ألڭوريتم
| ألڭوريتم | |
|---|---|
 | |
| كلاص فرعية ديال | إجراء، عمل  |
| طرف من | أنفورماتيك، علم الخوارزميات، لماط |
| مسمي على | الخوارزمي |
| كيدرسو | نظرية الحوسبة، تحليل الخوارزميات، علم المعلومات، نظرية التعقيد الحسابي |
| طريقة ديال التصنيع | algorithmization |
| عندو خصلة | التعقيد الحسابي، كفاءة خوارزمية، algorithmic stability |
| مخطَّط كيان للصنف | Entity schema not supported yet (E178) |
| طاڭ ديال سطاك إكستشينج | https://stackoverflow.com/tags/algorithm، https://cs.stackexchange.com/tags/algorithms، https://tex.stackexchange.com/tags/algorithms |
الخوارزمية أولا لألݣوريتم هي مجموعة ديال الخطوات الحسابية و المنطقية اللي كتجي وحدة مور وحدة باش نلقاو حل ل شي مشكل. و تسمات الخوارزمية بهاد السمية على العالم أبو جعفر محمد بن موسى الخوارزمي اللي ختارعها ف القرن التاسع الميلادي.
الكلمة اللي معروفة فاللغات اللاتينية و الأوروپية هي algorithm، و فالأصل كان المعنى ديالها كيهضر غير على ثلاثة ديال التراكيب:
- التسلسل: التعليمات كتدار وحدة بوحدة بالترتيب. كتكون الخوارزمية عبارة على مجموعة ديال التعليمات اللي جايين ورا بعضهم، و هادو يقدرو يكونو يا إما بسيطين ولا من الجوج نواع لمدكورين من بعد.
- الإختيار: كتختار بين جوج طرق ولا كثر على حساب شرط. كاين شي مسائل ما تقدرش تحلّها غير بتعليمات متسلسلة، وكتحتاج تختبر شي شروط وتشوف النتيجة، إلا كانت النتيجة صحيحة كتتبع طريق فيه تعليمات متسلسلة، وإلا كانت خاطئة كتتبع طريق آخر فيه تعليمات مختالفة. هاد الطريقة كتسمّى اتخاذ القرار ولا الختيار.
- التكرار: كتعاود نفس الخطوات حتى كيوقع شرط معيّن. ملي كتحل شي مسائل، ضروري في بعض المرات تعاود نفس تسلسل الخطوات بزاف ديال المرات. هاد الشي اللي كنسمّيوه التكرار.
و تثبت بلي ما كايناش حاجة ل تراكيب زايدة.
وخا ما كاينش إتفاق رسمي على تعريف مناسب لـ «الخوارزمية»، راه يقدر نصايبو تعريف ماشي رسمي ليها يلا عتابرناها "مجموعة ديال القوانين اللي كتعبر على سلسلة محددة ديال العمليات"[1] اللي غادي تشمل جميع برامج لورديناتور، حتى البرامج اللي ما كتدارش بيها عمليات حسابية رقمية. و ب النسبة ل شي ناس، أي برنامج هو خوارزمية يلا كان كيحبس فالآخر. كيتطلب ب بساطة باش "يسالي ف عدد محدود ديال الخطوات"[2] و ب النسبة لآخرين، البرنامج هو خوارزمية غير يلا كان كيدير عدد ديال الخطوات الحسابية.
و كاين مثال نموذجي ديال لخوارزمية هو خوارزمية إقليدس باش نحدّو الحد الأقصى للقاسم المشترك ديال جوج أعداد.
Boolos & Jeffrey (1974, 1999) عطاو معنى رسمي للكلمة فهذ الإقتباس:
ما كاين حتى واحد يقدر يكتب ب السرعة الكافية، ولا لمدة طويلة كافية، ولا بحجم صغير كافي («صغر و صغر بلا حد... واش غادي تجرب تكتب فوق الجزيئات، فوق الذرات، أولا حتى فوق الإلكترونات») ولا يجرب يعدد جميع العناصر ديال مجموعة ما لا نهائية من الأعداد القابلة للتعداد ويكتب سمياتهم، واحد ب واحد، ف شي صيغة عددية. ولكن البشر يقدرو يديرو حاجة مفيدة بنفس القدر، فحالة بعض المجموعات ما لا نهائية ديال الأعداد اللي ما عندهاش حد: يقدرو يعطيو تعليمات واضحة باش نحددو العضو من المجموعة، لمجموعة منتهية، عتباطية و محدودة. هاد التعليمات خاصها تكون واضحة بزاف، و ب الطريقة اللي نقدر نحصلو عليها بواسطة كالكيلاتريس، أولا بواسطة إنسان قادر غير يدير عمليات بسيطة بزاف على الرموز.[3]
