آن فرانك
آن فرانك
| ||
.jpg) | ||
| معلومات عامة | ||
| زيادة | 12 يونيو 1929 Maingau Clinic of the Red Cross (جمهورية ڤايمار) | |
| لموت | فبراير 1945 (15 عام) معسكر بيرغن بيلسن (ألمانيا النازية) | |
| طريقة دلموت | موتة ماشي طبيعية | |
| سباب لموت | حمى نمشية | |
| لجنسية | بدون جنسية (1941–) ألمانيا النازية (–1941) جمهورية ڤايمار | |
| لحرفة | كتاتبي د ليوميات | |
| لّوغات لي كيعرف | لهولاندية و لألمانية | |
| لفاميلة | ||
| لواليد | أوتو فرانك | |
| لواليدة | إديث فرانك | |
| خوت | مارغوت فرانك و إيفا شلوس | |
| لمحيط | إيفا شلوس (أخت غير شقيقة) | |
| معلومات خرى | ||
| دين | يهودية إصلاحية | |
| لأعمال |
| |
| سّيت رّسمي | https://www.annefrank.org | |
| لجوايز |
| |
 | ||
         | ||
آن فرانك (بالألمانية: Anne Frank) (خلاقت فـ 12 يونيو 1929 فـ فرانكفورت، ألمانيا - ماتت فـ فبراير ولا مارس 1945 فـ معسكر بيرݣن بيلزن، ألمانيا النازية) هي كاتبة يهودية ألمانية، اشتهرات فـ العالم كامل بعد ما ماتت بسباب الكناش د المذكرات ديالها لي نتشر تحت عنوان "مذكرات بنيتة صغيرة".[1] هاد المذكرات كايعاودو على التجربة ديالها ملي كانت متخبية هي وعائلتها فـ الوقت لي كانت فيه هولاندا محتلة من طرف ألمانيا النازية فـ الحرب العالمية الثانية، ومذكراتها كاتعتابر من أكتير الكتوبا لي كايتقراو فـ العالم وصاوبو عليها بزاف د الأفلام والمقاطع المسرحية.[2]
فـ عام 1933، ملي طلع الحزب النازي للحكم فـ ألمانيا، رحلات آن وعائلتها لـ أمستردام فـ هولاندا. ملي بدا الاحتلال النازي لـ هولاندا فـ 1940، وحلو تماك وما قادينش يخرجو. فـ يوليوز 1942، ملي زاد الكره والضغط على اليهود، قررات العائلة د فرانك مع شي صحابهم يهود يتخبعو فـ بيت سري فـ العمارة د الخدمة ديال باها، أوتو فرانك.[3]
عاشو فـ هاد البيت السري تقريبًا 25 شهر، ولكن فـ 4 غشت 1944 اكتشفو النازيين الخبية ديالهم (أبحاث جديدة كاتقول بلي تقدر تكون غير بالزهر ماشي بسباب خيانة)، وشدو هادوك التمانية د اليهود لي كانوا متخبعين، ومنهم آن فرانك، وصيفطوهم لـ معسكر آوشفيتز.
ماتت آن فرانك بمرض التيفوس فـ معسكر التجميع بيرݣن بيلزن ملي كانت عندها غير 15 عام، بضع أيام بعد ما ماتت أختها مارݣوت فرانك، وسبع شهور بعد ما تشدات.[4]
ملي شدوهم النازيين، لقاو جوج نسوان كانوا كايعاونوهم، ميب ݣيس وبِپ فاسكويل، الأوراق د المذكرات لي كتبتهم آن مطيشين فـ الأرض. جمعاتهم ميب ݣيس وخباتهم بلا ما تقراهم حتال بعد الحرب.
باها، أوتو فرانك، هو الوحيد لي منع وعاش من هاديك المجموعات، ورجع لـ أمستردام ولقى المذكرات د بنتو. قرر ينشرهم تكريمًا للذكورة د عائلتو، وخرج الكتاب لأول مرة فـ 1947 بالهولاندية، ومن بعد اترجم للينݣليزية فـ 1952 تحت عنوان "مذكرات بنيتة صغيرة". هاد الكناش د المذكرات عطاتوه لـ آن فرانك هدية فـ عيد ميلادها الـ13، وكتبات فيه من 12 يونيو 1942 حتال 1 غشت 1944.
الدار لي عاشت فيها العائلة متخبية كتر من عامين فـ أمستردام تحولات فـ ماي 1960 لـ متحف سميتو "دار آن فرانك"، ولي ولا واحد من أكتير المتاحف لي كايزوروها الناس فـ هولاندا.
- مذكرات بنيتة صغيرة (كتاب المذكرات ديالها لي اترجم لبزاف د اللغات)
- دار آن فرانك (المتحف فـ أمستردام)