إلياس المالكي
إلياس المالكي
| ||
| معلومات عامة | ||
| زيادة | 8 غشت 1996 (29 عام) الجديدة | |
| لجنسية | لمغريب | |
| لحرفة | يوتوبر و صانع محتوى مباشر | |
| لّوغات لي كيعرف | عربية | |
      | ||
إلياس المالكي (ب لحروف اللاتينية Ilyas Elmalki، مزيود ف 8 غشت 1996) هو شخصية مغربية مشهورة في مجال البث المباشر (الستريمنݣ) ف سوشل ميديا، خاصة لپلاتفورم د كيك و فيسبوك و يوتيوب. وكيعتبر واحد من أشهر المؤثرين الرقميين في المغرب و العالم العربي،[1] كيقدم محتوى متنوع منهم الألعاب الإلكترونية، التعليق على الأحداث الرياضية، والتفاعل مع القضايا الإجتماعية. عندو قاعدة جماهيرية كبيرة بسباب الشهرة ديالو قدر يحقق إنجاز تاريخي ف دوري الملوك اللي وصل فيه المنتخب المغربي لنصف النهائي.
إلياس المالكي مولود ف مدينة الجديدة وسط المغرب. هو عازب و عندو تلاتة د لخوت حمزة نسيم وأدم. مستواه تعليمي إعدادي.[2]
إلياس المالكي توصل برسالة مباشرة من عند جيرارد پيكي. الرسالة كانت دعوة باش يحضر كاس العالم ديال لفراقي في الدوري الملوك في الطاليان، وهو حدث تأسس من عند پيكي كخليط بين الرياضة والترفيه. رد فعل إلياس، اللي كان مباشر قدام لمتابعين ديالو، نتاشر بالزربة و ولّا لحظة مشهورة.[3]
قدر إلياس مع المنتخب الوطني المغربي يشارك ف مسابقة "دوري الملوك" لي تنظمات ف مدينة ميلانو ف الطاليان، المنتخب قدر يوصل لنصف النهائي فهاد البطولة. المنتخب كان فيه لعّابا سابقين، ومعاهم حتى لعّابا كيلعبو فدوريات ديال لكورة داخل القاعة (ميني فوت). وتم ستقبال نهار الثنين 13 يناير 2025 وفد جامعي ف مطار الرباط-سلا. هاد الوفد كان فيه عبد السلام بلقشور، رئيس العصبة الوطنية ديال لكرة الإحترافية.[4]
اليوتيوبر إلياس المالكي صرّح بلي مسابقة "دوري الملوك" (Kings League) غادي تنظم قريباً ف المغرب. هاد الكلام قالو على هامش ستقبال بعثة الفريق المغربي لي شارك ف البطولة، و هو اللي كيترأسها، ف الرباط. إلياس المالكي قال: "إن شاء الله البطولة غادي تنظم ف المغرب، فوزي لقجع قالها ليا." و زاد: "المسابقة غادي تكون فمراكش، و ماتش النهائي غادي يتلعب فالجديدة."[5]
إلياس المالكي تشد جوج مرات ف الحبس المرة اللولة كانت بسباب تهمة ديال التاعدّو على سيمو البورقادي. القضية بدات بعدما تقدم البورقادي ب شكاية مدعومة ب شهادة طبية و سي دي كيوثق لحظة التاعدّو عليه. التهمة الأصلية كانت "السرقة الموصوفة بيد مسلحة و ستعمال ناقلة[تدريج] عندها موطور"، ولكن من بعد ما قدم البورقادي تنازل مكتوب، المحكمة نقصات الحكم وحيدات تهمة السرقة الموصوفة. و تحكم على المالكي بشهرين ديال الحبس نافذ، قضى منهم أغلب الوقت ف الحبس المحلي ديال الجديدة.[6]
و المرة الثانية كان متابع ف قضية التمييز و التحريض على الكراهية، بسباب شكايات ديال جمعيات و شخصيات أمازيغية، لكن هاد الجمعيات تنازلات على الدعوى، و تبرئ من تهمة التحريض على الكراهية، و بقات غير تهمة التمييز لي حكمات عليه بيها المحكمة. و تحكم على المالكي ف ضوسي آخر ب عقوبة ديال تلت شهور محبوسة تنفيد و خطية ديال 2.000 درهم. هاد الضوسي الثاني كان على خلفية شكايات قدماتها 38 جمعية نسائية و حقوقية، بخصوص محتوى رقمي لي صدر عليه، و تهموه فيه بالتحريض على التمييز و الكراهية، التشهير، و السبان و القذف ضد لمرا، و العنف النفسي و الجسدي و الإقتصادي.[7] و خرج من السجن المحلي ديال الجديدة نهار الثنين 30 دجنبر 2024، بعد محكمة الإستئناف ف الجديدة خفضات ليه العقوبة من ربع شهور ديال الحبس النافذ ل شهرين صافي.[8]
- ↑ News، Aymen Alami-Morocco World. "Kick Streamer Ilyas El Maliki Walks out of Prison". www.moroccoworldnews.com (ب نڭليزية). تطّالع عليه ب تاريخ 2025-01-13.
- ↑ Kifache tv - كيفاش تيفي (2023-07-14). "إلياس المالكي بدون لغة خشب.. الحلقة الكاملة". تطّالع عليه ب تاريخ 2025-01-17.
- ↑ Mr__Kenway (2024-10-07). "Streamer Ilyass El Malki Gets Surprise DM from Gerard Piqué". Lgaming -- Premier media gaming Esports au maroc (ب لفرانساوية). تطّالع عليه ب تاريخ 2025-01-13.
- ↑ "بحضور إلياس المالكي.. وفد من الجامعة والعصبة يستقبل منتخب "دوري الملوك"". تيل كيل عربي (ب لعربية). تطّالع عليه ب تاريخ 2025-01-13.
- ↑ "إلياس المالكي: "دوري الملوك قريباً في المغرب" - هبة بريس" (ب لعربية). 2025-01-13. تطّالع عليه ب تاريخ 2025-01-13.
- ↑ "استئنافية الجديدة تدين «اليوتيوبر» إلياس المالكي بالحبس النافذ". Le 360 Arabe (ب لعربية). تطّالع عليه ب تاريخ 2025-01-13.
- ↑ "Ilyas El Maliki condamné à 3 mois de prison pour incitation à la haine". هيسپريس (ب لفرانساوية). 2024-11-21. تطّالع عليه ب تاريخ 2025-01-13.
- ↑ "المالكي يغادر السجن بعد تخفيض العقوبة". هيسپريس (ب لعربية). 2024-12-30. تطّالع عليه ب تاريخ 2025-01-13.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |