أنقارا

أنقارا
Ankara (tr) آنقره (ota)
لبلاصة
لبلاد	توركيا
لإقليم	ولاية أنقرة
لإدارة
لعمدة	منصور يواش (8 أبريل 2019)
السكان
شحال دالسكان	5,803,482 (2023)
السكان فالصونطر	130,520 $1
اللوغات	تركية
لجغرافيا
لميساحة	25,632 كم²
لعلو	938 م
معلومات خرين
توقيت ديال لمدينة	ڭرينيتش + 3
نمرة التيليفون لمحلية	312
كود د لبوصطة	06000–06999
السيت الرسمي	ankara.bel.tr
الرمز لجغرافي	323786

أنقارا (ب التركية: Ankara) هي لعاصيما د تركيا و تاني أكبر مدينا فيها، مورا إسطنبول. جات ف لوسط د لبلاد، ف لمنطقة د لأناضول، لعلو ديالها 938 ميطرو، و تيدوز منها لواد د أنقارا. تيسكنو فيها تقريبا 6 د لمليون د الناس.

أنقارا فيها ميطرو عندو 3 د لخطوطا و 57 محطة. فيها مطار دولي (إيسينبووا)، و هو رابع أكبر مطار ف لبلاد.

التاريخ ديالها

أنقارا مدينا قديما، و عندها تاريخ تا من قبل لوقت د الرومان. كانت هي لعاصيما د لمنطقة د ڭالاطيا، ف لقرن التالت قبل لميلاد.

ملّي طاحت الدولة لعتمانية ف 1923 و خدا مصطفى كمال أتاتورك لحكيم د لجمهورية الجديدا د تركيا، بدّل لعاصيما نيشان لأنقارا. السباب علاش دار هاد التبدال هو حيت إسطنبول كانت مربوطا بزاف بلعتمانيين و كان خايف تنوض ضدو مضاهرات و مدابزات تمّا. ف نفس لوقت كانت أنقارا مدينا صغيرا و بعيدا شويا ف وسط لبلاد و يقدر يبنيها على شهوتو باش تعاونو ف لحكيم. كبرات لمدينا دغيا مورا داكشي، ف اللول كانو ساكنين فيها جوايه 35.000 واحد، و ف لخمسينات كانت قربات ل 300.000 واحد.

ويكيميديا كومنز عندا تصاور و معلومات على أنقارا.