ألكساندر وانڭ
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ألكساندر وانڭ
| ||
| Alexandr Wang | ||
.jpg) | ||
| معلومات عامة | ||
| زيادة | 1997 (27/28 عام) لوس ألاموس | |
| لجنسية | الولايات المتاحدة د ميريكان | |
| لحرفة | بيزنيسمان | |
    | ||
ألكساندر وانݣ (تولد ف 1997 ف لوس آلاموس، نيو مكسيكو) هو مول شركة مريكاني و مؤسس شركة Scale AI، وحدة الشركات الكبار ف مجال الذكاء الاصطناعي. ف 2021، ولا أصغر ملياردير خلق ثروتو بوحدو ف العالم.[1]
وانݣ تولد ف لوس آلاموس لوالدين شينويين كانو خدامين كفيزيائيين ف المختبر الوطني ديال لوس آلاموس، المكان لي تصاوبت فيه القنبلة النووية اللولة. من صغرو كان مولوع ب الرياضيات و البرمجة، وربح جوايز كثيرة. نجح ف برنامج أولمپياد الرياضيات ف 2013، والفريق الفيزيائي لميريكاني ف 2014، وكان من المتأهلين للنهائيات ف مسابقة USACO د لبرمجة ف 2012 و 2013.[2]
ملي كان مراهق، خدم ف شركة قورا Quora كمبرمج. قرا علوم الحاسوب و الرياضيات ف MIT، ولكن خرج منها باش يأسس Scale AI ف 2016.[3]
ف 2016، أسس وانݣ شركة Scale AI لي كتوفر خدمات تصنيف الداطا للذكاء الإصطناعي و الشوفان ب لورديناتور. ف مجلس الإدارة ديال الشركة كاين ويليام هوكي، المؤسس المشارك ديال شركة Plaid. ف ماي 2021، نضم مايكل كراتسيوس، كبير لمسؤولين د التكنولوجيا ف إدارة ترامپ، للشركة كمدير تنفيذي و رئيس د لإستراتيجية.[4]
الشركة عندها كليانات كبار بحال ؤپن إي أي OpenAI، دجينيرال موتورز General Motors، طويوطا Toyota، ؤبر Uber و پايپال PayPal.[5] ف 2021 وصلات القيمة ديال الشركة ل 7.3 مليار دولار، و وانݣ ولات عندو ثروة ديال مليار دولار حيت كان كايملك 15% ديال الشركة.[6]
سكييل إي أي Scale AI عندها عقود مع القوات المسلحة د لميريكان و الپينطاݣون باش تختابر و تقيم سلامة و موثوقية نماذج اللغة الكبيرة ف التخطيط و القرار العسكاري.[7]
ف 2021، تسما ف ليستة فوربس 30 تحت 30 Forbes 30 Under 30 ف فئة تكنولوجيا المؤسسات.[8] تختار التاني ف ليستة تايمز 100 Time 100 و تايمز 100 إي أي Time100 AI لي كتكرم القادة الصاعدين لي كيغيرو المستقبل ديال المجالات ديالهم.[9]
- ↑ "Alexandr Wang - Forbes". تطّالع عليه ب تاريخ 2024-01-14.
- ↑ "Alexandr Wang former UNM-PNM Math Contest Winner". تطّالع عليه ب تاريخ 2024-12-24.
- ↑ "How The 22-Year-Old Founder Of Scale AI Built A Billion-Dollar Business". تطّالع عليه ب تاريخ 2024-01-14.
- ↑ "How Alexandr Wang Built A $7.3 Billion AI Unicorn". تطّالع عليه ب تاريخ 2024-01-14.
- ↑ "Scale AI's $7.3 billion valuation". تطّالع عليه ب تاريخ 2024-01-14.
- ↑ Loten، Angus. "Scale AI's Rapid Growth Reflects Widening Demand for Smart Software". Wall Street Journal (ب نڭليزية). تطّالع عليه ب تاريخ 2024-01-14.
- ↑ "Scale AI to set the Pentagon's path for testing and evaluating large language models". DefenseScoop. 20 فبراير 2024.
- ↑ "30 Under 30 In Enterprise Tech". تطّالع عليه ب تاريخ 2024-01-14.
- ↑ "TIME100 AI 2023: Alexandr Wang". Time. تطّالع عليه ب تاريخ 2024-01-14.