أساطير د لباسك
| أساطير د لباسك | |
|---|---|
| mythology by ethnic group | |
| كلاص فرعية ديال | أساطير  |
| المجموعة العرقية | باسكيون |
| تقافة | culture of Basque Country |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لأساطير د لباسك (ب لباسكية Euskal mitologia) هوما لمجموع ديال لأساطير لي لأصل ديالهم من بلاد لباسك. لباسكيين تعرّضو للتنصير ف وقيتة معطلة، و كانو كيبغيو لقوى و الظواهر د الطبيعة بحال الشمش، لݣمرة، لهوا، لما، الجبال و لغابات، و كيتخيلوهم ف شكال د بنادم. ف الستيلات لمدوّرين ديال لمقابر لباسكية باقي كانلقاو رشمات ديال الشمش، لݣمرة، و النجوم. كاينين معتقدات ديال دابا لي كيرجعو تال لعصر لحجري لقديم.[1]
الشخصية الرئيسية ديال لميطولوجيا لباسكية هيّ الربة ماري Mari، لي كاتمتل الطبيعة. و مرتابط بيها سوݣار Sugaar "الدراݣون" لي كيمتّل لغضب د السما، الرعد و لعواصف.
كاينين قوى خرين ديال الطبيعة بحال الشمش (كيترشم ليها ب الصليب لباسكي)، إيݣو Egu ولّا إݣوين Eguin ولّا إخي Ekhi، لي كيجرّي على لقوة د الظلام، و لݣمرة، هيل Hil ولّا إلارݣي Ilargi، لي كاتجي من لعالم د لغيب و د لموت، و كايترشم ليها ب فاس ولّا الدوزان د لغزل.
كاينين كائنات بين بنادم و لأرباب، لي كيتسماو باساياوناك Basajaunak، يعني لأسياد د لغابة، لي كيكونو مزّغبين و صحاح بزاف، و دايرين بحال جنون مزيانين لي كيحميو لماشية و عندهم لأسرار ديال الزراعة. بعض لقيصاص كيݣولو بلي هوما ولاد دب معا مرا بنادمية. لباساياوناك و لمايرياك Mairiak ولّا يينتيلاك Jentilak، لعمالقة لوتنيين، كيتّعتابرو هوما لبنّايا ديال لقلدات لميݣالاتية، بحال الضولمينات و لكرومليكات، ف بلاد لباسك. على حساب لأسطورة د كيشمي Kixmi، هاد لعمالقة و الربة ديالهم ماري غبرو ملي جات لمسيحية.[2]
هاد لمعتقدات مابقاش عندهم شي تأتير ليوم، و الناس كياخدوهم بحال شخصيات خيالية.
- ↑ d'Huy, Julien; Le Quellec, Jean-Loïc (2012). "Les Ihizi: et si un mythe basque remontait à la préhistoire?". Mythologie Française, 246: 64-67.
- ↑ ""Xan de l'Ours, la légende de l'homme sauvage" de Marc Large, préface de Renaud, éditions Cairn". Archived from the original on 2009-08-25. Retrieved 2025-02-24.