أكيهيطو
أكيهيطو
| ||
.jpg) | ||
| معلومات عامة | ||
| زيادة | 23 دجنبر 1933 (91 عام) قصر طوكيو الإمبراطوري | |
| لجنسية | الجاپون | |
| لحرفة | عاهل، عالم أسماك، عالم د لحيوانات و عالم أحياء بحرية | |
| لّوغات لي كيعرف | جاپونية | |
| لفاميلة | ||
| لواليد | هيروهيطو | |
| لواليدة | الإمبراطورة كوجون | |
| خوت | Shigeko Higashikuni، ساشيكو أميرة هيسا، Kazuko Takatsukasa، Atsuko Ikeda، ماساهيتو أمير هيتاشي و Takako Shimazu | |
| شريك | ميتشيكو (1959–) | |
| لولاد | ناروهيتو فوميهيتو ساياكو كورودا | |
| معلومات خرى | ||
| دين | شينطو | |
| لأعمال | ||
| لألة | كمان جهير | |
| لجوايز |
| |
 | ||
    | ||
أكيهيطو (جاپونية: 明仁؛ مزيود ف طوكيو ف 23 دجنبر 1933) كان هو لإمبراطور نمرة 125 ديال الجاپون على حساب الترتيب التقليدي د لخلافة، و حكمها من 1989 ل 2019.
تزوج ب ميتشيكو ف 1959 و عندو معاها 3 د الدراري، و هوما لإمبراطور لحالي ناروهيطو، ولي لعهد فوميهيطو، أمير د أكيشينو، و لأميرة السابقة ساياكو. خدا أكيهيطو منصب لإمبراطور فاش مات باه هيروهيطو (لمعروف دابا ف الجاپون ب لإمبراطور شووا) ف 7 يناير 1989.[1] ف 30 أبريل 2019، قرر أكيهيطو باش يعتازل من لعرش ل أسباب صحية، و من ديك الساعة ولاّ ولدو ناروهيطو لإمبراطور الجديد.[2]
أكيهيطو كان لخامس ف ولاد لإمبراطور شووا و لإمبراطورة كوجون، و الدري اللول مور 4 د لبنات. ف لحرب لعالمية الجاوجة، مشى معا صحابو ف لقراية ل نيكّوو تا ستسلمات الجاپون و سالات لحرب. ف 1952، تدارت على قيبالو حفلة ديال بلوغ الرشد لي ولّى فيها رسميا ولي لعهد، و بدا كيمارس مهام رسمية.[3] لعام لي موراه مشى ل لندن باش يحضر ل مراسم تتويج لماليكة إليزابيط التانية، و كانت هادي الرحلة اللولة ديالو برّا الجاپون. ف 1956 كمّل الدراسة الجامعية ديالو. ف أبريل 1959، تجوج ب ميتشيكو شوضا، لي كانت مرا عادية من الشعب. كان لعرس ديالهم أول عرس إمبراطوري كيدوز ف التلفازة، و شافوه 15 مليون واحد.[4]
ف يناير 1989، ولّى أكيهيطو إمبراطور مور لموت ديال بّاه، و حفل التتويج ديالو تدار ف 1990. حاول أكيهيطو باش يخلي لفاميلة لإمبراطورية قرب للشعب، و زار جميع لعمالات 47 ديال الجاپون و عدد ديال لݣزاير لي تابعين ليها. كان عندو هتيمام كبير ب لحياة الطبيعية و لحفاظ عليها، و ب التاريخ د لعالم.[3]
- ↑ "Intronisation de l'empereur japonais Akihito". Université de Sherbrooke. تطّالع عليه ب تاريخ 2025-08-02.
- ↑ l'Opinion، · (2019-04-30). "Japon: l'empereur Akihito abdique après 30 ans de règne". l'Opinion (ب لفرانساوية). تطّالع عليه ب تاريخ 2025-08-02.
- 1 2 "Their Majesties the Emperor and Empress". Imperial Household Agency. 2002. مأرشيڤي من لأصل ف 1 December 2007. تطّالع عليه ب تاريخ 28 December 2007.
- ↑ "Imperial marriage created bond with people". The Japan Times. 2009-04-09. تطّالع عليه ب تاريخ 2016-10-21.
 |
ويكيميديا كومنز عندا تصاور و معلومات على أكيهيطو. |
- Their Majesties the Emperor Emeritus and Empress Emerita (ب نّݣليزية)
- 上皇上皇后両陛下のご様子 (ب جاپونية)
 هادي زريعة ديال مقالة خاصها تّوسع. تقدر تشارك ف لكتبة ديالها. |