أدخس
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
أدخس ولّا اللبا ولا أدغس (ب النݣليزية Colostrum) هوّ حليب كاتنتجو نتوة ديال بنادم ولّا حيوان بزولي خور نيشان من مور ما كاتولد.[1] عند أغلبية د لأنواع كيبدا لإنتاج د أدغس قبل شوية من لولادة. أدغس كيكونو فيه مركبات بيولوجية نشيطة (بيونشيطة bioactive) كتر من لحليب لعادي، لي كايعطي ل لمولود داكشي لي كيحتاج ليه باش تكون عندو أحسن بدية ف لحياة. متلا كيكونو فيه ݣسدات مضادين لي كيحميو لمولود من لأمراض و التعفونات، و بيونشيطات خرين لي كيعاونو ف لمناعة و النمو، كيعاونو لمصارن باش يبداو خدمتهم مزيان، و كيزرعو ميكروبيوم صحيح ف ليامات اللولة ديال لحياة. لبيونشيطات ضروريين ل لمولود على ود صحتو، و النمو و لحيوية ديالو.[1] أدغس كيكون عامر ب كويرات د الدم بيضا لي كاتحمي لمولود من لعدوى. لّون ديالو صفر ؤ فيه مقدار زايد ديال لڤيطامينات ؤ لپروتينات، ؤ عند بعض لكائنات بحال لخرفان كيكونو حتا دّهون زايدين، باش يعطيو ل لمولود طاقة ؤ مناعة زايدة.
على حساب محمد شفيق، هاد لحليب كيتسمى "أدغس" ولّا "أدغاس" ف فاس و "اللبا" عند لحياينة.[2] على حساب محمد بوسلام، الصيغة د الجمع ديال "أدخس" هيّ "أدخسان".[3]
- 1 2 Ballard O, Morrow AL (February 2013). "Human milk composition: nutrients and bioactive factors". Review. Pediatric Clinics of North America. 60 (1): 49–74. doi:10.1016/j.pcl.2012.10.002. PMC 3586783. PMID 23178060.
- ↑ محمد شفيق (1999). الدارجة المغربية، مجال توارد بين الأمازيغية و العربية. أكاديمية المملكة المغربية. pp. 34 و 44.
- ↑ محمد بوسلام (2015). معجم الدارجة المغربية: الجذور و الاختلافات الجهوية الجزء الأول (أ-ح) (ب العربية و الدارجة). p. 41.
