أماطيراسو
أماطيراسو
| ||
 | ||
| معلومات عامة | ||
| لجنس | نتوة | |
| لموضع د زّيادة | Hyūga Province | |
| لفاميلة ؤ صّحاب | ||
| لبّات | إزاناڭي | |
| لمّ | إزانامي | |
| لخوت | تسوكويومي، Hiruko، سوسانو و Kagu-tsuchi | |
| ولاد | Ame no Oshihomimi، آمي نو هوهي، Amatsuhikone، Ikutsuhikone، Kumanokusubi، تاغوريهيمي، Tagitsuhime و Ichikishimahime | |
| معلومات إضافية | ||
| خدامي | عاهل | |
| مناصب | Chiten no kimi | |
| مدكور ف | كوجيكي و نيهون شوكي | |
| أعمال بان فيها | كوجيكي و نيهون شوكي | |
| أعمال خرة | Amaterasu | |
| يقدر يكون | أفالوكيتيشفارا ذو الأحد عشر وجهًا و نياكوتشي أوجي | |
أماطيراسو ؤوميكامي (ب الجاپونية 天照大（御）神)[1][2] ولّا ب ختيصار أماطيراسو، و معروفة تا ب سميات خرين،[3][4] هيّ ربة د الشمش ف لأساطير د الجاپون. كاتّعتابر من لأرباب (كامي) الرئيسيين ديال ديانة الشينطو،[5][6][7] و مدكورة ف أقدم النصوص ديال لأداب الجاپوني بحال كوجيكي (ج. 712) و نيهون شوكي (ج. 720)، ب عتيبارها لحاكمة ديال لمملكة السماوية طاكاماݣاهارا، و الجدة لأسطورية ديال السلالة لإمبراطورية د الجاپون، من حفيدها نينيݣي. زيادة على جوج من خوتها (الربة د لقامار تسوكويومي، و الرب د لعواصف سوسانوو) كيتّعتابرو "لولاد التلاتة لعزاز" (ب الجاپونية 三貴子، صانكيشي)، ديال الرب لخالق إزاناݣي.
لموضع الرئيسي فين كاتّعبد أماطيراسو هوّ الضريح لكبير د إصي ف مدينة إصي، عمالة مييي، و كيتّعتابر من أقدس لمواقع ف الشينطو، و مركز ديال لحج و موقع سياحي مهم. بحال لكاميات لخرين، كاينين أضرحة ديالها ف عدد د لبلايص ف الجاپون.
الربة كيتشار ليها ب "أماطيراسو ؤوميكامي" (قبل كانت كاتّكتب 天照大御神 ولا 天照大神 ب لهيراݣانا あまてらすおほみかみ، كاتّقرا أماطيراسو ؤهوميكامي، ف الجاپونية لبالية كاتّقرا أماطيراسو ؤپومي كامي) ف كتاب كوجيكي، ف لوقت لي كتاب نيهون شوكي عطى هاد الشكال ديال سميتها:
- ؤوهيرومي نو موتشي (大日孁貴، ف لمانيووݣانا 於保比屢咩能武智، لقراية التاريخية おほひるめのむち، ؤهوهيرومي نو موتشي، و ف الجاپونية لبالية كاتقرا ؤپوپي رومي نو موتي)[8][9]
- أماطيراسو ؤو(مي)كامي (天照大神، لقراية التاريخية あまてらすおほ(み)かみ، أماطيراسو ؤهو(مي)كامي)[8][9]
- أماطيراسو ؤوهيرومي نو ميكوطو (天照大日孁尊)[8][9]
- هي نو كامي (日神، ف الجاپونية لبالية كاتقرا پي نو كامي)[8][9]
كايتعتاقد بلي كلمة "أماطيراسو" جات من لفيعل "أماطيرو" يعني "تضوّي ولّا تبري ف السما" (من "أما"، سما + "طيرو"، بري ولّا ضوّي)، زيادة على لمزيودة لفعلية د التعظيم "سو"،[10] ف لوقت لي "ؤوميكامي" كاتعني "الربة لعظيمة الجليلة". يعني سميتها لكاملة كاتعني "الربة لعظيمة الجليلة لي كاتضوّي ف السما".
- ↑ NHK Broadcasting Culture Research Institute, ed.
- ↑ Kindaichi, Haruhiko; Akinaga, Kazue, eds.
- ↑ 天照神. コトバンク (ب اليابانية).
- ↑ 大日孁貴. コトバンク (ب اليابانية).
- ↑ Varley, Paul (1 March 2000). Japanese Culture (ب الإنجليزية). University of Hawaii Press. p. 8. ISBN 978-0-8248-6308-1. Retrieved 1 January 2024.
- ↑ Narayanan, Vasudha (2005). Eastern Religions: Origins, Beliefs, Practices, Holy Texts, Sacred Places (ب الإنجليزية). Oxford University Press. p. 440. ISBN 978-0-19-522191-6. Retrieved 1 January 2024.
- ↑ Zhong, Yijiang (6 October 2016). The Origin of Modern Shinto in Japan: The Vanquished Gods of Izumo (ب الإنجليزية). Bloomsbury Publishing. pp. 2, 3. ISBN 978-1-4742-7110-3. Retrieved 1 January 2024.
- 1 2 3 4 Kuroita, Katsumi (1943). Kundoku Nihon Shoki, vol. 1 (訓読日本書紀 上巻). Iwanami Shoten. p. 27.
- 1 2 3 4 Aston, William George (1896). . Nihongi: Chronicles of Japan from the Earliest Times to A.D. 697. Kegan Paul, Trench, Trübner & Co. p. – via ويكي مصدر.
- ↑ Akira Matsumura, ed. (1995). 大辞林. Daijirin (ب اليابانية) (2nd ed.). Sanseido Books. ISBN 978-4385139005.
