إيفران
إيفران
| ||||
|
إفران (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم إيفران | |||
| السكان | ||||
| شحال دالسكان | 11,209 (1994) | |||
| شحال دلفاميلات | 3,373 (2014) | |||
| لجغرافيا | ||||
| لميساحة | 3,573 كم² | |||
| لعلو | 1,713 م | |||
| خط الطول بـ ° | -5.12434959 | |||
| خط لعرض بـ ° | 33.5252254 | |||
| معلومات خرين | ||||
| توقيت ديال لمدينة | توقيت غرب أوروبا | |||
| نمرة التيليفون لمحلية | 212 | |||
| كود د لبوصطة | 53000 | |||
| الرمز لجغرافي | 2546917 | |||
| لخريطة | ||||
 | ||||
إفران، (ب لأمازيغية لمعيارية لمغريبية: ⵉⴼⵔⴰⵏ) مدينة مغربية و جماعة ترابية حضرية ف الأطلس المتوسط، كاينة فإقليم إفران، جهة فاس مكناس، و تايعيش فيها 14.659 بنادم على حساب الإحصاء العام للسكان و السكنى ديال عام 2014.[1] هي مدينة كاينة ف الجبل على علو ديال 1600 ميترو فوق لمستوى ديال لبحر، لمساحة ديالها 3573 كم². كاتميز بمناخ بارد، و الشتا و الثلج ف الفصل ديال الشتوة، و جو معتادل ف الصيف و الربيع. هي مدينة سياحية ب لفضل ديال الطبيعة ديالها، و كاتصنف على حساب الدراسات من أكثر المدون المغربية و العالمية ف النقاوة.[2] تاتميز هاد لمدينة ب لبني لأوروپي ديالها لي خلاوه لفرانسيس، و لي مازال لمدينة كاتحافظ عليه بعناية، الشي لي تايخليها كاتشبه للمدون ديال ؤروپا.
[مصدر؟]
كلمة «إفران» كتعني الكهوف، وهي في الأصل كلمة أمازيغية، موخودة من المغارات لي منتشرة حول لمدينة. فالفترات التاريخية القديمة، كان كيتطلق عليها لقب «أورتي» ولي كيعني الجردة بالدارجة. كيتلقب إفران بسويسرا المغرب بسباب سقف ديور ديالها المبنية بالقرمود لحمر كيبحال ديور المداين د اوروبا، ولي دور ديالها تحياد التلج.
كانت المدينة في اللول مصايبا من بنيقات محفورة في الحجر الجيري للويدان لي دايرا بيهم ، وهي بنيقات كاينا حتى لدابا تحت بعض الديور ودايرينها زريبة للبهايم ولا بيت لخزين . وكانت الاراضي ديال الفلاحة فهاد البلاصة ديال ماليهم، أما لبلايص فين كيرعاو الماشية كانو متحكين فبها جماعا ديال القبيلة ، قبل مايجي لاستعمار الفرنساوي بين (1913-1917)، بقات المقاومة على حساب كنانش التاريخ فلجبال لي دايرا بيهم حتى عام 1922.
تقادّات مدينة إفران الجديدة من قِبل الإدارة الفرنساوية فعام 1929 على أراضي خوات من الناس لي ساكنين، وكان لغرض من داكشي أن المدينة تكون «بلاصة على لجبال» بلاصة باردة يدوزو فيها العائلات لي مستعمرينها عطلتهم ديال الصيف، داكشي علاش بنات على حسب النموذج الحضري الجاردن سيتي (مدينة الحدائق) المعروف فديك الوقت. شملات الخطة باش يبنيو «شاليات» صيفية على طراز ديور ديال جبال الألب لي دايرا بالجرادي والدروبا العامرا بشجر، ومن بعد الاستقلال توسعات المدينة وتجهزات بالبلايص الضروريين وديور ولا شقق ديال الدولة ، باش تقدر تهز المدينة كترة البشر لي تزاد بسباب الحريگ ديال لمدن لي دايرا بايفران ، فهاد الوقت عاودو بناو درب «تمدقين» وتصايبات گاع البلايص لي محتاجينها.
ولات إفران فعام 1979 مقر لعمالة إقليم إفران اللي هز سمية ديال المدينة، وزاد فيها بعض الخدايم والإدارات ، ونتيجة ديال هادشي باقيا إفران مكملة و كتوسع بني ديالها كبلاصة كيصيفو فيها الناس فالصيف والشتاء بجوج ، وبلاصة فيها الطبيعة كتشجع الناس على الزيارة ، في حين ريبو الشاليات القديمة في وسط المدينة، وتعوضات بديور ديال السكنا، وبقات بلايص التصياف والديور الكبيرة بزاف دايرا بالمدينة.
إفران كاتستافد من جو فيه رطوبة وقار(كيتصنف بـ Dsa حسب تصنيف كوبن) مع معدل ديال التساقطات السنوية ديال 961.4 ملم ودرجة لحرارة مايان كل عام كتوصل حتى ل 12.5 °C ما بين 1991-2020. الجهة الشمالية ديال جبال الأطلس المتوسط هي من أكثر البلايص اللي كطّيح فيها الشتا فالمغرب من بعد جبال الريف . جبال الأطلس المتوسط كاينين فطريق المشاكل ديال الجو اللي جاية من المحيط الأطلسي. الصيف كايكون قصير ولكن سخون، مشمس بزاف وجاف. الليالي كاتكون باردة أو حتى باردة بزاف. فـ الشتاء، كاتطيح الثلج بزاف على المدينة. مدة الصميقلي (تلج) كاتكون طويلة بزاف وكتوصل من أكتوبر حتى يونيو. وخا هاكاك، درجات الحرارة تقدر تقرب لـ 10 °C حتى فوسط الشتاء. بما فيها عدد السكان مع إضافة أزرو، هاد البلاصة فشكل فالمغرب. جو قاسح وبارد لمدة طويلة، وكيختلف بزاف على باقي البلاد اللي جوها حنين (إلا الأطلس والريف). إفران رسمياً كاتحمل رقم قياسي ديال أبرد حرارة تسجلات فالقارة الإفريقية، وهاد الشي كان -23.9 °C فـ 11 فبراير 1935.
كنلقاو مدينة إفران على جبل صغير كيرتفع بـ 1,664 مترًا عن سطح البحر، بجبال الأطلس المتوسط الأوسط، تتميز بمناخ بارد شتاءً ومعتدل صيفًا، وهي مركز إقليم إفران بجهة فاس مكناس.[3]
إفران جماعة ترابية حضرية كاينة ف إقليم إيفران، جهة فاس مكناس.
كتكون مدينة إفران من مجموعة من الأحياء أبرزها:
- حي الأطلس
- حي السلام
- حي بئر أنزران
- حي الشباب
- حي الأرز
- حي الرياض
- حي العائلة الفرنسية
- حي الأطلس 2
قائمة المراكز الصحية في مدينة إفران:
- مستشفى القرب
- المركز الصحي أطلس
- المركز الصحي الحضري (المستوى الثاني) مع وحدة مستعجلات القرب
- نسبة الأمية (نّاس لّي ما كايعرفوش يقراو ولا يكتبو): 20,9%
- نسبة سّكان لّي قاريين فوق الليسي (ليسي و جامعة): 29,8%
- ثانوية علال الفاسي
- الثانوية العسكرية الثانية (خاصة بالإناث)
تساقطات ثلجية بمدينة إفران
- إفران سكوول
- مؤسسة لومورييه
- مؤسسة دونالد سكوول
- مؤسسة الصنوبر
- مؤسسة شبغون غوج
- مؤسسة لينا سكوول
تأسات جامعة الأخوين في إفران عام 1993 بموجب مرسوم ملكي، فتحات أبوابها للطلاب في يناير 1995. بناءً على مبادئ التنوع ونظرة دولية، فرسالة الجامعة مدفوعة بقيم التضامن والتسامح البشري. وجابت مؤسسة الأخوين تنظيمها الإداري والتربوي والأكاديمي على نظام الجامعة الأمريكية، واللغة الإنجليزية هي لغة التدريس.
- المعهد المتخصص للتكنولوجيا التطبيقية - إفران (تابع لمكتب التكوين المهني وإنعاش الشغل).
- المعهد العالي للعلوم الأمنية (تابع للمديرية العامة للأمن الوطني).
- مركز تكوين الأطر (تابع للمديرية العامة لإدارة السجون وإعادة الإدماج).
- المدرسة الوطنية العليا للتدبير الرياضي (قيد الإنشاء).
- نسبة نّاس نّشيطين (لّي يقدرو يخدمو): 54,9%
- نسبة لبطالة (نّاس لّي ما خدامينش و تايقلبو على خدمة): 19,5%
- نسبة نّاس اللي خدامين ف دّولة (ولا ل لبطاليين اللي سبق ليهم خدمو): 42,7%
- نسبة نّاس اللي خدامين ف لپريڤي (ولا لبطاليين اللي سبق ليهم خدمو): 43,9
كيتسمّى حتى بتمثال سبع الأطلس، وهوا تمثال كاين فوسط مدينة إفران، وكيتعتبر واحد من الرموز ديالها ومن أكثر البلايص اللي كيمشيو ليها السياح باش يتصورو. كاين اختلاف فالمعلومات على شكون اللي نحتو. بعض الروايات، حسب سكان المنطقة القدام ومذكرات المقيم العام الفرنسي ليوطي، كتقول بلي دارو شي واحد من المسجونين من الحرب العالمية الأولى (وكاين اختلاف واش كان ألماني ولا إيطالي). ولكن الرواية المعروفة بزاف ، على حساب بزاف ديال الأرشيفات والشهادات، كتقول بلي اللي نحت التمثال هو جون أونري مورو، وهو نحات فرنسي تزاد فمدينة بوردو. وكتقول المراجع التاريخية بلي الخدمة على نحت سبع ديال إفران بدات فمارس 1930، وسالات فآخر أبريل من نفس العام. التمثال منحوث فصخرة كبيرة طولها حوالي 7 متر، العرض ديالها متر ونص، والعلو ديالها جوج متر، وكان معاه حتى جوج سجناء تعاونوا معاه فهاد الخدمة.
عين فيتال فيها عين ديال الماء العذب، وكتعتبر بلاصة زوينة لممارسة بزاف ديال الرياضات بحال الجري والكورة . وكاين حتى أنشطة موسمية كتتنظم من طرف جمعية فيتال الرياضية، اللي كتهتم بصيد السمك والمحافظة على البيئة، وكتختص خصوصًا فصيد سمكة الترويتة المحلية.
وكتعتبر عين فيتال مكان مثالي للنزهة مع العائلة ولا الأصحاب، خاصة ففصل الربيع، حيث كتجذب آلاف الزوار من مختلف مناطق المغرب. وعلى طول الواد كاينة غابة فيها شجر بحال القيقب والحور، وفين يمكن حتى دير دويرات على ظهر العود.
هو تران سياحي كيدوز من أهم الشوارع والأزقة ديال مدينة إفران، وكيعطي للركاب فرصة يكتاشفو الصناعات التقليدية المحلية. فخلال الجولة، يمكن تشوف الحرفيين بحال النساجين اللي كينسجو منتجاتهم، وصناع السلال اللي كيصاوبوها من الدوم والقصب، وحتى محلات كتعرض الأواني الفخارية والحوايج المصنوعة من خشب العرعار والحلي التقليدية.
رأس الماء هو واحد الموقع قريب من إفران، وكيتميز بوجود محطة لتربية الحوت ديال الما بارد، وهي تابعة للمركز الوطني لأحياء الماء وتربية الأسماك.
تأسسات هاد المحطة سنة 1957، وكان الهدف منها هو رفع إنتاج سمك الترويتة باش يواكب تطور الصيد الرياضي. وكتوجد على ارتفاع حوالي 1550 متر.
اختيار المكان جا بسبب البلاصة الجغرافية المميزة، وطبيعة الأرض، وجودة الماء من ناحية الفيزياء والكيمياء. فالبداية كان الهدف هو إنتاج صغار الترويتة النهرية المحلية، ومن بعد توسعات التربية باش تضم أنواع وحداخرا بحال الترويتة القزحية المستوردة والزنجور.
محطة ميشليفن كتعتبر من أهم المحطات ديال الرياضات الشتوية، وكتجذب بزاف ديال عشاق التزلج. تفتحات سنة 1950، وكاينة على بعد حوالي 17 كلم من مدينة إفران، وعلى ارتفاع تقريبًا 2000 متر. المكان داير بغابات الأرز، وكيبدأ الثلج كيطيح فيه من منتصف نونبر. المحطة فيها 5 ديال المنحدرات ديال التزلج، مناسبة سواء للمبتدئين ولا للمحترفين، وكتعطي فرصة للتزلج فمستويات مختلفة. وماشي غير التزلج، حتى أنشطة أخرا ممكن تديرها بحال المشي وسط الجبال، ركوب الخيل، تسلق الأشجار، وحتى ركوب الدراجات والدراجات الجبلية باش تستكشف المنطقة.
المنتزه الوطني لإفران هو واحد من المنتزهات الوطنية اللي كيتكوّن أساسًا من غابات الأرز. كيوفر بيئة طبيعية غنية وكتعيش فيه مجموعة من الحيوانات البرية بحال قرودة زعطوط، الحلالف البرية، القنية، الثعالب، زيد مجموعة من الطيور، وعاد بعض الزواحف والبرمائيات. هاد المنتزه كيتعتبر من أهم المناطق الطبيعية فالمغرب، وكيجذب بزاف ديال الزوار اللي باغين يشوفو التنوع البيئي ديال المنطقة ويستمتعو بالطبيعة الهادئة.
منتهي عين فيتيل الحضري
منتزه عين فيتال
منتزه عين فيتال
بحيرة عين إفران
منظر قرب عين إفران
- ↑ "RGPH 2014". web.archive.org. 2023-02-28. Archived from the original on 28 فبراير 2023. Retrieved 2023-07-02.
- ↑ "إفران". جهة فاس مكناس (ب العربية). Archived from the original on 2023-09-09. Retrieved 2023-07-02.
- ↑ إفران - جهة فاس مكناس مؤرشف 2016-05-05 فموقع وايباك ماشين
 |
ويكيميديا كومنز عندا تصاور و معلومات على إيفران. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
