أرمينڭو بليز
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
| أرمينڭو بليز | |
|---|---|
| معلومات عامة | |
| تزاد | 1264 ✎ |
| تاريخ د لموت | 1312 ✎ |
| لّوغات لي كيعرف | اللاتينية ✎ |
| القراية والتكوين | |
| لمدرسة الأم | Faculté de médecine de Montpellier ✎ |
| لكاريير ديال الشخص | |
| لحرفة | طبيب، طرجمان ✎ |

أرمينݣو بليز (مات ف 1312) كان طبيب ومترجم ومؤلف فـ المملكة ديال أراݣون وأڤينيون البابوية. ترجم خصوصا الأعمال ديال الطب من العربية للاتينية، ب زيادة على ترجمة وحدة من لعبرية بالمساعدة ديال واحد الصديق يهودي. من بين المؤلفين لي ترجمهم كاين ݣالينوس، بن سينا، وموسى بن ميمون. ألف جوج ديال الأعمال طبية أصلية باللاتينية، وحدة منهم تترجمات وقت قصير من بعد للعبرية.
كان الأب ديال أرمينݣو بليز هو الأخ ديال الزوجة ديال الطبيب والمصلح الديني أرناو دي ڤيلانوڤا.[1] قرا الطب فـ الجامعة ديال مونپوليي، وفـ 1289 خدا الدكتورا ديالو من عند الأسقف بيرينݣار فريدول، وخا كانو إعتراضات ديال الأساتذة. فـ شتنبر 1296، كان خدام فـ جيرونا. غالبا بسباب التأثير ديال أرناو دي ڤيلانوڤا، لي نضمّ للهيئة ديال التدريس ديال مونپوليي فـ التسعينات ديال القرن 13، رجع أرمينݣو للمدينة فـ 1299.[1]
فـ 1301، كان أرمينݣو هو الطبيب الخاص ديال الملكة بلانش ديال أراݣون، وكان عايش ف برصلونة ومرة مرة كايمشي للقصر. ف 1303، حتى الملك جاك الثاني عينو طبيب خاص ديالو، وبقى أرمينݣو ثلث سنين وهو عايش فـ القصر الملكي. مشى يزور أرناو دي ڤيلانوڤا فـ مونپوليي فـ يوليوز 1305. بين أكتوبر 1306 ويناير 1307، خرج من القصر ديال أراݣون باش يخدم طبيب ديال البابا كليمنت الخامس فـ أڤينيون. فـ ماي 1309، قدر يحصل على منافع كنسية لولادو بجوج، طوماس وبرنارد، لي كانو مازالين صغار. مات فـ 1312.[1]
دار خمسة ديال الترجمات وكتب جوج أعمال أصلية، كلها باللاتينية. [1] ترجم Cantica ديال بن سينا مع الشرح ديال بن رشد مباشرة من العربية فـ مونپوليي، ما بين 1283 و1284.[1][2] كمل ترجمة ديال De cognitione vicium ديال ݣالينوس، اللي كانت مترجمة من اليونانية للعربية قبل فـ مونپوليي فـ 1299.[1]
فـ 1290، ترجم أرمينݣو لللاتينية Quadrans circuli ديال يعقوب بن ماخير. فـ اللخر ديال النص ديال هاد الترجمة مكتوب بلي تعملات de hebreo in Latinum ... secundum vocem eius ("من العبرية للاتينية على حساب الكلام ديالو")، لي تقدر تعني باللي يعقوب هو اللي ترجم العمل ديالو من العبرية للغة الرومانسية باش كان كايتكلم، باش أرمينݣو يقدر يترجمو للاتينية.[3]
فـ 1294، ترجم أرمينݣو De asmate ديال موسى بن ميمون.[4] [1] على حساب الحرد ديال المتن، تعملات الترجمة ab arabico mediante fideli interprete ("من العربية بالواسطة ديال مترجم ثقة"). هاد الشي كايبين بلي أرمينݣو ما كانش كايعرف يقرا الحروف العبرية اللي كانت مكتوبة بها العربية ديال موسى بن ميمون، وكان خاص شي واحد كايقراها ليه بصوت عالي، وكايكون غالبا يعقوب بن ماخير.[1] فـ اللخر ديال 1305، كمل الترجمة ديال De venenis ديال موسى بن ميمون فـ برشلونة، غالبا بنفس الطريقة.[1] عملها إهداء للبابا كليمنت الخامس. [3]
بقا غير مخطوط واحد ديال كتاب Aphorismi ديال أرمينݣو. فيه تقريبا عشرين مقولة مختصرة على التغدية والبول، على الغرار ديال Aphorisms ديال أبقراط وParabole medicationis ديال أرناو دي ڤيلانوڤا لي كملها فـ 1300. [5] Tabula antidotarii جدول ديال الخلطات الطبية، وبقات فـ سبعة ديال المخطوطات. كاين إختلاف كبير بين النسخ. العدد ديال الخلطات اللي فيها غادية من 49 حتى ل73، والأصل ديالها كان غالبا فيه 68 خلطة.[6] كاينين ستة ديال الأعمدة ف الجدول: عمود للسمية ديال الخلطة، وخمسة ديال الأعمدة لخرة لي كاتكلم على المكونات ديالها، الخصائص الفيزيائية، الفوائد الطبية، الجرعات، والطريقة ديال الإستعمال. [7] فـ 1306، من بعد ما تطردو اليهود من فرانسا، تترجم Tabula antidotarii للعبرية فـ برشلونة من الطرف ديال إستوري ها-بارحي، لي كان صديق ديال يعقوب بن ماخير.[8] كاينين ثلاثة ديال النسخ من هاد الترجمة العبرية. [9]
- 1 2 3 4 5 6 7 8 9 McVaugh & Ferre 2000, pp. 1–2.
- ↑ Thorndike 1923, p. 845n.
- 1 2 McVaugh & Ferre 2000, pp. 2–3.
- ↑ Thorndike 1923, dates this work to 1302.
- ↑ McVaugh & Ferre 2000, pp. 3–4.
- ↑ McVaugh & Ferre 2000, p. 10.
- ↑ McVaugh & Ferre 2000, pp. 4–5.
- ↑ McVaugh & Ferre 2000, pp. 10–11.
- ↑ McVaugh & Ferre 2000, p. 17.
- McVaugh, Michael R. (1997). "Armengaud Blaise as a Translator of Galen". In Edith Sylla; Michael R. McVaugh (eds.). Texts and Contexts in Ancient and Medieval Science: Studies on the Occasion of John E. Murdoch's Seventieth Birthday. Brill. pp. 115–134. doi:10.1163/9789004247321.
- McVaugh, Michael R. (2011). "The Medieval Appropriation of Maimonides" (PDF). IMF–CSIC Working Papers. 1: 5–15.
- McVaugh, Michael R., ed. (2019). "Latin Translations". Maimonides, On the Regimen of Health: A New Parallel Arabic–English Translation. The Medical Works of Moses Maimonides. Vol. 12. Brill. pp. 225–335. doi:10.1163/9789004394193.
- McVaugh, Michael R.; Ferre, Lola, eds. (2000). "The Tabula Antidotarii of Armengaud Blaise and Its Hebrew Translation". Transactions of the American Philosophical Society. New series. 90 (6): 1–218. JSTOR 1586009.
- Shatzmiller, Joseph (2002). "Review of [[#CITEREFMcVaughFerre2000|McVaugh & Ferre 2000]]". Bulletin of the History of Medicine. 76 (2): 358–359. doi:10.1353/bhm.2002.0095.
{{cite journal}}: URL–wikilink conflict (معاونة) - Thorndike, Lynn (1923). A History of Magic and Experimental Science During the First Thirteen Centuries of Our Era. Vol. 2. Macmillan.
- Thorndike, Lynn (1937). "Date of the Translation by Ermengaud Blasius of the Work on the Quadrant by Profatius Judaeus". Isis. 26 (2): 306–309. doi:10.1086/347177.