أكيرا كوروساوا

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

أكيرا كوروساوا
黒澤 明
معلومات عامة
زيادة	23 مارس 1910 Ōi (لإمبراطورية د الجاپون)
لموت	6 شتنبر 1998 (88 عام) Seijō
طريقة دلموت	موتة طبيعية
سباب لموت	سكتة منطقة المهطل
لجنسية	لإمبراطورية د الجاپون (1910–1947) الجاپون
لحرفة	مخرج د لأفلام، مونتيج د أفلام، سيناريست، مونتور، كاتب، موخريج، مونتيج، زوّاق و كاتب د السينيما
لّوغات لي كيعرف	جاپونية
لفاميلة
شريك	Yōko Yaguchi (1945–1985), موت د الراجل/لمرا
لولاد	كازوكو كوروساوا Hisao Kurosawa
معلومات خرى
لأعمال	(1950) راشومون (1952) إيكيرو (1954) الساموراي السبعة (1957) عرش الدم (1958) The Hidden Fortress (1961) يوجيمبو (1985) ران (1990) Dreams
لجوايز	(1 أكتوبر 1998)  People's Honour Award../... 56+

أكيرا كوروساوا (ب جاپونية: 黒澤 明) (23 مارس 1910 - 6 شتنبر 1998) كان مخرج أفلام و رسام جاپوني دار شي 30 فيلم ف الكاريير ديالو اللي شدات كتر من خمسين عام. كيتعتابر واحد من أعظم صناع الأفلام وواحد من اللي عندهم تأتير كبير ف تاريخ السينيما. كوروساوا بيّن على واحد الزعامة و الديناميكيا، حيت تأتر بزاف ب السينيما الغربية ولايني واخا هكاك تيبقى مختالف عليها؛ شارك ف ݣاع المراحل و الأدوار ديال إنتاج الأفلام. و كانت لأفلام ديالو عندها شعبية كبيرة عند عشاق السينيما ف العالم.

دخل كوروساو صناعة السينيما الجاپونية عام 1936، و خدم فيها رسام ولكن ما طولش. بعد سنوات ديال الخدمة ف بزاف ديال الأفلام كـ مساعد ديال لمخرج و كاتب سيناريو، قدم أول عمل ليه كمخرج ف الحرب العالمية التانية ب الفيلم ديالو الشهير ديال الأكشن اللي العنوان ديالو سانشيرو سوݣاتا (1943). بعد الحرب، جا فيلم "الملاك السكران" (1948) اللي لقى إعجاب النقاد، حيت قدم كوروساوا الفنان اللي ما كانش معروف ف ديك الوقيتة طوشيرو ميفوني اللي لعب دور رئيسي، و هاكدا فرض راسو و تبت سمعتو كـ واحد من أهم المخرجين الشباب ف الجاپون . من بعد شاركو هاد الجوج ف تقديم خمسطاش فيلم خرين.

راشومون (1950)، اللي تعرض للمرة لولى ف طوكيو، ما كانش حتى واحد كيتوقع بلي غادي يدي جائزة السبع الذهبي ف مهرجان البندقية السينيمائي عام 1951. نجاح الفيلم تجاريا و نقديا فتح السوق السينمائية الغربية للمرة اللولة قدام الصناعة السينمائية الجاپونية، و اللي خلى أفلام ديال مخرجين جاپونيين خرين يبانو. كوروساوا كان ف الوقيتة ديال الخمسينات و الستينات كيخرج فيلم كل عام، بحال إيكيرو Ikiru (1952)، الساموراي السبعة (1954)، عرش الدم (1957)، يوجيمبو (1961)، و عالي و هابط (1963)، اللحية لحمرا (1965). بعد الستينات، ولى ما يكنتجش بزاف، واخا هكاك، الأفلام ديالو اللي جات من بعد، بما فيها جوج أفلام اللخرين ديالو كاݣيموشا (1980) و ران (1985) لقاو إعجاب كبير.

ف التسعينات، جاب جائزة د الأوسكار على إنجاز مدى لحياة. بعد الوفاة ديالو تعطات لو السمية ديال "آسيوي القرن" ف فئة "الفن، الأداب، و الثقافة" من عند مجلة آسيان و ريزو سي إن إن. حيث لقاو بلي هوّ من بين خمسة د الناس اللي ساهمو بزاف ف تحسين الوضع ف أسيا ف القرن العشرين. و بسباب لكاريير لكبيرة ديالو تكرم ف بزاف ديال العروض، الدراسات النقدية، التصاور، الطباعة و الڤيديو، و ف بزاف ديال إشهارات الإستهلاك.

الولادة و البدية

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

تولد كوروساوا ف 23 مارس 1910 ف واحد الضَّاحِيَة ديال العاصمة طوكيو، و هو من واحد الفاميلة عريقة ديال الساموراي، باه إِسامو (1864-1948) من مدينة أكيتا، كان مدير ديال واحد الإعدادية تابعة ل معهد التربية البدنية اللي تابع للجيش، أما الواليدة ديالو شيما (1870-1952) فا هي من فاميلة كتدير التجارة ف أوساكا. أكيرا كان هو الولد التامن و الصغير ف فاميلة لاباس عليها. جوج من خوتو كانو ديجا ف سن الرشد منين يا الله تولد هو، و واحد خور كان توفى، و خلى كوروساوا يكبر مع تلاتة ديال خواتاتو و خو واحد.

زيادة على التمارين البدنية، كان إيسامو كوروساوا منفاتح بزاف على التقاليد الغربية. داكشي اللي خلاه يعتبر بلي المسرح و التصاور المتحركة يقدر يفيدو ف التعليم. و كان تيشجع ولادو باش يتفرجو ف الأفلام. الشاب أكيرا شاف أول فيلم ليه وهو يا الله عندو ست سنين. كان لمعليم ديالو تاتشيكاوا ف المدرسة الإبتدائية عندو تأتير كبير عليه، حيت الممارسات التعلمية التقدمية خلات هاد التلميد يبغي الرسيم أولاً و التعليم بشكل عام. و ف هاد الوقيتة، تعلم هاد التلميد حتى فن الخط. و المقاتلة ب السيف ف لعبة كينو.

أكيرا كوروساوا، إيشيرو هوندا، و سينكيتشي تانيݣوتشي مع المعليم ديالهم كاجيرو ياماموطو ف التواخر ديال التلاتينيات

الأفلام ديالو لولى

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

من بين الأعمال ديالو المهمة بعد الحرب، فيلم "الجمعة لواعرة" (Subarashiki nichiyobi 1947)، واللي طغى فيه الجانب الإنساني، و "الملاك السكران" (Yoidore tenshi 1948) و هو فيلم كحل بان فيه لمرة اللولة الممتل طوشيرو ميفوني. كوروساوا حقق أول نجاح عالمي ليه مع فيلم "راشومون" (1950)، كان الفيلم طوپ ف جميع الجوانب، ف التصوير و ف الحركات ديال الكاميرا اللي كانت متقونة بزاف، و اللعب ديال الممتلين، و أخيرا القصة اللي كتهضر على أشخاص شاهدين على جريمة فظيعة، و كل واحد تيحاول يوصفها ب طريقتو. هاد الفيلم خدا جائزة "السبع الذهبي" ف مهرجان البندقية ديال السينيما عام 1951، و كان أول فيلم جاپوني كيحقق هاد السبق. بفضل هاد الشهرة، ولى "كوراساو" أكتر حرية ف الأعمال ديالو، و خرج فيلم "لمكلخ" عام 1951 من رواية ديال لكاتب الروسي فيودور دوسطوييڤسكي، ثم "إيكيرو" عام 1952 على قيمة الحياة، الشيخوخة و البيروقراطية، و كان اللعب ديال الممتل طاكاشي شيمورا ف هاد الفيلم متميز.

الطوپ ديالو

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

بفضل السمعة العالمية اللي حصل عليها، تمكن كوروساوا باش يقنع ستوديو طوهو باش يوفرو ليه ميزانية تجاوزات 300 مليون ين باش يكمل الفيلم ديالو الساموراي السبعة (1954). بقات هاد الميزانية ل مدة طويلة هي لكبيرة ݣاع ف تاريخ السينيما الجاپونية. الفيلم كان ناجح بزاف، واخا ستوديوات طوهو حيدو كتر من ساعة من النسخة الأصلية.

بعد النجاح ديال فيلم "الساموراي السبعة" (Shichinin no samurai 1954)، لقى كوروساوا عتراف عالمي من الجمهور و النقاد. واخا الأفلام ديالو موديل جاپوني، كوروساوا تأتر بزاف ب الأفلام الميريكانية ف العصر الدهبي ديالها، و هادشي اللي خلى الأفلام ديالو تكون مقبولة و تلقى إعجاب من المشاهد الغربي. وسع الدائرة ديال المصادر ديالو و قتابس من أعمال بزاف ديال الأدابا الغربيين بحال: ماكسيم ݣوركي و الرواية ديالو "ف الأعماق" (1957)، "إد ماك رين" ف "بين السما و الجحيم" (Tengoku to jogoku 1963)، و ويليام شيكسپير ف "قصر العناكب" (Kumonoso-Jo 1957) على مسراحية "ماكبيث"، ولا "ران" (1985) على مسراحية "الملك لير". و الفيلم اللخر، كيبين التوافق و الإنسجام الكبير بين المحتوى مع الطريقة، الإخراج و الحوار، كيركز الفيلم على مشاهد عامرة ب الحركات البصرية، بحال داكشي اللي تيكون ف المعارك، كيما تيهضر بشكل شاعري شي مرات، و ساخر شي مرات على مواضيع د الشاراف و الخيانة، الممتل تاتسويا ناكاداي دار واحد من أفضل الأدوار ديالو ف هاد الفيلم. دار كوروساوا أفلام خرين بحال "لحصن لمخفي" (Kakushi yoride no san akunin 1958)، "يوجيمبو" (Yojimbo 1961) اللي حقق نجاح كبير، الشي اللي خلى المخرج الطالياني "سيرجيو ليوني" يعاود يقتابس منو الفيلم الغربي ديالو اللي العنوان ديالو "كمشة د الدولارات" (A Fistful Of Dollars 1964).

بعد هادشي، دار فيلم "سانجورو" (Sanjuro 1962) اللي جا بحال تكميلة ديال لفيلم "يوجيمبو"، و "مول اللحية الحمرا" (Akahige 1965)، هاد الفيلم هدا شكل منعطف مهم ف الكاريير ديال "كوروساوا" ل عدة أسباب، منها بلي كان لفيلم اللخر ديالو لي تصور ب البيض و لكحل، كيما كانت لمرة اللخرة لي غادي يتعاون فيها مع لمومتيل لمفضل ديالو طوشيرو ميفوني، و منها بلي ستوديوات التصوير الجاپونية (طوهو ب الخصوص) ما بقاتش كاتدعمو، و هكا كان عليه من ديك الوقيتة يقلب على مصادر خرة باش يمول الأفلام ديالو.

الوقيتة الخايبة ديالو

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

خرج كوروساوا أول فيلم ليه ب اللوان الطبيعية، دوديسكادين (DodesuKaden 1970), من رواية شوݣورو ياماموطو. هاد الفيلم كيصور ب طريقة مؤترة و مظلمة الحياة اليومية ف الكاريانات د لقصدير ف الضواحي ديال طوكيو. بعد نهاية الحرب العالمية التانية، بان من هاد الفيلم بلي تأتر بزاف ب موجة الواقعية الجديدة اللي جابوها المخرجين الطاليانيين و هزو المشعل ديالها ف الستينات، كيما يمكن نشوفو بعض عناصر الرواية الروسية الكلاسيكية اللي تأتر بيها و جبد منها بزاف ديال الأفلام ديالو، ب تصوير هاد المعاناة ب طريقة درامية، كان التعبير التصويري الجاپوني حاضر ب قوة و تيبان ف حدة اللوان ف الطابلوات و لمشاهد اللي كيعرضها الفيلم. كان العمل جديد و ما مألوفش ف هاديك الوقيتة، داكشي اللي خلاه يعرف فشلان كبير حيت الجمهور مافهمش لميصاج ديال المخرج. بعد هاد الفشلان دخل كوروساوا فو حدة من أخيب فترات حياتو، و تحبط ل درجة حاول ينتاحر. بعد سنوات، بداو النقاد تيشوفو ف "الدياسكادين" عمل محوري و عظيم ماشي غير ف حياة كوروساوا ولكن ف تاريخ السينيما العالمية.

المرحلة اللخرة

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

بعد فترة لخوا اللي داز منها، دار فيلم ديرسو أوزالا (Dersou Ouzala 1975) ب دعم روسي، و هكا خرج الفيلم اللي جاب به جايزة أوسكار كـ أفضل فيلم برّاني. لقى كوروساوا صعوبة كبيرة باش يضبر ف تمويل جاپوني للأفلام ديالو، ولكن الدعم جاه من منتجين كبار ف ميريكان عجباتهم الأعمال ديالو و تأترو بيها و قررو يمدو ليه يد المساعدة بحال: جورج لوكاس و فرانسيس فورد كوپولا، و هاكدا خرج كاݣيموشا (Kagemusha 1980)، و فيه كيعرض قصة واحد من المحاربين الكبار ف القرون الوسطى، و كيفاش حاولو الأتباع ديالو يخبيو حقيقة الوفاة ديالو، الفيلم جاب جائزة "السعفة الذهبية" ف مهرجان كان السينمائي. صحابو الميريكانيين عطاو ليه فرصة مرة خرى باش يعبر على الموهبة ديالو و يطلق الأفكار ديالو، و كانو أفلامو اللخرين بحال "أحلام" (Konna yume o mita 1990) و هي مجموعة ديال القصص كتهضر على مواضيع مختالفة من الحياة، و راپسوديا ف غشت (Rhapsody in August 1991) و فيه كتعرض واحد السيدة كبيرة ف العمر الدكريات ديالها على القنبولة الدرية اللي طاحت على ناݣاساكي. كوروساوا دار لفيلم اللخر ليه ف الجاپون عام 1993 اللي العنوان ديالو ماضاضايو Madadayo ("باقي ماشي دابا").

قتيباسات

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

• راشومون: "الغضب" (The outrage) ديال مارتن ريت و قام ب الدور البطولي فيه پول نيومان، سلسلة تلفزيونية ب نفس السمية (راشومون، 1960) ديال سيدني لوميت بطولة ريكاردو مونتالبان.
• رجال الساموراي السبعة: "السبعة العظما" (1960) ديال دجون ستورݣس.
• يوجيمبو: "حفنة ديال الدولارات (A Fistful Of Dollars 1963) ديال سيرجيو ليوني.
• لݣصر لمخفي: بعض المشاهد ف حرب النجوم (Star Wars، 1977) ديال جورج لوكاس.

أهم الأفلام

مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

• "سانشيرو سوݣاتا" أولا "ملحمة الجودو" (Sanshiro Sugata, 1943)
• "الأجمل" (Ichiban utsukushiku 1944)
• سانشيرو سوݣاتا 2 (Sanshiro Sugata II, 1945)
• الرجال اللي كيمشيو فوق الزنطيط ديال النمر (Tora no o wo fumu otokotachi 1945)
• ما ندم على شبابي (Waga seishun ni kui nashi, 1946)
• الجمعة لواعرة (سوباراشيكي كينيوبي، 1947)
• الملاك السكران (Yoidore tenshi, 1948)
• الكلب المسعور (Nora-inu, 1949)
• الفضيحة (شوبون، 1950).
• راشومون (Rashomon, 1950)
• لمكلخ (Hakuchi, 1951)
• إيكيرو أولا بلي تعيش (إيكيرو، 1952)
• رجال السموراي السبعة. (Shichinin no samurai, 1954)
• سجلات تاريخ كائن الحي (Ikimono no kiroku, 1955)
• "عرش من الدمايات" أولا قصر العنكبوت (Kumonosu jo, 1957)
• ف الأعماق (دونزوكو، 1957)
• لݣصر لمخفي (Kakushi yoride no san akunin, 1958)
• يوجيمبو (Yojimbo, 1961)
• سانجورو (سانجورو، 1962)
• بين السما و الجحيم (Tengoku to jigoku, 1963)
• مول اللحية الحمرا (Akahige, 1965)
• دوديسكادين (DodesuKaden, 1970)
• ديرسو أوزالا (Dersou Ouzala, 1975)
• كاݣيموشا أولا ظل المحارب (Kagemusha, 1980)
• ران (Ran, 1985)
• أحلام (Konna yume wo mita, 1990)
• راپسوديا ف غشت Rhapsody in August, 1991
• ماشي دابا (ماضاضايو، 1993)