أماوراغ
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
أماوراغ
| ||
,_isla_de_Mouro,_Santander,_Espa%C3%B1a,_2019-08-15,_DD_88.jpg)
| ||
| معلومات عامة | ||
| سمية لعيلمية | Liza aurata (Antoine Risso، 1810) | |
| لخاصية د ترتاب | نوع | |
| تابع ل | خشني | |
أماوراغ[1] ولّا الدهبية[2] (السمية لعلمية chelon auratus ولّا liza aurata) نوع ديال لحوت من لفاميلة ديال لبوريات Mugilidae. هاد لحوت كيتسمى ب الداريجة حتى أوراغ، وخا هاد لكلمة تقدر تتخدم على نواع خرين د لحوت بحال seriola dumerili.[3]
أماوراغ عندو ڭسدة هيدروديناميكية، طويلة و متناسقة، و علاين تكون أسطوانية، و زنطيط قاسح. ضهرو كيكون لونو رمادي مغلوق، و كيميل للبيوضية د النقرة ف جيهت لكرش، ب خطوط رماديين. أفوشكو فيه نقاطي دهبيين.[4]
كيوصل الطول ديالو تال 60 سنتيم و يقدر يوزن ف جوايه 1,5 كيلوڭرام، ولايني ف لعادة كيكون حوت صغير ب 30 سنتيم ديال الطول ف لموعدّال.[5]
موسم التكاتر ديال حوت أماوراغ كيكون ف لبحر مابين يوليوز و نونبر.[4]
أماوراغ كاين ف شرق لمحيط لأطلاسي من سكوطلاندا تال كابو ڤيردي، ف لميديطيراني و ف لبحر لكحل، و ف لمياه د السواحل من الجنوب د النورڤيج و السويد (ولايني ماشي ف بحر لبلطيق) تال لمغريب. كيتلقى بشكل نادر ف السواحل ديال موريطانيا، و تم لإدخال ديالو ل بحر قزوين.
أماوراغ كيعيش عادةً ف لمياه الضحلة (ضد "غارقة") حدا السواحل، و كيدخل للاڭونات، لمراسي و لمصبات د لويدان، ولايني قليل فاش كيدخل للمياه لعدبة. كيتغدى على لكائنات لي كاتعيش حدا لقاع د لبحر، لبقايا، و شي مرات على لبخوش و لپلانكطون.[6]
لغرق فين كيعيش أماوراغ كايوصل تال 20 ميترو تحت السطح د لما، ولايني كيكون عادةً ف غرق مابين 1 تال 10 ميترو. كيفضّل قيعان رملية مغطية ب نباتات و صخور صغيرة، لي كاتقدر تّلقى فيها لماكلة، و حتى حماية من مفترسات بحال لإنقليس و أبلاغ.
ف بزاف د لبلدان، أكبر طول ديال أماوراغ لي مقبول باش يبقى هوّ 20 سنتيم. ف بعض لمصبات كيقدر يتصيّد على ود لماكلة ولّا لمتعة (هواية صيد لحوت).
تجارياً، كيتم الصيد ديالو ف شبكات خاصّين ديال نواع لبوريّات، لي كيقدرو يشدّو لأفراد لي نقّزو على الشبكة اللولة.[7] ف كرواتيا لموعدال السنوي ديال مقدار الصيد ديالو كيوصل ل 50 طن.[8] ف الرياضة ديال الصيد، كيتشدٌ ب الصنّارة و لخيط، ب نواع ديال الطعم بحال لمعجنات لي مصاوبة ب الطحين، لفرماج و لمصارن د لحوت، و لايني شي مرات كيقدر يقبل تا لخبز.[5]
اللحم ديال أماوراغ كيكون بيض و رطب. لمداق ديالو كيقدر يتبدّل على حساب لموضع فين تصيّد. كيقدر يطيب ف مقلة سيرتو لحوتات لي صغار، ولّا مشوي معا زيت الزيتون، لعصير د لحامض و لمعدنوس، و كيتّعتابر من أحسن لأطباق.[9]
كيتطيّب حتى ف ڭاميلة د لحوت.
- ^ محمد شفيق (1999). الدارجة المغربية مجال توارد بين الأمازيغية والعربية (PDF) (ب لعربية ودّاريجة). الرباط: مطبعة المعارف الجديدة. ص. 56. Archived from the original on 2023-06-17. تطّالع عليه ب تاريخ 2025-05-12.CS1 maint: unfit url (link)
- ^ "Chelon auratus (Risso, 1810)". تطّالع عليه ب تاريخ 2025-05-16.
- ^ حسن أميلي (2011). المعجم البحري والملاحي: عربي فرنسي مغربي. الرباط: جامعة محمد الخامس السويسي. ص. 87.
- ^ a b "Golden Grey Mullet". www.uk-fish.info. تطّالع عليه ب تاريخ 27 October 2018.
- ^ a b "Mullet Species". britishseafishing.co.uk. 14 September 2012. تطّالع عليه ب تاريخ 27 October 2018.
- ^ Froese، Rainer؛ Pauly، Daniel (إيديتورات). "Chelon auratus". فيش بييز. يونيو 2018 version.
- ^ "Beach Seine Netting". Cornwall Seafood Guide. تطّالع عليه ب تاريخ 27 October 2018.
- ^ Dulčić J.؛ Soldo A.؛ Jardas I. "Review of Croatian selected scientific literature on species mostly exploited by the national small-scale fisheries" (PDF). FAO. تطّالع عليه ب تاريخ 27 October 2018. Unknown parameter
|name-list-style=ignored (معاونة) - ^ "Golden Grey Mullet - Liza aurata". www.seafishinghowto.com. مأرشيڤي من لأصل ف 27 October 2018. تطّالع عليه ب تاريخ 27 October 2018.