات هاد لـمؤسسات كـتـبان حتى ف سيبيريا و لقوقاز.
لأقاليم د كـورلاندا و لـيـڤـونيا و إـسـتونيا دخلات ل لإمبراطورية مورا ما خسرات السويد ف لـحرب د لـشمال. لـنوبالا لألمان لي كانوا تما حافظوا على بزاف د لإمتيازات بـ موجب معاهدة نيستاد (1721)، بحال لحكم لـذاتي و لـتحكم ف لتعليم و لبوليس. ولكن بين 1888 و 1889، حـيدات لحكومة الروسية هاد لإمتيازات و ردات لبوليس ولقضاء تابعين ل لـمركز. ف هاد لـوقت بدات سـياسة "الروسنة" لـقاسحة، لي بـغات تـفرض لـثقافة الروسية ف لـمدارس ولإدارات، وحتا جامعة تارتو بـدلو ليها سميتها لـ "يورِييڤ".
|
أكبر لـمدون على حساب لإحصاء د 1897 (بـ لـألاف): سانت پيطيرسبورڭ - 1265 موسكو - 1039 وارسو - 626 أوديسا - 404 وودج - 314 ريڭا - 282 كييف - 248 خاركيڤ - 174 تبليسي - 160 طشقند - 156 فيلنيوس - 155 ساراتوف - 137 قازان - 130 روستوف على نهر الدون - 120 |
لـمدون لرئيسية ف تـقـييم عام 1914 (بـ لـألاف): سانت پيطيرسبورڭ - 2119 موسكو - 1763 وارسو - 864 ريڭا - 558 كييف - 520 أوديسا - 500 وودج - 378 تبليسي - 307 خاركيڤ - 245 ساراتوف - 236 باكو - 232 دنيبرو - 211 فيلنيوس - 204 قازان - 194 |
- مقالة متعمقة: لعلاقات لبرانية د لإمبراطورية الروسية
روسيا قوّات لبلاصة ديالها ف أوروپا بـ لعلاقات الديبلوماسية، خاصة مع فرانسا. بـسباب التوحيد ديال ألمانيا ولـمـنافسة لـصناعية، تـسـنى حـلف عسكري بين روسيا وفرانسا فـ عام 1891. هاد لـحـلف كان فيه بنود كاتقول بلي وحدة تـعاون لـخرة إيلا هـجمات عليهم لإمبراطورية لألمانية ولا لإمبراطورية لنمساوية لهنڭارية. "قنطرة ألكسندر التالت" لي تـبـنات فـ پاريس فـ 1896، و "قنطرة ترويتسكي" فـ سانت پيطيرسبورڭ لي صمموها لفرنسيين، ولّاو رمز لـ هاد لصداقة والتقارب سّياسي ولثقافي بين لبلدان بجوج.
فـ لـمـقابل، كانت لعلاقات بين روسيا وبريطانيا مـتـوترة بـزاف، بـسباب لـمـنافسة على آسيا لوسطى، وهادشي تـعرف بـ "لّعبة لكبيرة". فـ لّخر د لقرن 19، وـصل لـخلاف لـ درجة أن لبلدان بجوج أعلنوا لـحرب فـ 1885. لـسبب كان هو أن روسيا بـغات تـوصل لـ "لـما الدافي" فـ لـمحيط لهندي، وبريطانيا بـغات تـحبس روسيا باش ما تـهددش لـهند لي كانت مستعمرة ديالها. فـ أكتوبر 1905، هجم لأسطول الروسي غـلـطاً على قوارب صيد بريطانية، وهادشي خـلّا لـمملكة لـمـتحدة تـوجـد لـ لـحرب.
ولكن بـسباب لـمـجهودات د فرانسا، لبلدان بجوج تـصالحوا و تـأـسـس "لوفاق التلاتي" لي جمع بريطانيا وفرانسا وروسيا. ملي ناضت لحرب لعالمية لّولة فـ 1914، حـاربو لـقـوات الروسية ولفرنسية جـنب لـ جـنب ضد لـمانيا و لنمسا ولـحلفاء ديالهم.
|
|
- مقالة متعمقة: لجيش لإمبراطوري الروسي
لجيش لإمبراطوري الروسي كان هو لقوة لعسكرية لبرية د لإمبراطورية الروسية قبل عام 1917 و تال ملي ناضت ثورة أكتوبر.[31] هاد لجيش كان من بين لجيوش لي غـلبات نابليون بونابرت بين 1812 و 1814، و دار بزاف د لـحروب ضد لعثمانيين من 1676 تال 1917. لإمبراطور هو لي كان كايسير هاد لقوات. بـ لفضل د لعدد لكبير و لـخطط لعسكرية، كانت روسيا وحدة من أقوى الدول عسكرياً ف لعالم لقرون طويلة. هاد لجيش تـحيد ف 1917، و ولى ف بلاصتو لجيش لـحمر لي تـابع ل لإتحاد السوڤياتي.[32]
- مقالة متعمقة: لبحرية لإمبراطورية الروسية
لبحرية لإمبراطورية الروسية هي مجموع لـأساطيل لي حاربات بـ سميت لـقياصرة. من عام 1696، ف عهد پيطير لكبير، ولات بحرية نظامية و بدات بـ جـوج سفن حربية و 1300 زورق. أول مشاركة حقيقية ليها كانت ف حرب الشمال لعظمى و ف لـحروب ضد لعثمانيين. مـن بعد كـبرات هاد لبحرية و ولات هي تالت أكبر أسطول ف لعالم مورا بريطانيا وفرانسا ف لقرن 19. وخا خسرات ف حرب روسيا وليابان (1904-1905)، عـاودوا نـظموها ف 1909،[33] و حاربات بـ قوة ضد ألمانيا ف بحر لبلطيق وضد لعثمانيين ف لبحر لكحل ف لحرب لعالمية لّولة.
- مقالة متعمقة: لقوات لجوية لإمبراطورية الروسية
لبداية د طيران ف روسيا بدات بـ مشاريع نـظرية ف لتمانينات د لقرن تمنطاش. ف عام 1904، تـأسس أول معهد د لـديناميكا لـهواية ف لعالم قـرابة موسكو. ف 1910، لجيش لروسي شرا طيارات من فرانسا و بدا كايـدرب طيارين عسكريين. سميت الطيران لروسي تـرتبط بـ لـمهندس إيڭور سيكورسكي، لي بـنى ف 1913 أول طيارة فيها ربعة د لـماكينات.
ف لبداية د لحرب لعالمية لّولة، كانت عند روسيا تاني أكبر قوة جوية ف لعالم مورا فرانسا. ف لّول كانوا كايـستعملوا طيارات غير ف لستطلاع، ولكن ف دجنبر 1914 بدات لـهجمات ضد لـمانيا و لنمسا. من بين لطيارين لمعروفين كاين "پيوتر نيستيروف" لي دار أول هجوم انتحاري ب لطيارة ف لعالم. ولكن بـسباب لـحرب ولإقتصاد لي عـيان، نـقص لإنتاج د لطيارات بـزاف مقارنة مع ألمانيا، و مورا لثورة ولات سميتها لقوات لجوية السوڤياتية.[34]
لحرس لإمبراطوري الروسي، لي معروف بـ "حرس ليب"، هوما وحدات عسكرية كانت هي لـحارس الشخصي د لإمبراطور. أسسهم پيطير لكبير ف لـتـسعينات د لقرن سبعطاش باش يـاـخدوا بـلاصة قوات "ستريليتسي" لي كانت كـتـدخل ف سّياسة.
| دّيانة | عدد لـمعتنقين |
|---|---|
| لكنيسة لرتودوكسية الروسية | 87,123,604 |
| لإسلام | 13,906,972 |
| لكنيسة لـكاـطوليكية | 11,467,994 |
| ليهودية | 5,215,805 |
| لّوترية | 3,572,653 |
| لـمؤمنين لـقدام | 2,204,596 |
| كنيسة لـأرمن لـرتودوكس | 1,179,241 |
| البوذية | 433,863 |
| ديانات خـرة ماشي مسيحية | 285,321 |
كانت لـمسيحية لـرتودوكسية هي دّين الرسمي د لإمبراطورية الروسية، و كان كايآمن بيها أغلبية د لـسكان. لـقيصر كان هو رئيس لـكنيسة و لـمدافع لـأعلى عليها، وخا ما عندوش لـحق يـدخل ف لـمسائل د لـعقيدة.
لسلطة لـدينية كانت ف يد "لـمجمع لـمقدس" و لـمدعي لـعام ديالو لي كان عضو ف مجلس لوزراء. لإمبراطورية خلات لـحرية د لـمعتقد ل كاع نّاس باش يـمارسوا دّين ديالهم، من غير لـيهود لي كانت عليهم شوية د لـقيود.
على حساب لإحصاء د 1897، لـمسيحية لـرتودوكسية كانت هي لي مـنـتشرة بزاف بـسباب لـتفاعل بين لروس و لـشعوب لـخرة لي تابعة ل لإمبراطورية. لّوترية و لـكاـطوليكية كانوا مـنـتشرين ف لـغرب (دول لبلطيق و پولونيا). و كان لإسلام هو تاني دين مـنـتشر، خاصة عند لـأذريين ف لقوقاز، و ف آسيا لوسطى، و عند تـتار لـقرم. أما لـيهود ف كانوا مـتـوزعين ف لـمدون لـكبيرة خاصة ف پولونيا.
تقسموا لمواطنين ديال لإمبراطورية الروسية على حساب لطبقات لإجتماعية لي كايتميوا ليها، بحال لطبقة د لنوبالا، ورجال الدين، وتجار، ولقوزاق، ولفلاحة. أما لسكان لأصليين د لمنطقة د لقوقاز و لعرقيات لخرة بحال التتار والباشكير ومالين سيبيريا وآسيا لوسطى، فكانوا كايتحطوا رسمياً فـ فئة سميتها "إينورودتسي"، ومعناها "ناس من أصل خور"، وقصدوا بيها كاع لي ماشي سلاڤي.[24]
لطبقة د لفلاحة كانت هي لكبيرة ف لإمبراطورية، حيت كانت كاتمثل 81.6% من السكان. لباقي كانوا مقسمين هكا: 1.3% نوبالا، 0.9% رجال دين، 9.3% تجار، و 6.1% عسكريين. هاد لتصنيف كايبيّن بلي كتر من 88 مليون روسي كانوا فلاحة، وبزاف منهم كانوا "أقنان" (عبيد د لأرض). فـ واحد لإحصاء د عام 1858، تذكر بلي كتر من 10 مليون فلاح كانوا عبارة على أقنان كايتباعوا وكايتشروا مع لأرض لي كايخدموا فيها. أما لخرين فكانوا "فلاحة د لـدولة" (9 مليون) و"فلاحة لمجال" (842 ألف).
إحصاء السكان على حساب لّوغة فـ عام 1897 (لمجموع تقريبا 122.6 مليون نسمة):
| لمجموعة لعرقية | % |
|---|---|
| روس | 44.32 |
| أوكرانيين | 17.81 |
| پولونيين | 6.71 |
| أتراك | 10.82 |
| يهود | 4.03 |
| فنلنديين | 2.78 |
| ليتوانيين و لاتڤيين | 2.46 |
| ألمان | 1.46 |
| سكان جبال لقوقاز | 1.34 |
| جورجيون | 1.07 |
| أرمن | 0.93 |
| شعوب إيرانية | 0.62 |
| مغول | 0.28 |
| خرين | 0.73 |
- مقالة متعمقة: لقنانة الروسية
بانت لقنانة فـ روسيا فـ لقرن 16، و رسخها لقانون فـ 1649، تال ملي تلغات فـ 1861 بـ قرار من لقيصر ألكسندر التالت. هاد لإصلاحات عتقات لأقنان من ظروف معيشية كانت صعيبة بزاف، وخا لـقـمع لـجسدي ل لـفلاحة ما تـلغى رسمياً تال 1904.
لعبيد د الدار خـداو حـريـتـهم بلا تعويض، بينما لأقنان د لفلاحة خـداو ديورهم و طريفات د لأرض، ولكن هاد لأرض ما كانتش ديالهم بوحدهم، بل كانت تابعة ل لـجماعة لمحليّة لي سميتها "لمير" (Mir)، وهي لي كانت مسؤولة تخلص لضرايب. لـفلاحة كانوا مضطرين يخدموا فـ لأرض باش يخلصوا ديونهم ل لـملاكين لـقدام. لـدولة عاوناتهم وخلصات لـملاكين، و لـفلاحة بقاو كايـخلصوا ل لـدولة (لقيصر) لمدة 49 عام بـ فائدة د 6%. هاد لعملية خلات بـزاف د لـملاكين يـفقدوا لمراعي ديالهم، و بـززات على لـفلاحة يـكريوا لأرض من عند أسيادهم لـقدام بـ ثمن غالي.
و من لحوايج لمعروفة، أن رواية "كوخ لعم توم" كانت ممنوعة فـ روسيا فـ عهد نيكولا لول، حيت خافوا لأقنان يـقراوها و يـتأتروا بـ أفكار لمساواة و يـنـوضوا يـديروا ثورة.[35]
مورا إصلاح التحرير، الربع د لفلاحة خـداو غير مساحات صغيرة بزاف د لأرض (حوالي 1.2 هكتار)، وهادشي ما كانش كافي باش تعيش بيه عائلة. داكشي علاش لقاو راسهم مضطرين يـكريوا أرض خـرة من عند لإقطاعيين لي غـلاو عليهم لكرا. لديون والضرايب د لـدولة (باش يمولوا لجيش وطروق) و ضرايب لكنيسة خـلات لـفلاحة يـعيشوا فـ فـقر كـبير. هاد لـوضعية خـلات لخمس د لـسكان يـسمحوا فـ ديورهم و يـبيعوا لـبـهـايـم ديالهم باش يخلصوا لـديون. فـ بـزاف د لـبـلايـص، كتر من نص الرجال كانوا كايـخـرجوا يـقلبوا على لـخدـمة فـ مـدون وخـرة.
فـ مدينة خيرسون (جنوب أوكرانيا ليوما)، كانت لـحالة صعيبة بـزاف بـسباب صغر لـمساحات. بينما فـ "روسيا لـصغيرة" (أوكرانيا) كانت لـحالة أحـسن شوية حيت لأرض كانت كـتعطى ل كـل فلاح بـ سـميتو. وفـ دّوَل د لبلطيق، كانت أغلبية لأرض فـ يد لـملاكين لـمان، لي كانوا كايـخدموا لـفلاحة عندهم بـ لـجـرة. فـ لـحقيقة، غير لـربع د هاد لـفلاحة هما لي كانوا "مـزارعـيـن" حـرفـيـيـن، أما لـباقي فـ كانوا غير خـدّامة مـقـهورين.
لـحالة د مّالين لأرض حتى هي ما كانتش كـتفرح، بحالها بحال لـحالة د لـفلاحة لي كانوا تحت يـديهم ف لـقديم. هاد لإقطاعيين ولفوا يـخدموا لـناس بـ لـبزز، وما قدروش يـتأقلموا مع لـواقع لـجديد لي مـمنوع فيه لـعبودية. بـزاف د لإقطاعيين خـسـروا لـفلوس لي عطاتهم لـدولة (باش تـعاون لـفلاحة يـخلصوا ديونهم) بلا ما يـديرو تـحسينات فلاحية حقيقية ف أراضيهم. هادشي خـلّا بـزاف منهم يـوليو يـتاجروا بـ لـخشب د لـغابات لي ف أراضيهم عوض ما يـنتجوا لـفلاحة. غير لـملاكين لي كانوا كايـكريو أراضيهم ل لـفلاحة هما لي كانت حالتهم أحسن شوية من لـخرين. بين 1861 و 1892، نـقصات لـمساحة د لأراضي لي ف يد لـنوبالا بـ 30%. وف لـمـقابل، لـفلاحة شراو تقريبا 19.5 مليون فدان من عند أسيادهم لـقدام بين 1883 و 1904، بـ مـعاونة "بنك لـفلاحة لـعقاري". وف نونبر 1906، لـقيصر نيكولا تاني سـمح ل لـفلاحة يـملكوا لأرض لي تـعطات ليهم بـ شكل رـسمي، وهاد لـقرار كان عندو أثر كبير على لإقتصاد لـقروي ف روسيا.[36]
لـتـقافة الروسية بـقات بـ شكل عام متأخرة على لـتـقافة لأوروپية لـغربية تـال لـوقت لي خدا فيه پيطير لـكبير لـحكم. لـوصول ديالو ل لـسلطة (1682-1725) كان هو لـبـداية لـحـقيقية د لِإِنـفـتـاح د روسيا على لـعالم لأوروپي ف بزاف د لـمجالات و أهمها لـمجال لـتـقافي. ف عهدو تـبدلات طريقة د لـكتيبة، و تـبدل لـتـقـويم، و تـخـرجات أول جـرِيـدة ف روسيا، و تـأـسـسات لأكاديمية الروسية د لعلوم و تـحلو بـزاف د لـمدارس و لـمعاهد.
پيطير لـكبير دار أعمال كبيرة باش يـطور لـتـقافة و لـفنون، هو لي بـنى مدينة سانت پيطيرسبورڭ، لي ولّاو لـقـصور ديالها عامرين بـ لّوحات د لـفنانين لي جـاو من أوروپا كاملة. مـورا ما مـات، كـمّـلات لإمبراطورة كاترين التانية هاد لـمسيرة د لـبني و لإصلاح. وكانت أغلب لـتأثيرات لـغربية جاية من فرانسا، خاصة ف لـمـسرح و لـشـعـر و لـفنون، و كانت لـفرنسية لـوغة أساسية ف لـحياة د لـنوبالا الروس.
- مقالة متعمقة: أدب روسي
بـان لأدب الروسي ف لّـول ف عام 988، على يـد لـمبشرين لي جـاو من لإمبراطورية لبيزنطية، و كان أغلبو ديني (مواعظ، تـراتيل، سـير د لـقـديـسـين). ومن جـيـهة خـرة، لاهتمام د لـقـياـصـرة بـ تّـوريخ خـلا يـبان أدب ماشي ديني كايـسجل لـوقائع د لبلاد. لأدب الروسي فيه رواائع كـتعتبر من لأفضل ف لـعالم، و بـان لـقـمة ديالو ف لقرن 19.
ملي طـردوا لروس لـتـتار، بـان "أدب موسكو" لي كان كايـرـكز على لـمواضيع سّياسية لي كايدعمها لـقيصر. وف 1682، بدا پيطير لول يـدـخل لـطابع لـغربي، وهادشي خـلّا لأدب الروسي يـاـخد صـبـغة غـربية ف لـقرن 18. "ميخائيل لومونوسوف" هو لي تـسمى مـؤـسس لأدب الروسي لـحديث. مـن بعدو بـان لـشـاعـر لـكـبـير ألكسندر بوشكين لي كان أبرز كاتب ف لـرومانـسية لـمبكـرة، هو و ألكسندر غريبويدوف.
ف عام 1825، ف عهد لـقيصر نيكولا لول، تـزِيـرات لـمراقبة على كاع لـأعمال لأدبية لي كايـنـتـقدوا لـمجتمع و لـفـقر. ومن أهم لـكتاب ف هاد لـوقت كاين "ميخائيل ليرمنتوف" و "نيقولا غوغول". مـن بعد جـا ليو تولستوي لي شـجّـع لـسّـلام و رـفض لـحرب، و فيودور دوستويفسكي لي تـشـهر بـ رواية "لـجريمة و لـعـقاب" (1866) فين وـصـف لـمشاكل لـنـفسية و لـروحية لـقوية. ف لّـخر د لـقرن 19، بـان لـروائي لـكـبير أنطون تشيخوف، و خـتم هاد لـفترة "مكسيم غوركي" لي وـصـف لـفـقر لـمـدـقـع د لـشـعـب و لإشتراكية.
لـأعياد و لـعـطل ف لإمبراطورية الروسية تـال عام 1917.
| ليوم | لاسم بـ دّاريجة | لاسم بـ الروسية | ملاحظات |
|---|---|---|---|
| 14 يناير | راس لعام | Новый Год | |
| 7 يناير | عيد لميلاد | Рождество | ديال لأرثوذكس. |
| 8 مارس | يوم لمرا | женский день | داراتو كاطرين التانية قبل ما يولي عالمي. |
| 7 يوليوز | يوم إيفان كوبانا | Иван-Купала | طقوس قديمة قبلاتها لكنيسة. |
| 8 غشت | يوم لقيصر | Царий день | كان كايتحتفل بيه من عهد إيفان لرهيب. |
| 4 نونبر | يوم لوحدة لشعبية | День народного единства | ذكرى لانتفاضة ضد پولونيا ف لقديم. |
كايـستمد لـمطبخ د لإمبراطورية الروسية لـغنى ديالو من لـتعدد د لـتقافات لي كانت فيها. الساس ديال هاد لـمطبخ تـبنى على لـماكلة د لـفلاحة فـ لـعالم لـقروي لي فيه لـبرد، و على لـمنتوجات لـموجودة بحال لـحوت، لـدجاج، لـفطر، و لـعسل. لـمحاصيل د لـقمح و الشعير كانت هي الساس ديال بـزاف د لـأنواع د لـخبز و لـمشروبات لـوطنية بحال "لفودكا". كانت كاينا أنواع كتيرة د لـصوپا، بحال صوپا د لـحوت وصوپا د لـلحم. مع لـوقت، زادوا الروس تـوابل و حليب و تقنيات د لـشوا جـابوهم من لـمنغول و التتار. و بـسباب لـموقع د روسيا فـ طريق لـحرير لـقديمة، و قـربها من لـقوقاز و إيران و لـعثمانيين، دخلو طرق جديدة د لـطياب و مـأكولات متنوعة خـرة.
لـتوسع د لإمبراطورية بين لـقرن 16 و لـقرن 18 جـاب مـاكلات مطورة كتر، و تـعلموا الروس كيفاش يـبـخـروا لـلحم ولـحوت، و يـصاوبوا لـمعجنات و لـشلايـظ، وحتى لـشوكلاط لي كان فـ لّول كايـجي غير من لـبـرّا. هاد لـتنوع خـلا الطبقة لـأرستقراطية تـخلق أطباق مـخلطة بين التقليدي و لـعصري، و هادشي هو لي كايـميّز لـمطبخ الروسي تال لـيوما.[37]
لـرياضيين د لإمبراطورية الروسية تـشهروا بـ تّألق ديالهم خاصة فـ لـرياضات د لـمصارعة و لـمسايفة و لـتزحلق على لـجليد و لـمجاذيف و لـرماية. شاركات روسيا فـ لـعاب لـأولـمـبـية تـلاتة د لـمرات (1900، 1908، و 1912) و جـابـت ميدالية ذهبية، و ربعة د لـفضيات و تلاتة د لـبرونزيات.[38]
لعلم د روسيا: هو علم فيه تلاتة د لـألوان (لبيض، لزرق، و لحمر). پيطير لكبير هو لي ختار هاد لـألوان فـ عام 1699 باش يـرمز لـ لـوحدة د لجيش و لـمجتمع و لـكنيسة. فـ لّول كان كايـترفع غير فـ لـسفن لـتجارية و كان رمز لـ لـسلام و لـجورة لـمزبانة.
ديد موروز: هو لـمـقابل د "بابا نويل" فـ روسيا، و لـأصل ديالو من مدينة "ڤيليكي أوستيوغ" فـ شّـمال د لـبلاد.
- مقالة متعمقة: لـسينما فـ لإمبراطورية الروسية
أول جـهاز د لـسينما بان فـ روسيا فـ أبريل 1896، مورا ربعة د لـشهور فقط من أول عرض فـ پاريس. لـخوت "لوميير" عرضوا لـجهاز فـ موسكو و سانت پيطيرسبورڭ. فـ نفس لـعام، تـصور أول فيلم فـ لإمبراطورية كايـهضر على تـتويج لـقيصر نيكولا تاني. فـ 1908، تـنتج أول فيلم روائي روسي سميتو "ستينكا رازين". مـن بعد، كـبرات هاد لـصناعة و تـنتجوا كـتر من مية فيلم كايـنافسوا لـأفلام د فرانسا و لـمانيا. و فـ عام 1912، تـنتج فيلم "لدفاع على سيفاستوبول" بـ دعم من لـقيصر. ملي ناضت لـثورة لـبلشيڤية فـ 1917، تـسالات لـحقبة د لـسينما لإمبراطورية و بدات مرحلة جديدة مع السوڤيات.[39]
كان "سيرغي بروكودين-غورسكي" هو لـموحد د لـتصوير فـ لإمبراطورية الروسية. قـرا فـ سانت پيطيرسبورڭ و برلين و پاريس، و طـور تقنيات جديدة د لـتصوير بـ لـألوان. فـ 1905، اقـترح على لـقيصر مشروع كـبير باش يـصور كاع لـبلايص د لـبلاد و السكان ديالها بـ لـألوان باش يـبيّن لـتنوع لـتقافي و لـتطور د لإمبراطورية. لـقيصر وافق و عطاه عـربة د لـطران مـجهزة بـ كاع لـماكينات و لـفلوس لي خـصوه. بروكودين سافر فـ لـبلاد كاملة بين 1909 و 1915 و وثّـق لـحياة بـ تـصاور ملونة تاريخية.
لـباليه الروسي جزء مـهم من لـفن لـعالمي، و عندو سـتـيل خاص بيه. أول عرض د لـباليه فـ روسيا كان فـ فبراير 1673 فـ قصر لـقيصر ألكسي ميخائيلوفيتش. فـ لّول كان لـباليه غير لـتسلية د لـملوك و لـنـوبالا. فـ لـبدية د لـقرن 19، تـحل أول قـسم د لـباليه فـ لـمسارح، و لكن كان مـخـصص فـ لّول غير لـلناس لـبساط حيت لـتـاـكر كانوا رخاص و لـنـوبالا كان كايـجيهم عيب يـدخلوا ليهم.
مـن بعد، بـ قرار من پيطير لـكبير فـ 1730، ولى لـباليه فن رسمي، و تـنافسوا لـنـوبالا باش يـعلموا ولادهم هاد لـفن. أول فـرقة رـسمية تـأسسات فـ 1740 فـ سانت پيطيرسبورڭ و سـميـتها "لباليه لإمبراطوري". فـ 1909، بـان "سيرغي دياغيليف" لي رد لـباليه الروسي مـشهور فـ لـعالم كامل. من أشهر لـراقصين د هاد لـوقت كاين أنا باڤلوڤا و طامارا كارسافينا.
| لعام | لمداخيل (روبل) | لمصاريف (روبل) |
|---|---|---|
| 1894 | 1,154,000,000 | 1,155,000,000 |
| 1895 | 1,256,000,000 | 1,521,000,000 |
| 1896 | 1,369,000,000 | 1,480,000,000 |
| 1897 | 1,416,000,000 | 1,495,000,000 |
| 1898 | 1,585,000,000 | 1,772,000,000 |
| 1899 | 1,673,000,000 | 1,785,000,000 |
| 1900 | 1,704,000,000 | 1,883,000,000 |
| 1901 | 1,790,000,000 | 1,874,000,000 |
| 1902 | 1,905,000,000 | 2,167,000,000 |
| 1903 | 2,032,000,000 | 2,108,000,000 |
| 1904 | 2,018,000,000 | 2,738,000,000 |
| 1905 | 2,025,000,000 | 3,205,000,000 |
زادت لوتيرة ديال التصنيع فـ روسيا ملي خدا لقيصر نيكولا تاني لحكم فـ عام 1894. فـ هاد لـوقت، دارت لإمبراطورية تحالف مع فرانسا، وهادشي خـلا لبناك لفرنسية يـستتمروا فلوسهم بـزاف فـ لوزينات و لمشاريع الروسية. و من عام 1897، بدات روسيا كاتخدم بـ "معيار الذهب" (Gold Standard) باش تـشجع لمستتمرين لبرانيين و تـسرع التطور د لإقتصاد. و فـ عام 1914، ولات لإمبراطورية الروسية خامس أكبر اقتصاد (صناعي وتجاري) فـ لعالم، و كان لإقتصاد ديالها قريب يـوصل للمستوى د فرانسا.
فـ لمجال د لبنية التحتية، بدات روسيا فـ 1891 كاتبني سكة لحديد باش توصل لـ سيبيريا فـ لّخر د لشرق، وموراها سكة بحر قزوين فـ 1895. الطول د ريزو د سكة لحديد فـ روسيا كان تقريبا 31,202 كلم فـ 1892، و وصل لـ 61,085 كلم فـ 1905 (وهكا فاتت ألمانيا لي كانت هي لّولة فـ أوروپا فـ 1899). وفـ عام 1914، وصل الطول لـ 70,000 كلم، وهادشي خـلاها تـكون التالتة فـ لعالم مورا ميريكان و لإمبراطورية لبريطانية.
فـ عام 1892، وصل لإنتاج د لحديد لـ 1.1 مليون طن، و فـ 1905 طلع لـ 2.7 مليون طن، لي هو كتر من الربع د داكشي لي كانت كاتنتجو بريطانيا. أما لفحم لحجري، فـ لإنتاج زاد من 6.9 مليون طن فـ 1892 لـ 18.7 مليون طن فـ 1905.
وخا روسيا كانت باقة متأخرة على دول لغرب فـ "نصيب لفرد من لناتج لمحلي"، إلا أن لصناعة ديالها كبرات بـ سرعة كتر من بريطانيا و ألمانيا. حتا لعدد د السكان زاد بـ سرعة كبيرة، من 125 مليون فـ 1894 لـ 175 مليون فـ 1914. هاد لـتطور خـلا لمدون يـكبروا بـ سرعة بـسباب لـحركة د لوزينات و الصناعة.
عكس بلدان أوروپا لغربية، روسيا كملات فـ توسيع لأراضي لفلاحية، خاصة لي مـخـصصة لـ لـذرة و لبطاطا. لـمساحة د لأراضي زادت من 13.4 مليون هكتار فـ 1895 لـ 20 مليون هكتار فـ 1905 (بلا ما نحسبوا پولونيا). و لإنتاج د لقمح تاهو زاد من 8.4 مليون طن لـ 12.8 مليون طن فـ نفس لـفترة، و لإنتاج د لبطاطا طلع من 21.1 مليون لـ 27.6 مليون طن.
- ↑ "تأسيس لإمبراطورية". Library of Congress (ب الإنجليزية).
- ↑ "دليل التاريخ ف لموسوعة لبريطانية". Britannica (ب الإنجليزية).
- ↑ "عهد پيطير لكبير". Library of Congress (ب الإنجليزية).
- ↑ "تاريخ عائلة رومانوف". Interknowledge (ب الإنجليزية). Archived from the original on 2005-04-12. Retrieved 2026-03-24.
- ↑ "عصر ثورات لقصور". Library of Congress (ب الإنجليزية).
- ↑ "لتوسع د كاطرين و لإستقرار لإمبراطوري". Library of Congress (ب الإنجليزية).
- ↑ "حرب و سلام". Library of Congress (ب الإنجليزية).
- ↑ "The French Invasion". Geographia (ب الإنجليزية). Archived from the original on 2017-07-09. Retrieved 2026-03-24.
- ↑ "The Powerful Army". Spartacus Schoolnet (ب الإنجليزية). Archived from the original on 2013-11-03. Retrieved 2026-03-24.
- ↑ "Emancipation Reform". Geographia (ب الإنجليزية). Archived from the original on 2017-07-13. Retrieved 2026-03-24.
- ↑ "Russia 1856-1903". F. Smitha (ب الإنجليزية).
- ↑ "Limits of Reforms". Library of Congress (ب الإنجليزية).
- ↑ "Revolutionary Movements". Library of Congress (ب الإنجليزية).
- ↑ "Accelerated Industrialization". Library of Congress (ب الإنجليزية).
- ↑ "Radical Movements". Library of Congress (ب الإنجليزية).
- ↑ Manning, Roberta. The Crisis of the Old Order in Russia: Gentry and Government. Princeton University Press, 2003.
- ↑ "The Russian Colonial Movement in Asia". Library of Congress (ب الإنجليزية).
- ↑ "The Revolution of 1905". Library of Congress (ب الإنجليزية).
- ↑ "Russia in War". Library of Congress (ب الإنجليزية).
- ↑ "February Revolution". Library of Congress (ب الإنجليزية).
- ↑ "Last days of the Tsar". University of Tampere (ب الإنجليزية).
- ↑ "The Bolshevik Revolution". Library of Congress (ب الإنجليزية).
- ↑ لأراضي ديال لإمبراطورية الروسية بين 1860 و 1905 كانت ضامة كاع لإتحاد الروسي د ليوما، من غير كالينينغراد وجزر لكوريل وتوڤا. ف 1905، فقدات روسيا جنوب ساخالين لصالح ليابان، ولكن عوضاتها ف 1914 ملي خدات توڤا.
- 1 2 "حكم لإمبراطورية". Library of Congress (ب الإنجليزية).
- ↑ "Gribovsky, p.35". elibrary.karelia.ru (ب الروسية).
- ↑ "القلعة الروسية ف هاواي". HawaiiWeb (ب الإنجليزية).
- ↑ "Gribovsky, p.24". elibrary.karelia.ru (ب الروسية).
- ↑ Out of My Past: Memoirs of Count Kokovstsov; Stanford University Press, 1935
- ↑ ف 1879 خرج بيان كايعطي ل لـمحافظين لحق يصيفطوا تقارير سرية للقيصر على لقضاة. وف 1889 لغى ألكسندر التالت نظام انتخاب قضاة لصلح ف بزاف د لبلايص، ورجع خلط بين لإدارة ولقضاء، تال 1909 ملي رجع مجلس الدوما نظام لنتخاب.
- ↑ لإدارة لمحليّة ف لإمبراطورية الروسية من موقع Monde Russe.
- ↑ تاريخ لحرب لبرية، موسوعة الزوفيار ف بروكسل سنة 1977
- ↑ مارك فيرو، النازية والشيوعية كنظامين ف لعالم، هاشيت 1998.
- ↑ "Reorganization of the Navy". Neva.ru (ب الإنجليزية). Archived from the original on 2017-04-24. Retrieved 2026-03-24.
- ↑ بالمر سكوت، دكتاتورية الجو: ثقافة الطيران ف روسيا الحديثة، جامعة كامبريدج 2006.
- ↑ Karolides, Nicholas J. (1998). Banned Books: Literature Suppressed on Political Grounds. Facts on File, Inc. ISBN 0816062706.
- ↑ "Verkkouutiset" (ب الفنلندية).
- ↑ "St. Petersburg Cuisine" (ب الإسبانية).
- ↑ "Fencing at the 1900 Summer Olympics" (ب الإنجليزية).
- ↑ "Early Cinema in Russia" (ب الإنجليزية). Archived from the original on 2015-07-23. Retrieved 2026-03-24.
مكتبة لكونڭرس لدراسات لبلدان: روسيا
رونالد هينڭلي. لقياصرة، 1533-1917. ماكميلان، 1968.
شاكر محمود. لمسلمين ف لإمبراطورية الروسية. لمكتب لإسلامي للنشر، 1994.
ديفيد ارنيس. وقائع لقياصرة الروس: سجل حكام لإمبراطورية الروسية. التيمز وهدسون، 1999.
لـجهاز الظاهري والدستور وحكومة لإمبراطورية الروسية، 1912. صور وصفحات
لإحصاء لعام د السكان ف لإمبراطورية الروسية عام 1897. سانت پيطيرسبورڭ، 1905. الجدول 12: توزيع السكان على حساب دّين مؤرشف 2012-10-24 فموقع وايباك ماشين.
لإمبراطورية الروسية: كلشي على لإمبراطورية و روسيا.
لإمبراطورية لي كانت ف روسيا: تصاور فوتوڭرافية ملونة من مكتبة لكونڭرس.
خرائط لإمبراطورية الروسية 1795-1914.
- CS1 الإنجليزية-language sources (en)
- CS1 الروسية-language sources (ru)
- CS1 الفنلندية-language sources (fi)
- CS1 الإسبانية-language sources (es)
- لإمبراطورية الروسية
- تاريخ روسيا لـحديث
- انحلالات د 1917 ف روسيا
- ملكيات قديمة
- ملكيات قديمة ف آسيا
- ملكيات قديمة ف أوروپا
- إمبراطوريات قديمة
- إمبراطوريات قديمة ف آسيا
- إمبراطوريات قديمة ف أوروپا
- بلدان قديمة ف شمال آسيا
- تأسيسات د 1721 ف روسيا
- بلدان قديمة ف أمريكا الشمالية
- بلدان قديمة ف وسط آسيا
- دول سلاڤية قديمة
- قوى عظمى قديمة
- بلدان مسيحية
- بلدان و أقاليم تـلغات ف 1917
- بلدان و أقاليم تـأسسات ف 1721
- روسيا ف لعقد د 1900