أڭريط
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
أڭريط
| ||
 | ||
| معلومات عامة | ||
| سمية لعيلمية | Viburnum tinus (كارولوس لينيوس، 1753) | |
| لخاصية د ترتاب | نوع | |
| تابع ل | رباطية | |
| حالة د لحماية | ||
 | ||
| مامهددش | ||
| UICN | 79146836 | |
|---|---|---|
أݣريط (السمية لعلمية viburnum tinus) نوع ديال النبتات الزهرية من لفاميلة د Adoxaceae، أصلية ف لحوض لمتوسطي سيرتو ف مناطق ؤروپا و شمال إفريقيا.[1]
أݣريط هوّ شجرة صغيرة كاتوصل ل 2 تال 7 ميترو ف الطول و 3 ميترو ف لعرض،[2] ب تاج كتيف و مدوّر. لوراق ديال أݣريط عندهم خضورية دايمة، و كيبقاو 2 تال 3 سنين. شكلهم بيضاوي تال إهليلجي، و كيبانو على شكل أزواج متقابلين، ب طول مابين 4 تال 10 سنتيميتر، و عرض مابين 2 تال 4 سم، و شعيرات رقاق ف لوجه التحتاني.
الزهور كيكونو صغار، ب لون بيْض ولّا غوزي باهت، لي كيتنتجو من براعم عندهم لون حمر غوزي مجموعين ف سنمات cymes طولهم 5 تال 10 سم لي كيبانو ف الشتوة. هاد الزهور لي عندهم ريحة زوينة (كاين لي ماكاتعجبوش، سيرتو ملي كاتكون قوية مورما كاتطيح الشتا) مخنّتين حيت عندهم طراف ديال الدكر و النتوة بجوج، و فيهم 5 د لبتلات petals. لفترة ديال التزهار كاتكون ف الشتوة، و بشكل عام مابين أكتوبر و يونيو ف النص الشمالي د لأرض. التلقيح ديال هاد النبتة كيكون على طريق لبخوش. لفاكهة لي كاتنتج كايكون لونها زرق مغلوق، عندها نويّة ف لوسط، و طولها 5 تال 7 ميليميتر. واحد لبحت تدار ف 2020، بيّن بلي اللون الزرق سبابو كويّرات ميكروسكوپية ديال الدهون، لي هوّ ميتال ديال التلوين ب لقلدة structural coloration،[3] و هيّ حالة نادرة ف النبتات.
أݣريط أصلو من لحوض لمتوسطي، و كيفضّل لبلايص لي فيهم الضّل و الندى. كيتّلقى سيرتو ف لغرب ديال لمتوسط بسباب لفترات لقصيرة ديال الجفاف.[4] و راه تدخل ديالو ل بلايص خرين بحال ؤسطراليا، پاكيستان، كاليفورنيا و ؤريݣون ف لميريكان، و طادجيكيستان.[5]
أݣريط كيتّزرع بشكل واسع بسباب الزهور د الشتوة ديالو و التوت لبري لي كينتج.
النبتة
الزهور
تصويرة مقربة ديال الزهور
فواكه باقين ماناضجينش
فواكه ناضجين
فواكه ناضجين (تصويرة مقربة)
ورقة
.JPG)
.JPG)
- ↑ محمد شفيق (1999). الدارجة المغربية، مجال توارد بين الأمازيغية و العربية (PDF) (ب العربية و الدارجة). الرباط: أكاديمية المملكة المغربية. p. 59. Archived from the original on 2023-06-17. Retrieved 2025-01-14.
- ↑ RHS A-Z encyclopedia of garden plants. United Kingdom: Dorling Kindersley. 2008. p. 1136. ISBN 978-1405332965.
- ↑ Hartley, Charlotte (2020-08-06). "The secret to this fruit's mysterious blue color". Science - AAAS (ب الإنجليزية). Retrieved 2020-08-07.
- ↑ "Laurestine". IUCN. November 2017. Retrieved 8 دجنبر 2020.
- ↑ "Viburnum tinus L." Catalogue of Life. Retrieved 8 دجنبر 2020.