ؤكييو-إي
| ؤكييو-إي | |
|---|---|
,_ca._1785.jpg) | |
| نوع فني، حركة فنية | |
| كلاص فرعية ديال | فنون جاپونية  |
| بدية | لقرن 17 |
| السمية لأصلية | 浮世絵 |
| مسمي على | ukiyo |
| بلاد | الجاپون |
| تاريخ النهاية | لقرن 19 |
| الفترة الزمنية | فترة إيدو، فترة مييجي |
| لي كتاشف ؤلا ختارع | Hishikawa Moronobu |
| طريقة ديال التصنيع | ukiyo-e print technique |
| كيمارسها | فنان أوكييو-إه |
أوكييو-إه (ب الجاپونية: 浮世絵) هي واحد النوع ديال الفن التصويري اللي كان فالجاپون، وبدا فالبدية ديال القرن الـ17. هاد الفن كيعتمد على الرسم ولكن بطريقة ديال الطباعة، كينقشو الرسومات على اللواح ديال الخشب، ومن بعد كيطبعوها على الوراق.[1][2][3]
كلمة "أوكييو-إه" المعنى ديالها "تصويرة ديال العالم العوام"، واللي كتعني بلي كلشي فهاد الدنيا زائل ومؤقت، بحال الحياة اللي كتدوز دغيا. هاد النوع ديال الفن عرف واحد العصر دهبي فـالوقيتة ديال إيدو (ما بين 1603 و1868)، وكانو الصناع والحرايفية كيتعاملو مع تقنيات الرسم بطريقة جديدة باش يصاوبو بزاف ديال التصاور بتمن مناسب، وكانو موجهين خاصة للتجار والباعة.
الفنانين كيرسمو اللوحات ديالهم على واحد الوراق شفافة، ومن بعد كيتنقل هاد الرسم لألواح ديال الخشب ديال شجرة حب الملوك (ساكورا). من بعد كيدخلو الحرفيين المهرة، اللي كينقشو الرسم على الخشب بطريقة باينة، وفالخر كيتطبع داك الشي على الورق.
تسمى هاد الفن بـ"العالم العائم" جات من المواضيع اللي كانت كتهضر عليهم اللوحات اللولين اللي ترسمو بهاد الطريقة، واللي كانت غالبا كتصور لقطات من الحياة اليومية والعادية ديال الناس.
مع الوقت، ما بقاش الأمر محدود غير فالرسم، إنما الحرايفية بداو كيطبعو حتى الجداول ديال التقويم، بطاقات ديال المتمنيات، كتب مصورة، كتب ديال الترفيه، الدلائل ديال الرحلات، وحتى الإعلانات ديال مسارح الكابوكي، وديور الدعارة، وديور ديال أتاي، والمطاعم، وبلايص خرين اللي كانو كيمشيو ليها الناس فمدينة «إيدو».
الجاپونيين كانو كيعرفو فن الرشم (الطباعة بالحفر البارز) من زمان، ولكن فالبدية كانو غير الرهبان البوديين هما اللي كيمارسوه فالأديرة. وبقاو هكاك حتى لنص القرن الـ17 عاد بانو الصور اللولين المطبوعين اللي كانت المواضيع ديالها دنيوية وماشي دينية.
الرسام هيشيكاوا مورونوبو كان عندو دور كبير فإنتشار هاد الفن، حيت هو اللي دار الرواشم اللولين (الصور المطبوعة) اللي فيها ألوان، وقدر يدمج بين الرسم التقليدي والنقش على الخشب. وفعلا طبع بزاف ديال الكتوبة المصورين، المطويات، والرسومات ديال مناظر طبيعية وغيرها.
وهاد الأسلوب بقى خدام حتى للبدية ديال القرن الـ18.
- ↑ Hélène Bayou 2004, p. 232.
- ↑ Hélène Bayou 2004, p. 62.
- ↑ "Shin Hanga: The Revival of Traditional Japanese Woodblock Prints - Artelino". www.artelino.com. Retrieved 2025-08-22.