انتقل إلى المحتوى

الإبادة الجماعية ديال غزة

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
مقالة ما مصنفاش. هاد لمقالة ما مصنّفاش، حاول تزيد شي تصنيفات كاتناسب معاها و ماتنساش تزول هاد لقالب من بعد ما تصنّفها.
الإبادة الجماعية ديال غزة
لفلسطينيين مع لكياس د لجتت، قطاع غزة، أكتوبر 2023.
لفلسطينيين مع لكياس د لجتت، قطاع غزة، أكتوبر 2023.
معلومات أساسية
نوع د لمطايفةإبادة جماعية و أزمة إنسانية
طرف منلمطايفة د غزة و إسرائيل د أكتوبر 2023
لبلدان لمعنيةدولة فلسطين، الأراضي التي تحتلها إسرائيل و إسرائيل والأراضي المحتلة
لموضعقطاع غزة
تاريخ د لبدية7 أكتوبر 2023
عاداد ضّحايا64,260
معلومات إضافية
عواملالأزمة الإنسانية في غزة 2023 و صهيونية
مزاوددعوى جنوب إفريقيا على إسرائيل
←
→


لإبادة لجماعية ديال غزة هي تّدمير و ليستيهداف لممنهج و لمتعمد و لمستمر ل شّعب لفلسطيني ف قطاع غزة، و لي كاديرو إسرائيل ف لحرب د غزة. و هاد لإبادة فيها عمليات د لقتل لجماعي، و تّجويع لمتعمد، و ضّرر لجسدي و نّفسي ب سّكان، و لمنع د لإنجاب. و فيها تا لحصار، و تدمير لبنية تّحتية لمدنية، و تدمير لمرافق صّحية، و لقتيل د لخدامين ف مجال رّعاية صّحية و طالبي لإغاثة، و التسبب ف نزوح قسري جماعي، و عتداءات جنسية، و تدمير لمواقع تّعليمية و دّينية و تّقافية.[1][2][3][4][5][6][7]

رفعات لحكومة د جنوب إفريقيا دعوة ضد إسرائيل ف محكمة لعدل دّولية، ب تهمة لإبادة لجماعية. و ف واحد لحكم مؤقت، لقات محكمة لعدل دّولية بلي كاينين شكوك معقولة بلي إسرائيل ناوية دير أعمال د لإبادة لجماعية، و عطات أوامر ل إسرائيل باش تحترم لالتزامات ديالها على حساب تيفاقية لإبادة لجماعية، و تاخد كاع لإجراءات لي ف جهدها باش تمنع هاد لأعمال، و تعاقب على تّحريض على لإبادة لجماعية، و تخلي لخدمات لإنسانية لأساسية تدخل ل غزة.[8][9][10] رفضات لحكومة لإسرائيلية لقرار د لمحكمة، و تهمات محكمة لعدل دّولية بمعاداة سامية.

مع لّخر د أكتوبر/2025 قتلات لقوات لإسرائيلية كتر من 80 ألف فلسطيني – واحد من كل 75 واحد ف غزة – ب معدل 195 قتيل ف نّهار. أغلبية د ضّحايا كانو من لمدنيين، من بينهم كتر من 25000 مرا و دري صغير، و تقريباً 122 صحافي. و باقين آلاف د لجتت لخرين تحت لأنقاض د لبني لي راب. و ف أكتوبر/2025، تقتلو 723 من لخدامين ف مجال رّعاية صّحية ف غزة.


ضّحايا

[بدل | بدل لكود]
لكياس د لجتت لمحروقة و لمقطعة د ضحايا مجزرة مدرسة تّابعين

أعمال لإبادة لجماعية

[بدل | بدل لكود]
سيارة د لإسعاف تابعة ل جمعية لهلال لحمر لفلسطيني ف خان يونس ف قطاع غزة، مورا ما تضررات بزاف بسباب غارة جوية إسرائيلية.
تصويرة د رضيع تقتل بسباب غارة جوية إسرائيلية على مخيم النصيرات ف قطاع غزة.

من 7 أكتوبر 2023، تّتاهم لجيش لإسرائيلي ب ليِعتقال و لحتجاز لجماعي لعشوائي؛[11][12] لقتيل برا د لقانون ل لمعتقلين لفلسطينيين لعزل،[13][14] لأطبا،[15] و لعمال؛ تّهديد ب تّشويه،[16] و لموت، و لحريق ب لعماد، و ليغتيصاب؛[17] و تّعذيب د لفلسطينيين لمعتقلين بلا تهم قانونية.[18] و تتاهمات تا ب ستيعمال لقوة لمفرطة ضد عشرات لمدارس[19] و سبيطارات؛[20] شّفرة؛[21] تّدنيس و تّشويه لقاصح و لي ماشي ضروري ل لفلسطينيين لي ميتين؛[15] و بلي ماكاتفرّقش مابين لقوات د حماس و لمدنيين، ولا ماكاتفرّقش ب شكل كافي.[22][23] و تّشار تا ل بلي ليستيهداف و تّدامير د بزاف د لمواقع تّقافية و تّعليمية كايتعتابر أعمال د لإبادة لجماعية.[24] و تّسلط ضّو على ستيعمال لأسلحة ماشي تّقليدية بحال لفسفور لبيضموضيل:ملا على أساس بلي هادا عمل من أعمال لإبادة لجماعية.[24] و ف وسط لمدابزة، دارت لقناة 14 إحصاء ل كاع لقتلى لفلسطينيين، و وصفات ݣاع ضّحايا لفلسطينيين بلي راهم إرهابيين،[25] ف لوقت لي شمعون ريكلين، صحافي و مذيع ف لقناة 14، دعا إسرائيل عين باين باش تدير كتر من جرائم لحرب.[25][26]

ف نونبر 2023، فصّل لمؤرخ لإسرائيلي راز سيݣال لي قاري تّاريخ د لإبادة لجماعية د ليهود ف ؤروپا، تلاتة د لأعمال لي كان كايديرها لجيش لإسرائيلي و كانت ف طبيعتها إبادة جماعية: أعمال د لقتيل، و ضّرر لجسدي لخطير، و حطان و تنفيذ إجراءات مديورة ب طريقة ستراتيجية باش تدمر لوجود لفلسطيني. و كا دليل على هادشي، كايتّاهم سيݣال لجيش لإسرائيلي بلي دخل ف حرب شاملة فاش دمر مساحات كبيرة من غزة و فرض حصار قاصح على سّلع لأساسية.[27]

ف 26 فبراير 2024، خرّجات هيومن رايتس ووتش و منظمة العفو الدولية بيانات علنو فيها بلي إسرائيل فشلات باش تطبق لحكم د محكمة لعدل دّولية لي خرج ف 26 يناير باش تمنع لإبادة لجماعية حيت منعات لمساعدات باش تدخل ل غزة.[28][29][30] لبيانات بجوج كايشيرو ل لحصار لي مفروض على غزة هادي 16 عام[28][29] و لي تزير كتر من 9 أكتوبر.[31] و وصل واحد تّقرير خرج من منظمة لّاجئين دّولية بلي إسرائيل "حبسات ب شكل مستمر و بلا ساس لعمليات د لمساعدة لداخل د غزة".[32] كتقول لمؤرخة ميلاني تانييليان بلي لموت ب جّوع و لمجاعة و لحصار خاصهم يكونو ف لمقدمة كا أساليب د لإبادة لجماعية لپلاصة ل لقصف لجماعي. و هي كأشير ل نّداء د ديرك موزس باش ما يتجاهلوش شكال د لعنف لي ماكاتيرش لإنتباه ف تدمير سّكان،[33] و كاتسلط ضّو على بزاف د عمليات لإبادة لجماعية لخرين لي تخدّمات فيهم لمجاعة و جّوع كا وسيلة ل تّدامير.[34]

ف أكتوبر 2023، حدر برنامج الأغذية العالمي من نّقصان د لإمدادات لغدائية ف غزة،[35] و ف دجنبر، ب لموازاة مع لأمم لمتحدة، ݣال بلي كتر من نّص د سكان غزة "كايموتو ب جّوع"، و بلي كتر من تسعود على عشرة ماكاياكلوش كل نهار. و 48 ف لمية كايعانيو من "جّوع شّديد".[36][37][38] و ݣال وزير لخارجية لفلسطيني رياض المالكي، ف لجلسة د مجلس حقوق لإنسان ب مناسبة دوزان 75 عام على خروج لإعلان د لأمم لمتحدة ل حقوق لإنسان، بلي ليجتماع: "كايجي ف نفس لوقت مع لمعاناة د مايقلش على مليون فلسطيني ف قطاع غزة، نّص ديالهم دراري صغار، من جّوع بسباب ستيعمال إسرائيل لمتعمد ل تّجويع كا سلاح د لحرب ضد شّعب لي محتلاه".[39] و وصف مسؤول إسرائيلي تّهمة بلي راها "تشهير ب دّم" و "وهمية".[40] و ف دجنبر 2023، لقات هيومن رايتس ووتش تا هي بلي إسرائيل كاتخدم لمجاعة كا سلاح حرب ملي كتحرمهم ب لعماد باش يوصلو ل لماكلة و لما.[41] ف 16 يناير 2024، تاهمو خبراء د لأمم لمتحدة إسرائيل بـ "تدمير نّظام لغدائي ف غزة و ستيعمال لماكلة كا سلاح ضد شّعب لفلسطيني".[42]

و ݣال أستاذ لقانون و مقرر لأمم لمتحدة لخاص ب لحق ف لغداء، مايكل فخري، بلي إسرائيل "مذنبة" ب جّريمة د لإبادة لجماعية حيت "إسرائيل علنات على نيتها باش تدمر شّعب لفلسطيني، كليا ولا جزئيا، غير حيت هو فلسطيني". و حيت إسرائيل كانت كتحرم لفلسطينيين من لماكلة ملي كاتحبس لمساعدات لإنسانية و كتدمر "ب لعماد" "فلايك صّيد صّغيرة و لبيوت لپلاستيكية و لبساتين ف غزة... عمرنا شفنا سكان مدنيين كايتفرضا عليهم جّوع ب هاد زّربة و ب هاد زّربة لكاملة، و هادا هو لإجماع مابين لخبراء د لمجاعة، ف إسرائيل ماشي غير كاستهدف لمدنيين بوحدهم، ولكن كتحاول تدمر لمستقبل د شّعب لفلسطيني ملي كتأذي ولادهم.[43] من ملي خرج لحكم د محكمة لعدل دّولية، طاح لعدد د كاميوات لمساعدات لي كاتخلي إسرائيل تدخل ل غزة ب نسبة 40%.[44] و ف واحد سّونداج دارو لمعهد لإسرائيلي ل دّيموقراطية على 510 مواطن إسرائيلي ف لبداية د فبراير، أيدو 68% من لمشاركين لقرار باش يتمنعو كاع لمساعدات دّولية تدخل ل غزة.[45]

ف واحد لمقابلة مع تلفزيون سفيريجيس، ݣال صّحافي و لمؤلف لإسرائيلي جدعون ليفي، لي كتب على سياسة ليستيطان لإسرائيلية ل جورنال هآرتس لمدة 35 عام، على لخدمة ديالو كا مراسل ف فلسطين: "أنا كانصفر ف ضّلام ف إسرائيل، تا واحد ماباغي يسمع ولا يقرا، ولكن ماكانقدرش نتبدل، ب لعكس د لإسرائيليين لخرين، كنشوف ب عيني شنو كانديرو حيت كنغطي لحتلال هادي تقريباً 35 عام". لقضية كاتعلق غير ب لجنود، و شّجاعة ديالهم، و رّهاين، و لعائلات ديالهم، و لجنود لي طاحو موجودين، و يلا زعمات و بينتي تّعاطف ديالك مع هادوك لي كايعانيو ف غزة، كايعتابروك خاين".[46]

مارك ليفين و إليز سيمردجيان حددو دّمار شّامل ل لبنية تّحتية ف إطار استراتيجية الضاحية لي طبقاتها إسرائيل ضد غزة من عام 2006، فين وصفها ليفين بلي هي إبادة حضرية و أداة ل لإبادة لجماعية.[47][48]

فيديو كايبين ليستيهداف د قوات لحتلال لإسرائيلي ل مجموعة د لمدنيين ف 19 غشت 2024.

ف مقالات تّنشرات ف نونبر ف مجلة لانسيت، و ف فبراير 2024 ف مجلة BMJ Global Health، شرحو بزاف د لأطبا ب تّفصيل كيفاش بلي ليستيهداف د لبنية تّحتية صّحية و لخدامين ف لقطاع طّبي ف غزة، مع لخطاب لعلني د سياسيين لإسرائيليين على لإبادة لجماعية، كايوصل، على حساب رّأي لمهني ديالهم، ل لمستوى د لإبادة لجماعية.[49][50][51] و تا لعولاما د لقانون أيدو هاد تّقييم.[52] نظام رّعاية صّحية ف غزة واجه بزاف د لأزمات لإنسانية بسباب لهجوم لإسرائيلي: سبيطارات واجهو نقص ف لمازوت[53] و بداو كيسدو لبيبان ديالهم ف 23 أكتوبر بسباب تّقاضي د لمازوت.[54] ملي تقطع ضّو على سبيطارات ف مرة، ماتو بزاف د دراري خّدج ف لوحدات د لعناية لمركزة د لمزيودين جداد.[55][56][57] و قتلات لغارات لجّوية لإسرائيلية بزاف من طّواقم طّبية، و تدمرات سيارات لإسعاف و لمؤسسات صّحية و لمقرات طّبية و سبيطارات. و ݣالت تّقارير بلي لعشرات د سيارات لإسعاف و لمرافق طّبية تضررو ولا تدمرو،[58][59] و هادشي شمل تا لوفيات د طاقم لخدمة.[60] و ف لّخر د أكتوبر، ݣالت وزارة صّحة ف غزة بلي نظام رّعاية صّحية "طاح ف مرة".[61]

ف 11 مارس 2024، سنيات 12 منظمة إسرائيلية ل حقوق لإنسان على رسالة مفتوحة كاتاهمو فيها إسرائيل بلي ما تلتزماتش ب لحكم د محكمة لعدل دّولية باش تمنع لإبادة لجماعية ملي ماسهلاتش لوصول د لمساعدات لإنسانية.[32][62]

وجّدات لخبيرة د حقوق لإنسان لي تابعة ل لأمم لمتحدة فرانشيسكا ألبانيز واحد تّقرير ل لأمم لمتحدة ݣالت فيه بلي كاينين "أسباب معقولة باش نعتاقدو" بلي إسرائيل كادير إبادة جماعية ف غزة، و طالبت باش يتفرض حظر عالمي على لأسلحة على هاد لأساس.[63] و ݣالت بلي أعمال لإبادة لجماعية شملات "لقتيل د أعضاء لجماعة؛ و ضّرر لجسدي ولا لعقلي لخطير ل لأفراد د لجماعة؛ و إخضاع لجماعة ب لعماد ل ضروف معيشية لهدف ديالها تدميرها لجسدي كلياً ولا جزئياً"،[64] و أكّدات بلي 70% من لقتلى كانو عيالات و دراري صغار، و بلي إسرائيل فشلات باش تتبت بلي 30% د رّجال لبالغين كانو من لمقاتلين د حماس.[65]

و ف لّخر د مارس، ݣالت تّقارير بلي إسرائيل حددات "مناطق د لقتيل" ممعروفاش ف غزة، فين غايتيريو على أي مدني غير يشوفوه.[66]

و ف أبريل، ݣال تلالينج موفوكينج، مقرر لأمم لمتحدة لخاص لي مكلف ب لحق ف صّحة، بلي "تدمير مرافق رّعاية صّحية باقي كايتزاد ل أبعاد لي باقة ماتقاساتش ب شكل كامل". و ݣالت موفوكينج بلي إسرائيل ما جاوباتش على لمخاوف لي بيّناتها ب خصوص لوضعية، و بلي ما قدراتش تزور لأراضي لفلسطينية ولا إسرائيل. ولكن ݣالت بلي من لباين بلي إسرائيل "كاتقتل و كاتسبب ف ضرر مايمكنش يتصلح ضد لمدنيين لفلسطينيين ب لقصف ديالها"، و زادت ݣالت بلي "هما تا كايفرضو ب لعلم و لقصد لمجاعة و سوء تّغدية و جّفاف ل فترات طويلة" و كايتاهمو إسرائيل ب لّي دارت "إبادة جماعية". و ݣال موفوكينج بلي لوضعية لحالية ف غزة "كاتعارض ف مرة مع لحق ف صّحة".[67]

تصريحات د لمنظمات سّياسية و لحكومات

[بدل | بدل لكود]

زعماء د لعالم و لحكومات ديالو

[بدل | بدل لكود]

ف لّخر د عام 2023، بيّنو بزاف د لقادة و لمسؤولين لعالميين لوجهات د نّضر ديالهم على صّراع مابين إسرائيل و غزة، و وصفو بزاف منهم تصرفات إسرائيل ف غزة بلي راها إبادة جماعية. وزير لخارجية لإيراني حسين أمير عبد اللهيان،[68] وزير لخارجية لباكستاني جليل عباس جيلاني،[69] طالبان،[70][71] رّئيس لفلسطيني محمود عباس،[72] رّئيس لڤينيزويلي نيكولاس مادورو،[73] و تيحاد مجتمعات كوردستان و كان ليتيحاد من بين لي أدان تصرفات إسرائيل.[74][75]موضيل:ملا نهار مورا ما سحبات كولومبيا سّفير ديالها من إسرائيل، نشر رّئيس غوستافو بيترو ف موقع إكس ب سّبليونية: "هادي سميتها إبادة جماعية، راهم كايديرو هادشي باش يخرجو شّعب لفلسطيني من غزة و يسيطرو عليها. رئيس دّولة و لي كاينفد هاد لإبادة لجماعية مجرم ضد لإنسانية، و حلفاؤهم مايمكنش ليهم يهدرو على دّيموقراطية".[76][77] و تا زّعماء من تركيا،[78] و لبريزيل،[79] و سوريا أدانوا تصرفات إسرائيل.[80]

ف يناير 2024، وصف رئيس ناميبيا هاكه جينݣوب تصرفات إسرائيل ف غزة بلي راها "إبادة جماعية و بشعة" و نتاقد بزاف لقرار د ألمانيا باش تدعم إسرائيل ف لقضية د جنوب إفريقيا ضد إسرائيل، و ݣال بلي ألمانيا "ماعندهاش لقدرة باش تاخد دّروس من تّاريخ لمخيف ديالها". بما فيها لإبادة لجماعية د هيريرو و ناما ف لجنوب لغربي د إفريقيا لألمانية.[81]

ف 9 فبراير 2024، ݣال وزير لخارجية تّركي هاكان فيدان بلي سّكات د لمجتمع دّولي على تصرفات إسرائيل ف غزة راه "تواطؤ ف لإبادة لجماعية".[82] و طلبات وزارة لخارجية لقطرية من مجلس لأمن دّولي باش "يتحرك دغيا باش يمنع قوات لحتلال لإسرائيلي من الجتياح د رفح و باش مايديروش جرائم إبادة جماعية ف" رفح.[83] و ف 17 فبراير، ݣال رئيس مفوضية ليتيحاد لإفريقي موسى فكي: "إن غزة كاتبُاد ف مرة و شعبها كايتحرم من ݣاع حقوقو. و حنا كاندينو لعملية لإسرائيلية لي ماعندهاش بحال ف تّاريخ د لإنسانية".[84] ف 18 فبراير، ݣال رّئيس لبريزيلي لويس إيناسيو لولا دا سيلڤا: "داكشي لي كايوقع ف قطاع غزة معا شّعب لفلسطيني ما عمرو وقع ف شي مرحلة خرة ف تّاريخ. ف لواقع، ديجا وقع ملي قرر هيتلر يقتل ليهود."[85][86][87] و تا لولا وصف نياشن لأحدات ف غزة بلي راها إبادة جماعية، و ماشي حرب.[85]

ف 29 فبراير 2024، علن رّئيس لكولومبي غوستافو پيترو بلي بلادو غاتحبس ماتستورد لأسلحة لإسرائيلية مورا مجزرة طّحين و وصف لمعاملة د إسرائيل ل لفلسطينيين بلي هي إبادة جماعية.[88] ف مارس 2024، ݣال جوزيپ بوريل، كبير دّيپلوماسيين ف ليتيحاد لؤروپي، ل وزير لخارجية لميريكاني: "إن لبقاء د سّكان ف غزة ف خطر ليوم".[89]

ف 18 مارس 2024، طلبات لحكومة د قيرغيزستان من إسرائيل و لولايات لمتحدة يحبسو "لجنون و لإبادة لجماعية" ف غزة.[90] و ف 26 مارس، ݣال ممتل پاكستان ف منظمة لمؤتمر لإسلامي بلي رّغبة د إسرائيل ف "لوصول ل حل نهائي ل لقضية لفلسطينية باين قدام كولشي، حيت لقوات ديالها ضايرة ب رفح بحال نّسور و مستامرة ف سيطرة على لأراضي ب شكل مفترس و بلا رحمة".[91] و ف ماي 2024، طلبات منظمة التعاون الإسلامي من دّول لأعضاء باش يحبسو "تصدير لأسلحة و دّخيرة لي كايستعملها لجيش ديالها باش يدير جريمة لإبادة لجماعية ف غزة".[92] و ݣال رئيس جنوب إفريقيا سيريل رامافوزا: "لحقيقة د بلي لوفيات د لفلسطينيين ماشي غير بسباب لقصف و لهجومات لبرية، ولكن تا بسباب لأمراض و جّوع، كاتبين بلي كاين حتياج ل حماية لحق ديالهم ف لحياة".[93][94] ف 31 مارس 2024، ݣال رّئيس لكوبي ميݣيل دياز كانيل: "كوبا كطالب ب وقيف لإبادة لجماعية دابا".[95]

ف ماي 2024، وصفات مارݣريتا روپليس، وزيرة دّفاع سّبليونية، لحرب لإسرائيلية بلي راها "إبادة جماعية حقيقية".[96]

ف شي مقطتفات تنشرات من كتاب ديالو ف نونبر 2024، طلب لباپا فرنسيس من لمجتمع دّولي باش يدير تحقيق واش لهجومات لإسرائيلية على غزة كاتعتابر إبادة جماعية.[97]

لموظفين لمدنيين و لممتلين لمنتخبين

[بدل | بدل لكود]
فلسطينيين تحت لأنقاض مورا غارة جوية إسرائيلية على ديور ف قطاع غزة.

ف 2 فبراير 2024، ݣالو بلي كتر من 800 موظف حكومي من لولايات لمتحدة و لمملكة لمتحدة و ليتيحاد لؤروپي، بما فيهم بزاف د كبار لمسؤولين، سنيو على رسالة مفتوحة كينتاقدو فيها "دّعم لعام و دّيپلوماسي و لعسكري" لي كايعطيوه لحكومات ديالهم ل إسرائيل. "لي كايتعطى بلا شروط حقيقية ولا محاسبة"، و حدرو من بلي سياسات د حكوماتهم ب خصوص غزة "كاتساهم ف لنتيهاكات لخطيرة ل لقانون دّولي، و جرائم لحرب، و تا تّطهير لعرقي ولا لإبادة لجماعية".[98][99][100]

ف 5 أبريل 2024، ولات إليزابيث وارن أول سيناتور من لولايات لمتحدة، لحليف لعسكري لأقرب ل إسرائيل،[101][102] كتقول علناً بلي لهجوم على غزة غايتحكم عليه قانونياً بلي راه إبادة جماعية.[103][104] و على حساب لمكتب ديالها، كانت وارن كاتعبر على تحليل قانوني و ماشي وجهة نّضر شّخصية ديالها.[105] و ݣالت نّائبة لميريكانية إلهان عمر بلي خايفة تكون لحكومة د لولايات لمتحدة و لمواطنين ديالها "متواطئين ف لإبادة لجماعية".[106] ف ماي 2024، ولات سّيناتور فاطمة پيمان أول عضو ف حزب العمال الأسترالي كتوصف تصرفات إسرائيل بلي هي إبادة جماعية، و ݣالت: "هادي إبادة جماعية و خاصنا نحبسو مانمثلو ب لعكس דالك".[107]

لمنظمات ماشي لحكومية و لمنظمات لحكومية دّولية

[بدل | بدل لكود]
مع عقارب سّاعة من لفوق:
  • منضر جوي كايبين دّمار ف رفح مورا لانسحاب د لقوات لإسرائيلية و ملي بدا سريان د وقيف قرطاس، قطاع غزة.
  • أضرار مورا غارة جوية إسرائيلية على منطقة رّملة ف مدينة غزة، 9 أكتوبر 2023.
  • طلوع د دّخان و لعافية مورا ما قصفات لقوات لإسرائيلية برج عالي ف مدينة غزة.

مورا ما بدات إسرائيل لعملية لعسكرية ديالها ف غزة، خرّجو كلا من مرصد لإبادة لجماعية و معهد ليمكين ل منع لإبادة لجماعية بيانات كيحدرو فيها من لخطر د لإبادة لجماعية لي قريب يوقع.[108][109] و ف دجنبر، ݣال معهد ليمكين بلي كايعتابر تصرفات إسرائيل لمستامرة فمقام إبادة جماعية.[110]

ف 1 نونبر، تهمات الحركة الدولية للدفاع عن الأطفال (DCI) لولايات لمتحدة ب تّواطؤ ف "جريمة لإبادة لجماعية" لي كاديرها إسرائيل.[111] ف 11 مارس 2024، هضرات لحركة على لمجاعة ف قطاع غزة ب لقول: "إن تجويع دراري صغار هو صّيفة لمميزة ل لإبادة لجماعية و خيار سياسي متعمد من إسرائيل، ب دعم من لإدارة د بايدن".[112]

ف 2 نونبر 2023، كتبات مجموعة من لمقررين لخاصين ل لأمم لمتحدة: "مازال مقتانعين بلي شّعب لفلسطيني معرض ل خطر لإبادة لجماعية."[113][114] ف 4 نونبر، ݣال مقرر لأمم لمتحدة لخاص ب لحق ف لما و خدمات صّرف صّحي بيدرو أروجو بلي بناءً على لمادة 7 من نظام روما لأساسي ل لمحكمة لجنائية دّولية، لي كايعتابر "لحرمان من لصول على لماكلة ولا دّوا، من بين حوايج خرين" شكل من شكال لإبادة، "تا يلا ماكانتش كاينا نية واضحة، كاتبين لبيانات بلي لحرب غادية جيهت لإبادة لجماعية".[115] رفعات تلاتة د لمجموعات حقوقية فلسطينية، مؤسسة الحق و لميزان، و المركز الفلسطيني لحقوق الإنسان دعوة قانونية قدام لمحكمة لجنائية دّولية باش تشجعها تدير تحقيق مع إسرائيل ب تهمة لفصل لعنصري و لإبادة لجماعية و تخرج أوامر ب ليِعتقال ل لقادة لإسرائيليين.[116]

و ف 16 نونبر، ݣالت مجموعة من خبراء لأمم لمتحدة بلي كاينين "أدلة على تزيات تّحريض على لإبادة لجماعية" ضد لفلسطينيين.[117][118] و ݣال الصوت اليهودي من أجل السلام: "لقد علنات لحكومة لإسرائيلية حرب إبادة جماعية على شعب غزة. و حيت حنا منظمة خدامة من أجل مستقبل كايعيش فيه لفلسطينيين و لإسرائيليين و ݣاع نّاس ف لمساواة و لحرية، ف حنا كانطالبو من ݣاع صحاب ضّمائر باش يحبسو لإبادة لجماعية لي قريبة تدار ضد لفلسطينيين".[119] ف 13 دجنبر، ݣالت لفيديرالية دّولية ل حقوق لإنسان بلي ممارسات إسرائيل ضد شّعب لفلسطيني كتشكل إبادة جماعية دابا.[120]

و وتّق المرصد الأورومتوسطي لحقوق الإنسان أدلة على عمليات د لإعدام لي دارها لجيش لإسرائيلي.[121] و تّقدمات لأدلة و لوثائق ل المحكمة الجنائية الدولية و لمقرر لخاص د لأمم لمتحدة.[121]

رداً على تقرير تايمز أوف إسرائيل لي خرج ف 3 يناير 2024 و لي كايقول بلي لحكومة لإسرائيلية كادير مداكرات مع لحكومة لكونݣولية باش تستقبل لّاجئين لفلسطينيين من غزة،[122] ݣال لمقرر لخاص د لأمم لمتحدة بالاكريشنان راجاݣوپال: "إن نّقل لقسري ل سكان غزة راه عمل من أعمال لإبادة لجماعية".[123]

ف 9 فبراير، قبل لهجوم لعسكري لإسرائيلي لي علنو عليه على رفح، كتبات رئيسة منظمة العفو الدولية أنييس كالامار: "كتعاود منظمة لعفو دّولية تّأكيد بلي لفلسطينيين ف غزة معرضين بزاف ل خطر لإبادة لجماعية. و على لمجتمع دّولي لإلتيزام ب تّحرك باش يمنع لإبادة لجماعية".[124] ف 26 مارس، ݣالت كالامار بلي لمجتمع دّولي "خاصو يوفي ب ليلتيزامات ديالو على حساب تيفاقية لإبادة لجماعية و ياخد إجراءات ملموسة باش يحمي لفلسطينيين ف غزة ليوم".[125] و ف واحد لبيان ب مناسبة يوم لرض، كتب البرلمان العربي بلي إسرائيل "كاتهدف باش تدمر لهوية د شعب كامل".[126]

ف ماي 2024، ݣالت مقررة لأمم لمتحدة لخاصة ب لعنف ضد لمرا، ريم سّالم، بلي نّسا لفلسطينيات "كايعانيو من إبادة جماعية كاملة. و كايتبادو. و كاينين بلايص قليلة ف لعالم شفنا فيهم بحال هادشي".[127] دكر بالاكريشنان راجاݣوپال، لمقرر لخاص د لمفوضية سامية د لأمم لمتحدة ل شؤون لّاجئين لخاص ب سّكن لّائق، بلي تّدمير د إسرائيل ل غزة "كايشكل تا هو عمل من أعمال لإبادة لجماعية حيت لغرض من هاد تّدمير، لي فايت 70 تال 80 ف لمية ف ݣاع غزة، هو ترجع لبلاصة ما صالحاش ل سّكن ل سكان غزة".[128]

آثار الدمار في مدينة غزة داخل قطاع غزة خلال حرب غزة 2023-2025 30
تصويرة كتبين حجم دّمار ف غزة ف وقت لحرب، 3 يونيو 2024م.

ف 28 يوليوز 2025، نشرات منظمة بتسيلم لحقوقية لإسرائيلية تقرير ب عنوان إبادتنا، كيوصف هاد تّقرير لأفعال لإسرائيلية ف قطاع غزة بلي هي إبادة جماعية ف حق لفلسطينيين، و تهمات لمنظمة ؤروپا و لولايات لمتحدة ب لمشاركة ف ليمتيداد د هاد لإبادة لجماعية.[129]

ف 27 غشت 2025، صيفطو لموظفين د مكتب مفوض لأمم لمتحدة ل حقوق لإنسان رسالة ل لمفوض فولكر تورك، كايطالبوه فيها يوصف داكشي لي كايوقع ف غزة بلي هو إبادة جماعية، و كايعتابرو بلي لمعايير لقانونية د وصف لإبادة لجماعية تحققات. سنيات رّسالة لجنة من لموظفين ب نيابة على 500 موظف ف لأمم لمتحدة.[130]

لإجراءات لقانونية

[بدل | بدل لكود]

لمحكمة لجنائية دّولية

[بدل | بدل لكود]

و ف عام 2021، أكدات دّائرة تّمهيدية لّولة د لمحكمة لجنائية دّولية بلي لمحكمة عندها ختيصاص ف تّحقيقات ديالها ف فلسطين.[131] ف 12 أكتوبر 2023، أكد لمدعي لعام د لمحكمة لجنائية دّولية، كريم أحمد خان، بلي جرائم لحرب لي داروها مواطنين إسرائيليين ف غزة كاطيح ضمن نّطاق د تّحقيق.[132]

ف 21 نونبر 2024، خرّجات دّائرة تّمهيدية لّولة ف لمحكمة لجنائية دّولية أمر ب لقبض على كلا من رئيس لوزارا لإسرائيلي "بنيامين نتنياهو" و وزير دّفاع "يوآف ݣالانت" ب تهمة ديال جرائم حرب وجرائم ضد لإنسانية، ف لمدة مابين 8 أكتوبر 2023 تال 20 ماي 2024، يلا ما كانش قبل ولا مورا هاد جّوج تواريخ. لمحكمة ݣالت ف لقرار ديالها بلي "نتنياهو" و "ݣالانت" كايتحملو لمسؤولية لجنائية على جريمة لحرب لي كاتمتل ف تّجويع كا أسلوب

مصادر

[بدل | بدل لكود]
  1. ↑ "Is What's Happening in Gaza a Genocide? Experts Weigh In". web.archive.org. 2023-11-25. Archived from the original on 8 أكتوبر 2024. Retrieved 2024-04-17.{{cite web}}: CS1 maint: bot: original URL status unknown (link)
  2. ↑ Soni, S. (2023-12-20). "Gaza and international law: The global obligation to protect life and health". South African Journal of Bioethics and Law (ب الإنجليزية). 16 (3): 80–81. doi:10.7196/SAJBL.2023.v16i3.1764. ISSN 1999-7639. Archived from the original on 2024-04-17.
  3. ↑ "اتهمت إسرائيل بارتكاب إبادة في غزة.. من هي المسؤولة الأممية فرانشيسكا ألبانيز؟ | الحرة". www.alhurra.com (ب العربية). Archived from the original on 2024-04-17. Retrieved 2024-04-17.
  4. ↑ "ألبانيز: الكيان اقترف 3 جرائم إبادة في غزة ويقتل أكثر من 250 فلسطينياً كل يوم". الإذاعة الجزائرية (ب العربية). Archived from the original on 2024-04-17. Retrieved 2024-04-17.
  5. ↑ "مقررة خاصة أممية: هناك "أسباب معقولة" للاعتقاد بأن إسرائيل ترتكب "إبادة جماعية" في غزة". euronews (ب العربية). 2024-03-26. Archived from the original on 2024-04-17. Retrieved 2024-04-17.
  6. ↑ "مقررة أممية: الإبادة الجماعية في غزة تحدث بموافقة العالم". الجزيرة نت (ب العربية). Archived from the original on 2024-04-17. Retrieved 2024-04-17.
  7. ↑ "حرب غزة: تقرير أممي يتهم إسرائيل بارتكاب أعمال "إبادة جماعية"". BBC News عربي (ب العربية). 2024-03-27. Archived from the original on 2024-04-17. Retrieved 2024-04-17.
  8. ↑ "حرب غزة: ما الذي نعرفه عن مقاضاة جنوب إفريقيا لإسرائيل أمام محكمة العدل الدولية؟". BBC News عربي (ب العربية). 2024-01-10. Archived from the original on 2024-01-26. Retrieved 2024-04-17.
  9. ↑ بكر, عبد العزيز أبو. "هل تنجح جنوب إفريقيا في اتهام إسرائيل بارتكاب إبادة جماعية؟". الجزيرة نت (ب العربية). Archived from the original on 2024-02-10. Retrieved 2024-04-17.
  10. ↑ المرزوقي, د منصف. "لماذا شكوى جنوب إفريقيا ضد إسرائيل هي الأهم على الإطلاق؟". الجزيرة نت (ب العربية). Archived from the original on 2024-02-01. Retrieved 2024-04-17.
  11. ↑ "Israeli forces detain 20 Palestinians in occupied West Bank". Al Jazeera. 14 March 2024. Archived from the original on 14 March 2024.
  12. ↑ مؤسسة الحق (27 February 2024). Written statement* submitted by Al-Haq, Law in the Service of Man, a non-governmental organization in special consultative status (PDF) (Report). الأمم المتحدة. Archived from the original (PDF) on 2024-05-12.
  13. ↑ Debre, Isabel; Shurafa, Wafaa (14 December 2023). "Hungry, thirsty and humiliated: Israel's mass arrest campaign sows fear in northern Gaza". AP News (ب الإنجليزية). Archived from the original on 18 January 2024. Retrieved 2 February 2024.
  14. ↑ Frankel, Julia (15 December 2023). "Israeli military opens probe after videos show Israeli forces killing 2 Palestinians at close range". AP News (ب الإنجليزية). Archived from the original on 24 January 2024. Retrieved 2 February 2024.
  15. 1 2 Salman, Abeer; Khadder, Kareem (23 December 2023). "Doctors accuse Israeli troops of desecrating bodies and shooting civilians at hospital Israel says was Hamas 'command center'". سي إن إن (ب الإنجليزية). Archived from the original on 5 February 2024. Retrieved 2 February 2024.
  16. ↑ Berger, Miriam; Harb, Hajar (12 January 2024). "Gazan prisoners describe abuse at secretive Israeli detention sites". واشنطن بوست (ب American English). ISSN 0190-8286. Archived from the original on 6 February 2024. Retrieved 2 February 2024.
  17. ↑ Shawer, Mosab. "'Threatened with rape': Lama Khater recalls horrors while in Israeli jails". Al Jazeera (ب الإنجليزية). Archived from the original on 27 January 2024. Retrieved 2 February 2024.
  18. ↑ موضيل:استشهاد بهارفارد دون أقواس; موضيل:استشهاد بهارفارد دون أقواس; موضيل:استشهاد بهارفارد دون أقواس; موضيل:استشهاد بهارفارد دون أقواس
  19. ↑ "How Israel has destroyed Gaza's schools and universities". Al Jazeera (ب الإنجليزية). 24 January 2024. Archived from the original on 6 February 2024. Retrieved 2 February 2024.
  20. ↑ "Gaza: UN experts decry bombing of hospitals and schools as crimes against humanity, call for prevention of genocide". OHCHR. 2023. Archived from the original on 31 January 2024.
  21. ↑ Kottasová et al. 2023.
  22. ↑ Donmez, Beyza Binnur. "UN urges Israel to cease its 'collective punishment' of entire population of Gaza". وكالة الأناضول. Archived from the original on 2 February 2024. Retrieved 2 February 2024.
  23. ↑ "Israel's main objective is 'collective punishment'". Al Jazeera. 14 March 2024. Archived from the original on 14 March 2024.
  24. 1 2 Üngör 2024, p. 8.
  25. 1 2 Nechin, Etan (9 January 2024). "The far right infiltration of Israel's media is blinding the public to the truth about Gaza". الغارديان. Archived from the original on 10 January 2024. Retrieved 2 February 2024.
  26. ↑ Middle East Eye (18 December 2023). "Israeli journalist Shimon Riklin has stirred controversy and condemnation after supporting war crimes, stating his inability to sleep unless he sees homes in Gaza destroyed". Archived from the original on 2 February 2024. Retrieved 6 February 2024.
  27. ↑ Burga 2023.
  28. 1 2 "Israel Not Complying with World Court Order in Genocide Case". هيومن رايتس ووتش. 26 February 2024. Archived from the original on 27 February 2024.
  29. 1 2 "Israel defying ICJ ruling to prevent genocide by failing to allow adequate humanitarian aid to reach Gaza". منظمة العفو الدولية. 26 February 2024. Archived from the original on 27 February 2024.
  30. ↑ "Has Israel complied with ICJ order in Gaza genocide case?". Al Jazeera. 26 February 2024. Archived from the original on 5 March 2024.
  31. ↑ "Israel announces 'total' blockade on Gaza". Al Jazeera (ب الإنجليزية). 9 October 2023. Archived from the original on 9 October 2023. Retrieved 9 October 2023.
  32. 1 2 Johnson, Jake (11 March 2024). "Israeli Groups Slam Netanyahu Government for Flouting ICJ Ruling". Common Dreams. Archived from the original on 11 March 2024.
  33. ↑ Tanielian 2024, p. 2.
  34. ↑ Tanielian 2024, pp. 3–4.
  35. ↑ Tanielian 2024, pp. 6–7.
  36. ↑ Singh, Namita (10 December 2023). "UN says half of Gaza's population is now starving". ذي إندبندنت. Archived from the original on 19 January 2024. Retrieved 13 December 2023.
  37. ↑ Siddiqui, Usaid; Pietromarchi, Virginia; Quillen, Stephen (10 December 2023). "Israel-Hamas war updates: Fierce battles rage in southern and northern Gaza". Al Jazeera. Archived from the original on 26 February 2024. Retrieved 13 December 2023.
  38. ↑ Ebrahim, Nadeen (5 December 2023). "'It's chaos': Starving Gazans dig for food, supplies under the rubble". سي إن إن. Archived from the original on 16 January 2024. Retrieved 13 December 2023.
  39. ↑ "وزير الخارجية الفلسطيني: إسرائيل تتعمد تجويع سكان غزة". الشرق للأخبار (ب العربية). 2023-12-12. Archived from the original on 2024-06-15. Retrieved 2024-06-13.
  40. ↑ "Palestinian minister accuses Israel of starving Gazans; Israel says charge 'obscene'". رويترز. 13 December 2023. Archived from the original on 28 February 2024. Retrieved 13 December 2023.
  41. ↑ "Israel: Starvation Used as Weapon of War in Gaza". هيومن رايتس ووتش. 18 December 2023. Archived from the original on 7 March 2024. Retrieved 1 January 2024.
  42. ↑ "Over one hundred days into the war, Israel destroying Gaza's food system and weaponizing food, say UN human rights experts". OHCHR. الأمم المتحدة. 16 January 2024. Archived from the original on 26 February 2024. Retrieved 26 January 2024.
  43. ↑ Lakhani, Nina (27 February 2024). "Israel is deliberately starving Palestinians, UN rights expert says". الغارديان. Archived from the original on 28 February 2024.
  44. ↑ "How much aid has entered Gaza?". Al Jazeera. 27 February 2024. Archived from the original on 27 February 2024.
  45. ↑ Hermann, Tamar; Kaplan, Yaron (20 February 2024). "Most Israelis: an "Absolute Victory" to the War is Unlikely - War in Gaza Survey 11 (February 12–15, 2024)". المعهد الإسرائيلي للديمقراطية. Archived from the original on 26 February 2024.
  46. ↑ Al-Khamisi, Duraid (25 March 2024). "Israeliske journalisten Gideon Levy: "Jag kallas landsförrädare"" [Israeli journalist Gideon Levy: "I'm looking for a countryman"]. التلفزيون السويدي (ب السويدية). Archived from the original on 26 March 2024.
  47. ↑ Levene 2024, pp. 6–7.
  48. ↑ Semerdjian 2024, p. 2.
  49. ↑ Khwaja, Arif; Bell, Iona; Hadley, Daniell; Price, Huw; Turnbull, Clare (10 November 2023). "Gaza: a plea to reclaim our collective humanity". ذا لانسيت. 402 (10416): 1975. doi:10.1016/S0140-6736(23)02510-2. PMID 37956692.
  50. ↑ Hanbali, Layth; Kwong, Edwin Jit Leung; Neilson, Amy; Smith, James; Hafez, Sali; Khoury, Rasha (February 2024). "Israeli necropolitics and the pursuit of health justice in Palestine". BMJ Global Health. 9 (2): e014942. doi:10.1136/bmjgh-2023-014942. PMC 10836346. PMID 38302196.{{cite journal}}: CS1 maint: article number as page number (link)
  51. ↑ Sathar 2023.
  52. ↑ Mahomed, Safia (December 2023). "When sanctuaries of humanity turn into corridors of horror: The destruction of healthcare in Gaza". South African Journal of Bioethics and Law. 16 (3): 77–79. doi:10.7196/SAJBL.2023.v16i3.1732.
  53. ↑ Browne, Grace (24 October 2023). "'The whole health system is collapsing around us.' Doctors say Gaza is on the brink". Wired. Archived from the original on 27 October 2023. Retrieved 24 October 2023.
  54. ↑ "Gaza hospital generators to run out of fuel in 48 hours: Health Ministry". Al Jazeera. Archived from the original on 24 October 2023. Retrieved 24 October 2023.
  55. ↑ "3 premature babies die at Al-Shifa Hospital: Doctor". إيه بي سي نيوز. Archived from the original on 1 March 2024. Retrieved 18 November 2023.
  56. ↑ Magdy, Samy; Shurafa, Wafaa; Kullab, Samya. "Dwindling fuel supplies for Gaza's hospital generators put premature babies in incubators at risk". إيه بي سي نيوز. Archived from the original on 23 October 2023. Retrieved 24 October 2023.
  57. ↑ Soni 2023, p. 80.
  58. ↑ "Gaza war inflicts catastrophic damage on infrastructure and economy". رويترز. Archived from the original on 3 March 2024. Retrieved 18 November 2023.
  59. ↑ "Gaza medics say Israel targeting ambulances, health facilities". Al Jazeera. 12 October 2023. Archived from the original on 22 October 2023. Retrieved 12 October 2023.
  60. ↑ Khan & Tinua 2024.
  61. ↑ "Healthcare system in Gaza has 'totally collapsed'". The Peninsula Qatar. 24 October 2023. Archived from the original on 25 October 2023. Retrieved 24 October 2023.
  62. ↑ Beaumont, Peter; Burke, Jason (11 March 2024). "Israeli human rights groups accuse country of failing to abide by ICJ's Gaza aid ruling". الغارديان. Archived from the original on 11 March 2024.
  63. ↑ Borger, Julian; Tondo, Lorenzo (25 March 2024). "Israel isolated as UN security council demands immediate ceasefire in Gaza". الغارديان. Archived from the original on 26 March 2024. Retrieved 26 March 2024.
  64. ↑ موضيل:استشهاد بويكي بيانات
  65. ↑ Quillen, Stephen; Uras, Umut (26 March 2024). "UN expert accuses Israel of genocide: What you need to know". Al Jazeera. Archived from the original on 26 March 2024.
  66. ↑ Kubovich, Yaniv (31 March 2024). "Israel Created 'Kill Zones' in Gaza. Anyone Who Crosses Into Them Is Shot". هاآرتس. Archived from the original on 1 April 2024. Retrieved 31 March 2024.
  67. ↑ Al-Shifa, Israel's siege reduced; hospital, Gaza's largest; Rubble, To; Ashes - - (2024-04-22). "Gaza health system 'completely obliterated': UN expert - Al-Monitor: Independent, trusted coverage of the Middle East". www.al-monitor.com (ب الإنجليزية). Archived from the original on 2024-05-16. Retrieved 2024-05-04.
  68. ↑ "Iran Accuses Israel of 'Genocide' Against the Palestinians in Gaza". Asharq Al-Awsat. 13 October 2023. Archived from the original on 31 October 2023.
  69. ↑ "FM Jilani equates Israeli strikes, blockade of Gaza to genocide against Palestinians". Dawn. Archived from the original on 24 October 2023.
  70. ↑ "The Ministry of Foreign Affairs of the Islamic Emirate of Afghanistan condemns in the strongest terms the bombardment of the Al-Mamadani Hospital in Gaza by the Zionist forces and deems this act barbaric and a crime against humanity". وزارة الخارجية (أفغانستان) (ب American English). 18 October 2023. Archived from the original on 17 January 2024. Retrieved 17 January 2024. We stand in solidarity with the Palestinians, and with countries and organisations calling for the immediate end of the ongoing genocide and bringing its perpetrators to justice.
  71. ↑ Sharma, Vasu (14 November 2023). "Decoding Pakistan and Afghanistan's Public Responses to the Israel-Hamas War". Stimson Center (ب American English). Archived from the original on 17 January 2024. Retrieved 17 January 2024. The Taliban's response to the current conflict is entirely in support of the Palestinians and calls out Israeli aggression for violating their rights and the sanctity of Al-Aqsa and other mosques in Palestine. In a series of tweets, Afghanistan's Ministry of Foreign Affairs referred to Israel's bombardment as a "genocide."
  72. ↑ Mohamed, Edna; Najjar, Farah; Stepansky, Joseph. "Abbas: Israel's war on Gaza is 'genocide'". Al Jazeera. Archived from the original on 16 November 2023. Retrieved 16 November 2023.
  73. ↑ "Israel committing 'genocide' against Palestinian people". Mehr News. 10 October 2023. Archived from the original on 16 October 2023. Retrieved 12 October 2023.
  74. ↑ "KCK: Attacks on the Palestinian people must stop". وكالة فرات للأنباء (ب الإنجليزية). 18 October 2023. Archived from the original on 6 February 2024. Retrieved 6 February 2024. Last night, the Israeli state launched an airstrike on a hospital in Gaza and unfortunately hundreds of people lost their lives in this attack. This attack is an attack of massacre and genocide.
  75. ↑ "Kalkan: We defend the just cause of the Palestinian people until the end". وكالة فرات للأنباء (ب الإنجليزية). 5 November 2023. Archived from the original on 6 February 2024. Retrieved 6 February 2024. Some time ago, Armenians in Karabakh were facing genocide. People were suffering. Now the same situation is happening in Gaza.
  76. ↑ "'Genocide', Colombia says as Latin American states condemn Israel over Gaza". Al Jazeera. 2 November 2023. Archived from the original on 20 November 2023.
  77. ↑ Rueda, Manuel. "Israel suspends military exports to Colombia over its president's criticism of Gaza siege". أسوشيتد برس. Archived from the original on 22 October 2023. Retrieved 20 October 2023.
  78. ↑ Gumrukcu, Tuvan; Karakas, Burcu (20 October 2023). "Turkey's Erdogan calls on Israel to stop its attacks on Gaza 'amounting to genocide'". رويترز. Archived from the original on 2 November 2023. Retrieved 25 October 2023.
  79. ↑ Verdélio, Andreia (25 October 2023). "President Lula says war in the Middle East is genocide". Agência Brasil. Archived from the original on 26 November 2023. Retrieved 26 October 2023.
  80. ↑ "Syria denounced Western support for Israel's massacre in Gaza". Prensa Latina. 26 October 2023. Archived from the original on 30 October 2023. Retrieved 26 October 2023.
  81. ↑ Rust, Jasko (24 January 2024). "Namibia: Germany 'unable to draw lessons from history'". دويتشه فيله (ب الإنجليزية). Archived from the original on 4 February 2024. Retrieved 1 April 2024.
  82. ↑ "Turkey: World's silence on Gaza 'complicity in genocide'". Al Jazeera. Archived from the original on 11 February 2024. Retrieved 11 February 2024.
  83. ↑ "قطر تدعو مجلس الأمن لتحرك عاجل لمنع الاجتياح الإسرائيلي لرفح". الجزيرة نت (ب العربية). Archived from the original on 2024-06-08. Retrieved 2024-06-08.
  84. ↑ "African Union Commission head says Gaza being 'annihilated'". Al Jazeera. Archived from the original on 18 February 2024. Retrieved 18 February 2024.
  85. 1 2 "Brazil's Lula compares Israel's war on Gaza with the Holocaust". Al Jazeera. Archived from the original on 19 February 2024. Retrieved 19 February 2024.
  86. ↑ Assi 2024.
  87. ↑ "رئيس البرازيل يتهم إسرائيل بارتكاب "إبادة" في غزة ويشبهها بنظام هتلر". سكاي نيوز عربية (ب العربية). Archived from the original on 2024-06-09. Retrieved 2024-06-08.
  88. ↑ "Colombia Suspends Israel Arms Purchases After Gaza Aid Convoy Deaths". Barron's. وكالة فرانس برس. Archived from the original on 29 February 2024. Retrieved 29 February 2024.
  89. ↑ "'Very survival of Gaza's population at stake', Borrell tells Blinken". Al Jazeera. Archived from the original on 17 March 2024. Retrieved 17 March 2024.
  90. ↑ Baisalov, Edil (18 March 2024). "Kirgiziya prizvala Izrail' i SShA prekratit' genotsid v Gaze" [Kyrgyzstan calls on Israel and the US to stop genocide in Gaza]. إيتار تاس. Archived from the original on 18 March 2024. Retrieved 28 March 2024.
  91. ↑ Marsi, Federica; Siddiqui, Usaid. "'Ruthless push for a final solution': Pakistan back's UN rapporteur". Al Jazeera. Archived from the original on 30 March 2024. Retrieved 29 March 2024.
  92. ↑ "Islamic Cooperation Denounces Gaza 'Genocide', Urges Sanctions Against Israel". Barron's. Agence France Presse. Archived from the original on 2024-06-01. Retrieved 10 May 2024.
  93. ↑ "فلسطين تعلّق على أوامر محكمة العدل الدولية الجديدة لإسرائيل". سكاي نيوز عربية (ب العربية). Archived from the original on 2024-06-09. Retrieved 2024-06-08.
  94. ↑ Corder, Mike; Federman, Josef (28 March 2024). "UN top court orders Israel to open more land crossings for aid into Gaza". AP News. Archived from the original on 31 March 2024. Retrieved 1 April 2024.
  95. ↑ "Cuban president calls for end to 'genocide' in Gaza". Al Jazeera. 31 March 2024. Archived from the original on 31 March 2024. Retrieved 7 April 2024.
  96. ↑ Keeley, Graham (25 May 2024). "Spanish defence minister says Gaza war is 'real genocide'". رويترز. Archived from the original on 6 June 2024. Retrieved 4 June 2024.
  97. ↑ "البابا فرنسيس يقترح إجراء دراسة دولية عن جرائم إبادة جماعية محتملة بغزة". سويسإنفو. 17-11-2024. Archived from the original on 2024-12-14. Retrieved 18-11-2024. {{cite news}}: Check date values in: |access-date= و |date= (معاونة)
  98. ↑ "Over 800 Western Officials Denounce Pro-Israel Policies". TIME (ب الإنجليزية). 2 February 2024. Archived from the original on 6 February 2024. Retrieved 2 February 2024.
  99. ↑ "Western officials in protest over Israel Gaza policy". بي بي سي نيوز (ب British English). 2 February 2024. Archived from the original on 5 February 2024. Retrieved 2 February 2024.
  100. ↑ "800 western officials say the policies of their governments on Gaza "are contributing to grave violations of international law, war crimes and even ethnic cleansing or genocide"". commonspace.eu (ب الإنجليزية). Archived from the original on 4 February 2024. Retrieved 2 February 2024.
  101. ↑ "US House passes $14.5bn military aid package for Israel". Al Jazeera (ب الإنجليزية). 3 November 2023. Archived from the original on 8 April 2024. Retrieved 8 April 2024. The US has given Israel more military assistance than any other country since World War II, providing aid worth more than $124bn.
  102. ↑ Aikman, Ian (7 April 2024). "Israel 'can handle' any threat from Iran, says military chief". بي بي سي نيوز. Archived from the original on 9 April 2024. Retrieved 8 April 2024. Israel and its closest ally, the US, have been anticipating an Iranian attack ever since.
  103. ↑ Samuels, Ben (9 April 2024). "Sen. Elizabeth Warren: Israel's actions in Gaza may legally constitute genocide". هاآرتس (ب الإنجليزية). Archived from the original on 9 April 2024. Retrieved 8 April 2024.
  104. ↑ Garrity, Kelly (8 April 2024). "Elizabeth Warren says she believes Israel's war in Gaza will legally be considered a genocide". بوليتيكو. Archived from the original on 9 April 2024. Retrieved 8 April 2024.
  105. ↑ Puzzanghera, Jim (8 April 2024). "Senator Elizabeth Warren says she thinks Israel's actions in Gaza will be legally ruled genocide". بوسطن غلوب. Archived from the original on 9 April 2024. Retrieved 8 April 2024.
  106. ↑ Groves, Stephen (16 May 2024). "House votes to require delivery of bombs to Israel in GOP-led rebuke of Biden policies". صحيفة هارتفورد كورانت  [لغات أخرى]‏. أسوشيتد برس. Archived from the original on 21 May 2024. Retrieved 21 May 2024.{{cite news}}: CS1 maint: extra punctuation (link)
  107. ↑ Hurst, Daniel (15 May 2024). "Fatima Payman accuses Israel of genocide in Gaza in significant rupture with Labor party position". الغارديان. Archived from the original on 23 May 2024. Retrieved 21 May 2024.
  108. ↑ "Active Genocide Alert - Israel-Palestine: There is No Justification for Genocide". Genocide Watch. 13 October 2023. Archived from the original on 12 January 2024.
  109. ↑ "Genocide Emergency Alert: Israel and Gaza". Lemkin Institute for Genocide Prevention. 17 October 2023. Archived from the original on 27 December 2023.
  110. ↑ "Statement on Why We Call the Israeli Attack on Gaza Genocide". Lemkin Institute for Genocide Prevention. 29 December 2023. Archived from the original on 14 February 2024.
  111. ↑ Mohamed, Edna; Stepansky, Joseph; Najjar, Farah. "Rights group accuses US of complicity in children's deaths in Gaza". Al Jazeera. Archived from the original on 2 November 2023. Retrieved 1 November 2023.
  112. ↑ "At least 21 Palestinian children have starved to death in Gaza". Al Jazeera. 11 March 2024. Archived from the original on 14 March 2024. Retrieved 14 March 2024.
  113. ↑ "مقررون أمميون يحذرون: الشعب الفلسطيني معرض لخطر الإبادة الجماعية". الجزيرة نت (ب العربية). Archived from the original on 2024-06-08. Retrieved 2024-06-08.
  114. ↑ Narea & Samuel 2023.
  115. ↑ Stacey, Diego (4 November 2023). "Pedro Arrojo, UN Special Rapporteur: 'The Gaza war is heading towards genocide'". إل باييس. Archived from the original on 8 November 2023.
  116. ↑ "منظمات فلسطينية تتوجه للجنائية الدولية بشأن جرائم الحرب الإسرائيلية". الجزيرة نت (ب العربية). Archived from the original on 2024-06-08. Retrieved 2024-06-08.
  117. ↑ "UN experts point to evidence of 'genocidal incitement' against Palestinians". رويترز. 16 November 2023. Archived from the original on 23 November 2023 – via www.reuters.com.
  118. ↑ "Gaza: UN human rights experts call on international community to prevent genocide against the Palestinian people - OHCHR Press Release". Archived from the original on 27 November 2023.
  119. ↑ "Jewish Voice for Peace calls on all people of conscience to stop imminent genocide". الصوت اليهودي من أجل السلام. 11 October 2023. Archived from the original on 16 November 2023.
  120. ↑ "يجب أن تتوقف الإبادة الجماعية الجارية ضد الفلسطينيين على الفور". الفيدرالية الدولية لحقوق الإنسان (ب العربية). Archived from the original on 2024-06-08. Retrieved 2024-06-08.
  121. 1 2 "Euro-Med submits findings on Israeli army executions in Gaza to ICC, UN, calling them 'genocide'". ميدل إيست مونيتور. 26 December 2023. Archived from the original on 4 January 2024. Retrieved 29 December 2023.
  122. ↑ "Israeli officials said in talks with Congo, others on taking in Gaza emigrants". تايمز إسرائيل. Archived from the original on 17 January 2024. Retrieved 3 January 2024.
  123. ↑ "UN special rapporteur calls forcible transfer of Palestinians 'act of genocide'". Al Jazeera. Archived from the original on 3 January 2024. Retrieved 3 January 2024.
  124. ↑ "Amnesty International director says Palestinians in Gaza at 'grave risk' of genocide". Al Jazeera. Archived from the original on 9 February 2024. Retrieved 10 February 2024.
  125. ↑ "UN Special Rapporteur report on Gaza provides crucial evidence that must spur international action to prevent genocide". منظمة العفو الدولية. 26 March 2024. Archived from the original on 28 March 2024. Retrieved 29 March 2024.
  126. ↑ "Arab Parliament says Gaza war aims to 'destroy the identity of an entire people'". Al Jazeera. 30 March 2024. Archived from the original on 30 March 2024. Retrieved 6 April 2024.
  127. ↑ "Israel has a 'deliberate plan to kill children and women': UN official". Al Jazeera. Archived from the original on 19 May 2024. Retrieved 9 May 2024.
  128. ↑ "What is happening in Gaza is a 'turkey shoot': UN special rapporteur". Al Jazeera. Archived from the original on 20 May 2024. Retrieved 18 May 2024.
  129. ↑ "منظمة بتسيلم: أميركا وأوروبا أسهمتا في استمرار الإبادة الجماعية بغزة". الجزيرة. 28-7-2025. Archived from the original on 2025-07-29. Retrieved 28-7-2025. {{cite news}}: Check date values in: |access-date= و |date= (معاونة)
  130. ↑ "مئات موظفي الأمم المتحدة يطالبون بوصف حرب غزة بالإبادة الجماعية". مونت كارلو الدولية. 28-8-2025. Archived from the original on 2025-10-09. Retrieved 29-8-2025. {{cite news}}: Check date values in: |access-date= و |date= (معاونة)
  131. ↑ "ICC Pre-Trial Chamber I issues its decision on the Prosecutor's request related to territorial jurisdiction over Palestine". المحكمة الجنائية الدولية. 5 February 2021. Archived from the original on 14 February 2022. Retrieved 5 February 2021.
  132. ↑ موضيل:استشهاد بويكي بيانات
مرجّعة من "https://ary.wikipedia.org/w/index.php?title=الإبادة_الجماعية_ديال_غزة&oldid=504022"