انتقل إلى المحتوى

أني جونز

من ويكيپيديا
آني جونز إليوت
معلومات عامة
زيادة 14 يوليوز 1865
ماريون
لموت 22 أكتوبر 1902 (37 عام)
بروكلين
طريقة دلموت موتة طبيعية
سباب لموت سل
لجنسية الولايات المتاحدة د ميريكان
لحرفة لاعبة سيرك
لّوغات لي كيعرف نڭليزية



أني جونز إليوتنّݣليزية: Annie Jones Elliot) كانت واحد المرا مريكانية عندها لحية، تزادت ف ولاية ڤيرجينيا نهار 14 يوليوز 1865 وماتت نهار 22 كتوبر 1902.[1] خدمات مع السيرك ديال بارنوم باش تجبد الناس للفراجة. ماكاينش شي معلومة واضحة واش كان عندها مرض الشعرانية ولا شي حاجة وراثية خرى لي كتأثر على الدراري بجوج، البنات والولاد، وكتبقى حتى كيكبرو. بزاف ديال المصورين، منهم ماثيو برادي، خداو ليها تصاور فحياتها، ونشروهم فكلشي.

ملي كبرات، ولات آني أشهر مرا عندها اللحية ف ميريكان كاملة وولات كتهضر بإسم "المسوخ". تزوجات مع ريشارد إليوت ف1881، ولكن طلقات منو ف1895 على ود حبيب صغرها وليام دونوڤان، لي مات وخلاها هجّالة. ف1902 ماتت جونز فبروكلين بالسل.[تدريج]

منين جات

[بدل | بدل لكود]

تزادت آني جونز ف ماريون، ڤيرجينيا، لي هيا مركز مقاطعة سميث، فالجهة الجنوبية الغربية ديال الولاية، نهار 14 يوليوز 1865. دخلات آني لمعرض بارنوم وهي عندها غير 9 شهور، وكانو كيعطيو للوالدين ديالها 150 دولار فالسيمانة.

كانو كيسميوها "عيسو الصغير" الجديد. ملي وصلات 5 سنين، كان عندها موسطاج وسوالف، وولات معروفة ب"البنت مولات اللحية". المصور المريكاني ماثيو برادي صورها وهي درية ف1865.[2]

واحد النهار، واحد الراجل من نيويورك لي كان عالم ف دراسة الدماغ خطف آني وهي صغيرة. لقاوها بارنوم والبوليس فواحد المعرض فالكنيسة. الراجل گال بلي الدرية ديالو، ومشاو للمحكمة. القاضي عزل آني على الناس قبل ما تشهد. ملي دخلات للمحكمة، مشات نيشان لوالديها ملي شافتهم. وهكا القاضي سد القضية. واخا يمكن تكون غير حيلة من بارنوم باش يدير الإشهار.

مصادر

[بدل | بدل لكود]
  1. ^ "ANNIE JONES - The Bearded Lady". web.archive.org. 2018-02-24. Archived from the original on 2018-02-24. تطّالع عليه ب تاريخ 2025-01-20.CS1 maint: unfit url (link)
  2. ^ "Picture History - Annie Jones". web.archive.org. 2006-01-11. مأرشيڤي من لأصل ف 2006-01-11. تطّالع عليه ب تاريخ 2025-01-20.