انتقل إلى المحتوى

أليكساندر لكبير

بدل ليانات
من ويكيپيديا
(تحولات من الإسكندر الأكبر)
أليكساندر لكبير
معلومات عامة
زيادة20 يوليوز 356 قبل لميلاد
بيلا (مملكة مقدونيا)
لموت10 يونيو 323 قبل لميلاد (32 عام)
بابل (الإمبراطورية المقدونية)
طريقة دلموتموتة طبيعية
سباب لموتحمى التيفوئيد
لجنسيةمملكة مقدونيا
لحرفةسياسي، قايد عسكري و عاهل
لّوغات لي كيعرفليونانية لبالية
لفاميلة
لواليدفيليب الثاني المقدوني
لواليدةأوليمبياس
خوتأوروبا المقدونية، فيليبوس الثالث المقدوني، كارانوس، كليوباترا المقدونية، سينان و سالونيك المقدونية
شريكبروشات الثانية (324 قبل لميلاد–323 قبل لميلاد), لموت
ستاتيرا الثانية (324 قبل لميلاد–323 قبل لميلاد), لموت
روكسانا (328 قبل لميلاد–323 قبل لميلاد), لموت
لولادالإسكندر الرابع المقدوني
هرقل المقدوني
لمحيطEurydice I of Macedon (جدَّة لأب)
أمينتاس الثالث المقدوني (جدٌّ لأب)
Neoptolemus I of Epirus (جدٌّ لأم)
معلومات خرى
دينالدين في اليونان القديمة و أساطير إغريقية
تأتر بأرسطو
لعسكر
لڭرادرئيس أركان
لحروبحروب الإسكندر الأكبر
Find a Grave: 8246022 Modifica els identificadors a Wikidata


أليكساندر التالت لمقدوني (مزيود ف 20 ولا 21 يوليوز 356 ق.م، توفى ف 10 ولا 11 يونيو 323 ق.م) لمعروف ب أليكساندر لكبير ؤلا أليكساندر لعضيم كان ماليك ديال لمملكة ليونانية لقديمة د مقدونيا. أليكساندر خدا لحكم مور بّاه لماليك فيليپوص التاني لمقدوني ف 336 قبل لميلاد، على عمر د 20 عام، و دوّز أغلبية د لحكم ديالو ف حملات عسكارية ف غرب أسيا، أسيا لوسطانية، جنوب أسيا، و ف مصر. ملي كان ف عمرو 30 عام، كان أسس وحدة من أكبر لإمبراطوريات ف التاريخ لي كانت شادّة من ليونان تال الشمال لغربي ديال لهند.[1] أليكساندر لكبير ماعمّرو خسر شي حرب ولّا معراكة، و كيتّعتابر بشكل عام من أعضم لقادا لعسكاريين لي دازو ف التاريخ.[2]

أليكساندر قرا على يد لفيلسوف ليوناني أرسطو تال فاش كان عمرو 16 عام. ف 335 ق.م، شوية مورما شد لحكم، دار حملة ف لبلقان، و سيطر على طراكيا و إليريا، قبل مايمشي ل طيبا و يدمّرها. موراها بدا أليكساندر كيخدم على لمشروع ديال بّاه ب السيطرة على جميع لمناطق الناطقة ب ليونانية، و قاد لحملة ليونانية ضد لفارسيين.[3][4]

ف 334 ق.م غزا لإمبراطورية لأخمينية ف بلاد فارس، و بدا سلسلة د لحملات لعسكارية لي دامت 10 سنين، و قضى فيها على لأخمينيين و حيّد الشاه داريوش التالت من لحكم، بعدما سيطر على بلاد فارس و لمناطق لي تابعة ليها بشكل كامل. أليكساندر كان كيسعى باش يوصل "تال اللخر د لأرض و لمحيط لي ضاير بيها". ف 326 ق.م غزا لهند، و قدر يغلب لماليك ديال پونجاب پوروس ف معراكة هيداسپيص Hydaspes. بسباب الطلب ديال لعساكريا ديالو لي توحّشو لوطن ديالهوم، قرر باش يرجع ف 323 ق.م و مات ف الطريق ف مدينة بابل (دابا ف لعراق) لي كان باغي يردّها لعاصمة ديال لإمبراطورية ديالو. لموت ديالو خلّات مجموعة د لحملات لعسكارية معلّقة، بحال لحملة لي كان باغي يسيطر بيها على لݣزيرة لعربية. سنوات موراها تقسّمات لإمبراطورية ديالو بعدما ناضو حروب أهلية ف مقدونيا.

التوارخيا كيعتابرو لموت ديالو هوّ لبدية ديال لفترة لهيلينية لي جات مورا لفترة ليونانية لكلاسيكية. التأتير ديال لغزو د أليكساندر لكبير كانلقاوه ف لإنتشار ديال التقافة ليونانية لقديمة ف مناطق كبيرة ف ؤروپا، أسيا و إفريقيا، و السينكريتيزم (الدمج بين لأديان)، لي عطا حاراكات دينية و تقافية بحال لبودية ليونانية و ليهودية ليونانية. أليكساندر أسس كتر من 20 مدينة منها مدينة لإسكندرية ف مصر. التأتير ديال التقافة و لفكر ليوناني داز ل لإمبراطورية الرومانية لي نشراتو ف مناطق خرين ف ؤروپا و شمال إفريقيا، و هاد التأتير ستامر ف التقافة لغربية لعصرية. ليونانية لبالية ولات اللوغة د التواصل ف بزاف د لمناطق لي سيطر عليها أليكساندر، و بسباب هادشي غادي تكون هيّ اللوغة الرسمية ديال لإمبراطورية لبيزنطية تال لقرن 15. أليكساندر لكبير دخل ل لمخيّلة التقافية و الشعبية كا بطل أسطوري سوا عند الناطقين ب ليونانية ؤلا غيرهوم، و تقدر تكون الشخصية ديال ذو لقرنين ف لإسلام مبنية على أليكساندر لكبير. النجاحات لعسكارية لكبيرة ديالو خلاتو يكون معيار باش الجينيرالات و لقادا لعسكاريين كيقارنو راسهوم من داك لوقت، و الطاكتيكات ديالو باقين كيتقرّاو ف لأكاديميات لعسكارية تال ليوم.[5] لأساطير على أليكساندر تجمعو ف لقرن 3 ف رواية قصة أليكساندر لي تطرجم تقريباً ل جميع اللوغات لؤروپية و بزاف د اللوغات ف لعالم لإسلامي، و كان هوّ تاني أكتر كتاب ف شعبيّتو ف ؤروپا من مور لإنجيل.[6]

مصادر

[بدل | بدل لكود]
  1. ↑ Bloom, Jonathan M.; Blair, Sheila S. (2009) The Grove Encyclopedia of Islamic Art and Architecture: Mosul to Zirid, Volume 3. (Oxford University Press Incorporated, 2009), 385; "[Khojand, Tajikistan]; As the easternmost outpost of the empire of Alexander the Great, the city was renamed Alexandria Eschate ("furthest Alexandria") in 329 BCE."
  2. ↑ "Alexander the Great's Achievements". Britannica. Archived from the original on 2 يوليوز 2021. Retrieved 19 غشت 2021.
  3. ↑ Burger, Michael (2008). The Shaping of Western Civilization: From Antiquity to the Enlightenment. University of Toronto Press. p. 76. ISBN 978-1-55111-432-3.
  4. ↑ Heckel & Tritle 2009, p. 99.
  5. ↑ Yenne 2010, p. viii.
  6. ↑ Mínguez Cornelles, Víctor; Rodríguez Moya, Inmaculada (2024). The visual legacy of Alexander the Great from the Renaissance to the age of revolution. Routledge research in art history. New York London: Routledge, Taylor & Francis Group. p. 22. ISBN 978-1-032-54990-3.
  7. Aelian, "7", Varia Historia, vol. XII
  8. Arrian 1976, III, 16
  9. Oldach, DW; Richard, RE; Borza, EN; Benitez, RM (June 1998). "A mysterious death". N. Engl. J. Med. 338 (24): 1764–69. doi:10.1056/NEJM199806113382411. PMID 9625631.
  10. Ashrafian, H (2004). "The death of Alexander the Great – a spinal twist of fate". J Hist Neurosci. 13 (2): 138–42. doi:10.1080/0964704049052157. PMID 15370319. S2CID 36601180.
  11. Arrian 1976, VI, 27
  12. Arrian 1976, II, 29
  13. Arrian 1976, VII, 11
  14. Arrian 1976, VII, 14
  15. Arrian 1976, VII, 19
  16. Arrian 1976, VII, 27
  17. Arrian 1976, VII, 29
  18. Arrian 1976, VII, 4
  19. Depuydt, L. "The Time of Death of Alexander the Great: 11 June 323 BC, ca. 4:00–5:00 pm". Die Welt des Orients. 28: 117–35.
  20. Diodorus Siculus 1989, XVI, 86
  21. Diodorus Siculus 1989, XVII, 77
  22. Diodorus Siculus 1989, XVII, 114
  23. Diodorus Siculus 1989, XVII, 117
  24. Diodorus Siculus 1989, XVII, 118
  25. Diodorus Siculus 1989, XVIII, 4
  26. Arrian 1976, I, 1
  27. Plutarch 1919, XXVII, 1
  28. Plutarch 1919, LXXII, 1
  29. Plutarch 1919, LXXV, 1
  30. Plutarch 1919, III, 2
  31. Plutarch 1919, IX, IV
  32. Plutarch 1919, IV, 4
  33. Plutarch 1919, V, 2
  34. Plutarch 1919, VI, 5
  35. Plutarch 1919, VII, 1
  36. Plutarch 1919, VIII, 1
  37. Plutarch 1919, IX, 1
  38. Plutarch 1919, LXII, 1
  39. Plutarch 1919, LXVI, 1
  40. Plutarch 1919, LXXVII, 1
  41. Plutarch 1919, LXV, 1
  42. Plutarch 1919, XI, 2
  43. Marr, John S; Calisher, Charles H (2003). "Alexander the Great and West Nile Virus Encephalitis". Emerging Infectious Diseases. 9 (12): 1599–1603. doi:10.3201/eid0912.030288. PMC 3034319. PMID 14725285.
  44. Kosmetatou, Elizabeth (1998). "The Location of the Tomb: Facts and Speculation". Greece.org. Archived from the original on 31 ماي 2004. Retrieved 16 دجنبر 2011.
  45. Kosmetatou, Elizabeth (1998). "The Aftermath: The Burial of Alexander the Great". Greece.org. Archived from the original on 27 غشت 2004. Retrieved 16 دجنبر 2011.
    مرجّعة من "https://ary.wikipedia.org/w/index.php?title=أليكساندر_لكبير&oldid=448898"